Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Isaia 25: Miandry ny Tompo

“Isaia 25: Miandry ny Tompo”, Testamenta Taloha: Boky torolalana ho an’ny mpampianatra seminera (2026)

“Isaia 25: Miandry ny Tompo”, Testamenta Taloha: Boky torolalana ho an’ny mpampianatra seminera

Isaia 13–14; 22; 24–30; 35: Lesona 117

Isaia 25

Miandry ny Tompo

A young woman kneels at her bedside and looks out the window as if she is pondering or waiting for an answer to her prayer.

Inona no ataonao rehefa toa tsy voavaly ny vavaka tamin-kafanam-po nataonao? Manantitrantitra ny Tompo sy ireo mpaminaniny manerana ny soratra masina fa mila miandry ny Tompo isika (jereo ny Isaia 25:9), ka mikatsaka amim-paharetana fitahiana sy valim-bavaka. Ity lesona ity dia afaka manampy ny mpianatra hahatakatra ny maha-zava-dehibe ny fiandrasana ny Tompo.

Fanomanana ny mpianatra: Asao ny mpianatra hisaintsaina momba ny fotoana iray tsy miantsy niandrasany, na ny olona fantany, tamim-paharetana ny valim-bavaka na fitahiana iray avy amin’ny Ray any An-danitra. Azon’izy ireo atao ny mizara ny maha-mora na maha-sarotra ho azy ireo izany fiandrasana izany.

Sahanasa fianarana azo atao

Mampitombo faharetana amin’ny alalan’ny fanazaran-tena

Mba hitsapana ny fahafahan’ny ankizy miandry amim-paharetana dia nasian’ny mpikaroka guimauve lehibe manoloana ny ankizy efa-taona maromaro. Nolazaina izy ireo fa afaka mihinana ilay guimauve avy hatrany. Kanefa raha mahandry 15 minitra izy ireo dia homena guimauve anankiroa. Ny 30 isan-jaton’ireo ankizy ihany no nahavita niandry.

Inona, araka ny eritreritrao, no nahatonga ireo ankizy afaka niandry sy ireo hafa tsy afaka niandry?
Oviana no sarotra taminao ny niandrasana zavatra anankiray? Inona no nahasarotra izany taminao?

Indraindray ny Ray any An-danitra dia mangataka antsika hiandry valim-bavaka na fitahiana iray izay iriantsika. Indraindray Izy dia tsy manome antsika ny valim-bavaka na ny fitahiana andrasantsika amin’ny fomba na ny fotoana itiavantsika izany.

Inona no fitahiana na valim-bavaka sasany avy amin’ny Tompo izay mila iandrasantsika amim-paharetana?

Mety ho tenenin’ny mpianatra ny hoe miandry ny fanamafisana fa marina ny Bokin’ny Môrmôna, na hoe mikatsaka fanasitranana ho an’ny olona akaikin’ny fo tsy salama, na mitalaho amin’ny Ray any An-danitra mba hahazo valim-panontaniana momba ny filazantsara.

Mba hanampiana ny mpianatra hamantatra ny fomba hampiharana ity lesona ity amin’ny zavatra ilain’izy ireo manokana dia omeo fotoana izy ireo hisaintsainana ireto fanontaniana fanombanan-tena manaraka ireto.
Fitahiana na valim-bavaka avy amin’ny Ray any An-danitra inona no andrasanao amin’izao fotoana izao? Inona no mety hangatahiny aminao mba handrasanao any aoriana any?
Inona no mety hahamora na hahasarotra ho anao ny fiandrasana zavatra iray avy amin’ny Ray any An-danitra?

Eo am-pandalinana anio dia angataho ny fanampian’ny Fanahy Masina hampitombo ny fahatakaranao ny maha-zava-dehibe ny fiandrasana ny sitrapo sy fotoanan’ny Ray any An-danitra sy ny an’i Jesoa Kristy. Azonao atao ny manasa ombam-bavaka ny Ray any An-danitra mba hanamafy ny fahaizanao miandry amim-paharetana.

Miandry ny Tompo amim-paharetana

Mety hanampy ny mizara amin’ny mpianatra fa ny Tompo dia nandefa ny mpaminany Isaia ho any amin’ny firenen’i Joda nandritra ny vanim-potoana fikorontanana ara-pôlitika sy ara-piarahamonina. Ny Isaia 25 dia mampahatsiahy ny mpianakavin’i Isiraely ny fitahiana lehibe izay azony sy horaisiny avy amin’ny Tompo.

Vakio ny Isaia 25:1–4, 6–9 ary tadiavo izay efa nataon’ny Tompo ho an’ny Isiraely sy izay mbola ho ataony amin’ny hoavy.

Inona no fitahiana izay manaitra anao?
Araka ny andininy 9, inona no angatahin’ny Tompo ataontsika mba handraisantsika ny fitahiany?

Ampio ny mpianatra hamantatra fahamarinana tahaka ny hoe raha miandry ny Tompo isika dia ho faly sy hiravoravo amin’ny famonjeny. Azonao soratana eny amin’ny solaitrabe ny andian-teny hoe “miandry ny Tompo”.

Asao ny mpianatra haka sary an-tsaina ny namana iray manontany azy ireo ny hevitr’izany andian-teny izany. Ampio ny mpianatra hamorona fanazavana ho an’izany andian-teny izany. Raha mila fanampiana fanampiny amin’ny fahatakarana ny hevitry ny hoe miandry ny Tompo ny mpianatra dia azonao zaraina ity teny nambara manaraka ity.

Nampianatra ny Loholona Robert D. Hales (1932–2017) tao amin’ny Kôlejin’ny Apôstôly Roambinifolo hoe:

Ao amin’ ny soratra masina ny teny hoe miandry dia midika hoe manantena, manao zavatra mialoha, ary matoky. Ny hoe manantena sy matoky ao amin’ny Tompo dia mitaky finoana, faharetana, fanetrentena, fahamoram-panahy, fahari-po sy fitandremana ny didy ary faharetana hatramin’ny farany. (“Miandry an’i Jehovah: Aoka ny sitraponao no hatao”, Liahona, nôv. 2011, 71)

Misy zavatra hafa tianao zaraina ve, mba hanampiana ny hafa hahatakatra ny hevitry ny hoe miandry ny Tompo?
Nahoana, araka ny hevitrao, no zava-dehibe amin’ny Tompo ny fianarantsika miandry Azy? Ahoana no hanampian’izany antsika ho lasa tahaka Azy kokoa?

Fitahiana lehibe ampanantenaina an’ireo izay miandry ny Tompo

Mba hanampiana ny mpianatra hahita ireo fitahiana hafa ampanantenain’ny Tompo an’ireo izay miandry Azy dia azonao ampiasaina ireto sahanasa momba ny fahaizana mandalina soratra masina manaraka ireto. Manampy ny mpianatra hizatra hampifandray na hampifandrohy andinin-tsoratra masina mba hampitomboana ny fahatakarany kokoa ilay fitsipika ity sahanasa ity.

Misafidiana iray na maromaro amin’ireto andinin-tsoratra masina manaraka ireto hohalalinina: Salamo 27:14; Isaia 40:31; Fotopampianarana sy Fanekempihavanana 133:45. Jereo ireo fitahiana fanampiny izay ampanantenain’ny Tompo an’ireo izay miandry Azy.

Mety ho toy ny ahoana ny fitahiana avy amin’ny fiandrasana ny Tompo amin’izao vaninandro misy antsika izao?

Mety hizara fitahiana tahaka ny fiadanam-po, fifaliana, na tanjaka rehefa miandry ny Tompo ny mpianatra.

Ho ohatra amin’ny fitahiana azo rehefa miandry ny Tompo, dia azonao atao ny mampiseho ny horonan-tsarin’ny tantaran’ny Filoha Uchtdorf manao hoe “Manohy amim-paharetana”, izay ao amin’ny ChurchofJesusChrist.org ka manomboka eo amin’ny mari-potoana 1:07 ka hatramin’ny 2:41. Asao ny mpianatra hijery ny zavatra nataon’ny Filoha Uchtdorf fony izy tao amin’ny Fiadidiana Voalohany mba hanaovana asa amim-pinoana raha teo am-piandrasana ny fitahiana nampanantenaina tamin’ny fanarahana ny Tenin’ny Fahendrena izy.

2:42

Rehefa nasehonao ireto fanontaniana manaraka ireto dia mizarà zavatra fohy niainanao mandritra ny fotoana hieritreretan’ny mpianatra izay havaliny.
Oviana ianao no niandry valim-bavaka na fitahiana iray?
Inona no nataonao ka nanampy anao hiandry ny Tompo?

Mila miandry ny Tompo amim-pahavitrihana isika

Ny fanomezana fahafahana ny mpianatra hizara izay nohalalininy dia manamora ny fahitan’izy ireo ny zavatra ianarany sy ny fitomboany. Fomba iray hanatanterahana izany ity sahanasa manaraka ity. Raha ilaina dia asao ny mpianatra hieritreritra antsipiriany fanampiny hampiana ao amin’ilay rafi-tantara mba hahatonga izany hifandray amin’ny zavatra iainany.

Alaovy sary an-tsaina hoe angatahina ianao hanome torohevitra olona mitolona amin’ny fiandrasana fitahiana na valim-bavaka iray. Ao amin’ny diary fandalinanao:

Ataovy lisitra ny zavatra nianaranao androany ka nanampy anao hahatakatra ny maha-zava-dehibe ny hoe miandry ny Tompo. Azonao atao ny mizara zavatra fantatrao mikasika ny Tompo ka nanampy anao.
Manorata andininy iray avy amin’ny Isaia 25 na soratra masina hafa ka mety hanampy ny olona iray hiandry ny Tompo amim-pahavitrihana.
Soraty izay tsapanao fa mety hanampy olona iray eo am-piandrasany valim-bavaka na fitahiana avy amin’ny Tompo. Azonao ampidirina ny zavatra niainanao manokana, na ny olona fantatrao, tamin’ny fandraisana fitahiana avy amin’ny Tompo.

Azonao atao ny mamarana ny fampianarana amin’ny fizarana ny fomba nahafantaranao fa afaka matoky ny Tompo ianao eo am-piandrasanao Azy.

Loharanom-pitaovana fanampiny

Ahoana raha ohatra ka sarotra amiko ny miandry ny Tompo?

Ny Rahavavy Amy A. Wright, Mpanolotsaina Voalohany ao amin’ny Fiadidian’ny Kilonga maneran-tany dia nizara ny hoe:

10:39

Matetika [isika] eo amin’ny fiainantsika dia mety mahita ny tenantsika ho “miandry an’i Jehovah” amim-paharetana—na indraindray amin’ny tsy faharetana. Miandry ny ho sitrana ara-batana na ara-pihetseham-po. Miandry valim-panontaniana izay hipaka lalina ao am-pontsika. Miandry fahagagana.

Ny fiandrasana [ny Tompo] dia afaka ny ho toerana masina—toerana iray fanefena sy fanadiovana izay ahafahantsika mahafantatra ny Mpamonjy amin’ny fomba lalina manokana. Ny fiandrasana [ny Tompo] koa dia mety ho toerana iray ahitana ny tenantsika manontany hoe: “Andriamanitra ô, aiza no misy anao?” toerana iray izay hitakin’ny faharetana ara-panahy antsika mba hampihatra finoana an’i Kristy amin’ny alalan’ny fisafidianana amim-piniavana Azy foana. Haiko io toerana io, ary takatro io karazana fiandrasana io.

… Nianatra tamin’ny fomba lalina aho fa ny fanafahana amin’ireo fitsapana mahazo antsika dia tsy mitovy ho antsika tsirairay avy, ary noho izany dia tsy tokony hifantoka loatra amin’ny fomba hanafahana antsika ny fifantohantsika fa tokony hifantoka bebe kokoa amin’ny momba ilay Mpanafaka. Tokony ho amin’i Jesoa Kristy mandrakariva no fifantohantsika!

Ny hoe mampihatra finoana an’i Kristy dia tsy vitan’ny hoe mitoky amin’ny sitrapon’ Andriamanitra fotsiny ihany fa mitoky amin’ny fotoanany ihany koa. Satria fantany tsara ny zavatra ilaintsika sy ny fotoana ilantsika izany. Rehefa manaiky ny sitrapon’ny Tompo isika dia hahazo zavatra betsaka kokoa noho izay nirintsika amin’ny farany. (“Manasitrana izay rava i Kristy”, Liahona, mey 2022, 83–84)

Nanazava toy izao ny Filoha Jeffrey R. Holland ao amin’ny Kôlejin’ny Apôstôly Roambinifolo:

14:18

[H]isy fotoana eo amin’ny fiainantsika izay, na ny ezaka ara-panahy tsara indrindra ataontsika sy ireo vavaka fitalahoana ataontsika amin’ny fo aza dia tsy hitondra ireo fandresana niriantsika, na mahakasika ireo olana lehibe maneran-tany izany na ireo olana an’ny tena manokana. Ka eo am-panaovantsika asa sy iandrasantsika miaraka ny valin’ireo vavaka sasany ataontsika dia manolotra anareo ny fampanantenana amin’ny maha-apôstôly ahy aho fa misy mahare izy ireny ary voavaly na dia tsy mitranga amin’ny fotoana na amin’ny fomba tiantsika aza izany. Kanefa dia voavaly foana izy ireny amin’ny fotoana sy amin’ny fomba izay tokony hamalian’ny ray aman-dreny manana ny fahalalana rehetra sy feno fangorahana mandrakizay azy ireny. Ry rahalahy sy anabavy malalako isany, fantaro fa Izy ilay tsy matory na rendrehana dia miraharaha ny fahasambarana sy ny fisandratana faratampon’ireo zanany ambonin’ny zavatra hafa rehetra tokony ho ataon’ny andriamanitra iray. Izy no fanehoana amim-boninahitra ny fitiavana madio, ary Ray be famindram-po no anarany. (“Eo am-piandrasana ny Tompo”, Liahona, nôv. 2020, 115–116)

Sahanasa fianarana fanampiny

Isaia 25:8—“Hamafa ny ranomaso amin’ny tava rehetra”

Mety hahasoa ny mpianatra ny mifanakalo hevitra ny amin’ny fomba hampaherezan’ny Ray any An-danitra sy i Jesoa Kristy antsika eo am-piandrasantsika ny fanamaivanana ny fahatsapantsika alahelo. Raha mety ny hanaovana izany dia azonao atao ny manasa ny mpianatra hizara ny zavatra sasany iainan’ny zatovo ka mahatonga azy ireo halahelo. Asao ny mpianatra hamaky ny Isaia 25:8 avy eo ary hitady ny zavatra nampanatenain’ny Tompo fa ho ataony ho an’ireo rehetra mandalo alahelo eto amin’ity fiainana ity.

Oviana ianao no nandray fampaherezana avy amin’ny Ray any An-danitra sy i Jesoa Kristy raha nandalo alahelo?
Amin’ny fomba ahoana no ahafahantsika miezaka ny hitovy amin’ Izy Ireo ka manampy olona iray izay mandalo alahelo?

Azonao atao ny mampiseho ny horonan-tsary “He’ll Be There” (2:43). Tamin’ny alalan’ny hira no nizaran’ny tovolahy ny fijoroana ho vavolombelona ananany fa hampionona antsika amin’ny alahelontsika i Kristy.

2:42

Isaia 26:19—Miandry ny Fitsanganana amin’ny maty ny maty

Mba hanampiana ny mpianatra hahatakatra ny fomba ahafahantsika manompo ireo razambentsika izay miandry ny hanatanterahana asa atao any amin’ny tempoly ho azy ireo dia asehoy ny sarin’ny efitrano fiandrasana na ny famantarana iray izay milaza hoe “Efitrano fiandrasana”. Asao ny mpianatra hifanakalo hevitra momba ireto fanontaniana manaraka ireto.

Avy amin’ny zavatra fantatrao momba ny drafitry ny famonjena, amin’ny fomba ahoana ny tontolon’ny fanahy no tahaka ny efitrano fiandrasana ho an’ireo razambentsika?
Amin’izy ireo, inona no mety ho hevitry ny hoe “miandry ny Tompo”?

Azon’ny mpianatra atao ny mamaky ny Isaia 26:19 ary mitady ny fampanantenana omena ny zanaky ny Ray any An-danitra rehetra.

Amin’ny fomba ahoana io andininy io no mety hanampy ny olona iray izay namoy ny olona iray akaikin’ny fony?

Asao ny mpianatra hizara fa ireo fanahy ireo dia “miandry ny Tompo.” Hevero ny hangataka ny mpianatra hifanakalo hevitra momba ny hoe amin’ny fomba ahoana ny ezaka ataontsika hanangona an’i Isiraely no afaka manampy ireo fanahy ireo, izay miandry ny Tompo any amin’ny tontolon’ny fanahy.