Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Isaia 49: “Unë të Kam Gdhendur mbi Pëllëmbët e Duarve të Mia”

“Isaia 49: ‘Unë të Kam Gdhendur mbi Pëllëmbët e Duarve të Mia’”, Manuali i Mësuesit të Seminarit për Dhiatën e Vjetër (2026)

“Isaia 49: ‘Unë të Kam Gdhendur mbi Pëllëmbët e Duarve të Mia’”, Manuali i Mësuesit të Seminarit për Dhiatën e Vjetër

Isaia 40–49: Mësimi 121

Isaia 49

“Unë të Kam Gdhendur mbi Pëllëmbët e Duarve të Mia”

The Christus statue in the Salt Lake North Visitors' Center. The sculpture portrays the resurrected Jesus Christ standing with His arms slightly extended. The wounds of the Crucifixion are visible in the hands, feet and side of the figure. The holdings include details of various parts (such as the hands or feet) of the sculpture.

Ati Qiellor dhe Jezu Krishti të njohin personalisht dhe në mënyrë të përsosur. Megjithatë, ndonjëherë ne i shohim sfidat e vdekshmërisë dhe thërrasim: “Zoti më ka braktisur” (shih tek Isaia 49:14). Fjalët e Isaias na sigurojnë se ne jemi gdhendur mbi pëllëmbët e Shpëtimtarit dhe nuk do të braktisemi apo harrohemi kurrë (shih tek Isaia 49:16). Ky mësim mund t’i ndihmojë nxënësit të ndiejnë se Ati Qiellor dhe Jezu Krishti na duan dhe nuk do të na harrojnë.

Përgatitja e nxënësve: Ftojini nxënësit të vijnë në orën mësimore pasi të kenë përsiatur për përvoja kur e ndien se Ati Qiellor dhe Jezu Krishti i kishin kujtuar ata. Ata mund të pyesin një pjesëtar të familjes ose një shok rreth përvojave kur kanë ndier se Ati Qiellor dhe Jezu Krishti i kujtuan.

Veprimtari të Mundshme të të Mësuarit

Të kujtuar nga Zoti

Merreni parasysh ta filloni orën mësimore duke paraqitur një figurë të luleve të vogla të quajtura “mosmëharro”.

Duke treguar një kujtim të fëmijërisë, Presidenti Diter F. Uhtdorf, asokohe i Presidencës së Parë, tha:

21:42

“Kur isha fëmijë dhe shihja lulet e vogla mosmëharro, nganjëherë u ndjeva pak si ato lule – i vogël dhe i parëndësishëm. Vrisja mendjen nëse do të harrohesha nga familja ime ose nga Ati im Qiellor.” (“Mosmëharro”, Liahona, nëntor 2011, f. 122)

Cilat janë disa arsye përse një adoleshent mund të ndihet i harruar nga të tjerët ose nga Ati Qiellor?
Çfarë di tashmë rreth Atit Qiellor dhe Jezu Krishtit që do të doje t’ia tregoje dikujt që ndihet se është i harruar?

Presidenti Uhtdorf vazhdoi:

21:42

“Vite më vonë, mund të shoh pas tek ai djalë i vogël me butësi dhe dhembshuri. Dhe unë e di tani – mua nuk më harruan kurrë. Dhe unë di diçka tjetër: si një Apostull i Mësuesit tonë, Jezu Krishtit, unë shpall me sigurinë dhe bindjen e zemrës sime – as ju! Ju nuk ju kanë harruar.” (“Mosmëharro”, Liahona, nëntor 2011, f. 122)

Përsiati përvojat e tua me Atin Qiellor dhe Jezu Krishtin ndërsa u përgjigjesh pyetjeve vijuese:

Sa i/e sigurt ndihesh se Ata të njohin dhe kujtohen për ty?
Çfarë përvojash ke pasur ti ose dikush që ti njeh që të ndihmojnë ta kuptosh më mirë sesa përsosurisht Ata të njohin dhe kujtohen për ty?

Ndërsa studion tek Isaia 49 sot, kërko mbresa nga Fryma e Shenjtë që dëshmojnë se Ati Qiellor dhe Jezu Krishti nuk do të të harrojnë kurrë.

Zoti nuk do ta harrojë Sionin

Mund të vini në dukje se Isaia ndonjëherë shkruan në mënyrë të atillë që fjalët e tij mund të shprehen nga një sërë njerëzish të ndryshëm, duke përfshirë Shpëtimtarin, vetë Isaian, Izraelin e besëlidhjes së lashtë ose edhe Izraelin e besëlidhjes së ditëve të sotme. Për shkak të këtij stili poetik, shkrimet e Isaias kanë zbatueshmëri të gjerë në mjedise dhe rrethana të ndryshme. Kjo është arsyeja përse Nefi u ndie shumë i lirshëm për t’i krahasuar fjalët e Isaias me veten dhe popullin e tij (shihni te 1 Nefi 19:23).

Gjithashtu, mund t’u shpjegoni nxënësve se kur Ai e thirri Isaian për të predikuar pendim, Zoti e dinte se mesazhi nuk do të pritej mirë (shihni tek Isaia 6:9–10). Mund t’i pyesni nxënësit se si do të ndiheshin në lidhje me një detyrë të ngjashme.

Lexo tek Isaia 49:4–5, duke menduar rreth arsyes përse Isaia mund të jetë ndier në këtë mënyrë. Më pas lexoji ato duke menduar rreth mënyrës përse populli i besëlidhjes së Perëndisë mund të ndihej në këtë mënyrë.

Edhe kur vuajmë, çfarë na ndihmojnë këto vargje të kujtojmë rreth Zotit?

Lexo tek Isaia 49:13–16, duke kërkuar atë që donte Zoti që të kuptonte populli i Tij i besëlidhjes (Sioni).

Si do ta përmblidhje këtë si një pohim të vërtete?

Nxënësit mund të përdorin fjalët e tyre, por ndihmojini ata të dallojnë të vërtetën që Zoti na do dhe nuk do të na harrojë ose braktisë kurrë.

Në përgatitje për veprimtarinë vijuese në ditar, mund të paraqitni figura të Shpëtimtarit në kryq dhe të shenjave të gozhdëve në duart e Tij të ringjallura.

Christ hanging on a cross at Calvary. Two thieves, also hanging on crosses are at the left and right of Christ. Numerous observers, including Mary, the mother of Christ, Mary Magdalene, other mourners and Roman soldiers are gathered around the crosses. Thunder clouds are gathering in the sky.

Jesus Christ’s hands showing the nail prints from his crucifixion in Jerusalem.

Merreni parasysh të luani muzikë të shenjtë, të qetë, për të ftuar Shpirtin ndërsa nxënësit shkruajnë.

Bëj referencë‑kryq ose lidh vargun tek Isaia 49:16 me vargun te Gjoni 19:15–19 dhe 3 Nefi 11:10–15. Lexoji me kujdes këto fragmente, duke shenjuar fjalët dhe frazat që të ndihmojnë ta ndiesh dashurinë që kanë Ati Qiellor dhe Jezu Krishti për ty. Kërko mësimet që të ndihmojnë të kuptosh arsyen përse Ata nuk do të të harrojnë ose braktisin.

Ai nuk do të na harrojë

Në ditarin tënd të studimit, shkruaj një paragraf që shpjegon se çfarë kuptimi ka për ty ajo që tha Shpëtimtari: “Unë të kam gdhendur mbi pëllëmbët e duarve të mia” (Isaia 49:16).

Tregoje atë që ke ndier

Pasi nxënësit të kenë mbaruar studimin e fletushkës, vullnetarë mund të tregojnë atë që gjetën kuptimplotë nga citimet, shkrimet e shenjta dhe idetë vetjake.

Për ta përmbyllur orën mësimore, mund t’i ftoni nxënësit t’u përgjigjen pyetjeve vijuese ose me një partner, në grupe të vogla, ose me klasën.

Çfarë shpreson të mbash mend nga ajo që ke mësuar dhe ndier ndërsa studiove kapitullin tek Isaia 49 sot?
Cila është një gjë që mund ta bësh për të kujtuar se Ati Qiellor dhe Jezu Krishti nuk do të të harrojnë kurrë?

Burime Shtesë

Si e demonstron Perëndia se Ai kujtohet për ne?

Presidenti Rasëll M. Nelson tregoi:

“Kur bëjmë një besëlidhje me Perëndinë, ne largohemi përgjithmonë nga qëndrimi asnjanës. Perëndia nuk do ta braktisë marrëdhënien e Tij me ata që e kanë farkëtuar një lidhje të tillë me Të. Në fakt, të gjithë ata që kanë bërë besëlidhje me Perëndinë, marrin një lloj të veçantë dashurie e mëshire. Në hebraisht ajo dashuri besëlidhëse quhet hesed (חֶסֶד). …

Ngaqë Perëndia ka hesed për ata që kanë bërë besëlidhje me Të, Ai do t’i dojë ata. Ai do të vazhdojë të punojë me ta dhe t’u ofrojë mundësi për të ndryshuar. Ai do t’i falë ata kur pendohen. Dhe nëse e humbasin udhën, Ai do t’i ndihmojë ta gjejnë udhën e tyre të kthimit tek Ai.” (“Besëlidhja e Përjetshme”, Liahona, tetor 2022, f. 5–6; Mesazhi i Përmuajshëm për Revistën Liahona, tetor 2022, f. 2)

Si mund ta ndiejmë që Perëndia na njeh dhe na do?

Presidenti Henri B. Ajring, i Presidencës së Parë, na kujtoi:

13:50

“Do të vijë dita kur ne do ta shohim Atë përsëri. Presidenti Benson e përshkroi në këtë mënyrë: ‘Asgjë nuk do të na befasojë më tepër kur të kalojmë përmes velit në anën tjetër, sesa kur të kuptojmë sesa mirë e njohim Atin tonë dhe sesa e njohur është fytyra e tij për ne’. (“Jesus Christ – Gifts and Expectations”, në Speeches of the Year, 1974, Provo: Shtypshkronja e Universitetit “Brigam Jang”, 1975, f. 313.)

Ndërkohë që ajo që tha Presidenti Benson do të jetë e vërtetë në të ardhmen, është e nevojshme që ne të ndiejmë tani se Perëndia na njeh dhe na do si individë. Ka raste kur e keni ndier afërsinë e Perëndisë, Atit tuaj, dhe se jeni fëmija i Tij. Ato raste mund të vijnë më shpesh. Ka një mënyrë të thjeshtë për të menduar për këtë.

Nëse doni të qëndroni afër me dikë që ka qenë i dashur për ju, por nga i cili jeni larguar, ju e dini se si ta bëni atë. Ju do të gjenit një mënyrë për t’i folur atij, do ta dëgjonit atë dhe do të zbulonit mënyra për të bërë gjëra për njëri‑tjetrin. Sa më shpesh që të ndodhte ajo, sa më shumë që të zgjaste, aq më e thellë do të ishte lidhja e dashurisë. Nëse do të kalonte shumë kohë pa folur, pa dëgjuar dhe pa bërë gjë, lidhja do të dobësohej.

Perëndia është i përkryer e i plotfuqishëm, dhe unë e ju jemi të vdekshëm. Por Ai është Ati ynë, Ai na do dhe na ofron të njëjtën mundësi për t’u afruar më pranë Tij, ashtu siç do të bënte një mik i dashur. Dhe ju do ta bëni atë pothuaj në të njëjtën mënyrë: duke folur, duke dëgjuar dhe duke bërë.” (“To Draw Closer to God”, Ensign, maj 1991, f. 66)

Veprimtari Plotësuese të të Mësuarit

Çfarë ka premtuar Zoti se “nuk do t’i mbaj[ë] mend” (Isaia 43:25)?

Ndërsa studiojnë tek Isaia 49 dhe premtimin e Zotit për të mos na harruar ose braktisur kurrë, nxënësit mund të kenë dobi nga shqyrtimi i premtimit të Zotit rreth atyre që Ai “nuk do t’i mbaj[ë] mend”. Ftojini nxënësit të lexojnë tek Isaia 43:24–25 dhe të bëjnë referencë‑kryq ose t’i lidhin këto vargje me vargjet te Doktrina e Besëlidhje 58:42–43. Mund të bëni një pyetje për diskutim si ajo në vijim:

Çfarë do të shpresonit të kuptonte një adoleshent rreth premtimit të Zotit në këto vargje?

Nxënësit mund të përcaktojnë një të vërtetë si: Kur pendohemi, Zoti premton se Ai “nuk do t’i mbaj[ë] mend mëkatet [tona]” (Isaia 43:25). Mund t’i ndihmoni nxënësit të kuptojnë se kjo nuk do të thotë se Zoti do ta harrojë atë që kemi bërë. Zoti premton se Ai nuk do të sjellë në vëmendjen tonë ose nuk do të na kërkojë llogari për mëkate për të cilat na ka falur.

Për t’i ndihmuar nxënësit ta kuptojnë këtë të vërtetë, mund të jepni mesazhin e Plakut Diter F. Uhtdorf në materialin filmik “Point of Safe Return” [“Pikë Kthimi të Sigurt”], kodi kohor 9:58 deri në 11:35.

15:40

Zoti i ndihmon ata që ndihen të harruar

Mund të jetë e dobishme për nxënësit që të studiojnë tregime të tjera në shkrimet e shenjta për njerëz që u munduan nga situata të vështira dhe se si Zoti demonstroi se Ai nuk i kishte harruar ata. Për ta bërë këtë, mund të paraqitni tabelën vijuese dhe t’i ftoni nxënësit të përzgjedhin njërin për ta studiuar.

Si patën mundime	Çfarë mësuan rreth Zotit
Si patën mundime Agari: Zanafilla 21:14–16	Çfarë mësuan rreth Zotit Zanafilla 21:17–20
Si patën mundime Saria: 1 Nefi 5:1–3	Çfarë mësuan rreth Zotit 1 Nefi 5:4–8
Si patën mundime Nefi: 2 Nefi 4:17–18	Çfarë mësuan rreth Zotit 2 Nefi 4:19–25
Si patën mundime Mormoni: Moroni 9:18–21	Çfarë mësuan rreth Zotit Moroni 9:22–26
Si patën mundime Jozef Smithi: Doktrina e Besëlidhje 121:1–6	Çfarë mësuan rreth Zotit Doktrina e Besëlidhje 121:7–8, 29

Mund t’i organizoni nxënësit bashkë me të tjerët që përzgjodhën një tregim të ndryshëm në shkrimet e shenjta për ta treguar atë që mësuan.

Si klasë, mund të shqyrtoni çastin kur Shpëtimtari u ndje i braktisur. Nxënësit mund të lexojnë te Mateu 27:46. Mund t’i pyesni nxënësit se si kjo njohuri rreth Shpëtimtarit mund të jetë e dobishme për dikë që ndihet i harruar.

Nëse nxënësit do të kishin dobi nga të parit e lidhjes që zhvillon një i ri me Shpëtimtarin në një kohë pikëllimi, mund të shfaqni materialin filmik “Be Kind to Your Self, Beloved Child of God” [“Ji Dashamirës me Veten, Fëmijë i Dashur i Perëndisë”] (6:21). Ky material filmik mund t’i ndihmojë nxënësit të shohin se si ky i ri arriti të dallonte që Ati Qiellor dhe Jezu Krishti e njihnin atë personalisht.

6:23