Ushtrimi 8 i Zotërimit Doktrinor

Merreni parasysh t’i jepni çdo nxënësi një copë të vogël letre. Ftojini ata të shkruajnë një përshkrim të shkurtër të një situate të vështirë me të cilën po përballet dikush që ata njohin dhe më pas ta vendosin letrën e tyre në një enë të vogël. Kërkojuni nxënësve të mos përfshijnë emra ose hollësi që janë tepër vetjake pasi letrat e tyre do të lexohen nga nxënës të tjerë.

Më pas, vendosini nxënësit në dyshe. Vëreni secilën dyshe të zgjedhë dy letra nga ena e vogël dhe të plotësojë tre hapat më poshtë.

Pas një kohe të mjaftueshme, ftojini dyshet që t’i tregojnë klasës për atë që diskutuan.

Nëse nxënësve u nevojitet ndihmë për të përcaktuar një fragment të zotërimit doktrinor që gjen zbatim për situatën e tyre, mund t’i drejtoni ata te një fragment që mund të zbatohet për shumë situata, të tillë si Fjalët e Urta 3:5–6 ose 2 Nefi 32:3.

Kjo veprimtari duhet të zgjatë vetëm 10–15 minuta për t’u dhënë nxënësve kohë të mjaftueshme për t’i mësuar dhe zbatuar parimet e marrjes së njohurisë shpirtërore për pjesën e mbetur të mësimit.

Pjesa e mbetur e mësimit ka për qëllim t’i ndihmojë nxënësit që t’i zbatojnë parimet e marrjes së njohurisë shpirtërore në një situatë reale.

Merreni parasysh të paraqitni figurën e një të reje dhe skenarin më poshtë.

Skenari mund të duket më realist nëse i lini pjesët e nënvizuara bosh dhe i ftoni nxënësit t’i plotësojnë hapësirat bosh me doktrinën dhe standardet e Kishës që kanë lidhje me jetën e tyre.

Disa nga nxënësit tuaj mund të mos e gjejnë veten te Julia. Mund t’u kërkoni vullnetarëve që kanë përjetuar një situatë të ngjashme të përshkruajnë mënyrën se si ndihen dhe çfarë e bën të vështirë përballjen me të. Mund të vini në dukje se, pavarësisht nëse ata kanë pasur ose jo përvoja të ngjashme me të Julias, qëllimi i skenarit është t’i lejojë ata të ushtrojnë përdorimin e parimeve të marrjes së njohurisë shpirtërore dhe doktrinën që kanë mësuar kohët e fundit.

Kërkojuni nxënësve të përsëritin parimet në paragrafët 5–12 të pjesës “Marrja e Njohurisë Shpirtërore” te Dokumenti Bazë i Zotërimit Doktrinor, duke kërkuar parimet që mund ta ndihmojnë dikë që po përjeton një situatë të ngjashme me të Julias.

Kur nxënësit ta mbarojnë përsëritjen, jepuni atyre mjaft kohë për të diskutuar parimet që ata mendojnë se mund ta ndihmojnë Julian.

Bazuar në diskutimin e tyre, ju mund të zgjidhni pjesë nga materiali i mbetur i mësimit, që mund t’i ndihmojnë nxënësit tuaj t’i kuptojnë më mirë parimet e marrjes së njohurisë shpirtërore.

Merreni parasysh t’i paraqitni pyetjet vijuese dhe t’i ftoni nxënësit t’i diskutojnë përgjigjet e tyre në grupe të vogla. Lëvizni nëpër klasë dhe dëgjojini diskutimet e tyre duke shtuar pikëpamje ose udhëzim sipas nevojës.

Udhëzimet vijuese i lejojnë nxënësit ta tregojnë atë që gjetën. Para se të jepni secilin hap vijues, prisni derisa ata ta kenë përfunduar secilin hap.

(Përveç përsëritjes së paragrafit 8 te Dokumenti Bazë i Zotërimit Doktrinor te hapi 1, ju mund t’u jepni nxënësve edhe disa minuta për të studiuar pjesën “Këshillohuni me Burime të Besueshme” të materialit Të Kërkuarit e Përgjigjeve për Pyetjet Tuaja [Gospel Library [Biblioteka e Ungjillit], Tema dhe Pyetje].)

Kur nxënësit ta përfundojnë veprimtarinë, mund t’u kërkoni vullnetarëve të tregojnë pikëpamjet që u mësuan shokët e tyre të klasës. Mund t’i ftoni gjithashtu të shënojnë çdo mbresë që mund të kenë marrë për jetën e tyre.

Shtimi i sa vijon në skenarin e Julias mund t’i ndihmojë nxënësit të përgatiten për të diskutuar rëndësinë e burimeve ku drejtohemi në jetën tonë.

Merreni parasysh t’i ftoni nxënësit të diskutojnë për nxitjet në vijim me një partner.

Kur partnerët të mbarojnë së diskutuari, ftoni vullnetarë t’ia tregojnë klasës atë që diskutuan. Mund t’u kërkoni nxënësve të tregojnë arsyen përse u përgjigjën në atë mënyrë. Merreni parasysh t’i ndihmoni nxënësit të kuptojnë se burimet ku ata drejtohen mund t’i çojnë më afër ose më larg nga Ati Qiellor.

Për t’u dhënë nxënësve mundësinë të ushtrojnë kuptueshmërinë e mëtejshme nëpërmjet burimeve të caktuara në mënyrë hyjnore, partnerët gjithashtu mund të gjejnë dhe të tregojnë fragmente të zotërimit doktrinor që mund ta ndihmojnë Julian. Shembujt e fragmenteve që ata mund të përdorin përfshijnë: Jozueut 24:15; Fjalët e Urta 3:5–6; Isaia 5:20; Mateu 5:14–16; dhe Doktrina e Besëlidhje 6:36.

Mund ta përfundoni orën mësimore duke i ftuar nxënësit t’i përgjigjen plot lutje njërës prej pyetjeve vijuese në ditarët e tyre të studimit. Inkurajojini ata t’i kushtojnë vëmendje mbresave nga Fryma e Shenjtë ndërsa përsiatin dhe shkruajnë.