Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Isaias 44–47: “Liban Sa Akin Ay Walang Diyos”

“Isaias 44–47: ‘Liban Sa Akin Ay Walang Diyos,’” Manwal ng Guro ng Seminary para sa Lumang Tipan (2026)

“Isaias 44–47: ‘Liban Sa Akin Ay Walang Diyos,’” Manwal ng Guro ng Seminary para sa Lumang Tipan

Isaias 40–49: Lesson 120

Isaias 44–47

“Liban Sa Akin Ay Walang Diyos”

Araw-araw, nahaharap tayo sa mga impluwensya na humahamon sa ating katapatan sa Ama sa Langit at kay Jesucristo. Ang ilang Israelita sa panahon ni Isaias, na nahaharap sa mga katulad na tukso, ay bumaling sa pagsamba sa mga diyus-diyusan. Bilang tugon, mapagmahal ngunit malinaw na binalaan ng Panginoon ang mga Israelita laban sa pagsamba sa mga huwad na diyos. Ang lesson na ito ay makatutulong sa mga estudyante na unahin ang Ama sa Langit at si Jesucristo sa sinuman o anumang bagay sa kanilang buhay.

Paghahanda ng estudyante: Sabihin sa mga estudyante na isipin ang natutuhan nila sa buong pag-aaral nila ng Lumang Tipan. Pagkatapos, anyayahan sila na pag-isipan ang “Paano napag-ibayo ng natutuhan ko tungkol saAma sa Langit at kay Jesucristo ang hangarin ko na unahin Sila sa buhay ko?”

Mga Posibleng Aktibidad sa Pag-aaral

Pagsamba sa bayani

Maaaring simulan ang klase sa pamamagitan ng pagtatanong ng mga sumusunod.

Kung magsasagawa kayo ng survey sa mga tinedyer sa ating lugar tungkol sa kung sino ang kanilang mga bayani, sino sa palagay ninyo ang maaari nilang isama?

Pagkatapos ay anyayahan ang mga estudyante na gawin ang sumusunod sa kanilang study journal.

Gumawa ng listahan ng inyong sariling mga bayani. Maglagay ng bituin sa tabi ng mga taong tila may pinakamalaking impluwensya sa inyong buhay.

Ibinahagi ni Bishop W. Christopher Waddell ng Presiding Bishopric ang sumusunod na payo tungkol sa ating mga bayani.

10:8

Noong bata pa ako, ang mga unang bayani ko ay mga atleta. Naaalala ko na nag-iipon ako ng mga baseball card na may mga larawan at estatistika ng mga manlalaro sa Major League Baseball. Ang “labis na paghanga” kapag bata ka ay nagpapadama ng saya at kainosentihan, tulad ng kapag ang mga bata ay nagbibihis ng damit na katulad ng kanilang paboritong superhero para sa Halloween. Bagama’t hinahangaan at nirerespeto natin ang maraming matatalino at kahanga-hangang kalalakihan at kababaihan dahil sa kanilang mga kakayahan at kontribusyon, ang antas ng paghanga sa kanila ay maaaring lumabis, at maihahalintulad sa mga anak ni Israel na sumasamba sa ginintuang guya sa disyerto ng Sinai. …

Ang bayani— ang bayani natin, ngayon at sa tuwina—ay si Jesucristo, at anuman o sinuman na naglilihis sa atin palayo sa Kanyang mga turo, na matatagpuan sa mga banal na kasulatan at sa mga salita ng mga buhay na propeta, ay maaaring magkaroon ng negatibong epekto sa ating pag-unlad sa landas ng tipan. (“Higit Pa sa Isang Bayani,” Liahona, Nob. 2023, 90)

Ano ang pinakamahalaga para sa inyo mula sa mensahe ni Bishop Waddell?

Para matulungan ang mga estudyante na masuri kung saan nila inilalagay ang Ama sa Langit at si Jesucristo sa kanilang buhay, maaari mo silang anyayahan na balikan ang kanilang listahan ng mga bayani habang tahimik nilang pinag-iisipan ang mga sumusunod na tanong.
May mga bayani ba sa listahan mo na nakagagambala sa pagsamba mo sa Ama sa Langit at kay Jesucristo?
May mga interes, aktibidad, o bagay ba na maaaring makagambala sa iyo sa pagsamba sa Kanila?

Habang naghahanda ang mga estudyante na pag-aralan ang mga turo ni Isaias ngayon, anyayahan silang makinig sa mga impresyon mula sa Espiritu Santo tungkol sa mga paraan na magagawa nilang unahin ang Ama sa Langit at si Jesucristo sa kanilang buhay.

Walang ibang Diyos

Ipaliwanag na ang mga anak ni Israel noong panahon ni Isaias ay nahirapang unahin ang Panginoon sa kanilang buhay. Sa halip, bumaling sila sa mga huwad na diyos tulad ng mga diyus-diyusan para sa tulong.

Maaari mong anyayahan ang mga magkapartner o maliliit na grupo na basahin ang sumusunod na mga talata at ibuod sa isang pangungusap ang natutuhan nila.

Basahin ang Isaias 44:6, 8 at 46:9, at alamin ang nais ng Panginoon na maunawaan ng mga anak ni Israel tungkol sa pinagtutuunan ng kanilang pagsamba.

Sabihin sa ilang estudyante na ibahagi ang buod ng natutuhan ng kanilang grupo. Kung hindi nila ito kusang ibabahagi, tulungan ang mga estudyante na matukoy ang isang katotohanan na tulad ng sumusunod: Walang sinuman at walang anumang bagay sa lupa ang maikukumpara kay Jesucristo.

Bilang bahagi ng inyong talakayan, maaari mong ituro na ang Isaias 44:6 ay naglalaman ng ilang titulo para kay Jesucristo. Maaari mong anyayahan ang mga estudyante na ibahagi kung ano ang itinuturo ng bawat titulo tungkol kay Jesucristo.

Sa Isaias 44–46, inilarawan ng Panginoon ang pagsamba ng mga Israelita sa mga huwad na diyos. Ipinapaalala Niya sa mga tao na sila ay gumawa, sumamba, at nagdasal sa mga diyus-diyusan na gawa sa kahoy na ginagamit din nila sa paggawa ng apoy at pagluluto ng pagkain. At nang mabihag ang mga Israelita, nahirapan ang kanilang mga hayop na hilahin ang mga kariton na pinabigat ng kanilang mga diyus-diyusan na gawa ng tao.

Basahin ang Isaias 44:14–19 at Isaias 46:1–2, at alamin ang paglalarawan ng Panginoon sa mga sinaunang diyus-diyusan na maaaring iangkop sa mga bagay na nakahahadlang sa pagsamba ng mga tao sa Panginoon sa ating panahon. (Maaaring makatulong na malaman na ang dalawa sa mga sinasamba nilang diyus-diyusan ay tinatawag na Bel at Nebo.)

Ano ang nalaman ninyo?

Maaari mong isulat ang pariralang “Magpapatirapa ba ako sa isang pirasong kahoy?” (Isaias 44:19) sa pisara. Sabihin sa mga estudyante na ipaliwanag kung ano ang ibig sabihin ng tanong na ito sa kanilang sariling salita.

Pagkatapos ay burahin ang pariralang “isang pirasong kahoy” sa tanong para maiwan ang pariralang “Magpapatirapa ba ako sa ?”

Sabihin sa mga estudyante na pumunta sa pisara at tapusin ang pangungusap sa mga paraan na naaangkop sa mga tao sa ating panahon.
Ano ang panganib ng pag-una sa mga tao o bagay na ito kaysa sa Ama sa Langit at kay Jesucristo?
Bakit maaaring mahirap na palaging unahin ang Ama sa Langit at si Jesucristo sa ating buhay?

Pag-una kay Jesucristo

Para matulungan ang mga estudyante na unahin ang Tagapagligtas sa kanilang buhay, maaari kang magdispley ng larawan ni Jesucristo, tulad ng nasa simula ng lesson, sa gitna ng pisara. Habang ginagawa ng mga estudyante ang sumusunod na aktibidad, maaari nilang isulat ang mga katangiang mahahanap nila sa paligid ng larawan.

Pag-aralan ang kahit dalawa sa mga sumusunod na scripture passage. Habang binabasa ninyo nang dahan-dahan at maigi ang mga talata, maghanap ng matututuhan natin tungkol kay Jesucristo na nagbibigay sa atin ng kumpiyansa na unahin Siya sa ating buhay.

Isaias 44:1–4
Isaias 44:21–23
Isaias 44:24–25
Isaias 45:20–22
Isaias 46:3–5

Maaari mong hilingin sa mga estudyante na magdagdag ng anupamang katangian sa pisara na alam nila tungkol kay Jesucristo mula sa kanilang mga karanasan o mula sa iba pang mga banal na kasulatan.

Para matulungan ang mga estudyante na ibahagi ang kanilang mga saloobin tungkol sa hindi mapapantayang kapangyarihan ni Jesucristo, maaari mong itanong ang mga sumusunod.
Paano makatutulong ang pag-unawa sa mga katotohanang ito tungkol kay Jesucristo sa isang taong nahihirapang unahin Siya sa kanyang buhay?
Ano ang mga naging karanasan ninyo na nakatulong sa inyong unahin ang Ama sa Langit at si Jesucristo sa inyong buhay?

Pagpaplanong unahin ang Ama sa Langit at si Jesucristo

Karagdagang Resources

Sa anong mga paraan ako mapagpapala ng Diyos kapag inuna ko Siya sa buhay ko?

Itinuro ni Pangulong Russell M. Nelson:

Pinagtitibay ko ang malalim na turo ni Pangulong Ezra Taft Benson: “Matutuklasan ng mga lalaki at babaeng isinusuko ang kanilang buhay sa Diyos na mas marami Siyang magagawa sa kanilang buhay kaysa magagawa nila. Palalalimin Niya ang kanilang mga kagalakan, palalawakin ang kanilang pananaw, pasisiglahin ang kanilang mga isipan … pasisiglahin ang kanilang espiritu, pararamihin ang kanilang mga pagpapala, daragdagan ang kanilang mga oportunidad, aaliwin ang kanilang mga kaluluwa, bibigyan sila ng mga kaibigan, at magbubuhos ng kapayapaan.”

… Habang hinahayaan ninyong manaig ang Diyos sa inyong buhay, nangangako ako sa inyo nang higit na kapayapaan, kumpiyansa, kagalakan, at oo, kapahingahan. (“Daigin ang Mundo at Makasumpong ng Kapahingahan,” Liahona, Nob. 2022, 97)

Ano ang ilang bunga ng pagpili sa mga huwad na diyos sa halip na ang Ama sa Langit at si Jesucristo?

Ibinahagi ni Elder Quentin L. Cook ng Korum ng Labindalawang Apostol:

14:35

Ang pagtalikod sa pagsamba sa tunay at buhay na Diyos at pagsamba sa mga huwad na diyos na gaya ng yaman at katanyagan at paggawa ng kahalayan at kasamaan ay nagbubunga ng pagkaalipin na may epekto sa lahat ng tao. Kabilang dito ang pagkaalipin ng espiritu, katawan, at isipan at kung minsan ay nagdudulot ng kapahamakan. (“Mga Panaghoy ni Jeremias: Mag-ingat sa Pagkaalipin,” Liahona, Nob. 2013, 89)

Itinuro ni Pangulong Russell M. Nelson:

Anumang adiksyon—ito man ay paglalaro, pagsusugal, utang, droga, alak, galit, pornograpiya, seks, o maging pagkain—ay hindi nakalulugod sa Diyos. Bakit? Dahil ang kinahuhumalingan ninyo ay nagiging diyos ninyo. Umaasa kayo rito sa halip na sa Kanya para mapanatag. (“Isipin ang Kahariang Selestiyal!,” Liahona, Nob. 2023)

Mga Karagdagang Aktibidad sa Pag-aaral

Mga sitwasyon sa pagsasanay

Para matulungan ang mga estudyante na magsanay na unahin ang Ama sa Langit at si Jesucristo sa kanilang buhay, maaari mong ibahagi ang isa o lahat sa mga sumusunod na sitwasyon o gumawa ng sarili mong sitwasyon.

Nasisiyahan si Anna sa fashion. Inilalaan niya ang kanyang libreng oras sa pag-alam ng mga pinakabagong uso at nagtatrabaho siya halos gabi-gabi at katapusan ng linggo upang kumita ng pera para makabili ng mas maraming bagay. Madalas na masyadong pagod si Anna para sa mga panalangin o pag-aaral ng mga banal na kasulatan at kung minsan ay hindi siya nagsisimba upang makapagtrabaho o matulog.
Kadalasan ay tinatalakay ni Jaron ang iba’t ibang pananaw sa relihiyon sa isang kaibigan na ang opinyon ay pinahahalagahan niya. Kung minsan, hindi sumasang-ayon ang kaibigan niya sa mga turo ng mga propeta at apostol ng Diyos. Nagsisimulang pag-isipan ni Jaron kung aling mga turo ng propeta ang dapat niyang tanggapin at sundin.

Maaaring talakayin ng mga estudyante ang mga tanong sa ibaba sa maliliit na grupo bago ibahagi ang kanilang mga ideya sa klase.

Ano ang maaaring nagpapahirap sa taong ito na unahin ang Ama sa Langit at si Jesucristo sa kanyang buhay?
Ano ang maaaring magandang unang hakbang na magagawa ng taong ito para unahin ang Ama sa Langit at si Jesucristo sa kanyang buhay?

Alternatibong sitwasyon

Sa halip na ang opsiyon na “Mga sitwasyon sa pagsasanay” sa itaas, maaari mong ibahagi ang sumusunod na kuwento sa mga estudyante. Maaari mo silang anyayahan na gumawa sa maliliit na grupo para talakayin kung ano ang magkakatulad na hamon na maaari nilang harapin at mag-isip ng maraming solusyon na maaari nilang isaalang-alang.

Si Dale ay isang doktor na madalas na kinakailangang magtrabaho tuwing Linggo bilang bahagi ng kanyang propesyon. Ano sa palagay ninyo ang magagawa niya para madaig ang ilan sa mga hamong kinakaharap niya sa pag-una sa Ama sa Langit at kay Jesucristo sa kanyang buhay?

Pagkatapos ay ipanood ang sumusunod na video ni Elder Dale G. Renlund mula sa timecode na 0:44 hanggang 02:43.

3:1

Ano ang natutuhan ninyo mula sa karanasan ni Elder Renlund na makatutulong sa inyo na unahin ang Ama sa Langit at si Jesucristo sa inyong buhay?

Bakit hindi ngayon?

Para matulungan ang mga estudyante na madama ang kahalagahan ng pagpili na unahin ang Ama sa Langit at si Jesucristo sa kanilang buhay ngayon, anyayahan silang pag-aralan ang Isaias 45:23. Maaaring alamin ng mga estudyante kung paano sinabi ng Panginoon na tutugon sa Kanya ang lahat kalaunan. Pagkatapos ay maaari mong ibahagi ang sumusunod na pahayag ni Elder Neal A. Maxwell (1926–2004) ng Korum ng Labindalawang Apostol.

… Kung nadarama ninyo na balang-araw ay luluhod ang bawat tuhod at ang bawat dila ay magtatapat na si Jesucristo ang Panginoon, bakit hindi ito gawin ngayon? (“Why Not Now?,” Ensign, Nob. 1974, 13)

Ano ang mangyayari kung luluhod at magtatapat ang lahat na si Jesus ang Panginoon sa ating buhay ngayon?
Bakit maaaring mahalagang unahin ang Ama sa Langit at si Jesucristo sa ating buhay ngayon sa halip na ipagpaliban ito?