Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Isaia 53: I Jesoa Kristy dia “nitondra ny aretintsika … sady nivesatra ny fahoriantsika”

“Isaia 53: I Jesoa Kristy dia -nitondra ny aretintsika … sady nivesatra ny fahoriantsika,-” Testamenta Taloha: Boky torolalana ho an’ny mpampianatra seminera (2026)

“Isaia 53: I Jesoa Kristy dia -nitondra ny aretintsika … sady nivesatra ny fahoriantsika,-” Testamenta Taloha: Boky torolalana ho an’ny mpampianatra seminera

Isaia 50–57: Lesona 124

Isaia 53

I Jesoa Kristy dia “nitondra ny aretintsika … sady nivesatra ny fahoriantsika”

Jesus Christ Carries His Cross through the streets on His way to be crucified on Calvary Hill. An angel shows this experience to Nephi after he inquires about Lehi's vision.

Ny fahasarotana lalovantsika eto amin’ny fiainana an-tany dia mety mahatonga antsika hanontany tena raha toa ka misy olona mahatakatra ny zavatra iainantsika sy ny hoe misy ve ny olona afaka manampy antsika. Tamin’ny alalan’ny sorona fanavotana nataony no nahatsapan’i Jesoa Kristy ny zavatra rehetra mety iainantsika eto amin’ny fiainana an-tany. Noho ny Sorompanavotany dia afaka manampy antsika ao anatin’ny fijaliantsika i Jesoa Kristy. Ity lesona ity dia afaka manampy ny mpianatra hahatsapa fankasitrahana noho ny zavatra nataon’ny Mpamonjy ho azy ireo tamin’ny alalan’ny Sorompanavotany.

Fanomanana ny mpianatra: Asao ny mpianatra hanao tsianjery ny andinin-tsoratra masina fifehezana fotopampianarana Isaia 53:3–5 sy ny andian-teny manan-danja ao amin’ny soratra masina manao hoe “Nitondra ny aretintsika tokoa [i Jesoa Kristy] sady nivesatra ny fahoriantsika.”

Sahanasa fianarana azo atao

Zavatra nolalovana teo amin’ny fiainana

Mba hanampiana ny mpianatra hisaintsaina ny zavatra niainan’i Jesoa Kristy ho azy ireo tao anatin’ny Sorompanavotany, dia hevero ny hanoratra hoe, “Tsy misy mahafantatra hoe manao ahoana izany. Tsy misy mahatakatra izany,” eny amin’ny solaitrabe.

Inona avy ireo traikefa sasantsasany mety hananan’ny olona ka mety mahatonga azy ireo hieritreritra toy izany?

Hevero ny hanoratra ny valintenin’ny mpianatra eny amin’ny solaitrabe. Manomeza fotoana hahafahan’ny mpianatra maromaro mizara.

Avy eo dia asehoy ireto fisarihan-tsaina sy fanontaniana manaraka ireto.

Eritrereto ny valinteny izay homenao amin’ireto fanontaniana manaraka ireto:

Inona avy ireo traikefa niainako na mety hiainako ka mety hahatonga ahy hieritreritra toy izany?
Inona no ataoko rehefa mahatsapa toy izany aho? Nahoana?

Amporisiho ny mpianatra hanasa ny Fanahy Masina ao anatin’ny fandalinan’izy ireo rehefa mianatra momba ny zavatra niainan’ny Mpamonjy sy ny fomba ahafahany manampy azy ireo.

Ny Sorompanavotan’ny Mpamonjy

Mahafantatra sy mahatakatra tanteraka ny zavatra iainantsika eo amin’ny fiainantsika amin’ny alalan’ny Sorompanavotany i Jesoa Kristy. Ao amin’ny Isaia 53, dia nampianatra momba ny sorompanavotan’i Jesoa Kristy ny mpaminany Isaia.

Ny Isaia 53:3–5 dia andalan-tsoratra masina fifehezana fotopampianarana. Hevero ny hanasa ny mpianatra hanisy marika amin’ny fomba miavaka ireo andinin-tsoratra masina fifehezana fotopampianarana mba ho mora aminy ny mahita ny toerana misy azy.

Afaka mahazo fampiononana sy mampitombo ny fifandraisan’izy ireo amin’ny Ray any An-danitra sy i Jesoa Kristy amin’ny alalan’ny fandalinana manokana ny Isaia 53 ny mpianatra. Fomba iray azonao hanasana ny mpianatra handalina ny Isaia 53 ity sahanasa manaraka ity.

Vakio ny Isaia 53:1–12 sy ny Almà 7:11–13, ka tadiavo:

Ny zavatra niainan’ny Mpamonjy tao anatin’ny Sorompanavotany, ary
Ny zavatra azon’ny Mpamonjy atao ho ahy noho ny Sorompanavotany.

Azonao atao ny mamorona tsanganana roa ao amin’ny pejy tsy misy soratra ao amin’ny diary fandalinanao mba hiraketana ny zavatra hitanao.

Ny zavatra niainan’ny Mpamonjy	Ny zavatra azon’ny Mpamonjy atao ho ahy

Rehefa avy nomena fotoana ampy handalinana ny mpianatra dia alamino ho vondrona kely maromaro izy ireo. Asao hifanakalo hevitra sy hamintina ny zavatra nianaran’izy ireo avy tamin’ny fandalinan’izy ireo ny mpianatra. Afaka mizara ny valintenin’izy ireo amin’ny iray kilasy ny vondrona vitsivitsy. Ny mpianatra dia afaka namantatra fahamarinana toy ny hoe:

Tao anatin’ny Sorompanavotany i Jesoa Kristy no nitondra ny alahelontsika, ny fanaintainantsika, ny aretintsika, ny fahoriantsika, sy ny fangirifiriantsika ary nijaly noho ny fahotantsika.
Voavela heloka sy sitrana isika amin’ny alalan’i Jesoa Kristy sy ny Sorompanavotany.

Ho ahy ny Sorompanavotan’ny Mpamonjy

Avereno vakina mangina samirery ny Isaia 53:3–6 saingy amin’ity indray mitoraka ity, dia soloy amin’ny anaranao, na izaho, na ahy ireo teny hoe ny antsika, sy isika, ary antsika.

Inona no zavatra nianaranao na tsikaritrao ka tsy hitanao talohan’ny nampiharanao io andininy io tamin’ny tenanao?

Raha mahazo tombony ny mpianatra amin’ny fandalinana fanampiny mikasika ny fomba niainan’ny Mpamonjy manokana ny fijaliantsika tao anatin’ny Sorompanavotany dia azonao atao ihany koa ny manasa ny mpianatra handalina ity teny manaraka nambaran’ny Loholona Bednar ity. Hevero ny hampiseho ny teny nambaran’ny Loholona Bednar sy hanasa ny mpianatra hitady teny na andian-teny ao amin’ilay teny nambara izay manampy azy ireo hahatakatra izay nanjo ny Mpamonjy sy ny Sorompanavotany.

Ny Loholona David A. Bednar ao amin’ny Kôlejin’ny Apôstôly Roambinifolo dia nampianatra momba ny maha-tena mahakasika ny tena manokana ny sorona nataon’ny Mpamonjy:

16:24

Tsy misy fanaintainana ara-nofo, tsy misy ratra ara-panahy, tsy misy fangirifirian’ny fanahy na ratram-po, tsy misy kilema na fahalemena izay mety hatrehako sy hatrehanao ety an-tany ka tsy efa niainan’ny Mpamonjy aloha. Ao anatin’ny fotoana mampahalemy antsika dia mety hiantsoantso isika hoe: “Tsy misy mahafantatra hoe manao ahoana izany. Tsy misy afaka mahatakatra izany.” Kanefa ny Zanakalahin’ Andriamanitra dia mahafantatra tanteraka sy mahatakatra tsara, satria efa nahatsapa sy nitondra ny enta-mavesatsika tsirairay Izy. Ary noho ny sorona tsy manam-petra sy mandrakizay nataony (jereo ny Almà 34:14) dia manana fangorahana tanteraka Izy ary afaka manolotra amintsika ny sandrin’ny famindram-pony. Afaka manolo-tanana Izy, mikasika, manampy, manasitrana ary mampatanjaka antsika mba hahatonga antsika ho lehibe kokoa noho izay azontsika ahatongavana ary hanampy antsika hanao izay tsy ho vitantsika mihitsy raha ny herintsika manokana no ianteherantsika. (“Mitondra mora foana ny enta-mavesany,” Liahona, mey 2014, 90)

Inona no holazainao amin’ny olona iray izay mahatsapa fa tsy misy mahatakatra ny zavatra iainan’izy ireo? Andramo ampiasaina ireo teny na andian-teny avy ao amin’ny Isaia 53, Almà 7:11–13, ary ny teny nambaran’ny Loholona Bednar.

Misaintsaina ny Sorompanavotan’ny Mpamonjy

Ireto fanontaniana manaraka ireto dia afaka manampy ny mpianatra hisaintsaina ny fankasitrahan’izy ireo ny Sorompanavotan’ny Mpamonjy. Ampio ny mpianatra hamaly ireo fanontaniana amin’ny alalan’ny fanomezana azy ireo minitra vitsivitsy hisaintsainana na hanoratana ny valinteniny.

Ny fanomezana fotoana ny mpianatra hisaintsainana dia manampy azy ireo hisaintsaina ny fifandraisan’izy ireo amin’i Jesoa Kristy. Hevero ny handefa mozika mangina sy masina rehefa misaintsaina na manoratra ny eritreriny ny mpianatra.

Amin’ny alalan’ny fampiasana ny zavatra nianaranao androany momba ny Mpamonjy sy ny Sorompanavotany dia ahoana no hamalianao ireto fanontaniana manaraka ireto:

Nahoana no i Jesoa Kristy no olona tsara indrindra hitodihana rehefa miaina alahelo, na fanaintainana, na fahoriana?
Ahoana no nahatsapanao na ny olona iray fantatrao ny fampiononan’ny Mpamonjy rehefa niaina alahelo, na fanaintainana, na fahoriana?

Fanaovana tsianjery

Azonao atao ny manampy ireo mpianatra hitadidy ilay toko sy andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nandritra ity lesona ity, ary mamerina mijery izany mandritra ireo lesona hafa any aoriana any. Ny andian-teny manan-danja ao amin’ny Isaia 53:3–5 dia ny hoe “Nitondra ny aretintsika tokoa [i Jesoa Kristy] sady nivesatra ny fahoriantsika.” Ireo hevitra ho an’ny sahanasa fanaovana tsianjery dia hita ao amin’ny tovana etsy ambanin’ny “Sahanasa famerenana fifehezana fotopampianarana.”

Loharanom-pitaovana fanampiny

Ahoana no ahafahan’i Jesoa Kristy manampy ahy?

Nijoro ho vavolombelona ny Loholona Ulisses Soares ao amin’ny Kôlejin’ny Apôstôly Roambinifolo hoe:

11:10

Ny Mpamonjy dia manolotra antsika fanampiana sy fampiononana rehefa miatrika ireo fahoriana sy fakam-panahy ary fahalemena iainantsika amin’ny fiainana an-tany isika. …

Afaka manome toky anareo aho fa i Kristy dia mahafantatra foana ireo zava-tsarotra iainantsika eto amin’ny fiainana an-tany. Takany avokoa ny alahelo sy ny fijaliana ary ny fanaintainana ara-batana ary koa ireo olana ara-pihetseham-po sy ara-panahy atrehintsika. Feno famindram-po ny kibon’ny Mpamonjy, ary vonona mandrakariva Izy hamonjy antsika. Vitany izany satria niainany manokana ary nalainy tao anatin’ny nofo ny fanaintainana avy amin’ny fahalementsika sy ny kilemantsika.

Tamin’ny halemem-panahy sy fanetrentena no nidinany ambanin’ny zava-drehetra sy nanekeny hatao tsinontsinona, nolavina ary nalain’ny olona baraka, noratraina noho ny fandikan-dalàna nataontsika sy ny helotsika. Niaritra ireo zavatra ireo Izy ho an’ny rehetra, ka nitondra teo Aminy ny fahotan’izao tontolo izao. … (“I Jesoa Kristy ilay mpikarakara ny fanahitsika,” Liahona, mey 2021, 83–84)

Inona no azoko atao rehefa manontany tena aho hoe nahoana no sarotra ny fiainana?

Nanazava Rahavavy Michelle D. Craig izay efa tao amin’ny Fiadidian’ny Zatovovavy maneran-tany teo aloha hoe:

11:16

Rehefa sedraina ny finoanao na ny fianakavianao na ny hoavinao, rehefa manontany tena ianao hoe nahoana ny fiainana no mafy tokoa nefa ianao manao izay vitanao amin’ny fiainana ny filazantsara, dia tsarovy fa ny Tompo efa nilaza tamintsika fa tokony hanampo olana isika. Tafiditra ao anatin’ilay drafitra ireo olana ary tsy midika izany hoe nafoy ianao; tafiditra amin’ilay antsoina hoe maha mpianany izy ireny. Izy rahateo moa “lehilahy ory sady zatra ny fahoriana” (Isaia 53:3). (“Amin’ny fo manontolo,” Liahona, nôv. 2022, 60)

Isaia 53:2. Inona no azoko ianarana momba ny Mpamonjy avy amin’ireo andian-teny hoe “zana-kazo madinika” sy ny hoe “tsy nanana endrika na fahatsaran-tarehy”?

Nampianatra izao ny Filoha Joseph Fielding Smith (1876–1972):

Moa ve tsy nitombo toy ny zana-kazo madinika i Kristy? Tsy nisy na inona na inona mikasika Azy ka nahafahan’ny olona nanavaka Azy. Raha ny endrika ivelany dia toy ny lehilahy rehetra Izy; ka dia voalazan’ny mpaminany eto fa tsy nanana endrika na fahatsaran-tarehy Izy, izany hoe tsy dia niavaka loatra izy, tsy nisy nahasamihafa azy loatra tamin’ny hafa, ka hoe mety ahafantaran’ny olona azy hoe Zanak’ Andriamanitra. Niseho tamin’ny naha-olona mety maty Azy Izy. (Doctrines of Salvation, nangonin’i Bruce R. McConkie [1954], 1:23)

Sahanasa fianarana fanampiny

Isaia 53:10: “Tarana[ny]”

Naminany i Isaia fa i Jesoa Kristy dia “[h]anolotra fanati-panonerana” ary “hahita taranaka” (Isaia 53:10). Mba hanampiana ny mpianatra hahatakatra ny dikan’ny hoe taranany dia hazavao fa ny hoe “taranaka” dia midika hoe “zanaka.” Azonao zaraina amin’ny mpianatra ireto andinin-tsoratra masina manaraka ireto ary asao izy ireo hitady hoe iza no taranaky ny Mpamonjy ary inona avy ireo fitahiana miandry azy ireo:

Salamo 25:13
Salamo 89:29
Môzià 5:7
Môzià 15:10–14
Môzià 27:25

Fanampiana fanampiny mba hahatakarana ny Isaia 53:3–5

Mba hanampiana ireo mpianatra eo am-pandalinan’izy ireo ny Isaia 53:3–5, dia azonao atao ny manasa azy ireo hitady ilay lahatsoratra hoe “Ilay Mpamonjy izay mijaly” ao amin’ny Aprily 2022 gazetiboky Ho Zatovo Mahery.