Manuali i Mësuesit të Seminarit për Dhiatën e Vjetër

Përmbajtja
Faqja e Titullit
Hyrje te Manuali i Mësuesit
Mësime nga Dhiata e Vjetër
- Mirë se Vini në Dhiatën e Vjetër
- Moisiu 1; Abraham 3
- Zanafilla 1–2; Moisiu 2–3; Abraham 4–5
- Zanafilla 3–4; Moisiu 4–5
- Zanafilla 5; Moisiu 6
- Moisiu 7
- Zanafilla 6–11; Moisiu 8
- Zanafilla 12–17; Abraham 1–2
- Zanafilla 18–23
- Zanafilla 24–33
- Zanafilla 37–41
- Zanafilla 42–50
- Eksodi 1–6
- Pashka
- Eksodi 7–13
- Eksodi 14–18
- Eksodi 19–20; 24; 31–34
- Eksodi 35–40; Levitiku 1; 4; 16; 19
- Numrat 11–14; 20–24; 27
- Ligji i Përtërirë 6–8; 15; 18; 29–30; 34
- Jozueut 1–8; 23–24
- Gjyqtarët 2–4; 6–8; 13–16
- Ruthit; 1 Samuelit 1–7
- 1 Samuelit 8–10; 13; 15–16
- 1 Samuelit 17–18; 24–26; 2 Samuelit 5–7
- 2 Samuelit 11–12; 1 Mbretërve 3; 6–9; 11
- 1 Mbretërve 12–13; 17–22
- 2 Mbretërve 2–7
- 2 Mbretërve 16–25
- 2 Kronikave 14–20, 26, 30
- Ezdras 1, 3–7; Nehemias 2; 4–6, 8
- Esterit
- Jobit 1–3; 12–14; 19; 21–24; 38–40; 42
- Psalmeve 1–2; 8; 19–33; 40; 46
- Psalmeve 49–51; 61–66; 69–72; 77–78; 85–86
- Psalmeve 102–103; 110; 116–119; 127–128; 135–139; 146–150
- Fjalët e Urta 1–4; 15–16; 22; 31; Predikuesit 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3, 7, 16–18, 20
- Jeremia 31–33; 36–38; Vajtimeve 1, 3
- Ezekiel 1–3; 33–34; 36–37; 47
- Daniel 1–7
- Osea; Joel
- Amos; Abdia; Jona
- Mikea; Nahum; Habakuk; Sofonia
- Hagai 1–2; Zakaria 1–4, 7–14
- Malakia
Mësimet nga “Përgatitja për Jetën”
- Zotërimi Doktrinor: Gjetja e Përgjigjeve për Pyetjet e Mia
- Zotësitë e Studimit të Shkrimeve të Shenjta
- Udhëzuesi Për Forcën e Rinisë
- Ndërtimi i Mbështetjes te Vetja
- Shëndeti Fizik dhe Emocional
- Përgatitja për Arsimimin dhe Punësimin e Ardhshëm
- Arritja e Suksesit në Shkollë
- Përgatitja e Misionarëve
- Përgatitja për në Tempull
- Mësime të Udhëheqësve të Kishës
Shtojca

Isaia 44–47: “Përveç Meje Nuk Ka Perëndi”

“Isaia 44–47: ‘Përveç Meje Nuk Ka Perëndi’”, Manuali i Mësuesit të Seminarit për Dhiatën e Vjetër (2026)

“Isaia 44–47: ‘Përveç Meje Nuk Ka Perëndi’”, Manuali i Mësuesit të Seminarit për Dhiatën e Vjetër

Isaia 40–49: Mësimi 120

Isaia 44–47

“Përveç Meje Nuk Ka Perëndi”

Çdo ditë ne përballemi me ndikime që e sfidojnë përkushtimin tonë ndaj Atit Qiellor dhe Jezu Krishtit. Përballë tundimeve të ngjashme, disa izraelitë në kohën e Isaias u kthyen tek adhurimi i burimeve të tjera. Si përgjigje, Zoti me dashuri por qartësisht i paralajmëroi izraelitët kundër adhurimit të perëndive të rreme. Ky mësim mund t’i ndihmojë nxënësit ta vendosin Atin Qiellor dhe Jezu Krishtin para kujtdo ose çfarëdo gjëje tjetër në jetën e tyre.

Përgatitja e nxënësve: Ftojini nxënësit të mendojnë rreth asaj që kanë mësuar gjatë gjithë studimit të tyre të Dhiatës së Vjetër. Më pas, ftojini të përsiatin: “Në ç’mënyrë ajo që kam mësuar rreth Atit Qiellor dhe Jezu Krishtit e ka rritur dëshirën time për t’i vendosur Ata të parët në jetën time?”

Veprimtari të Mundshme të të Mësuarit

Adhurimi i heroit

Merreni parasysh ta filloni orën mësimore duke bërë pyetjen vijuese.

Nëse do t’u bëje një anketë adoleshentëve në zonën tonë rreth heronjve të tyre, kë mendon se mund të përfshijnë ata?

Më pas ftojini nxënësit të bëjnë sa vijon në ditarët e tyre të studimit.

Bëj një listë të heronjve të tu personalë. Vendos një yll pranë atyre që duket se kanë ndikimin më të madh në jetën tënde.

Peshkopi W. Kristofer Uadell, i Peshkopatës Kryesuese, dha këshillën vijuese rreth heronjve tanë.

10:8

“Kur isha djalë i vogël, heronjtë e mi të parë ishin atletët. Kujtimet e mia më të hershme janë koleksionimi i kartave të bejsbollit me fotografitë dhe statistikat e lojtarëve të Ligës Kryesore të Bejsbollit. ‘Adhurimi i heronjve’ kur je fëmijë mund të jetë argëtues dhe i pafajshëm, si për shembull kur fëmijët vishen si superheronjtë e tyre të parapëlqyer për festën e Hallouinit. Ndonëse i admirojmë dhe i respektojmë shumë burra e gra të talentuara dhe mbresëlënëse për aftësitë dhe kontributet e tyre, shkalla me të cilën ata nderohen, nëse kalohet në tepri, mund të jetë e barasvlershme me fëmijët e Izraelit që adhuronin një viç të artë në shkretëtirën e Sinait. …

Heroi, heroi ynë, tani dhe përgjithmonë, është Jezu Krishti dhe çdo gjë ose çdokush që na shpërqendron nga mësimet e Tij, siç gjenden në shkrimet e shenjta dhe në fjalët e profetëve të gjallë, mund të ndikojë negativisht te përparimi ynë në shtegun e besëlidhjeve.” (“Më Shumë se një Hero”, Liahona, nëntor 2023, f. 90)

Çfarë të bën përshtypje nga mesazhi i Peshkopit Uadell?

Për t’i ndihmuar nxënësit të vlerësojnë se ku e vendosin Atin Qiellor dhe Jezu Krishtin në jetën e tyre, mund t’i ftoni ata t’i rikthehen listës së tyre të heronjve ndërsa përsiatin në heshtje për pyetjet vijuese.
A të shpërqendron ndonjë nga heronjtë në listën tënde nga adhurimi i Atit Qiellor dhe Jezu Krishtit?
A ka interesa, veprimtari ose sende që mund të të shpërqendrojnë nga adhurimi i Tyre?

Ndërsa nxënësit përgatiten për t’i studiuar mësimet e Isaias sot, ftojini ata të mbajnë vesh për mbresa nga Fryma e Shenjtë rreth mënyrave se si ata mund t’i vendosin Atin Qiellor dhe Jezu Krishtin të parët në jetën e tyre.

Asnjë Perëndi tjetër

Shpjegoni se fëmijët e Izraelit në kohën e Isaias e patën të vështirë ta vendosnin Zotin të parin në jetën e tyre. Përkundrazi, ata u drejtuan te perënditë e rreme, të tilla si idhujt, për ndihmë.

Merreni parasysh t’i ftoni dyshet ose grupet e vogla të lexojnë vargjet vijuese dhe të formulojnë një përmbledhje me një fjali të vetme të asaj që mësuan.

Lexo tek Isaia 44:6, 8 dhe 46:9, duke kërkuar atë që donte Zoti që të kuptonin fëmijët e Izraelit rreth përqendrimit të adhurimit të tyre.

Ftojini disa nxënës që të tregojnë përmbledhjen e asaj që mësoi grupi i tyre. Nëse ata nuk e thonë vetvetiu, ndihmojini nxënësit të përcaktojnë një të vërtetë të ngjashme me vijuesen: Askush dhe asgjë mbi tokë nuk mund të krahasohet me Jezu Krishtin.

Si pjesë e diskutimit tuaj, mund të vini në dukje se Isaia 44:6 përmban disa tituj për Jezu Krishtin. Ju mund t’i ftoni nxënësit të tregojnë atë që na mësojnë këta tituj rreth Jezu Krishtit.

Tek Isaia 44–46, Zoti përshkruan adhurimin e perëndive të rreme nga ana e izraelitëve. Ai u kujton njerëzve se ata krijuan, adhuruan dhe iu lutën idhujve të bërë prej të njëjtit dru që ata përdornin për të ndezur zjarr dhe për të gatuar ushqim. Kur izraelitët u çuan në robëri, kafshët e tyre e patën të vështirë t’i tërhiqnin karrocat e rënduara nga idhujt e tyre të rëndë të bërë nga dora e njeriut.

Lexo tek Isaia 44:14–19 dhe Isaia 46:1–2, duke kërkuar përshkrimin e Zotit për idhujt e lashtë që mund të gjejë zbatim për gjërat që i shpërqendrojnë njerëzit nga Zoti në kohën tonë. (Mund të jetë e dobishme të dini se dy nga idhujt që ata adhuruan quheshin Bel dhe Nebo.)

Çfarë gjete?

Ju mund të shkruani frazën: “Do të bie përmbys përpara një cope druri?” (Isaia 44:19) në tabelë. Kërkojuni nxënësve ta tregojnë kuptimin e kësaj pyetjeje me fjalët e tyre.

Më pas fshijeni frazën “një cope druri” nga pyetja, duke lënë “Do të bie përmbys përpara ?”

Ftojini nxënësit të dalin në tabelë dhe ta përfundojnë fjalinë me mënyrat që gjejnë zbatim te njerëzit në kohën tonë.
Cili është rreziku i vendosjes së këtyre njerëzve ose gjërave përpara Atit Qiellor dhe Jezu Krishtit?
Përse mund të jetë e vështirë t’i vendosim gjithmonë të parët Atin Qiellor dhe Jezu Krishtin në jetën tonë?

Vendosja e Jezu Krishtit të parin

Për t’i ndihmuar nxënësit ta vendosin Shpëtimtarin të parin në jetën e tyre, mund të paraqitni një figurë të Jezu Krishtit, të tillë si ajo në fillim të mësimit, në qendër të tabelës. Ndërsa nxënësit bëjnë veprimtarinë vijuese, ata mund t’i shkruajnë tiparet që gjejnë përreth figurës.

Studio të paktën dy nga fragmentet vijuese. Ndërsa i lexon vargjet me ngadalë dhe me kujdes, kërko atë që mund të mësojmë rreth Jezu Krishtit, që na jep vetëbesimin për ta vendosur Atë të parin në jetën tonë.

Isaia 44:1–4
Isaia 44:21–23
Isaia 44:24–25
Isaia 45:20–22
Isaia 46:3–5

Mund t’u kërkoni nxënësve të shtojnë në tabelë çfarëdo tipari tjetër që dinë rreth Jezu Krishtit nga përvojat e tyre ose nga shkrimet e tjera të shenjta.

Për t’i ndihmuar nxënësit të shprehin mendimet e tyre rreth fuqisë së pakrahasueshme të Jezu Krishtit, mund të bëni pyetjet vijuese.
Si mund ta ndihmojë kuptueshmëria për këto të vërteta rreth Jezu Krishtit dikë që i duket e vështirë ta vendosë Atë të parin në jetën e tij?
Çfarë përvojash ke pasur që të kanë ndihmuar t’i vendosësh Atin Qiellor dhe Jezu Krishtin të parët në jetën tënde?

Planifikimi për t’i vendosur Atin Qiellor dhe Jezu Krishtin të parët

Burime Shtesë

Në ç’mënyra mund të më bekojë Perëndia kur e vendos Atë të parin në jetën time?

Presidenti Rasëll M. Nelson dha mësim:

“E ripohoj një mësim të thellë nga Presidenti Ezra Taft Benson: ‘Burrat dhe gratë që e kthejnë jetën e tyre nga Perëndia, do të zbulojnë se Ai mund të bëjë shumë më tepër [me jetën e tyre sesa mund të bëjnë ata vetë]. Ai do t’i thellojë gëzimet e tyre, do t’u zgjerojë shikimin, do t’u zhdërvjelltësojë mendjet, … do të lartësojë shpirtrat, do të shumëfishojë bekimet, do të rritë mundësitë, do të ngushëllojë shpirtrat, do të sigurojë miq dhe do të mbushë me paqe.’

… Teksa e lejoni Perëndinë të triumfojë në jetën tuaj, ju premtoj paqe, siguri te vetja, gëzim dhe po, prehje më të madhe.” (“Mundeni Botën dhe Gjeni Prehje”, Liahona, nëntor 2022, f. 97, 98)

Cilat janë disa pasoja të zgjedhjes së perëndive të rreme në vend të Atit Qiellor dhe Jezu Krishtit?

Plaku Kuentin L. Kuk, i Kuorumit të Dymbëdhjetë Apostujve, tregoi:

14:35

“Largimi nga adhurimi i Perëndisë së vërtetë e të gjallë dhe të adhuruarit e perëndive të rreme, sikurse pasuria e fama, dhe përfshirja në sjellje të pamoralshme e të padrejtë përfundojnë në skllavërim në të gjitha mënyrat tinëzare të shfaqjes së tij. Këto përfshijnë skllavërim shpirtëror, fizik e intelektual dhe nganjëherë sjellin shkatërrim.” (“Vajtimet e Jeremias: Ruhuni nga Skllavërimi”, Liahona, nëntor 2013, f. 88–89)

Presidenti Rasëll M. Nelson dha mësim:

“Çdo varësi, qoftë videolojërat, kumari, borxhi, droga, alkooli, zemërimi, pornografia, seksi ose madje ushqimi – e fyen Perëndinë. Përse? Sepse fiksimi juaj bëhet perëndia juaj. Ju shihni drejt tij, në vend që të shihni drejt Perëndisë, për ngushëllim.” (“Mendoni Çelestialisht!”, Liahona, nëntor 2023, f. 110)

Veprimtari Plotësuese të të Mësuarit

Ushtroni skenarët

Për t’i ndihmuar nxënësit të ushtrojnë vendosjen e Atit Qiellor dhe Jezu Krishtit të parët në jetën e tyre, mund të jepni njërin ose të dy skenarët vijues ose të krijoni një tuajin.

Anës i pëlqen moda. Ajo e shpenzon kohën e saj të lirë duke studiuar tendencat dhe punimet më të fundit në shumicën e netëve dhe fundjavave për të fituar para për të blerë më shumë sende. Ana është shpesh tepër e lodhur për lutje ose studimin e shkrimeve të shenjta dhe ndonjëherë mungon në kishë për të punuar ose fjetur.
Klajdi shpesh diskuton pikëpamje të ndryshme fetare me një shok, mendimin e të cilit ai e vlerëson. Ndonjëherë shoku i tij nuk pajtohet me mësimet e profetëve dhe apostujve të Perëndisë. Klajdi po fillon të pyesë veten se cilat mësime profetike duhet t’i pranojë dhe t’i ndjekë.

Nxënësit mund t’i diskutojnë pyetjet më poshtë në grupe të vogla përpara se t’ia tregojnë idetë e tyre klasës.

Çfarë mund t’ia bëjë të vështirë këtij personi t’i vendosë Atin Qiellor dhe Jezu Krishtin të parët në jetën e tij?
Cili mund të jetë një hap i parë i mirë që mund të ndërmarrë ky person për t’i vendosur Atin Qiellor dhe Jezu Krishtin të parët në jetën e tij?

Skenar i ndryshëm

Në vend të mundësisë “Ushtroni skenarët” më lart, mund t’u jepni tregimin vijues nxënësve. Mund t’i ftoni ata të punojnë në grupe të vogla për të diskutuar se me çfarë sfidash të ngjashme mund të përballen dhe të mbledhin zgjidhje të shumta që mund t’i marrin parasysh.

Dejlli është një mjek që shpesh i duhet të punojë të dielave si pjesë e profesionit të tij. Çfarë mendoni se mund të bëjë ai për të kapërcyer disa nga sfidat me të cilat përballet për t’i vendosur Atin Qiellor dhe Jezu Krishtin të parët në jetën e tij?

Më pas shfaqni materialin filmik vijues të Plakut Dejll G. Renland nga kodi kohor 0:44 deri në 2:43.

3:1

Çfarë mësuat nga përvoja e Plakut Renland që mund t’ju ndihmojë t’i vendosni Atin Qiellor dhe Jezu Krishtin të parët në jetën tuaj?

Përse jo tani?

Për t’i ndihmuar nxënësit ta ndiejnë rëndësinë e zgjedhjes për t’i vendosur Atin Qiellor dhe Jezu Krishtin të parët në jetën e tyre sot, ftojini ata të studiojnë tek Isaia 45:23. Nxënësit mund të kërkojnë mënyrën që Zoti tha se si do të përgjigjej përfundimisht kushdo para Tij. Më pas jepni sa vijon nga Plaku Nil A. Maksuell (1926–2004), i Kuorumit të Dymbëdhjetë Apostujve.

“… Nëse ndieni që një ditë çdo gju do të përkulet dhe çdo gjuhë do të rrëfejë që Jezu Krishti është Zoti, përse të mos e bëjmë këtë tani?” (“Why Not Now?”, Ensign, nëntor 1974, f. 13)

Si është të gjunjëzohemi dhe të rrëfejmë se Jezusi është Zot në jetën tonë sot?
Përse mund të jetë e rëndësishme t’i vendosim Atin Qiellor dhe Jezu Krishtin të parët në jetën tonë pikërisht tani dhe të mos vonojmë?