Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Isaia 29: “Zava-mahagaga sy mahatalanjona”

“Isaia 29: -Zava-mahagaga sy mahatalanjona-”, Testamenta Taloha: Boky torolalana ho an’ny mpampianatra seminera (2026)

“Isaia 29: -Zava-mahagaga sy mahatalanjona-”, Testamenta Taloha: Boky torolalana ho an’ny mpampianatra seminera

Isaia 13–14; 22; 24–30; 35: Lesona 118

Isaia 29

“Zava-mahagaga sy mahatalanjona”

Amin’ny fomba ahoana ny filazantsaran’i Jesoa Kristy sy ny Bokin’i Môrmôna no mahatalanjona aminao? Namariparitra ny Famerenana amin’ny laoniny ny filazantsaran’i Jesoa Kristy i Isaia, anisan’izany ny fivoahan’ny Bokin’i Môrmôna, ho toy ny “zava-mahagaga sy mahatalanjona” (Isaia 29:14). Ity lesona ity dia afaka manampy ny mpianatra hahatsapa fankasitrahana noho ny Famerenana amin’ny laoniny ny filazantsaran’i Jesoa Kristy sy ny Bokin’i Môrmôna.

Fanomanana ny mpianatra: Asao ny mpianatra hieritreritra ny mety ho famaritany ny teny hoe mahagaga sy mahatalanjona. Amin’ny alalan’ny fampiasana izany famaritana izany dia asao izy ireo hijery andinin-tsoratra masina na tantara ao amin’ny Bokin’i Môrmôna izay mahagaga sy mahatalanjona.

Sahanasa fianarana azo atao

Apôstazia

Mba hahitana ny nilana ny Famerenana amin’ny laoniny ny filazantsara dia manampy ny hahatakaran’ny mpianatra ny Apôstazia Lehibe.

Mba hanaovana izany dia lazao ny mpianatra fa hanandrana haminavina tranga iray amin’ny alalana famantarana izy ireo. Avy eo dia asehoy tsirairay ireto andian-teny manaraka ireto eo am-piezahan’ny mpianatra maminavina “ny Apôstazia Lehibe”. Eo am-pahitan’ny mpianatra izany dia asao izy ireo hanangana ny tanany saingy tsy mbola mizara ny valiny.

Ampiasao ireto andian-teny manaraka ireto mba hahafantarana ilay tranga voafariparitra:

“ny haizina manarona ny tany” (Isaia 60:2)
“faniriana handre ny tenin’i Jehovah” (Amosa 8:11)
“hisy ambodia masiaka hiditra eo aminareo” (Asan’ny Apostoly 20:29)
“fihemorana” (2 Tesaloniana 2:3)

Vakio ny Isaia 29:8–10, ka mitadiava famariparitana ny Apôstazia Lehibe.

Ahoana no hamariparitan’ilay andalan-tsoratra masina ireo olona izay nilaozana na tsy afaka nahafantatra mihitsy ny fahamarinan’ny Tompo noho ny Apôstazia Lehibe?

Miaina ao anatin’ny tontolo iray isika izay mbola maro ireo noana ara-panahy, na reraka, na matory. Mety manao safidy izay manalavitra antsika amin’ny Tompo ihany koa isika. Makà fotoana hisaintsainana ireo fomba mety hahatsapanao na ireo olona akaiky anao ho toy izany.

Rehefa mandalina ianao anio, dia mikatsaha fanampiana avy amin’ny Fanahy Masina mba hankasitrahana ny zavatra nomen’ny Ray any An-danitra sy i Jesoa Kristy antsika mba handresena ireo olana ireo sy hitodihana any amin’Izy Ireo.

Zava-mahagaga sy mahatalanjona

Vakio ny Isaia 29:4 mba hamantarana ny zavatra naminanian’i Isaia fa hitahian’ny Tompo antsika mba handresena ny vokatry ny Apôstazia Lehibe.

Mba hanampiana ny mpianatra hahatakatra fa ny andininy 4 dia miresaka momba ny Bokin’i Môrmôna, dia azonao omena ny mpianatra ny sasany amin’ireto toko sy andinin-tsoratra masina manaraka ireto:

2 Nefia 33:13
Môrmôna 8:23
Andiam-pehezan-teny farany amin’ny “Ny fanambaran’ny Mpaminany Joseph Smith” hita ao amin’ny pejy fanolorana ny Bokin’i Môrmôna.

Raha tsy izany dia azonao atao ny mampiseho ireo toko sy andinin-tsoratra masina rehetra eny amin’ny solaitrabe ary manasa ny mpianatra hampiasa ny maro amin’izy ireo araka izay ilain’izy ireo hamantarana ny zavatra nitahian’ny Tompo antsika. Azon’ny mpianatra atao ny mifidy iray na maromaro amin’ireo toko sy andinin-tsoratra masina ireo ary mampifandray izany amin’ny Isaia 29:4. Afaka manampy azy ireo hahatsiaro ny zavatra nianarany izany.

Azonao atao ny manasa ny mpianatra hamaky ny Isaia 29:11–12 sy hitady andian-teny hafa izay miresaka momba ny fivoahan’ny Bokin’i Môrmôna. Ny mpianatra dia mety hanisy marika ny hoe: “atolotra izay tsy mahavaky teny kosa izany” (Isaia 29:12). Io andian-teny io dia miresaka momba an’i Joseph Smith izay tsy dia nandalo fianarana firy. Raha tsy fantatry ny mpianatra dia azonao hazavaina fa ireo andininy ireo dia miresaka tranga iray teo amin’ny tantaran’ny Fiangonana izay hita ao amin’ny Joseph Smith—Tantara 1:62–65.

Ny Isaia 29:13–14 dia andinin-tsoratra masina fifehezana fotopampianarana. Hevero ny hanasa ny mpianatra hanisy marika amin’ny fomba miavaka ireo andinin-tsoratra masina fifehezana fotopampianarana mba ho mora aminy ny mahita ny toerana misy azy.

Vakio ny Isaia 29:13–14 ka tadiavo ny zavatra izay nolazain’ny Tompo fa hataony mba handresena ny vokatry ny Apôstazia.

Nanazava ny filoha Russell M. Nelson hoe inona ilay zava-mahagaga sy mahatalanjona:

Izany zava-mahagaga [sy mahatalanjona] izany dia ahitana ny fahatongavan’ny Bokin’i Môrmôna sy ny Famerenana amin’ny laoniny ny filazantsara. (“Scriptural Witnesses,” Liahona, Nov. 2007, 46)

Ahoana no hamintinanao ny zavatra azontsika ianarana avy amin’ny Isaia 29:13–14?

Mety hizara zavatra mitovitovy amin’ity manaraka ity ny mpianatra: Andriamanitra dia namerina tamin’ny laoniny ny filazantsaran’i Jesoa Kristy, ka tafiditra ao anatin’izany ny fivoahan’ny Bokin’i Môrmôna, mba handresena ny vokatry ny Apôstazia Lehibe.

Hazavao fa ny Famerenana amin’ny laoniny ny filazantsara dia “ny fametrahan’ Andriamanitra indray ireo fahamarinana sy ôrdônansin’ny filazantsarany eo anivon’ny olona eto an-tany” (“Famerenana amin’ny laoniny ny filazantsara”, Torolalana ho an’ny Soratra Masina, Médiathèthèque de l’Évangile). Raha tsy izany dia azonao atao ny mijery ny “What Is the Restoration?” manomboka eo amin’ny mari-potoana 2:09 ka hatramin’ny 5:13.

5:13

Mba hanampiana ireo mpianatra hamakafaka io fahamarinana io dia azonao atao ao anaty vondrona ny mpianatra mba hifanakalo hevitra momba ireto fanontaniana manaraka ireto.
Inona no ampianarin’izany fahamarinana izany amintsika mikasika ny Ray any An-danitra sy an’i Jesoa Kristy?
Ahoana no ahafahan’ny Famerenana amin’ny laoniny ny filazantsaran’i Jesoa Kristy sy ny Bokin’i Môrmôna manampy antsika handresy ireo fahavoazana ara-panahy nateraky ny Apôstazia Lehibe?

Ireo fitahiana avy amin’ilay asa mahagaga sy mahatalanjona

Ity manaraka ity dia afaka manampy ny mpianatra hahita ny fomba ahafahan’ny Famerenana amin’ny laoniny sy ny Bokin’i Môrmôna manampy antsika handresy ny vokatry ny Apôstazia Lehibe.

Soraty ao anatin’ny diarinao ilay fanontaniana hoe “Ahoana no ahafahan’ny Tompo mitahy ahy amin’ny alalan’ny Famerenana amin’ny laoniny sy ny Bokin’i Môrmôna?” Vakio ny Isaia 29:18–19 ary soraty ny zavatra hitanao fa mamaly ilay fanontaniana.

Vitao ny iray amin’ireto sahanasa manaraka ireto:

Sahanasa 1

Mitadiava andininy na tantara iray avy ao amin’ny Bokin’i Môrmôna izay mitondra anao hanakaiky kokoa ny Ray any An-danitra sy i Jesoa Kristy. Raha manampy dia azonao atao ny mijery ireo andinin-tsoratra masina fifehezana fotopampianarana ao amin’ny Bokin’i Môrmôna.

Hazavao ny antony maha-mahatalanjona izany aminao.

Sahanasa 2

Mitadiava fotopampianarana, na ôrdônansy, na fitahiana, na lafiny hafa amin’ny Famerenana amin’ny laoniny ny filazantsaran’i Jesoa Kristy (mpaminany maoderina, tempoly, fisoronana, sy ny sisa) izay manampy anao hanakaiky kokoa ny Ray any An-danitra sy an’i Jesoa Kristy.

Hazavao ny antony maha-mahatalanjona izany aminao.

Rehefa nahazo fotoana ampy dia asao ny mpianatra hiditra ao anatina vondrona kely maromaro ary hizara ny fanazavany.

Hevero ny hamarana ny fotoam-pianarana amin’ny alalan’ny fanasana ny mpianatra hisaintsaina ny antony maha-feno fankasitrahana azy ireo amin’ny Ray any An-danitra sy i Jesoa Kristy noho ny Famerenana amin’ny laoniny sy ny Bokin’i Môrmôna. Zarao ny fahatsapanao ny antony maha-feno fankasitrahana anao noho ny Famerenana amin’ny laoniny na ny Bokin’i Môrmôna.

Fanaovana tsianjery

Azonao atao ny manampy ireo mpianatra hanao tsianjery ilay toko sy andinin-tsoratra masina fifehezana fotopampianarana sy ilay andian-teny manan-danja ao amin’ny soratra masina nianarana nandritra ity lesona ity, ary manao famerenana izany mandritra ireo lesona hafa any aoriana any. Ny andian-teny manan-danja ao amin’ny soratra masina ho an’ny Isaia 29:13–14 dia ny hoe “Ny famerenana amin’ny laoniny ny filazantsara dia -zava-mahagaga sy mahatalanjona-.” Hita ao amin’ny votoatin’ny tovana etsy ambanin’ny “Sahanasa famerenana ny fifehezana fotopampianarana” ireo hevitra hanaovana ny sahanasa fitadidiana.

Loharanom-pitaovana fanampiny

Efa tapitra ve ny Famerenana amin’ny laoniny ny filazantsara?

Nampianatra izao ny Filoha Dieter F. Uchtdorf, fony izy tao amin’ny Fiadidiana Voalohany, hoe:

18:31

Indraindray isika mihevitra ny Famerenana ny filazantsara amin’ny laoniny ho toy ny zavatra efa vita, sy efa nitranga tany aloha—Nandika ny Bokin’i Môrmôna i Joseph Smith, nahazo ireo fanalahidin’ny fisoronana izy, najoro ny Fiangonana. Kanefa raha ny marina dia zavatra mitohy ny Famerenana amin’ny laoniny, ary miaina ao anatiny mihitsy isika amin’izao fotoana izao. Izany dia ahitana ny “zava-drehetra izay efa nambaran’ Andriamanitra, izay hambarany ankehitriny,” ary ny “zavatra lehibe sy manan-danja maro” izay “mbola ho ambarany” (Ireo Fanekem-pinoana 1:9). … Ny fandrosoana mampientanentana amin’izao vaninandro izao dia tafiditra ao anatin’ilay fotoana fiomanana efa nambara fahiny elabe, izay hiafara amin’ilay Fiaviana Fanindroan’i Jesoa Kristy Mpamonjy amim-boninahitra lehibe. Sondrian-tory ve ianareo mandritra ny Famerenana amin’ny Laoniny?”, Liahona, mey 2014, 59)

Nanazava izao ny Filoha Russell M. Nelson:

Ny Famerenana amin’ny laoniny dia dingana fa tsy tranga, ary mbola hitohy mandra-piavin’ny Tompo indray. …

Ny Famerenana amin’ny laoniny eo an-dalam-pitohizana dia mila fanambarana mitohy. (“Ny tempoly sy ny fototra ara-panahinao”, Liahona, nôv. 2021, 94)

Ahoana no ahafahako mahazo fijoroana ho vavolombelona manokana momba ny maha avy amin’ Andriamanitra ny Famerenana amin’ny laoniny?

Ny Famerenana amin’ny laoniny ny fahafenoan’ny Filazantsaran’i Jesoa Kristy: fanambarana ho an’izao tontolo izao nandritra ny fankalazana ny faha-roanjato taona dia milaza hoe:

Amim-panajana lalina sy fankasitrahana, amin’ny maha- Apôstôliny anay no anasanay ny rehetra hahafantatra, tahaka ny ahafantaranay, fa misokatra ny lanitra. Ambaranay fa ampahafantarin’ Andriamanitra ny sitrapony ho an’ireo zanakalahy sy zanakavavy malalany. Mijoro ho vavolombelona izahay fa ireo izay mandalina ombam-bavaka ny hafatry ny Famerenana amin’ny laoniny ka manao asa amim-pinoana dia ho voatahy hahazo fijoroana ho vavolombelona ho an’ny tenan’izy ireo manokana momba ny maha-avy amin’ Andriamanitra azy io sy momba ny tanjon’izy io, dia ny manomana izao tontolo izao ho amin’ny Fiavian’i Jesoa Kristy Tompo sy Mpamonjintsika fanindroany izay efa nampanantenaina.” (“Ny Famerenana amin’ny laoniny ny fahafenoan’ny filazantsaran’i Jesoa Kristy: Fanambarana ho an’izao tontolo izao nandritra ny fankalazana ny faha-roanjato taona”, Médiathèque de l’Évangile)

Sahanasa fianarana fanampiny

Faminaniana momba ny Bokin’i Môrmôna ao amin’ny Isaia 29

Nanome faminaniana hafa momba ny Bokin’i Môrmôna ao amin’ny Isaia 29 i Isaia. Raha tsapanao fa hanampy izany dia azonao atao ny manazava ireo faminaniana ireo, na afaka mamaky ireto soratra masina manaraka ireto ny mpianatra ary mamantatra ny ifandraisan’izany amin’ny Bokin’i Môrmôna:

Isaia 29:4—Naminany momba ny fivoahan’ireo takela-bolamena avy ao anaty tany i Isaia.
Isaia 29:11–12—Naminany momba an’i Martin Harris i Isaia izay nitondra an’ireo endri-tsoratra sasany ao amin’ny Bokin’i Môrmôna nankany amin’ny Profesora Charles Anthon.

Mba hanampiana ny mpianatra hahita ny fomba nahatanterahan’ny faminanian’i Isaia ao amin’ny Isaia 29:11–12, dia azonao atao ny manao sary ity tabilao manaraka ity eny amin’ny solaitrabe:

Ny lohahevitry ny iray amin’ireo faminanian’i Isaia	Faminanian’i Isaia momba ny zavatra ho ataon’olona iray na ho ataon’ny vahoaka	Ny fahatanterahan’ilay faminaniana
Isaia 29:11—“olona”		Joseph Smith—Tantara 1:63–65
Isaia 29:11—“olona mahavaky teny”		Joseph Smith—Tantara 1:63–65
Isaia 29:12—“izay tsy mahavaky teny”		Joseph Smith—Tantara 1:59

Zarazarao ho tsiroaroa ny mpianatra ary asao izy ireo hamaky ireo toko sy andinin-tsoratra masina ao anatin’ilay tabilao ary hamintina ireo faminanian’i Isaia sy ny fahatanterahan’izany amin’ny andro farany ao amin’ny tsangànana afovoany. (Azonao atao ny manazava fa i Nefia ihany koa dia nanoratra ny raki-tantara nataon’i Isaia ao amin’ny 2 Nefia 27:6–10, 15–20. Ny raki-tantara nataon’i Nefia dia manome antsipiriany kokoa noho ny raki-tantaran’i Isaia ao amin’ny Baiboly.)

Ho solon’ilay sahanasa hampiasana tabilao dia azonao atao koa ny mijery ny “A Marvelous Work and Wonder” (3:57) na manasa izay mpianatra manolo-tena hamaky ny tantaran’i Martin Harris sy i Charles Anthon ao amin’ny pejy 46–48 ao amin’ny Olomasina, Boky 1, Ny fanevan’ny fahamarinana, 1815–1846.

3:57

Ny Bokin’i Môrmôna—Zava-mahagaga sy mahatalanjona

Azonao ampiasaina ireto horonan-tsary manaraka ireto alohan’ny hamitan’ny mpianatra ny sahanasa 1 na 2 ao amin’ny lesona. Azonao atao ihany koa ny mampiseho azy ireo mba hanampiana ny mpianatra hamantatra ny fomba ahafahan’ny Bokin’i Môrmôna mitondra fanantenana sy fifaliana eo amin’ny fiainantsika.

“Jereo ilay boky, jereo ny Tompo” manomboka eo amin’ny mari-potoana 1:32 ka hatramin’ny 3:22. Ny Loholona Gary E. Stevenson ao amin’ny Kôlejin’ny Roambinifololahy dia mizara ny zavatra niainan’i Mary Elizabeth Rollins tamin’ny famakiana ny Bokin’i Môrmôna.

15:7

“Koa mandehana hianareo” manomboka eo amin’ny mari-potoana 1:22 ka hatramin’ny 3:05. Ny Rahavavy Silvia H. Allred, izay mpikambana tao amin’ny Fiadidian’ny Fikambanana Ifanampiana maneran-tany teo aloha, dia nizara ny zavatra niainany tamin’ny fianarana momba ny Bokin’i Môrmôna.

10:25

Finoana isaky ny dingana atao

Ny fanampiana ny mpianatra hamantatra ireo fitahiana sasany avy amin’ny Famerenana amin’ny laoniny dia afaka manampy azy ireo hampitombo ny fankasitrahan’izy ireo ny “zava-mahagaga sy mahatalanjona” nataon’ny Tompo. Fomba iray hanampiana ny mpianatra hanao izany ny mihira na mihaino ny “Nos pas guidés par la foi”. Azon’ny mpianatra atao ny manaraka ny tonon-kira ary mamantatra (1) ireo fomba ahafahantsika mandray anjara amin’ilay “zava-mahagaga sy mahatalanjona” ary (2) ireo fitahiana izay tonga avy amin’ilay asany lehibe. Dia afaka mizara izay hitany izy ireo avy eo.

5:37