Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

Исаиа 44–47: “Надаас өөр Бурхан байхгүй”

“Исаиа 44–47: ‘Надаас өөр Бурхан байхгүй’, ”Хуучин Гэрээний семинарын багшийн гарын авлага (2026)

“Исаиа 44–47: ‘Надаас өөр Бурхан байхгүй,’” Хуучин Гэрээний семинарын багшийн гарын авлага

Исаиа 40-49: 120-р хичээл

Исаиа 44–47

“Надаас өөр Бурхан байхгүй”

Бид өдөр бүр Тэнгэрлэг Эцэг болон Есүс Христэд үнэнч байхыг минь сорих сорилттой тулгардаг. Үүнтэй адил сорилттой тулгарсан Исаиагийн үеийн зарим израил хүмүүс өөр зүйлсийг шүтдэг болжээ. Үүний хариуд Их Эзэн израилчуудад хуурамч бурхдыг шүтэхгүй байхыг хайраар боловч тодорхой анхааруулсан. Энэ хичээл нь Тэнгэрлэг Эцэг, Есүс Христ хоёрыг амьдралдаа хэний ч өмнө эсвэл юунаас ч илүү тавихад нь суралцагчдад тусална.

Суралцагчийн бэлтгэл: Хуучин Гэрээг судалж байхдаа сурсан зүйлийнхээ талаар бодоход суралцагчдыг урь. Дараа нь тэднийг “Тэнгэрлэг Эцэг, Есүс Христ хоёрын талаар миний мэдэж авсан зүйл Тэднийг амьдралдаа нэгдүгээрт тавих хүслийг хэрхэн нэмэгдүүлсэн бэ?” гэж бодоход урь.

Боломжит суралцах үйл ажиллагаа

Баатрыг шүтэн бишрэх

Дараах асуултыг асуух байдлаар хичээлээ эхлүүлэх талаар бодож үзээрэй.

Хэрэв та орчин тойрныхоо өсвөр насны хүүхдүүдээс тэдний баатар хэн болох талаар судалгаа хийвэл, тэд хэнийг дурдах бол?

Дараа нь судлах тэмдэглэлдээ ийм үйл ажиллагаа гүйцэтгэхэд суралцагчдыг урь.

Өөрийнхөө баатруудын жагсаалтыг гарга. Амьдралд тань хамгийн их нөлөө үзүүлдэг гэж үзсэн хүмүүсийн хажууд од тавь.

Тэргүүлэх бишопын зөвлөлийн Бишоп В.Кристофэр Ваддэлл бидний баатруудын талаар дараах зөвлөгөөг хуваалцсан юм.

10:7

Намайг жоохон хүү байхад миний анхны баатрууд тамирчид байсан. Би багадаа бейсболын Дээд лигийн тоглогчдын зураг, үзүүлэлт бүхий бейсболын карт цуглуулдаг байв. Халловины баяраар дуртай баатруудтайгаа адилхан хувцаслах гэх зэргээр “Баатруудыг шүтэн бишрэх” нь хүүхдүүдийн хувьд хөгжилтэй төдийгүй гэм хоргүй зүйл юм. Бид маш олон авьяаслаг, гайхамшигтай эрэгтэй, эмэгтэйн авьяас чадвар, хувь нэмрийг бишрэн, хүндэтгэдэг ч тэр бишрэл нь хэмжээнээсээ хэтэрвэл Израилын хүүхдүүд Синайн цөлд алтан тугал шүтэж байсантай адил болох юм.…

Өнөө үед мөн үүрд орших баатар буюу бидний баатар бол Есүс Христ бөгөөд юу ч, хэн ч биднийг судар дээрх хийгээд амьд бошиглогчдын үгсээр дамжин ирсэн Түүний сургаалуудаас холдуулж, бидний гэрээний зам дээрх өсөлт хөгжилтөд сөргөөр нөлөөлж чадахгүй. (“Баатраас илүү,” Лиахона, 2023 оны 11-р сар, 89-91)

Бишоп Ваддэллын захиасаас юу нь та нарт онцгой санагдсан бэ?

Тэнгэрлэг Эцэг, Есүс Христ хоёрыг амьдралынхаа хаана тавьж байгаагаа дүгнэхэд суралцагчдад туслахын тулд тэднийг дараах асуултуудыг дотроо тунгаан бодоод баатруудынхаа жагсаалтыг эргэн харахыг уриарай.
Жагсаалтад орсон баатруудын хэн нэг нь Тэнгэрлэг Эцэг, Есүс Христ хоёрыг шүтэн бишрэхэд танд саад болж байна уу?
Тэднийг шүтэн бишрэхэд саад болох сонирхол, үйл ажиллагаа эсвэл эд зүйлс байна уу?

Өнөөдөр суралцагчид Исаиагийн сургаалуудыг судлахаар бэлтгэж байх үед Тэнгэрлэг Эцэг, Есүс Христ хоёрыг амьдралдаа эн тэргүүнд тавьж болох арга замуудын тухай Ариун Сүнсний сэтгэгдлийг сонсоход тэднийг урь.

Өөр Бурхан байхгүй

Исаиагийн үеийн Израилын хүүхдүүдэд амьдралдаа Их Эзэнийг нэгдүгээрт тавихад бэрхшээлтэй байсан гэдгийг тайлбарла. Харин оронд нь тэд тусламж хүсэж шүтээн гэх мэтийн хуурамч бурхдад хандсан.

Хамтраад эсвэл жижиг бүлэг болоод дараах шүлгүүдийг уншаад, сурсан зүйлээ нэг өгүүлбэрт багтаан хураангуйлж дүгнэхэд тэднийг урих талаар бодож үзээрэй.

Исаиа 44:6, 8 ба 46:9-ийг уншаад, Их Эзэн Израилын хүүхдүүдээс шүтлэг бишрэлийнхээ гол зорилгыг юу гэж ойлгохыг хүссэнийг олж мэд.

Бүлгийнхээ сурсан зүйлийн товч дүгнэлтийг хуваалцахад цөөн хэдэн суралцагчийг урь. Хэрэв тэд үүнийг хуваалцахгүй байгаа бол суралцагчдад дараахтай төстэй үнэнийг олж тогтооход тусал: Дэлхий дээр хэнийг ч, юуг ч Есүс Христтэй харьцуулж болшгүй.

Та ярилцлагынхаа нэг хэсэг болгон Исаиа 44:6 дээр Есүс Христийн хэд хэдэн нэр байдгийг онцолж болно. Та эдгээр нэр нь Есүс Христийн тухай юу зааж байгаа талаар саналаа хуваалцахад суралцагчдыг урьж болно.

Исаиа 44–46 дээр Их Эзэн израилчууд хуурамч бурхдыг шүтдэг талаар дүрсэлсэн байдаг. Гал түлж, хоол хийхэд хэрэглэдэг байсан тийм модоор хийсэн шүтээнүүдийг бүтээж, шүтэж, залбирч байгааг нь тэрбээр хүмүүст сануулжээ. Израилчуудыг боолчлолд аваачихад хүний гараар хийсэн хүнд шүтээнүүдийг үүрсэн тэргээ татах гэж амьтад нь зүдэрч байлаа.

Исаиа 44:14–19 болон Исаиа 46:1–2-ыг уншаад, эртний хиймэл шүтээнүүдийг дүрсэлсэн Их Эзэний дүрслэл нь өнөө үед Их Эзэнээс хүмүүсийн анхаарлыг сарниулдаг зүйлстэй хэрхэн хамаарч байгааг ол. (Тэдний шүтдэг хоёр шүтээнийг Бел, Небо гэж нэрлэдэг байсныг мэдэх нь тустай байж болох юм.)

Та нар юу олж мэдсэн бэ?

Та самбар дээр “Энэ модны тайрдасны өмнө сунаж унах хэрэг үү?” (Исаиа 44:19) гэсэн үг хэллэг бичиж болно. Энэ нь юу гэсэн утгатай асуулт болохыг өөрсдийн үгээр тайлбарлахыг суралцагчдаас хүсээрэй.

Дараа нь “Модны тайрдас” гэсэн хэллэгийг арилгаад, “Би -ны өмнө сунаж унах хэрэг үү?” гэсэн хэсгийг үлдээнэ үү.

Самбарын өмнө гараад, уг өгүүлбэрийг өнөө үеийн хүмүүст хамааралтай арга замаар гүйцээж бичихэд суралцагчдыг урь.
Эдгээр хүнийг эсвэл зүйлсийг Тэнгэрлэг Эцэг болон Есүс Христээс дээгүүр тавихын аюул юу вэ?
Тэнгэрлэг Эцэг, Есүс Христ хоёрыг амьдралдаа үргэлж нэгдүгээрт тавих нь яагаад хэцүү байж болох вэ?

Есүс Христийг нэгдүгээрт тавих нь

Аврагчийг амьдралдаа нэгдүгээрт тавихад нь суралцагчдад туслахын тулд та хичээлийн эхэнд ашигласан Есүс Христийн зургийг самбарын голд тавиад үзүүлж болно. Суралцагчид дараах үйл ажиллагааг хийж байхдаа энэхүү зурагны эргэн тойронд олсон зан чанаруудаа бичиж болно.

Дараах хэсгүүдийн дор хаяж хоёрыг нь судлаарай: Шүлгүүдийг алгуурхан, анхааралтай уншихдаа Есүс Христийг амьдралдаа нэгдүгээрт тавих итгэлийг бидэнд өгдөг Түүний талаарх юуг олж мэдэж болохыг хайж ол.

Исаиа 44:1–4
Исаиа 44:21–23
Исаиа 44:24–25
Исаиа 45:20–22
Исаиа 46:3–5

Та Есүс Христийн тухай өөрсдийн туршлагаас эсвэл өөр судраас мэддэг бусад зан чанарыг самбар дээр нэмж оруулахыг суралцагчдаас хүсэж болно.

Есүс Христийн зүйрлүүлшгүй хүчний талаар санал бодлоо хуваалцахад нь суралцагчдад туслахын тулд та дараах асуултыг тавьж болно.
Есүс Христийн тухай эдгээр үнэнийг ойлгох нь Түүнийг амьдралдаа нэгдүгээрт тавихад хэцүү байдаг хэн нэгэнд хэрхэн тусалж болох вэ?
Амьдралдаа Тэнгэрлэг Эцэг, Есүс Христ хоёрыг нэгдүгээрт тавихад тань тусалсан ямар туршлага танд байдаг вэ?

Тэнгэрлэг Эцэг, Есүс Христ хоёрыг нэгдүгээрт тавих нь

Нэмэлт эх сурвалжууд

Би Түүнийг амьдралдаа нэгдүгээрт тавих үед Бурхан намайг ямар арга замаар адисалж чадах вэ?

Ерөнхийлөгч Рассэлл М.Нэлсон ийн заасан:

Би Ерөнхийлөгч Езра Тафт Бэнсоны “Бурханд амьдралаа даатгасан хүмүүс амьдралдаа өөрсдийнх нь хийж чадахаас илүү ихийг Тэр хийж чадна гэдгийг мэдэх болно. Тэр тэдний баяр хөөрийг гүнзгийрүүлж, харах хүрээг өргөтгөн, оюуныг хурцалж, … сүнсийг өргөж мөн адислалуудыг нь олшруулж, боломжуудыг нэмэгдүүлэн, бодгалиудыг тайвшруулж, найзуудыг өргөн дэмжиж мөн амар амгаланг цутгадаг” гэсэн гүн гүнзгий сургаалыг баталж байна.

… Амьдралдаа Бурханыг ялуулснаар та нар илүү их амар амгалан, өөртөө итгэх итгэл, баяр баясгалан, тийм ээ, амралтыг олно хэмээн би амлаж байна. (“Ертөнцийг ялж, амралтыг олох нь,” Лиахона, 2022 оны 11 сар, 95-98)

Тэнгэрлэг Эцэг, Есүс Христ хоёрын оронд хуурамч бурхдыг сонгосноор ямар үр дагавар гарах вэ?

Арван хоёр төлөөлөгчийн чуулгын ахлагч Квинтин Л.Күк ийн хуваалцсан:

14:34

Үнэн бөгөөд амьд Бурханыг бишрэн шүтэхээс татгалзаж; эд баялаг, алдар хүнд гэх мэт хуурамч бурхдыг шүтэж ёс суртахуунгүй, зүй зохисгүй биеэ авч явах нь хүмүүсийг боолчлолд хүргэх хүчин зүйлүүд болдог. Эдгээрт сүнсний ба бие махбодын мөн оюун санааны боолчлолууд орж болох ба заримдаа эдгээр зүйл устгалд хүргэдэг. (“Иеремиагийн гашуудал: Боолчлолоос сэрэмжил,” Ерөнхий чуулган, 2013 оны 10-р сар, 101-104)

Ерөнхийлөгч Рассэлл М.Нэлсон ийн заасан:

Цахим тоглоом, мөрийтэй тоглоом, өр шир, хар тамхи, согтууруулах ундаа, уур уцаар, порнограф, бэлгийн харьцаа тэр ч байтугай хоол унд гээдямар ч донтолтод автах нь Бурханыг гомдоож буй хэрэг. Яагаад гэж үү? Учир нь донтолт тань таны бурхан болдог. Тайтгарлыг авахын тулд та Түүнд бус тэр зүйлдээ ханддаг. (“Селестиел ухаанаар бодогтун!,” Лиахона, 2023 оны 11-р сар).

Нэмэлт суралцах үйл ажиллагаа

Дадлага

Тэнгэрлэг Эцэг, Есүс Христ хоёрыг амьдралдаа нэгдүгээрт тавих дадлага хийхэд нь суралцагчдад туслахын тулд дараах жишээнээс нэгийг эсвэл хоёуланг нь хуваалцаж эсвэл өөрийн гэсэн жишээг зохиож болно.

Анна загварт дуртай. Тэр чөлөөт цагаа хамгийн сүүлийн үеийн чиг хандлагыг судлахад зарцуулдаг бөгөөд илүү их зүйлийг худалдаж авахын тулд ихэнхдээ шөнө, амралтын өдрүүдээр ажилладаг. Анна залбирах юм уу судар судлах болоход ихэнхдээ хэтэрхий их ядарсан байдаг бөгөөд заримдаа ажиллах юм уу унтахын тулд сүмдээ очдоггүй байна.
Жарон өөр өөр шашны үзэл бодлын талаар найзтайгаа байнга ярилцдаг бөгөөд найзынхаа үзэл бодлыг эрхэмлэдэг. Заримдаа найз нь Бурханы бошиглогч, төлөөлөгчдийн сургаалтай санал нийлэхгүй байдаг. Жарон аль бошиглолын сургаалыг хүлээн авч, дагах ёстой талаар бодож эхэлжээ.

Суралцагчид санаа бодлоо ангийнхантайгаа хуваалцахаасаа өмнө доорх асуултуудыг жижиг бүлгүүдээр ярилцаж болно.

Тэнгэрлэг Эцэг, Есүс Христ хоёрыг амьдралдаа нэгдүгээрт тавихад тухайн хүнд юу нь хэцүү байж болох вэ?
Тэнгэрлэг Эцэг, Есүс Христ хоёрыг амьдралдаа нэгдүгээрт тавихын тулд энэ хүний хийж болох хамгийн эхний сайн алхам юу байж болох вэ?

Өөр хувилбар

Та дээрх “Дадлага хийх жишээ” сонголтын оронд дараах түүхийг суралцагчидтай хуваалцаж болно. Та тэднийг жижиг бүлгүүдэд хуваагдан, үүнтэй төстэй ямар сорилт бэрхшээлтэй тулгарч болох талаар ярилцаж, олон шийдлийг бодож үзэхэд урьж болно.

Дэйл бол ажил үүргийнхээ хуваарийн дагуу ням гарагт ажиллах хэрэгтэй болдог эмч юм. Амьдралдаа Тэнгэрлэг Эцэг, Есүс Христ хоёрыг нэгдүгээрт тавихад тулгардаг зарим сорилт бэрхшээлийг даван туулахын тулд тэр юу хийж чадна гэж та нар бодож байна вэ?

Дараа нь ахлагч Дэйл Г.Рэнландын дараах видеоны 0:44-өөс 02:43 хүртэлх хэсгийг үзүүл.

3:1

Та ахлагч Рэнландийн туршлагаас Тэнгэрлэг Эцэг, Есүс Христ хоёрыг амьдралдаа нэгдүгээрт тавихад туслах юуг мэдэж авсан бэ?

Одоо яагаад болохгүй гэж?

Тэнгэрлэг Эцэг, Есүс Христ хоёрыг өнөөдөр амьдралдаа нэгдүгээрт тавихын ач холбогдлыг мэдрэхэд нь суралцагчдад туслахын тулд Исаиа 45:23-ыг судлахад тэднийг урь. Их Эзэн хүн бүр эцэст нь Түүнд хэрхэн хандах тухай юу гэж хэлснийг эргэн харж болно. Арван хоёр төлөөлөгчийн чуулгын ахлагч Нийл А.Максвэллын (1926–2004) хэлсэн дараах үгийг хуваалц.

… Хэрэв та ирээдүйн нэг өдөр өвдөг бүр сөгдөж, хэл бүхэн Есүс Христ бол Их Эзэн гэж хүлээн зөвшөөрнө гэдэгт итгэж байгаа бол яагаад одоо үүнийг хийж болохгүй гэж? (“Why Not Now?”, Ensign, 1974 оны 11-р сар, 13)

Өвдөг сөгдөн, Есүс бол өнөөдөр бидний амьдрал дахь Их Эзэн гэдгийг хүлээн зөвшөөрөх нь ямархуу харагдах бол?
Хойшлуулахгүйгээр Тэнгэрлэг Эцэг, Есүс Христ хоёрыг яг одоо амьдралдаа нэгдүгээрт тавих нь яагаад чухал байж болох вэ?