Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Isaias 5: “Kahabag-habag Sila na Tinatawag na Mabuti ang Masama, at ang Masama ay Mabuti”

“Isaias 5: ‘Kahabag-habag Sila na Tinatawag na Mabuti ang Masama, at ang Masama ay Mabuti,’” Manwal ng Guro ng Seminary para sa Lumang Tipan (2026)

“Isaias 5: ‘Kahabag-habag Sila na Tinatawag na Mabuti ang Masama, at ang Masama ay Mabuti,’” Manwal ng Guro ng Seminary para sa Lumang Tipan

Isaias 1–12: Lesson 115

Isaias 5

“Kahabag-habag Sila na Tinatawag na Mabuti ang Masama, at ang Masama ay Mabuti.”

Sa pamamagitan ng propetang si Isaias, binalaan ng Panginoon ang Israel laban sa kanilang masasamang pagpili, kabilang ang pagtawag na “mabuti ang masama, at ang masama ay mabuti” (Isaias 5:20). Ngayon, maraming mapaminsalang ideya at gawain ang sa tingin ay tila mabuti. Ang lesson na ito ay makapagpapahusay sa kakayahan ng mga estudyante na mahiwatigan ang mabuti sa masama.

Paghahanda ng estudyante: Anyayahan ang mga estudyante na dumating sa klase na handang magbahagi ng halimbawa ng isang bagay na inakala na hindi nakapipinsala, o mabuti, na kalaunan ay napatunayang nakasasama.

Mga Posibleng Aktibidad sa Pag-aaral

Mapanganib sa espirituwalidad na mga pag-iisip at kilos

Maaari mong simulan ang klase sa pamamagitan ng pagpapakita ng larawan ng nakatagong cheetah, tulad ng nasa simula ng lesson na ito. Pagkatapos ay maaari mong itanong ang sumusunod at ipakita ang pahayag ni Elder David A. Bednar.

Bakit mapanganib ang cheetah sa biktima nito?

Inihalintulad ni Elder David A. Bednar ng Korum ng Labindalawang Apostol ang mga cheetah sa mga mapanganib na ideya at kilos.

15:59

Para sa akin, ang mga cheetah ay makikintab, nakaaaliw, at nakabibighaning mga hayop. Ang manilaw-nilaw na kulay kape at kulay abo at maputing balahibo ng mga ito na may batik-batik na itim ay nagiging mabisang panlinlang upang ang mga hayop na ito ay halos hindi na makita habang nandaragit sila sa kapatagan ng Africa.

Sa isang katulad na paraan, ang mapanganib sa espirituwalidad na mga pag-iisip at kilos ay kadalasang maganda sa paningin, kanais-nais, o nakaliligaya. Kaya, sa ating makabagong mundo, ang bawat isa sa atin ay dapat maging alisto sa mapanuksong kasamaan na nagpapanggap na kabutihan. (“Maging Alisto at Patuloy na Manalangin,” Liahona, Nob. 2019, 33)

Ano ang ilang halimbawa ng “mapanganib sa espirituwalidad na mga pag-iisip at kilos” na “maganda sa paningin, kanais-nais, o nakaliligaya?”

Maaaring makatulong na isulat sa pisara ang mga sagot ng estudyante. Maaaring sabihin ng mga estudyante ang mga bagay na tulad ng, “Katawan ko ito. Magagawa ko ang kahit anong gusto ko rito” o “Ayos lang iyon basta’t hindi ka mahuhuli.” Babalikan mo ang mga ideyang ito sa pisara kalaunan sa lesson.
Bakit mahalagang makilala mo ang mapanuksong kasamaan na nagpapanggap na mabuti?

Ang sumusunod na paliwanag at paanyaya ay makatutulong sa mga estudyante na simulang makita kung paano naging mahalaga sa kanilang buhay ang kanilang pag-aaralan sa lesson na ito.

Maaaring mahirap makilala ang mga mapanlinlang na ideya at kilos na ito, lalo na kapag maaaring naiimpluwensyahan tayo ng mga ito. Ang bawat isa sa atin ay nag-iisip o kumikilos sa mga paraan na hindi ganap na naaayon sa mga turo ni Jesucristo (tingnan sa Mga Taga Roma 3:23). Tutulungan tayo ng Ama sa Langit at ni Jesucristo na makilala ito sa ating mga sarili kapag humihingi tayo ng Kanilang tulong sa pamamagitan ng Espiritu Santo. Sa iyong pag-aaral ngayon, bigyang-pansin kung paano ka maaaring tinutulungan ng Espiritu Santo na mahiwatigan ang katotohanan sa kamalian.

Mga nakatagong panlilinlang

Ibuod ang sumusunod na talata upang ipakilala sa mga estudyante ang kabuuang mensahe ng Isaias 5.

Sa Isaias 5, itinuro ng Panginoon sa mga Israelita ang tungkol sa Kanyang pagmamahal sa kanila at ang mga bunga ng kanilang mga makasalanang pagpili sa pamamagitan ng analohiya ng ubasan. Kahit na sinubukan ng Panginoon na tulungan silang umunlad, ang mga makasalanang pagpili ng mga Israelita ay nagdulot sa kanila na maging “ligaw na ubas” (tingnan sa Isaias 5:2), isang simbolo para sa kanilang kabulukan at mapoot na pagkatao. Dahil pinili nilang “itakuwil” at kamuhian ang Panginoon at ang Kanyang mga turo (tingnan sa Isaiah 5:24), hindi sila tutulungan ng Panginoon.

Maaari mong anyayahan ang mga estudyante na sulyapan ang Isaias 5:8–23 at bilangin kung ilang beses ginamit ng Panginoon ang salitang “kahabag-habag” (anim na beses). Ipaliwanag na ang ibig sabihin ng “kahabag-habag” ay matinding kalungkutan o pagdurusa. Sinubukan ng Panginoon na ituro sa mga Israelita na ang kanilang mga makasalanang pagpili ay ang nagpapalayo sa kanila mula sa Kanya at humahantong ang mga ito sa kalungkutan at pagdurusa.

Bagama‘t maraming katotohanan ang maaaring pagtuunan ng lesson na ito, ang natitirang bahagi ng lesson na ito ay tutuon sa doctrinal mastery passage na Isaias 5:20.

Ang Isaias 5:20 ay isang doctrinal mastery passage. Maaari mong anyayahan ang mga estudyante na pag-isipang markahan ang mga doctrinal mastery passage sa natatanging paraan upang madali nilang mahanap ang mga ito.

Basahin ang Isaias 5:20, at alamin kung ano ang nagdudulot ng kahabagan, o kalungkutan at pagdurusa.

Ano ang nalaman mo?

Tulungan ang mga estudyante na matukoy ang isang katotohanan, tulad ng Kung tatawagin natin na mabuti ang masama at masama ang mabuti, kalaunan ay makararanas tayo ng kalungkutan at pagdurusa. Maaari mong anyayahan ang mga estudyante na pag-isipang markahan ang tatlong pares sa talata, masama at mabuti, dilim at liwanag, at mapait at matamis. Ipaliwanag na kadalasan ay nagbibigay si Isaias ng maraming halimbawa para makatulong na maging mas malinaw ang kanyang mga turo.

Paano humahantong sa kalungkutan at pagdurusa kapag tinawag na masama ang mabuti at mabuti ang masama?

Ang pagkilala sa paghihirap sa pagtukoy sa mga panlilinlang na ito ay makatutulong sa mga estudyante na madama na nauunawaan sila, makilala ang mga balakid, at makita ang kanilang pangangailangan sa Diyos.

Sumangguni sa listahan ng “mapanganib sa espirituwalidad na mga pag-iisip at kilos” sa pisara, at itanong ang sumusunod.

Ano ang maaaring magpahirap sa pagtukoy sa mapanganib sa espirituwalidad na mga pag-iisip at kilos na ito?

Isipin kung may anumang mapanganib sa espirituwalidad na pag-iisip o kilos na maaaring maganda sa paningin, kanais-nais, o nakaliligaya.

Si Jesucristo ang katotohanan

Pagkatapos matukoy ang mga paghihirap, tulungan ang mga estudyante na makita si Jesucristo bilang solusyon.

Basahin ang Juan 14:6, at alamin ang sinabi ni Jesus tungkol sa kung sino Siya.

Ano sa palagay mo ang ibig sabhin ni Jesus nang sabihin Niya na Siya ang katotohanan?
Ano ang ibinigay ng Ama sa Langit at ni Jesucristo para tulungan tayong makilala ang mga mapanlinlang na ideya at kilos na inilista natin kanina?

Bagama’t hindi ito komprehensibong listahan, maaaring magbahagi ang mga estudyante ng ilang bagay tulad ng sumusunod:

Ang Espiritu (tingnan sa Doktrina at mga Tipan 11:12–13)
Ang Liwanag ni Cristo (tingnan sa Moroni 7:16–19)
Mga Propeta (tingnan sa Doktrina at mga Tipan 21:1, 4–6)
Mga Banal na Kasulatan (tingnan sa 2 Timoteo 3:15–17)

Kung nakikita mong kinakailangan ng iyong mga estudyante, maaari mong basahin at talakayin ang ilan sa mga banal na kasulatan na ibinigay.

Ang susunod na aktibidad ay nagbibigay ng pagkakataon sa mga estudyante na pag-aralan ang mga turo ng Tagapagligtas para tulungan silang makilala ang Kanyang katotohanan. Sabihin sa mga estudyante na tingnan ang listahan ng mga mapanganib sa espirituwalidad na mga pag-iisip at kilos sa pisara. Ipakita ang mga sumusunod na tagubilin.

Para matulungan tayong mahiwatigan ang katotohanan sa kamalian, maaari tayong bumaling sa mga turo ni Jesucristo at ng Kanyang mga propeta. Ang isang lugar kung saan “matatagpuan [natin] ang mga turo ni Jesucristo at ng Kanyang mga propeta” ay sa Para sa Lakas ng mga Kabataan: Isang Gabay sa Paggawa ng mga Pagpili (“Gumawa ng mga Inspiradong Pagpili,” Para sa Lakas ng mga Kabataan: Isang Gabay sa Paggawa ng mga Pagpili [2022]).

Pumili ng isang ideya o kilos na matutukoy bilang masama na nagpapanggap na mabuti o mabuti na ipinapakita bilang o binabansagang masama. Pag-aralan ang gabay na Para sa Lakas ng mga Kabataan, at alamin ang mga turo ni Jesucristo at ng Kanyang mga propeta na makatutulong sa iyo na piliing sundin si Jesucristo sa halip na ang mga mapanlinlang na mensahe ng diyablo. Isulat kung paano itinutuwid ng mga turo ng Tagapagligtas ang mga maling ideya.

Ipabahagi sa mga estudyante ang nalaman nila. Para magawa ito, maaaring pumili ang isang estudyante ng ideya o kilos mula sa pisara. Sabihin sa klase na ipaliwanag kung paano ipinapakita ng isang bagay na natutuhan nila na ang ideya o kilos bilang espirituwal na nakapipinsala. Halimbawa, kung pipiliin ng isang estudyante ang “Ayos lang iyon basta’t hindi ka mahuhuli,” maaaring ibahagi ng mga estudyante ang isang bagay na natutuhan nila sa bahaging “Ang katotohanan ay magpapalaya sa inyo” sa gabay na Para sa Lakas ng mga Kabataan, tulad ng mga talata na nagsisimula sa “Ang pamumuhay nang may integridad ay nangangahulugan na mahal ninyo ang katotohanan nang buong puso” o “Mahalin ang katotohanan.”

Pagninilay sa pagkatuto

Bigyan ng pagkakataon ang mga estudyante na pagnilayan ang natutuhan nila sa pamamagitan ng pagpapakita ng tanong gaya ng sumusunod.

Magsulat ng sagot sa sumusunod na tanong sa iyong study journal:

Ano ang natutuhan mo ngayon na makatutulong sa iyo na makilala ang katotohanan at mas masunod si Jesucristo?

Maaari mong anyayahan ang mga estudyante na ibahagi ang kanilang damdamin at patotoo sa pamamagitan ng pagbabahagi ng isinulat nila. Maaari mong patotohanan ang tungkol kay Jesucristo at sa Kanyang titulo bilang Katotohanan.

Isaulo

Maaari mong tulungan ang mga estudyante na isaulo ang doctrinal mastery passage at mahalagang parirala ng banal na kasulatan sa lesson na ito at balikan ang mga ito sa mga lesson sa hinaharap. Ang mahalagang parirala ng banal na kasulatan para sa Isaias 5:20 ay “Kahabag-habag sila na tinatawag na mabuti ang masama, at ang masama ay mabuti.” Ang mga ideya para sa mga aktibidad sa pagsasaulo ay nasa mga materyal sa appendix sa ilalim ng “Mga Aktibidad sa Pagre-review ng Doctrinal Mastery.”

Karagdagang Resources

Ano ang makatutulong sa akin na mahiwatigan ang mabuti sa masama?

Ipinahayag ni Pangulong Dallin H. Oaks ng Unang Panguluhan:

Kapag nagsimula tayo sa pagtitimbang ng mga makabagong gawain at mungkahi kumpara sa nalalaman natin tungkol sa plano ng Diyos at sa mga paniniwalang ibinigay sa salita ng Diyos at sa mga turo ng Kanyang mga buhay na propeta, … alam natin na inilalagay tayo nito sa ligtas na katayuan magpakailanman. (“As He Thinketh in His Heart,” [gabi kasama si Elder Dallin H. Oaks, Peb. 8, 2013], 5)

Basahin ang talata 11 at 12 ng “Pagtatamo ng Espirituwal na Kaalaman” sa Doctrinal Mastery Core Document (2023).

Tingnan ang “Ituon ang Iyong Buhay kay Jesucristo” o “Sumangguni sa Mapagkakatiwalaang Sources,” na matatagpuan sa seryeng Paghahanap ng mga Sagot sa Iyong mga Tanong sa bahaging Mga Paksa at Mga Tanong ng Gospel Library.

Paano naging magkaiba ang mga mensahe ng Ama sa Langit at ng tuso?

Itinuro ni Pangulong Russell M. Nelson:

24:23

Tuso ang kaaway. Sa sanlibong taon ginagawa niyang magmukhang masama ang mabuti at magmukhang mabuti ang masama. Ang kanyang mga mensahe ay karaniwang maingay, mapangahas, at mapagmataas.

Subalit ang mga mensahe mula sa ating Ama sa Langit ay sadyang naiiba. Siya ay nakikipag-ugnayan nang simple, tahimik, at napakalinaw kaya tiyak na maiintindihan natin Siya. (“Pakinggan Siya,” Liahona, Mayo 2020, 89)

Mga Karagdagang Aktibidad sa Pag-aaral

Opsyon sa mas mahabang video

Maaaring makinabang ang mga estudyante sa pakikinig kay Elder Bednar na ilarawan ang napansin nila ng kanyang asawa tungkol sa mga huwaran ng pangangaso ng mga cheetah sa isang pagbisita sa Africa. Maaari kang manood ng mas mahabang bahagi ng mensaheng ito, “Maging Alisto at Patuloy na Manalangin,” mula sa time code na 2:13 hanggang 6:07, na kasama ang kanyang karanasan.

15:59

“Inaaring dilim ang liwanag … inaaring mapait ang matamis” (Isaias 5:20)

Dahil maaaring hindi agad na matukoy ng ilang estudyante ang isang kilos o ideya bilang mabuti o masama, maaari kang maglaan ng oras sa pakikipag-usap pagkatapos matukoy ang naka-bold na katotohanan tungkol sa mga karagdagang halimbawa na ibinigay ni Isaias: dilim at liwanag, mapait at matamis.

Ano ang mga karagdagang halimbawa ng mga mapanganib sa espirituwalidad na kilos at ideya na maaaring “inaaring dilim ang liwanag, at liwanag ang dilim; na inaaring mapait ang matamis, at matamis ang mapait” (Isaias 5:20)?

Bagama’t maaaring hindi matukoy ng mga estudyante na masama ang ilang piniling musika o pagtawanan ang ibang tao, maaari nilang ibahagi kung paano mapalalakas ng ilang pagpili ng musika ang dilim o liwanag o kung paano magbubunga ng mapait o matamis na karanasan ang paraan ng pakikitungo natin sa ibang tao.

Paano mahiwatigan ang mapagkakatiwalaan sa hindi mapagkakatiwalaang sources

Ang isang paraan kung paano natin matutukoy ang mga panlilinlang ni Satanas ay sa pamamagitan ng paghiwatig sa mapagkakatiwalaan sa hindi mapagkakatiwalaang sources. Maaari mong tulungan ang mga estudyante na matutuhan kung paano ito gawin sa pamamagitan ng materyal na matatagpuan sa “Microtraining 3: Paano Malalaman kung Mapagkakatiwalaan ang Sources,” na matatagpuan sa Institute course na Materyal ng Guro para sa Pagsagot sa Aking mga Tanong tungkol sa Ebanghelyo. O maaari mong gamitin ang materyal tungkol sa pagsangguni sa mapagkakatiwalaang sources na matatagpuan sa resource na “Paghahanap ng mga Sagot sa Iyong mga Tanong” sa ilalim ng Mga Paksa at Mga Tanong sa Gospel Library.

Isaias 6: Pagbabago sa pamamagitan ni Jesucristo at ng Kanyang Pagbabayad-sala

Maaari mong ituro ang tungkol kay Jesucristo sa pamamagitan ng simbolismong ginamit sa Isaias 6. Maaari kang magpakita ng isang pares ng mga larawan na nagpapakita ng isang pangyayari bago at pagkatapos nitong maganap, tulad ng larawan ng kotse bago at pagkatapos ng car wash.

Maaari mong ibuod ang Isaias 6:1–4 sa pamamagitan ng pagpapaliwanag na si Isaias ay nagkaroon ng pangitain kung saan siya ay nakatayo sa harap ng Panginoon. Tinangka ni Isaias na ilarawan ang kapangyarihan at kaluwalhatian na naramdaman niya sa piling ng Diyos.

Ipabasa sa mga estudyante ang Isaias 6:5 at alamin ang nadama ni Isaias sa piling ng Panginoon.

Sa anong mga paraan mo maaaring nadama ang naramdaman ni Isaias?

Pagkatapos ay maaaring pag-aralan ng mga estudyante ang Isaias 6:6–10, at alamin ang mga larawan at parirala na nagtuturo sa kanila tungkol sa kung paano tayo nagbago sa pamamagitan ni Jesucristo at ng Kanyang Pagbabayad-sala. Maaari nilang ipaliwanag kung paano ipinaaalala sa atin ng altar ang sakripisyo ni Jesucristo (tingnan sa talata 6), kung paano ipinaaalala sa atin ng paglilinis ng mga labi ang kapangyarihang magdalisay ni Jesucristo (tingnan sa talata 7), o kung paano ipinaaalala sa atin ng tugon ni Isaias sa talata 8 ang tugon ni Jesucristo sa Ama sa Langit sa premortal na buhay (tingnan sa Abraham 3:27).

Habang ibinabahagi ng mga estudyante ang natuklasan nila, tulungan silang matukoy ang isang katotohanan, tulad ng Sa pamamagitan ni Jesucristo at ng Kanyang Pagbabayad-sala, maaari akong magbago at maging malinis.

Paano magdudulot ang karanasan ni Isaias kay Jesucristo at sa Kanyang Pagbabayad-sala ng pag-asa sa isang taong maaaring nadaramang hindi siya karapat-dapat o hindi kwalipikado?
Nang hindi nagbabahagi ng anumang bagay na masyadong personal, paano ka nabago sa pamamagitan ni Jesucristo at ng Kanyang Pagbabayad-sala?

Maaari mong tulungan ang mga estudyante na makita kung paano madaragdagan ang ating hangarin na gawin ang kanyang kalooban sa pamamagitan ng personal na pagdanas sa nagbabayad-salang kapangyarihan ni Jesucristo. Maaaring ihambing ng mga estudyante ang unang nadama ni Isaias sa talata 5 (“Kahabag-habag ako! Ako’y napahamak”) kasama ang kanyang sagot sa paanyaya ng Panginoon sa talata 8 (“Narito ako; suguin mo ako”). Maaaring ibahagi ng mga estudyante kung bakit ang pagdanas ng nagbabayad-salang kapangyarihan ni Jesucristo ay nagdaragdag sa ating hangaring gawin ang Kanyang kalooban, o maaari silang magbahagi ng mga halimbawa mula sa banal na kasulatan o ng mga taong kilala nila na naglalarawan sa ganitong pagbabago sa hangarin.