Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Isaia 51–52: “Mihainoa Ahy”

“Isaia 51–52: -Mihainoa Ahy,-” Testamenta Taloha: Boky torolalana ho an’ny mpampianatra seminera (2026)

“Isaia 51–52: -Mihainoa Ahy,-” Testamenta Taloha: Boky torolalana ho an’ny mpampianatra seminera

Isaia 50–57: Lesona 123

Isaia 51–52

“Mihainoa Ahy”

Jesus Christ reaching out his hand near water outdoors, closeup

Tamin’ny alalan’i Isaia no niresahan’ny Tompo tamin’ny vahoakan’ny fanekempihavanany, na ny fahiny izany na ny ankehitriny. Nanome fampanantenana mahafinaritra ho azy ireo Izy raha toa izy ireo ka misafidy ny hihaino ny fanasany feno fitiavana. Amin’ny maha-vahoakan’ny fanekempihavanany antsika, ny Tompo ihany koa dia manolotra izany fampanantenana sy fanasana izany amintsika. Ity lesona ity dia afaka manampy ny mpianatra hihaino ny fanasan’ny Mpamonjy.

Fanomanana ny mpianatra: Asao ireo mpianatra hisaintsaina ny fotoana nankatoavany na ny olona iray fantatr’izy ireo ny iray tamin’ireo fanasana na didin’ny Tompo ka nahazoany fitahiana. Ny lesona dia hanome fahafahana ny mpianatra izay vonona mba hizara.

Sahanasa fianarana azo atao

Iza no henoinao?

Hevero ny hanao lisitra eny amin’ny solaitrabe ahitana ireo olona voalaza etsy ambany na ireo hafa izay tsapanao fa afaka mitaona ny zatovo.

Ray aman-dreny, namana, mpampianatra, mpanazatra, mpisintona lakolosy amin’ny tambajotran-tserasera, olo-malaza

Iza araka ny eritreritrao no mety henoin’ny zatovo sy harahan’ny zatovo indrindra ny torohevitra omeny? Nahoana?
Nahoana no manan-danja ny hoe iza no henointsika sy harahantsika?

Rehefa mamaky ireto andininy manaraka ireto ny mpianatra dia azonao atao ny manamafy fa matetika ireo mpanoratra ao amin’ny soratra masina no mamerimberina ireo teny sy hevitra manan-danja mba hanamafisana ireo hevitra lehibe. Afaka manao fanazaran-tena mitady ireo teny sy andian-teny manan-danja miverimberina ao amin’ireto andininy manaraka ireto ny mpianatrao.

Vakio ny Isaia 51:1, 4, 7 mba hitadiavana ny hoe iza no tokony hohenoina sy harahan’ireo vahoakan’ny fanekempihavanan’ny Tompo araka ny torohevitra nomeny. Azonao atao ny manisy marika ny zavatra hitanao.

Asao hizara ny zavatra hitany ny mpianatra. Raha mila fanampiana ny mpianatra amin’ny fahatakarana ny teny hoe mihaino, dia hazavao fa araka ny fampianaran’ny Filoha Russell M. Nelson, ny hoe mihaino dia midika hoe “mihaino ombam-pikasana hankatò” (“Henoy Izy,” Liahona, mey 2020, 89).

Nahoana ny olona iray no maniry hihaino sy hanaraka ny torohevitry ny Mpamonjy mihoatra ny olon-kafa?

Saintsaino izay olana, ahiahy, na fanontaniana mety hanananao eo amin’ny fiainanao amin’izao fotoana izao. Eritrereto ireo fomba ahazoanao tombontsoa avy amin’ny fihainoana ny torohevitra sy ny fanasan’ny Mpamonjy eo am-pandalinanao ny Isaia 51–52.

“Mihainoa Ahy”

Vakio ny Isaia 51:1–2, dia tadiavo ireo sary sy tandindona nampiasain’i Isaia mba hamaritana ny fanasana avy amin’ny Tompo.

Asao ny mpianatra hizara ny zavatra hitany sy tsapany fa hevitra fonosin’ireo sary ireo.

Hazavao fa ny andian-teny hoe “Tsarovy ny vatolampy izay nakana anareo ”sy ny hoe tsarovy Abrahama rainareo sy Saraha (Isaia 51:1–2) dia entina ilazana ny fanasana nomen’ny Tompo mba hahatsiarovantsika an’i Abrahama sy i Saraha, izay nanaovan’ Andriamanitra ny fanekempihavanany (izay nantsoin’ Andriamanitra ihany koa hoe fanekempihavanan’i Abrahama). Midika izany fa tokony hotsarovantsika ny hitandrina io fanekempihavanana natao tamin’ Andriamanitra io.

Azonao atao ny manasa ny mpianatra hanoratra ity fehezan-teny tsy feno manaraka ity ao amin’ny diary fandalinan’izy ireo: Rehefa mitandrina ny fanekempihavanantsika amin’ny Tompo isika dia … Izy.

Midika inona aminao izany hoe mitandrina ny fanekempihavanantsika amin’ny Tompo izany?

Vakio ny Isaia 51:3, ka tadiavo ireo fitahiana nampanantenain’ny Mpamonjy rehefa mihaino Azy mba hitandrina ny fanekempihavanantsika isika.

Inona no hitanao?

Azon’ny mpianatra atao ny manampy hoe … hanome antsika ny fampiononana sy fifaliana ary haravoana Izy ilay fehezan-teny tsy feno.
Manampy antsika handray fampiononana, fifaliana, na haravoana amin’ny fomba ahoana ny fitandremantsika ny fanekempihavanana nataontsika tamin’ny Tompo?

Fanasana sy fitahiana

Soraty na asehoy eny amin’ny solaitrabe ity tabilao manaraka ity. Azon’ny mpianatra atao ihany koa ny mandika izany ao amin’ny diary fandalinany soratra masina. Azonao atao ny manampy ny zavatra hitan’ny mpianatra ao amin’ny Isaia 51:1–3 mba ho ohatra hakan-tahaka amin’izany. Ohatra, azonao ampiana hoe “Mitandrina ny fanekempihavanantsika amin’ny Tompo” eo amin’ny tsanganana ankavia ary “manome antsika fampiononana sy fifaliana ary haravoana” eo amin’ny tsanganana havanana.

Noraketin’i Isaia an-tsoratra ny fanasana sy fampanantenana maro avy amin’ny Tompo ao amin’ny Isaia 51–52. Raketo an-tsoratra ao amin’ny diarinao ireo fanasana sy fampanantenana hitanao rehefa mandalina ireo toko ireo ianao.

Ireo fanasana omen’ny Tompo ny vahoakan’ny fanekempihavanany	Ireo fampanantenan’ny Tompo ho an’ny vahoakan’ny fanekempihavanany
Ireo fanasana omen’ny Tompo ny vahoakan’ny fanekempihavanany	Ireo fampanantenan’ny Tompo ho an’ny vahoakan’ny fanekempihavanany

Inona no ampianarin’ireo fanasana ireo anao momba ny dikan’ny hoe mitandrina ny fanekempihavananao?
Inona amin’ireo fitahian’ny Tompo no tena tianao ho azo? Nahoana?
Iza amin’ireo fanasana nomen’ny Tompo araka ny eritreritrao no hanampy anao handray ny fitahiana katsahinao?

Fihainoana ny Tompo

Asao ny mpianatra hieritreritra ny zavatra nianarany avy amin’ny Rainy any An-danitra tamin’ny alalan’ny Fanahy Masina nandritra ny lesona. Fomba iray ahafahanao manao izany ity manaraka ity.

Saintsaino ny zavatra nianaranao androany sy izay fanasana na torohevitra tsapanao fa omen’ny Ray any An-danitra sy i Jesoa Kristy anao amin’ny alalan’ny Fanahy Masina. Valio ao anatin’ny diary fandalinanao soratra masina ity fanontaniana manaraka ity:

Inona no tsapanao fa asain’ny Tompo ataonao mba handraisanao ny fanampiany amin’ireo olana, ahiahy, na fanontaniana anananao?

Isaia 51:3, 12. Inona avy ireo fomba ahafahan’ny Mpamonjy mampionona antsika?

Nampianatra ny Loholona Ulisses Soares ao amin’ny Kôlejin’ny Apôstôly Roambinifolo fa:

11:10

Ho fanampin’ny fanomezana mendri-kaja ny famonjena dia nanolotra antsika fanampiana sy fampiononana ny Mpamonjy rehefa miatrika ireo fahoriana sy fakam-panahy ary fahalemena iainantsika eto amin’ny fiainana an-tany isika. … Afaka manome toky anareo aho fa i Kristy dia mahafantatra foana ireo zava-tsarotra iainantsika eto amin’ny fiainana an-tany. Takany avokoa ny alahelo sy ny fijaliana ary ny fanaintainana ara-batana ary koa ireo olana ara-pihetseham-po sy ara-panahy atrehintsika. Feno famindram-po ny kibon’ny Mpamonjy, ary vonona mandrakariva Izy hamonjy antsika. Vitany izany satria niainany manokana ary nalainy tao anatin’ny nofo ny fanaintainana avy amin’ny fahalementsika sy ny kilemantsika. (“I Jesoa Kristy ilay mpikarakara ny fanahintsika,” Liahona, mey 2021, 83)

Isaia 52:7. Entina hilazana an’iza ilay andian-teny hoe “Akory ny hatsaran’ny tongotr’iry mitondra teny soa mahafaly ery an-tendrombohitra sady mitory fidanana”?

Nanazava ny Filoha Jeffrey R. Holland ao amin’ny Kôlejin’ny Apôstôly Roambinifolo hoe:

Raha ny marina dia i Kristy no ilay feno hatsarana eny an-tendrombohitra. Ary ny fampanantenany feno famindram-po “eo amin’ity izao tontolo izao ity,” sy ny vaovao mahafalin’ny “fiainana mandrakizay any amin’ny tontolo ho avy” [F&F 59:23] no mahatonga antsika hiankohoka eo an-tongony sy hanamasina ny anarany ary hisaotra Azy noho ny famerenana amin’ny laoniny ny Fiangonany izay velona sy marina. (“The Peaceable Things of the Kingdom,” Ensign, nôv. 1996, 82)

Sahanasa fianarana fanampiny

Sahanasa fanampiny ho an’ny taratasy zaraina

Raha te hanampy sahanasa iray hafa ao amin’ilay taratasy zaraina ianao dia hevero ny hampiditra ireto manaraka ireto:

Vakio ny Isaia 51:15–16, hitadiavana ny zavatra nampanantenain’ny Tompo ny olony.

Mba hanampiana anao hahatakatra ilay andian-teny hoe “Ary nataoko eo am-bavanao ny teniko” (Isaia 51:16), dia vakio ny Fotopampianarana sy Fanekempihavanana 100:5–8, ka tadiavo ny fampanantenana mitovy amin’izany izay nomen’ny Tompo an’i Joseph Smith sy i Sidney Rigdon.

Mba hanampiana anao hahatakatra ilay andian-teny hoe “Ao amin’ny aloky ny tanako no nanaronako anao” (Isaia 51:16), dia saintsaino hoe miaro antsika amin’ny inona ny aloka.

Inona avy ireo fampanantenana hitanao?
Inona no ampianarin’ireo fampanantenana ireo anao momba ny Tompo sy ny zavatra ataony ho an’ny olony izay mitandrina ny fanekempihavanana nataon’izy ireo Taminy?

“Mifohaza, mifohaza” (Isaia 51:9, 17; 52:1)

Mba hanampiana ny mpianatra handalina ireo andininy ireo dia hevero ny hampiseho fanairana amin’ny famantarandro ary anontanio ny mpianatra raha toa ka mampiasa fanairana amin’ny famantarandro izy ireo mba hifohazana. Raha izany no izy dia anontanio izy ireo hoe tena mahomby tokoa ve ny fanairan’ny famantaranadro amin’ny fifohazana.

Inona araka ny eritreritrao no dikan’ny hoe matory ara-panahy?

Hazavao fa i Isaia, ao amin’ny Isaia 51:9–10, dia nanoratra fa tsapan’ny Isiraelita ho natory ny Tompo manoloana ny olan’izy ireo sy ny fitsapana nahazo azy ireo. Nitalaho izy ireo mba hifohazany sy hanampiany azy ireo tahaka ny nataony teo aloha. Azonao atao ny manontany ny mpianatra raha toa ka efa nanana fahatsapana tahaka ny an’ny Isiraelita izy ireo.

Avy eo dia hevero ny hanasa ny mpianatra hamaky ny Isaia 51:11–16, ka hitady ny valintenin’ny Tompo tamin’ny fitalahoan’ny Isiraelita.

Ahoana hoy ny Tompo raha nampahatsiahy azy ireo hoe iza Izy ary inona no azony atao?

Avy eo dia azon’ny mpianatra atao ny mamaky ny Isaia 51:17, ary mitady hoe iza no nambaran’ny Tompo fa natory ara-panahy. Avy eo izy ireo dia afaka mandalina ny Isaia 52, ka mitady ireo fanasana nomen’ny Tompo mba hanampiana antsika hifoha ara-panahy.

“Miravoravo sy manatraka mandrakizay ny lohanareo” (2 Nefia 9:3)

Azonao atao ny misafidy hifantoka amin’ny antony nisafidianan’i Jakôba hampiditra ireo toko ireo tao amin’ny toriteniny tamin’ireo Nefita ao amin’ny Bokin’i Môrmôna (jereo ny 2 Nefia 8). Asao ny mpianatra hamaky ny 2 Nefia 9:3, ka hitady ny iray amin’ireo antony nomen’i Jakôba. Asao ny mpianatra handalina ny Isaia 51–52, ka hitady ireo andian-teny izay afaka manampy olona iray hanandratra ny lohany sy hifaly.