Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Isaias 1: “Bagaman ang Inyong mga Kasalanan ay tulad ng Matingkad na Pula, ang mga Ito’y Magiging Mapuputi na parang Niyebe”

“Isaias 1: ‘Bagaman ang Inyong mga Kasalanan ay tulad ng Matingkad na Pula, ang mga Ito’y Magiging Mapuputi na parang Niyebe,’” Manwal ng Guro ng Seminary para sa Lumang Tipan (2026)

“Isaias 1: ‘Bagaman ang Inyong mga Kasalanan ay tulad ng Matingkad na Pula, ang mga Ito’y Magiging Mapuputi na parang Niyebe,’” Manwal ng Guro ng Seminary para sa Lumang Tipan

Isaias 1–12: Lesson 114

Isaias 1

“Bagaman ang Inyong mga Kasalanan ay tulad ng Matingkad na Pula, ang mga Ito’y Magiging Mapuputi na parang Niyebe”

Kahit na tayong lahat ay nagkakasala at nangangailangan ng kapatawaran, kung minsan ay maaaring pinaniniwalaan nating hindi tayo mapapatawad. Malinaw ang mensahe ng ating Tagapagligtas: “bagaman ang inyong mga kasalanan ay tulad ng matingkad na pula, ang mga ito’y magiging mapuputi na parang niyebe” (Isaias 1:18). Ang lesson na ito ay makatutulong sa mga estudyante na magkaroon ng kumpiyansa na malilinis sila ng Tagapagligtas mula sa kanilang mga kasalanan.

Paghahanda ng estudyante: Anyayahan ang mga estudyante na basahin ang doctrinal mastery passage na Isaias 1:18 at hanapin ang matalinghagang paglalarawan na ginamit ni Isaias. Hikayatin ang mga estudyante na magnilay at maghanda na ibahagi kung ano ang ibig sabihin ng scripture passage sa kanila. Maaari ding magsanay ang mga estudyante sa pagsasaulo ng mahalagang parirala ng banal na kasulatan na: “bagaman ang inyong mga kasalanan ay tulad ng matingkad na pula, ang mga ito’y magiging mapuputi na parang niyebe” (Isaias 1:18).

Mga Posibleng Aktibidad sa Pag-aaral

Ang bahid ng kasalanan

Maaari mong simulan ang klase sa pamamagitan ng pagpapakita ng sumusunod na larawan o ng isang kasuotan na namantsahan.

Stain spot on the clothes, white t-shirt

Isipin ang mga pagkakataon na nagkaroon ang damit mo ng mantsa na hindi maalis.

Paano maihahalintulad ang ating mga kasalanan sa mga mantsa?
Ano ang ilang dahilan kung bakit maaaring isipin ng mga tao na hindi sila malilinis mula sa kanilang mga kasalanan?

Maaari mong ipakita ang sumusunod na pahiwatig, upang mapagnilayan ng mga estudyante ang kanilang nadarama.

Pagnilayan kung alin sa mga sumusunod na pahayag ang pinakanauugnay sa iyo. Maaari mong itanong sa iyong sarili kung bakit ganoon ang nadarama mo.

May kumpiyansa ako na malilinis ako ng Tagapagligtas mula sa lahat ng aking kasalanan.
Naniniwala ako na malilinis ako ng Tagapagligtas mula sa ilan sa aking mga kasalanan, ngunit hindi ang lahat ng ito.
Naniniwala ako na malilinis ng Tagapagligtas ang mga kasalanan ng ibang tao, ngunit hindi ang sa akin.
Hindi ako naniniwala na kayang linisin ng Tagapagligtas ang mga kasalanan.

Ang isa sa maraming tungkulin ng Espiritu Santo ay magpatotoo tungkol kay Jesucristo (tingnan sa 3 Nephi 28:11). Sa inyong pag-aaral ng Isaias 1, bigyang-pansin ang nais ng Ama sa Langit na matutuhan ninyo sa pamamagitan ng Espiritu Santo tungkol kay Jesucristo at sa Kanyang kapangyarihang linisin ang mga kasalanan.

Isang bansang makasalanan

Basahin ang Isaias 1:2–4, at alamin ang espirituwal na kalagayan ng mga Israelita.

Sabihin sa mga estudyante na ibahagi ang nalaman nila.

Ang sumusunod ay makatutulong sa mga estudyante na matutuhan ang mahahalagang kasanayan sa pag-aaral ng Isaias.

Sa inyong pag-aaral ng mga turo ni Isaias, makatutulong na maunawaan na kadalasan ay isinusulat niya ang mga salita ng Panginoon sa anyong patula na tinatawag na parallelism. Ang parallelism ay nagagawa kapag nagpapahayag ang isang manunulat ng isang ideya at pagkatapos ay inuulit o inihahambing niya ang ideya gamit ang ibang mga salita. Halimbawa, hanapin ang magkakaugnay na parirala sa talata 2.

Maaari mong tulungan ang mga estudyante na matukoy ang mga pinagsamang parirala na “Dinggin mo, O langit” at “pakinggan mo, O lupa” (Isaias 1:2). Ito ay isang halimbawa ng parallelism.

Ginamit din ni Isaias ang matalinghagang paglalarawan upang isalarawan ang kanyang mga turo. Halimbawa, basahin ang talata 3, at alamin ang iba’t ibang imahe na ginamit ni Isaias sa pagtuturo sa mga Israelita.

Maaari mong itanong sa mga estudyante kung ano ang itinuro ni Isaias sa mga Israelita sa pamamagitan ng paggamit ng mga imahe ng baka at asno. Kung kinakailangan, ipaliwanag na hindi tulad ng baka at asno, hindi nakikilala ng mga Israelita ang kanilang Panginoon.

Maaari mong ibuod ang talata 5–15 sa pamamagitan ng pagbabahagi ng sumusunod na talata.

Binalaan ng Panginoon ang mga Israelita na ang kanilang mga kasalanan ay nagkakaroon ng masamang epekto sa kanila (tingnan sa Isaias 1:5–9). Ipinaliwanag din Niya na hindi Siya nalulugod sa kanilang mga pagsamba dahil iniaalay ang mga ito nang walang katapatan (tingnan sa Isaias 1:10–15).

Mula sa matingkad na pula na magiging maputi

Basahin ang Isaias 1:16–17, at alamin ang mga paanyaya ng Panginoon sa mga tao.

Ano ang ipinagawa ng Panginoon sa kanila?

Basahin ang Isaias 1:18, at alamin ang pangako ng Panginoon kapag nagsisisi tayo. Mangyaring tandaan na parehong ginamit ni Isaias ang parallelism at matalinghagang paglalarawan upang ipakita ang pangakong ito.

Ang Isaias 1:18 ay isang doctrinal mastery passage. Maaari mong anyayahan ang mga estudyante na markahan ang mga doctrinal mastery passage sa natatanging paraan upang madali nilang mahanap ang mga ito.

Para matulungan ang mga estudyante na mas maunawaan ang matalinghagang paglalarawan na ginamit sa talata 18, maaari mong ipakita ang mga sumusunod na larawan.

Ano ang maituturo sa atin ng mga larawan ng matingkad na pula at mapulang-mapula tungkol sa kasalanan?

Ipinaliwanag ni Sister Sharon Eubank, na noon ay miyembro ng Relief Society General Presidency:

11:29

Ang tina na mapula sa Lumang Tipan ay hindi lamang matingkad kundi hindi rin ito kumukupas, ibig sabihin ang matingkad na kulay nito ay kumakapit nang husto sa lana at hindi kumukupas maraming beses man itong labhan. Ginagamit ni Satanas ang pangangatwirang ito para madama natin na hindi na tayo mapapatawad: ang maputing lana na namantsahan ng mapula ay hindi na kailanman babalik sa pagiging maputi. Ngunit ipinahayag ni Jesucristo, “Ang aking mga lakad ay lalong mataas kay sa inyong mga lakad,” at ang himala ng Kanyang biyaya ay na kapag pinagsisihan natin ang ating mga kasalanan, ibabalik tayo ng Kanyang mapulang dugo sa kadalisayan. Hindi ito lohikal, gayunpaman ito ay totoo. (“Si Cristo: Ang Ilaw na Lumiliwanag sa Kadiliman,” Liahona, Mayo 2019, 75)

Ano ang maituturo sa atin ng mga larawan ng niyebe at lana tungkol sa pangako ng Tagapagligtas kapag nagsisisi tayo?
Paano ninyo ibubuod ang talata 16–18 bilang pahayag ng katotohanan?

Magkakaiba man ang mga salitang maaaring gamitin ng mga estudyante, tulungan silang matukoy ang sumusunod na katotohanan: Kung taos-puso tayong magsisisi, lilinisin tayo ni Jesucristo mula sa ating mga kasalanan.

Ang dinanas ng Tagapagligtas upang tayo ay makapagsisi

Ang mga sumusunod na banal na kasulatan ay makatutulong sa mga estudyante na pagnilayan ang naranasan ng Tagapagligtas upang malinis sila mula sa kanilang mga kasalanan. Maaari mong pagpartner-partnerin ang mga estudyante. Maaaring basahin ng bawat magkapartner ang mga sumusunod na talata sa banal na kasulatan at talakayin ang natutuhan nila sa isa’t isa. Maaaring makatulong ang mga kasamang tanong. Pagkatapos ay maaaring magbahagi sa klase ang mga handang estudyante.

Basahin ang Alma 7:13–14 at Doktrina at mga Tipan 19:16–19, at alamin ang naranasan ng Tagapagligtas upang kayo ay makapagsisi at malinis mula sa inyong mga kasalanan.

Ano ang nalaman ninyo?
Ano ang natutuhan ninyo tungkol sa Ama sa Langit at kay Jesucristo mula sa mga talatang ito na makatutulong sa isang tao na piliing magsisi?

Para matulungan ang mga estudyante na madama na maaari silang linisin ng Tagapagligtas, maaari mong ipanood ang isang video, tulad ng “There Is No Limit to God’s Love” (mula sa time code na 0:00 hanggang 4:54). Makikita ang video na ito sa ChurchofJesusChrist.org. Maaaring isipin ng mga estudyante ang nadama ng batang babae sa video dahil sa kanyang mga kasalanan at ang katibayan ng katotohanang itinuro sa Isaias 1:18. Pagkatapos ay maaari mong anyayahan ang mga estudyante na ibahagi ang nalaman nila.

5:37

Ang isang paraan upang maanyayahan ang Espiritu Santo ay bigyan ang mga estudyante ng mga pagkakataong magbahagi ng mga nadarama, patotoo, at karanasan. Ang sumusunod na tanong ay isang paraan upang magawa ito ng mga estudyante. Maaari mong anyayahan ang mga estudyante na sagutin muna ang tanong sa kanilang journal, at pagkatapos ay maaaring ibahagi ng mga handang estudyante sa klase ang isinulat nila. Habang nagbabahagi ang mga estudyante, ipaalala sa kanila na huwag magbahagi ng mga pangalan o ng anumang bagay na masyadong personal.
Ano ang nadama mo tungkol kay Jesucristo at sa Kanyang kakayahang linisin ka mula sa kasalanan?

Maaari mong tapusin ang klase sa pamamagitan ng iyong nadarama tungkol sa Tagapagligtas at sa Kanyang kapangyarihang linisin tayo kapag nagsisisi tayo.

Isaulo

Maaari mong tulungan ang mga estudyante na isaulo ang doctrinal mastery reference at mahalagang parirala ng banal na kasulatan sa lesson na ito at rebyuhin ang mga ito sa mga lesson sa hinaharap. Ang mahalagang parirala ng banal na kasulatan para sa Isaias 1:18 ay “Bagaman ang inyong mga kasalanan ay tulad ng matingkad na pula, ang mga ito’y magiging mapuputi na parang niyebe.” Ang mga ideya para sa mga aktibidad sa pagsasaulo ay nasa mga materyal sa appendix sa ilalim ng “Mga Aktibidad sa Pagrerebyu ng Doctrinal Mastery.”

Karagdagang Resources

Ano ang makatutulong sa akin na magsisi?

Ipinaliwanag ni Pangulong Dieter F. Uchtdorf, na dating miyembro ng Unang Panguluhan:

19:7

Gaano man katindi ang inyong pagkakalihis, gaano man kalayo ang inyong pagkakaligaw, tiyak at maliwanag ang daang pabalik. Halina’t kilalanin ang Ama, maghandog kayo ng bagbag na puso at nagsisising espiritu. Manampalataya, at maniwala sa nakapagpapadalisay na kapangyarihan ng walang katapusang Pagbabayad-sala ni Jesus ang Cristo. Kung ipagtatapat at pagsisisihan natin ang ating mga kasalanan, ang Diyos ay tapat at makatarungan na patatawarin at lilinisin tayo mula sa lahat ng kasamaan. “Bagaman ang inyong mga kasalanan ay tulad ng matingkad na pula, ang mga ito’y [gagawing] mapuputi na parang niyebe.” (“Dahil Lamang sa Kaunting Paglihis,” Liahona, Mayo 2008, 60)

Paano kung nahihirapan akong patawarin ang aking sarili?

Itinuro ni Brother Tad R. Callister, dating Sunday School General President:

11:46

May mga pagkakataon na may nakikilala akong mabubuting Banal na may problema sa pagpapatawad sa kanilang sarili, na sa kawalang-muwang at sa maling paraan ay naglagay ng mga hangganan sa mga nakatutubos na kapangyarihan ng Tagapagligtas. Hindi nila sinasadyang lagyan ng hangganan ang walang katapusang Pagbabayad-sala [at iniisip] na sa ilang paraan ay nagkukulang para sa kanilang partikular na kasalanan o kahinaan. Ngunit ito [rin] ay isang walang hanggang Pagbabayad-sala dahil sinasakop at ibinibilang nito ang bawat kasalanan at kahinaan, gayundin ang bawat pang-aabuso o sakit na idinulot ng iba. (“Ang Pagbabayad-sala ni Jesucristo,” Liahona, Mayo 2019, 86)

Paano mapagpapala ng pagsisisi ang aking buhay?

Ibinahagi ni Pangulong Russell M. Nelson:

14:57

Danasin ang nagpapalakas na kapangyarihan ng araw-araw na pagsisisi—ng paggawa at pagiging mas mabuti sa bawat araw.

Kapag pinipili nating magsisi, pinipili nating magbago! Tinutulutan natin ang Tagapagligtas na baguhin tayo at gawin tayong pinakamabuting bersyon ng ating sarili. Pinipili nating umunlad sa espirituwal at magkaroon ng kagalakan—ang kagalakan na matubos Niya. Kapag pinipili nating magsisi, pinipili nating maging higit na katulad ni Jesucristo! (“Maaari Tayong Gumawa nang Mas Mahusay at Maging Mas Mahusay,” Liahona, Mayo 2019, 67)

Mga Karagdagang Aktibidad sa Pag-aaral

Pagtuturo sa mga estudyante kung paano magsisi

Para matulungan ang mga estudyante na maunawaan kung paano sila makapagsisisi, maaari mong gamitin ang artikulong “Paano Tunay na Magsisi.” Kasama sa artikulong ito ang mga turo mula kay Elder D. Todd Christofferson ng Korum ng Labindalawang Apostol. Maaari mong hikayatin ang mga estudyante na pag-aralan ang mga alituntuning itinuro ni Elder Christofferson at anyayahan silang ituro sa isa’t isa ang natutuhan nila tungkol sa kung paano tayo nagsisisi.

Opsiyon sa video

Maaari mong ipanood ang video na “There Is Always a Way Back” (2:21) bilang kapalit ng video sa bahaging “Ano ang dinanas ng Tagapagligtas upang tayo ay makapagsisi.” Sa video na ito, isinalaysay ni Elder Neil L. Andersen ng Korum ng Labindalawang Apostol ang kuwento ng isang bishop at ng kriminal na magkasamang natuto na walang sinuman ang hindi kayang abutin ng pagmamahal ng Ama sa Langit at ni Jesucristo. Habang nanonood ang mga estudyante, maaari mo silang anyayahan na alamin kung ano ang tumutulong sa kanila na magkaroon ng higit na kumpiyansa sa kakayahan ng Tagapagligtas na linisin tayo mula sa ating mga kasalanan.

2:20

Isaias 1:10–15: Mga walang kabuluhang alay

Para matulungan ang mga estudyante na maunawaan ang kahalagahan ng pagsamba sa Panginoon nang may matapat na puso, maaari kang magdala ng isang baso o tasa na malinis sa labas ngunit marumi sa loob. Maaari mong tanungin ang mga estudyante kung iinom sila mula sa basong ito. Ipaliwanag na kumakatawan ang baso sa mga Israelita.

Pagkatapos ay ipabasa sa mga estudyante ang Isaias 1:11–15 at ipahanap sa kanila kung ano ang nadama ng Panginoon tungkol sa mga handog ng mga Israelita. Maaaring kailangan mong ipaliwanag na ang “[mga] alay” sa talata 13 ay tumutukoy sa mga handog.

Pagkatapos ay itanong ang mga sumusunod:

Sa inyong palagay, bakit tinanggihan ng Panginoon ang kanilang mga handog?
Paano nauugnay ang mga talatang ito sa object lesson?
Ano ang natutuhan ninyo mula sa mga talatang ito tungkol sa pagsamba sa Diyos?

Maaari mong tulungan ang mga estudyante na matukoy ang sumusunod na katotohanan: Ang ating mga panlabas na gawain ng katapatan sa Diyos ay mas makabuluhan sa Kanya kapag dalisay ang ating mga intensyon.

Maaaring pagnilayan ng mga estudyante ang kanilang sariling mga intensyon habang nagsasagawa sila ng mga gawain ng katapatan sa Panginoon.

Isaias 2:1–5: Bundok ng bahay ng Panginoon

Kung sa palagay mo ay makikinabang ang iyong mga estudyante sa pag-aaral ng propesiya tungkol sa bahay ng Panginoon, maaari mong ituro ang Isaias 2:1–5. Ipaalala sa mga estudyante na kadalasang nagtuturo si Isaias gamit ang matalinghagang paglalarawan. Pagkatapos ay ipadrowing sa mga estudyante ang inilarawan ni Isaias sa Isaias 2:1–5. Pagkatapos ng sapat na oras, sabihin sa kanila na ipaliwanag ang kanilang larawan sa ibang estudyante. Pagkatapos ay itanong ang mga sumusunod:

Paano magiging simbolo ng templo ang pariralang “ang bundok ng bahay ng Panginoon” (Isaias 2:2)?
Ano ang ilang ipinangakong pagpapala sa pagdalo sa templo?

Tulungan ang mga estudyante na matukoy ang sumusunod na alituntunin: Kapag dumalo tayo sa bahay ng Panginoon at sumunod sa Kanya, ituturo Niya sa atin ang tungkol sa Kanyang mga paraan. Pagkatapos ay maaari mong itanong ang sumusunod:

Paano ninyo nakitang naisakatuparan ang mga salita ni Isaias?