Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Pambungad sa Isaias: “Dakila ang mga salita ni Isaias“

“Pambungad sa Isaias: ‘Dakila ang mga salita ni Isaias,’” Manwal ng Guro ng Seminary para sa Lumang Tipan (2026)

“Pambungad sa Isaias: ‘Dakila ang mga salita ni Isaias,’” Manwal ng Guro ng Seminary para sa Lumang Tipan

Isaias 1–12: Lesson 113

Pambungad sa Isaias

“Dakila ang mga salita ni Isaias”

The Old Testament prophet Isaiah writing on a roll of parchment. Two men (New Testament apostles) are witnessing the event. They are depicted standing behind Isaiah. A landscape of mountains is in the background. Above the landscape is an image of Mary (the mother of Christ), Joseph (the carpenter) and the infant Jesus Christ in the manger. The painting depicts the prophecy of Isaiah regarding the birth of Jesus Christ.

May napakahalagang responsibilidad ang propetang si Isaias na magturo tungkol sa pagtubos sa pamamagitan ni Jesucristo. Ang mensaheng ito ay para sa mga tao sa panahon ni Isaias, pati na rin para sa atin sa ating kasalukuyang panahon. Makabuluhang pag-aralan nang masigasig ang mga turo ni Isaias tungkol kay Jesucristo. Ang lesson na ito ay makatutulong sa mga estudyante na mahikayat na matuto tungkol kay Jesucristo sa pamamagitan ng pag-aaral ng Isaias.

Paghahanda ng estudyante: Maaari mong anyayahan ang mga estudyante na dumating sa klase na handang magbahagi ng isang mahalagang katotohanan tungkol kay Isaias. Maaari nilang hanapin ang Isaias sa Gabay sa mga Banal na Kasulatan.

Mga Posibleng Aktibidad sa Pag-aaral

Inirerekomendang aklat

Maaari mong simulan ang klase sa pamamagitan ng pagpapakita ng mga sumusunod na pahayag at pag-anyaya sa mga estudyante na pagsunud-sunurin ang mga ito mula sa pinakamalamang na mahikayat hanggang sa pinakamalamang na hindi mahikayat na basahin nila ang isang partikular na aklat.

Mukhang lubos na kawili-wili
Inirekomenda ng isang kapamilya o kaibigan
Itinalaga para sa isang klase sa paaralan
May magagandang online review

Maaari mong anyayahan ang ilang estudyante na ibahagi kung ano ang kanilang nangungunang dahilan at kung bakit.

Basahin ang 3 Nephi 23:1–3, at alamin ang aklat na nais ng Tagapagligtas na pag-aralan natin.

Ano ang naiisip ninyo tungkol sa utos ng Tagapagligtas na masigasig na saliksikin ang mga salita ni Isaias?
Paano maaaring makaimpluwensya ang utos ng Tagapagligtas sa paraan ng pag-aaral ninyo ng Isaias?

Maaari mong sabihin sa mga estudyante na ipakita ang kanilang kumpiyansa sa kanilang kakayahan na masigasig na pag-aralan ang mga salita ni Isaias. Ang isang paraan upang magawa ito ay lagyan ng label ang isang pader ng silid-aralan ng “malaki ang kumpiyansa“ at ang isa pang pader ng “hindi malaki ang kumpiyansa.“ Anyayahan ang mga estudyante na tumayo sa pagitan ng mga pader ayon sa antas ng kanilang kumpiyansa. Maaaring ipaliwanag ng mga handang estudyante ang antas ng kanilang kumpiyansa.

Ibahagi sa mga estudyante na matutulungan sila ng Espiritu Santo na magkaroon ng kumpiyansa na matutulungan sila ng mga turo ni Isaias na mapalapit kay Jesucristo.

Ano ang kapaki-pakinabang na malaman tungkol sa propetang si Isaias?

Upang matulungan ang mga estudyante na bahagyang maunawaan ang tungkol sa propetang si Isaias, maaari mong ipakita ang infographic na “Ang Kaharian ng Israel at Kaharian ng Juda sa Isang Sulyap.“ Anyayahan ang mga estudyante na hanapin si Isaias.

Maaari mong ipahanap sa mga estudyante ang mga sagot sa mga sumusunod na tanong sa infographic:

Sa anong kaharian naninirahan si Isaias? (Juda)
Sino pang ibang mga propeta ang nangaral sa kapanahunan ni Isaias? (Mikas, Hoseas, Jonas)
Anong mahalagang pangyayari ang naganap humigit-kumulang isang siglo matapos itong ipropesiya ni Isaias? (Ang Juda ay nadalang bihag ng Babilonia)

Para sa iba pang impormasyon, tingnan ang mga entry para sa “Isaias“ sa Gabay sa mga Banal na Kasulatan. Maaari mong anyayahan ang mga estudyante na ibahagi ang iba pang natutuhan nila tungkol kay Isaias sa kanilang paghahanda ng estudyante.

Basahin o ibuod ang sumusunod na talata.

Noong siya ay nabubuhay pa, nangaral ang propetang si Isaias sa mga taong tumalikod sa pananampalataya kay Jehova (Jesucristo). Ang mensahe ni Isaias sa kanila ay makikita sa kanyang sariling pangalan na ang ibig sabihin ay, “Ang Panginoon ay kaligtasan.“ Ang mga turo ni Isaias ay angkop din sa iba pang panahon kung kailan tatalikod ang mga tao kay Jesucristo—tulad ng panahon ni Cristo at ng kasalukuyang panahon, habang naghahanda tayo para sa Kanyang Ikalawang Pagparito.

Ang mga salita ni Isaias ay makatutulong sa atin na mas lubos na maniwala kay Jesucristo

Maaaring interesado ang mga estudyante na malaman na “Binanggit ni Jesus si Isaias ng maraming ulit kaysa sa pagbanggit sa iba pang propeta. Madalas ding banggitin si Isaias nina Pedro, Juan, at Pablo sa Bagong Tipan. Naglalaman ang Aklat ni Mormon at ang Doktrina at mga Tipan ng maraming sipi mula sa Isaias kaysa sa ibang mga propeta at naglalaan ng labis na tulong sa pagpapaliwanag ng Isaias” (Gabay sa mga Banal na Kasulatan,“Isaias,” Gospel Library).

Basahin ang 1 Nephi 19:23, at alamin kung bakit binasa ni Nephi ang mga salita ni Isaias sa kanyang mga kapatid.

Ano ang nalaman ninyo?

Kung hindi ito babanggitin ng mga estudyante, tulungan silang maunawaan ang katotohanang ito: Ang pag-aaral ng mga salita ni Isaias ay makatutulong sa atin na mas lubos na maniwala kay Jesucristo.

Maaaring magandang pagkakataon ito para pagnilayan ng mga estudyante ang kahalagahan ng mas pagkilala kay Jesucristo sa pamamagitan ng mga salita ni Isaias. Ang isang paraan upang magawa ito ay anyayahan ang mga estudyante na kumpletuhin ang sumusunod na pangungusap sa kanilang journal: “Ang mas malalim na paniniwala kay Jesucristo ay maaaring makaapekto sa buhay ko sa pamamagitan ng …“ Kapag nagkaroon na ng pagkakataon ang mga estudyante na magsulat, maaari mong anyayahan ang mga boluntaryo na ibahagi sa klase ang isinulat nila. Tandaan na magpasalamat sa bawat estudyanteng nagbabahagi.

Bilang alternatibo, sa halip na ipasulat sa kanila sa mga journal, maaari mong anyayahan ang mga estudyante na kumausap ng isang kapartner at ibahagi ang kanilang mga saloobin.

Mga pangalan at titulo ni Jesucristo

2026 Old Testament Seminary Teacher Materials

Basahin ang mga sumusunod na talata at tukuyin at pag-isipang markahan ang mga titulo o tungkulin ni Jesucristo.

Isaias 7:14
Isaias 9:6–7
Isaias 33:22
Isaias 40:28

Matapos mabasa ng mga estudyante, maaari mong ipakita ang ilang larawan ni Jesucristo na pinili mula sa media library ng Simbahan. Pagkatapos ay maaaring ibahagi ng mga estudyante kung anong mga titulo o tungkulin ang nakikita nilang naisasakatuparan sa larawan.

Maaari mong anyayahan ang mga miyembro ng grupo na pumili ng titulo o tungkulin at alamin pa ang tungkol dito sa pamamagitan ng paggamit ng mga footnote o paghahanap ng “Jesucristo“ sa Gabay sa mga Banal na Kasulatan. Maaari mong anyayahan ang mga estudyante na magdagdag sa diagram sa pamamagitan ng paggawa ng mga bilog na nagmumula sa titulo o tungkulin na pinagtuunan nila. Maaari nilang ilista ang mga natutuhan nila tungkol sa titulo o tungkuling iyon. (Paalala: ang aktibidad na ito ay tutukuyin sa Lesson 133: “I-assess ang Iyong Pagkatuto 8.“)

Maaari mo silang anyayahan na ibahagi sa kanilang grupo ang natutuhan nila tungkol sa Tagapagligtas.
Bakit kailangang gampanan ng Tagapagligtas ang isa o higit pa sa mga tungkuling ito sa inyong buhay?
Paano ninyo nakitang ginampanan ng Tagapagligtas ang isa sa mga tungkuling ito sa inyong buhay o sa buhay ng isang taong kilala ninyo?

Karagdagang Resources

Tungkol sa anong panahon ang isinulat ni Isaias?

Ibinahagi ni Pangulong Dallin H. Oaks ng Unang Panguluhan:

Ang aklat ni Isaias ay naglalaman ng maraming propesiya na tila maraming katuparan. Ang isa ay tila may kinalaman sa mga tao noong panahon ni Isaias o sa kalagayan ng susunod na henerasyon. Ang isa pang kahulugan, na kadalasan ay simboliko, ay tila tumutukoy sa mga pangyayari sa kalagitnaan ng panahon, nang wasakin ang Jerusalem at ikalat ang kanyang mga tao matapos ipako sa krus ang Anak ng Diyos. Ang isa pang kahulugan o katuparan ng propesiya ring iyon ay tila nauugnay sa mga kaganapang mangyayari sa Ikalawang Pagparito ng Tagapagligtas. Ang katotohanan na maaaring magkaroon ng maraming kahulugan ang marami sa mga propesiyang ito ay malinaw na nagsasaad sa kahalagahan ng paghahangad ng paghahayag mula sa Espiritu Santo upang tulungan tayong maunawaan ang mga ito. Tulad ng sinabi ni Nephi, ang mga salita ni Isaias ay “malinaw … sa lahat ng yaong puspos ng diwa ng propesiya” (2 Nephi 25:4). (“Scripture Reading and Revelation,” Ensign, Ene. 1995, 8)

Ano pa ang mauunawaan natin sa pangalang “Emmanuel“ ni Jesus? (Isaias 7:14)

Itinuturo ng mga banal na kasulatan na ang ibig sabihin ng “Emmanuel“ ay “kasama natin ang Diyos.“ (Tingnan sa Mateo 1:23.)

Nagbigay ng kaalaman si Pangulong Jeffrey R. Holland ng Korum ng Labindalawang Apostol tungkol sa kung paanong kasama natin ang Ama sa Langit sa pamamagitan ni Jesucristo:

15:29

Sa dami ng kagila-gilalas na layuning natupad sa buhay at ministeryo ng Panginoong Jesucristo, may malaking aspekto ng Kanyang misyon na madalas hindi kinikilala. Hindi ito ganap na nauunawaan ng Kanyang mga alagad noon, at marami sa mga makabagong Kristiyano ang hindi nakauunawa rito ngayon, ngunit paulit-ulit itong binigyang-diin ng Tagapagligtas mismo. Ito ang dakilang katotohanan na sa lahat ng sinabi at ginawa ni Jesus, kasama lalo na ang Kanyang nagbabayad-salang pagdurusa at sakripisyo, ipinakikita Niya sa atin kung sino at ano ang katangian ng Diyos Amang Walang Hanggan, kung gaano Siya katapat sa Kanyang mga anak sa bawat panahon at bansa. Sa salita at gawa, sinikap ni Jesus na ihayag at ipaalam nang husto sa atin ang likas na katangian ng Kanyang Ama, na ating Ama sa Langit. (“The Grandeur of God,” Liahona, Nob. 2003, 70)

Paano nababagay ang aklat ni Isaias sa pagkakaayos ng mga aklat ng Lumang Tipan?

Ang Lumang Tipan ay nakaayos sa apat na bahagi: ang Batas, Kasaysayan, Tula, at ang Mga Propeta. Ang aklat ni Isaias ay ang unang aklat ng Mga Propeta, ang huling bahagi ng Lumang Tipan, na nagtatapos kay Malakias.

Mga Karagdagang Aktibidad sa Pag-aaral

Pagkatuto pa ng tungkol kay Jesucristo mula kay Isaias

Magagamit ang aktibidad na ito kasama ang mga banal na kasulatan na pinag-aralan ng mga estudyante tungkol sa mga titulo at tungkulin ng Tagapagligtas. Sa pamamagitan ng pag-aaral ng mga sumusunod na talata, matututuhan ng mga estudyante ang mga katangian ng Tagapagligtas at ang mga paraan kung paano Niya tayo tinutulungan.

Isaias 12:2

Isaias 43:25

Isaias 49:15–16

Isaias 53:3–5

Pagkatapos ay maaaring ibahagi ng mga estudyante ang natutuhan o nadama nila tungkol kay Jesus sa aktibidad na ito.

Tinulungan tayo ni Nephi na maunawaan ang Isaias

Matapos pag-aralan ang mga pangalan at titulo ni Jesucristo, maaari kang magbigay ng karagdagang tulong sa mga estudyante para sa pag-aaral ng Isaias. Maaari mong pagtuunan ang itinuro ni Nephi tungkol sa pag-unawa ng Isaias—na mas mauunawaan natin ang mga turo ni Isaias kung:

Pag-aaralan natin ang “paraan ng pagpopropesiya sa mga Judio“ (2 Nephi 25:1). Kabilang dito ang paghahangad na maunawaan ang mga matalinghagang paglalarawan, simbolo, at tula na ginamit ni Isaias.

Halimbawa, ano ang maaaring ipinahahayag niya nang magsulat siya tungkol sa ubasan (tingnan sa Isaias 5:1–7), sa tubig ng Shiloa (tingnan sa Isaias 8:5–10), at sa isang sagisag (o watawat) (tingnan sa Isaias 5:26; 11:10, 12)?
“Puspos ng diwa ng propesiya” (2 Nephi 25:4). “Ang patotoo ni Jesus ang espiritu ng propesiya” (Apocalipsis 19:10). Kung maniniwala tayo kay Jesucristo at magtutuon sa itinuturo ni Isaias tungkol sa Kanya, mas mauunawaan natin ang mga isinulat ni Isaias.

Pagkatapos ng bawat kabanata, tanungin ang inyong sarili, “Ano ang natututuhan ko tungkol kay Jesucristo?“ (Tingnan sa 1 Nephi 19:23.)
Alamin ang “mga pamamaraan ng mga Judio“ at ang “mga lugar sa paligid“ ng Jerusalem (2 Nephi 25:6). Ang pag-aaral sa heograpiya ng Jerusalem at ng mga karatig bansa ay makatutulong sa atin na maunawaan ang mga isinulat ni Isaias.

Halimbawa, maaaring ituring ang Babilonia bilang simbolo ng pagiging makamundo at kapalaluan, hindi lang bilang sinaunang lungsod. Ang Israel ay maaaring maunawaan bilang mga tao ng Diyos sa anumang panahon. Ang Sion ay maituturing bilang mithiin sa mga huling araw na tinanggap ng mga tao ng Diyos, sa halip na isa pang salita lang para sa Jerusalem.

Kung mayroon, gamitin ang mga tulong sa pag-aaral, tulad ng diksyunaryo, mga footnote, mga heading ng kabanata ng Biblia, at ang Gabay sa mga Banal na Kasulatan.
Ipamuhay sa “mga huling araw.” Itinuro ni Nephi na ang mga salita ni Isaias ay “labis na mahalaga … sa kanila sa mga huling araw; sapagkat sa araw na yaon ay mauunawaan nila ang mga yaon“ (2 Nephi 25:8). Ang pagkonekta ng mga turo ni Isaias sa mga pangyayari at kalagayan sa mga huling araw ay makatutulong sa atin na maunawaan ang kanyang mga propesiya.

Maghanap ng mga paksang may kaugnayan sa ating panahon, tulad ng buhay at misyon ni Jesucristo, ang pagkalat at pagtitipon ng Israel, ang mga huling araw, at ang Milenyo. Maaari ka ring gumawa ng mga listahan ng mga reperensya mula kay Isaias na nagtuturo tungkol sa mga paksang ito.

Maaari ding pag-aralan ng mga estudyante ang artikulong “Apat na Susi ni Nephi sa Pag-unawa kay Isaias“ o “How Can I Understand Isaiah?”

Isaias 9:7

Upang maunawaan ang mga pangalan at titulo ni Jesucristo, makatutulong ang “Sa Atin ay Ipinanganak ang Isang Bata“ (Liahona, Dis. 2009, 8–9). Maaari mong ipakita ang mga bahaging naglalarawan sa kahulugan ng mga titulo na binanggit sa Isaias 9:7 at anyayahan ang mga estudyante na pumili ng isa o dalawa na gusto nilang maunawaan nang mas mabuti.

Video

Ang video na “Isaiah the Prophet“ ay makatutulong sa mga estudyante na makita kung paano itinuro ni Isaias ang tungkol kay Jesucristo.

1:18