Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Исаиа 49: “Би алгандаа чамайг сийлсэн”

“Исаиа 49: ‘Би алгандаа чамайг сийлсэн,’” Хуучин Гэрээний семинарын багшийн гарын авлага (2026)

“Исаиа 49: ‘Би алгандаа чамайг сийлсэн’” Хуучин Гэрээний семинарын багшийн гарын авлага

Исаиа 40-49: 121-р хичээл

Исаиа 49

“Би алгандаа чамайг сийлсэн”

The Christus statue in the Salt Lake North Visitors' Center. The sculpture portrays the resurrected Jesus Christ standing with His arms slightly extended. The wounds of the Crucifixion are visible in the hands, feet and side of the figure. The holdings include details of various parts (such as the hands or feet) of the sculpture.

Тэнгэрлэг Эцэг, Есүс Христ хоёр чамайг мэддэг мөн чамд хайртай. Гэвч бид заримдаа мөнх бус амьдралын сорилт бэрхшээлүүдийг олж хараад, “Эзэн намайг хаясан” (Исаиа 49:14-ийг үзнэ үү) хэмээн уйлдаг. Исаиагийн үгс бид Аврагчийн алган дээр сийлэгдсэн бөгөөд хэзээ ч орхигдож, мартагдахгүй гэдгийг бидэнд батлан хэлж өгдөг (Исаиа 49:16-г үзнэ үү). Энэ хичээл Тэнгэрлэг Эцэг, Есүс Христ хоёр биднийг хайрладаг бөгөөд биднийг мартахгүй гэдгийг мэдрэхэд суралцагчдад тусалж чадна.

Суралцагчийн бэлтгэл: Тэнгэрлэг Эцэг, Есүс Христ хоёр өөрсдийг нь санаж байгааг мэдэрсэн туршлагуудаа тунгаан бодоод, ангид ирэхэд суралцагчдыг урь. Тэд гэр бүлийнхээ нэг гишүүнээс эсвэл найзаасаа Тэнгэрлэг Эцэг, Есүс Христ хоёрыг дурсан санаж байсан туршлагынх нь талаар асууж болно.

Боломжит суралцах үйл ажиллагаа

Их Эзэн санадаг

Хичээлийн эхэнд “намайг бүү март” гэсэн нэртэй бяцхан цэцгүүдийн зургийг үзүүлэх талаар бодож үз.

Тэргүүн зөвлөлийн ерөнхийлөгч асан Дийтр Ф.Угдорф хүүхэд насны дурсамжаа ийн хуваалцсан:

21:42

Хүүхэд байхдаа би тэрхүү бяцхан “намайг-бүү март” цэцгийг хараад заримдаа тэр цэцэг шиг жижигхэн, өчүүхэн юм шиг санагддаг байлаа. Миний гэр бүл эсвэл Тэнгэрлэг Эцэг минь намайг мартах болов уу гэж боддог байсан. (“Forget Me Not,” Liahona, 2011 оны 11-р сар, 122)

Өсвөр насны хүүхдэд бусдад эсвэл Тэнгэрлэг Эцэгт мартагдсан мэт санагдах ямар ямар шалтгаан байдаг вэ?
Та мартагдсан гэж өөрийгөө боддог хэн нэгэнтэй хуваалцахыг хүсэж байгаа Тэнгэрлэг Эцэг, Есүс Христ хоёрын талаар яг юу мэддэг вэ?

Ерөнхийлөгч Угдорф ийн үргэлжлүүлсэн:

21:42

Олон жилийн дараа би тэр бяцхан хүүг эргэн хараад өрөвдөн хайрлаж билээ. Би хэзээ ч мартагдаж байгаагүй гэдгээ одоо мэднэ. Би бас нэг зүйлийг мэднэ: Бидний Их Эзэн, Есүс Христийн төлөөлөгчийн хувьд би зүрх сэтгэлийнхээ бүхий л баталгаа хийгээд итгэл үнэмшлээр та нар ч бас мартагдаагүй гэдгийг тунхаглаж байна! Та нар мартагдаагүй. (“Forget Me Not,” Liahona, 2011 оны 11-р сар, 122)

Дараах асуултуудад хариулахдаа Тэнгэрлэг Эцэг, Есүс Христ хоёртой хамт туулсан туршлагаа тунгаан бод:

Тэд таныг мэддэг, санадаг гэдэгт та хэр итгэлтэй байдаг вэ?
Тэд таныг төгс мэддэг мөн санадаг гэдгийг илүү сайн ойлгоход тань тусалсан ямар туршлага танд эсвэл таны таньдаг хэн нэгэнд байсан бэ?

Та өнөөдөр Исаиа 49-ийг судлахдаа Тэнгэрлэг Эцэг, Есүс Христ хоёр таныг хэзээ ч мартахгүй гэсэн гэрчлэлийг Ариун Сүнснээс эрэлхийл.

Их Эзэн Сионыг мартахгүй.

Та Исаиа заримдаа олон янзын хүмүүсээр тухайлбал Аврагч, өөрөө, эртний гэрээт Израил, эсвэл орчин үеийн гэрээт Израилчуудаар дамжуулан үгээ илэрхийлэх байдлаар бичдэг гэдгийг онцолж болно. Энэхүү яруу найргийн хэв маягийн ачаар Исаиагийн бичээсүүд өөр өөр нөхцөл байдалд өргөн хүрээнд хэрэглэж болохоор болсон. Тийм ч учраас Нифайд Исаиагийн үгсийг өөртэйгөө болон өөрийн хүмүүстэй адилтгах нь маш аятайхан санагдсан юм (1 Нифай 19:23-ыг үзнэ үү).

Та мөн наманчлалыг номлохоор Исаиаг дуудахдаа Их Эзэн захиасыг нь сайнаар хүлээн авахгүй гэдгийг мэдэж байсан гэдгийг суралцагчдад тайлбарлаж болно (Исаиа 6:9–10-ыг үзнэ үү). Та үүнтэй төстэй даалгаврын талаар ямар бодолтой байх байсныг нь суралцагчдаас асууж болно.

Исаиа 49:4–5-ыг уншаад, Исаиа яагаад ийм бодолтой байсан байж болох талаар бодож үз. Дараа нь Бурхантай гэрээ байгуулсан хүмүүс юу мэдэрч байсан талаар эргэцүүлэн бодоод үүнийг уншаарай.

Биднийг зовж шаналах үед ч гэсэн эдгээр шүлэг Их Эзэний тухай юуг санахад бидэнд тусалдаг вэ?

Исаиа 49:13–16-г уншаад Их Эзэн өөрийн гэрээт хүмүүсийг (Сион) юу ойлгоосой хэмээн хүссэнийг олж мэд.

Та эдгээр шүлгийг хэрхэн нэгтгэн дүгнэж үнэний мэдэгдэл болгож болох вэ?

Суралцагчид өөр өөрөөр хэлж болох ч Их Эзэн бидэнд хайртай бөгөөд биднийг хэзээ ч мартахгүй бас орхихгүй гэсэн үнэнийг ойлгоход нь тэдэнд тусал.

Дараах тэмдэглэлийн үйл ажиллагаанд бэлтгэхийн тулд загалмай дээрх Аврагчийн зураг, амилсан Аврагчийн гар дахь хадаасны оромны зургийг үзүүлж болно.

Christ hanging on a cross at Calvary. Two thieves, also hanging on crosses are at the left and right of Christ. Numerous observers, including Mary, the mother of Christ, Mary Magdalene, other mourners and Roman soldiers are gathered around the crosses. Thunder clouds are gathering in the sky.

Jesus Christ’s hands showing the nail prints from his crucifixion in Jerusalem.

Суралцагчдыг бичиж байх үед Сүнсийг урихын тулд ариун нандин дуу хөгжим аяархан тоглуулах талаар бодож үзээрэй.

Исаиа 49:16-г Иохан 19:15–19 ба 3 Нифай 11:10–15-тай холбож эсвэл солбицсон эшлэл хийгээрэй. Эдгээр шүлгийг алгуурхан уншаад, Тэнгэрлэг Эцэг, Есүс Христ хоёр таныг хайрладаг гэдгийг мэдрэхэд тань туслах үг хэллэгүүдийг тэмдэглэ. Тэд яагаад та нарыг мартахгүй эсвэл орхихгүй байгааг ойлгоход тань туслах сургаалуудыг эрэлхийл.

Тэр биднийг мартахгүй

Аврагч “Би алгандаа [та нарыг] сийлсэн” (Исаиа 49:16) гэдэг нь та нарын хувьд юу гэсэн утгатай болохыг тайлбарласан бичвэрийг судлах тэмдэглэлдээ бич.

Сурч мэдсэн зүйлсээ хуваалцаарай

Суралцагчид тараах материалыг судалж дуусаад, эшлэл, судар, өөрт төрсөн ойлголтоосоо утга учиртай гэж бодсон зүйлсээ өөрсдөө сайн дураараа гарч ирээд хуваалцаж болно.

Та хичээлээ дүгнэхдээ суралцагчдыг хамтрагчтайгаа хамт эсвэл жижиг бүлэг болоод дараах асуултад хариулахад урьж болно.

Та өнөөдөр Исаиа 49-ийг судалж байхдаа сурч мэдсэн, мэдэрсэн зүйлсээсээ юуг санаж явна гэж найдаж байна вэ?
Тэнгэрлэг Эцэг, Есүс Христ хоёр таныг хэзээ ч мартахгүй гэдгийг санаж явахын тулд та юу хийж болох вэ?

Нэмэлт эх сурвалжууд

Бурхан биднийг санаж явдгаа хэрхэн харуулдаг вэ?

Ерөнхийлөгч Рассэлл М.Нэлсон ийн хуваалцсан:

Бид Бурхантай гэрээ байгуулснаар төвийг сахихаа бүрмөсөн больдог. Бурхан Өөртэй нь ийм холбоо тогтоосон хүмүүстэй харилцаагаа хэзээ ч тасалдаггүй. Үнэндээ Бурхантай гэрээ байгуулсан бүх хүн онцгой хайр, нигүүлслийг хүртэх эрхтэй болдог. Еврей хэлэнд энэ гэрээний хайрыг hesed гэдэг (חֶסֶד). …

Бурханд Өөртэй нь гэрээ байгуулсан хүмүүст зориулсан hesed байдаг тул Тэр тэднийг хайрлах болно. Тэр тэдэнтэй үргэлжлүүлэн ажиллаж, тэдэнд өөрчлөх боломжуудыг санал болгоно. Тэр тэднийг наманчлах үед өршөөнө. Хэрэв тэд замаасаа гарвал Тэр буцаж очих замаа олоход тэдэнд туслах болно. (“Үүрдийн гэрээ,” Лиахона, 2022 оны 10-р сар, 5-6)

Бурхан биднийг мэддэг, хайрладаг гэдгийг бид хэрхэн мэдэрдэг вэ?

Тэргүүн зөвлөлийн ерөнхийлөгч Хэнри Б.Айринг бидэнд ийн сануулсан:

13:50

Бид Түүнтэй дахин уулзах өдөр ирэх болно. Ерөнхийлөгч Эзра Тафт Бэнсон “Хөшигний нөгөө талд нэгэнтээ гарч ирэхэд бид Эцэгээ хэр сайн мэдэх мөн Түүний царай биднийхтэй хэр төстэй байхыг ухаарахаас өөр юу ч биднийг илүүтэйгээр гайхшруулж чадахгүй” хэмээн дүрслэн хэлсэн. (“Jesus Christ—Gifts and Expectations,” 1974 оны илтгэлүүд, Прово: Бригам Янгийн Их Сургуулийн Хэвлэл, 1975 он, х.313.)

Ерөнхийлөгч Бэнсоны хэлсэн үг ирээдүйд үнэн байх хэдий ч Бурхан биднийг хувь хүнийх нь хувьд мэддэг, хайрладаг гэдгийг бид одоо мэдрэх хэрэгтэй. Эцэг Бурхантайгаа ойр дотно байж, хүүхэд нь гэдгээ мэдэрсэн үе танд бий. Тэр үе илүү олон удаа тохиолдож болно. Энэ тухай бодох энгийн арга бий.

Та нар дотно хэдий ч хол байгаа хэн нэгэнтэй ойр байхыг хүсвэл юу хийх ёстойгоо мэднэ. Та нар тэдэнтэй ярилцах арга замыг олж, тэднийг сонсож мөн нэг нэгнийхээ төлөө ямар нэг зүйл хийх арга замуудыг эрж хайх болно. Энэ харилцаа хэр олон давтагдаж, хэр удаан үргэлжилнэ, та нарын хоорондын харилцаа төдий чинээ гүн гүнзгий байх болно. Хэрэв ярилцахгүй, сонсохгүй мөн хийх зүйлүүд хийгдэхгүй удвал харилцаа сулрах болно.

Бурхан бол төгс төгөлдөр, төгс хүчит, харин та бид мөнх бус юм. Гэвч Тэр бол бидний Эцэг бөгөөд биднийг хайрладаг төдийгүй сайн найзын адилаар Өөрт нь ойртох боломжийг бидэнд олгодог. Та нар ч бас адил арга замаар буюу ярьж, сонсож, үйлдэх замаар үүнийг хийх боломжтой. (“Бурханд илүү ойртох нь,” Ensign, 1991 оны 5-р сар, 66)

Нэмэлт суралцах үйл ажиллагаа

Их Эзэн “дурсахгүй” (Исаиа 43:25) хэмээн юуг амласан бэ?

Суралцагчид Исаиа 49-ийг болон биднийг хэзээ ч мартахгүй эсвэл орхихгүй гэсэн Их Эзэний амлалтыг судлах үедээ Их Эзэний “дурсахгүй” зүйлийн талаар өгсөн амлалтыг эргэн харах нь тустай байх. Исаиа 43:24–25-ыг уншаад эдгээр шүлгийг Сургаал ба Гэрээнүүд 58:42–43-тай солбицсон эшлэл хийх эсвэл холбоход урь. Та дараахын адил хэлэлцэх асуултуудыг тавьж болно.

Эдгээр шүлгээс Их Эзэний амлалтын талаар өсвөр насны хүүхэд юуг ойлгоно гэж та найдаж байна вэ?

Суралцагчид дараах үнэнийг олж тогтоож болох юм: Биднийг наманчлахад, Их Эзэн “[бидний нүглийг] дурсахгүй” (Исаиа 43:25) гэж амладаг. Энэ нь Их Эзэн бидний хийсэн зүйлийг мартах болно гэсэн үг биш гэдгийг ойлгоход нь суралцагчдад тусалж болно. Их Эзэн бидний нүглийг уучилснаараа үүнийг дахин сөхөхгүй эсвэл биднийг үүнд хариуцлага хүлээлгэхгүй гэж амласан.

Суралцагчдад энэ үнэнийг ойлгоход туслахын тулд “Point of Safe Return” видеоны 09:58–аас 11:35 хүртэлх хэсгийг үзүүлж бичлэг дээрх ахлагч Дийтр Ф.Угдорфын захиасыг хуваалцаж болно.

15:39

Их Эзэн мартагдсан мэт санагддаг хүмүүст тусалдаг

Хэцүү нөхцөл байдалтай тулгарсан хүмүүсийн тухай болон Их Эзэн тэднийг мартаагүй гэдгээ хэрхэн харуулсан тухай судрын түүхүүдийг судлах нь суралцагчдад хэрэгтэй байж болно. Үүнийг хийхийн тулд та дараах хүснэгтийг үзүүлж, нэгийг нь сонгон судлахад суралцагчдыг урьж болно.

Тэдэнд ямар бэрхшээл тулгарсан бэ?	Тэд Их Эзэний тухай юу олж мэдсэн бэ?
Тэдэнд ямар бэрхшээл тулгарсан бэ? Хагар: Эхлэл 21:14–16	Тэд Их Эзэний тухай юу олж мэдсэн бэ? Эхлэл 21:17–20
Тэдэнд ямар бэрхшээл тулгарсан бэ? Сариа: 1 Нифай 5:1–3	Тэд Их Эзэний тухай юу олж мэдсэн бэ? 1 Нифай 5:4–8
Тэдэнд ямар бэрхшээл тулгарсан бэ? Нифай: 2 Нифай 4:17–18	Тэд Их Эзэний тухай юу олж мэдсэн бэ? 2 Нифай 4:19–25
Тэдэнд ямар бэрхшээл тулгарсан бэ? Мормон: Моронай 9:18–21	Тэд Их Эзэний тухай юу олж мэдсэн бэ? Moронай 9:22–26
Тэдэнд ямар бэрхшээл тулгарсан бэ? Иосеф Смит: Сургаал ба гэрээнүүд 121:1–6	Тэд Их Эзэний тухай юу олж мэдсэн бэ? Сургаал ба Гэрээнүүд 121:7-8, 29

Та сурсан зүйлээ хуваалцах боломжийг олгож суралцагчдыг өөр судрын түүх сонгосон хүмүүстэй хамт хуваарилж болно.

Аврагчийн орхигдсон мэт санагдсан тэр мөчийг ангиараа нэг эргэн харж болно. Суралцагчид Матай 27:46-г уншиж болно. Та Аврагчийн тухай үүнийг мэдэх нь мартагдсан мэт санагдсан хэн нэгэнд хэрхэн тустай байж болохыг суралцагчдаас асууж болно.

Хэрэв уй гашуу тохиолдсон үедээ Аврагчтай харилцаа тогтоож буй залуу эрэгтэйн түүхийг олж мэдэх нь суралцагчдад ашиг тустай бол та “Be Kind to Your Self, Beloved Child of God” (6:21) видео бичлэгийг үзүүлж болно. Энэ видео бичлэг нь Тэнгэрлэг Эцэг, Есүс Христ хоёр түүнийг хувь хүнийх нь хувьд мэддэг гэдгийг тэр залуу хэрхэн мэдсэнийг ойлгоход суралцагчдад тусална.

6:23