“Mga Panultihon 1–4; 15–16; 22; 31; Ecclesiastes 1–3; 11–12: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)
“Mga Panultihon 1–4; 15–16; 22; 31; Ecclesiastes 1–3; 11–12: Kinatibuk-ang Pagpasabot,” Manwal sa Magtutudlo sa Seminary sa Daang Tugon
Mga Panultihon 1–4; 15–16; 22; 31; Ecclesiastes 1–3; 11–12
Mga Panultihon 1–4; 15–16; 22; 31; Ecclesiastes 1–3; 11–12
Kinatibuk-ang Pagpasabot
Gawas pa sa ubang mga butang, gidasig kita sa basahon sa Mga Panultihon nga tinguhaon ug gamiton ang kaalam diha sa atong mga kinabuhi. Gitabangan usab kita niini nga masabtan ang kaimportante sa pagsalig sa pagtultol sa Ginoo kay sa kaugalingon natong kaalam ug pagsabot. Sa Ecclesiastes, ang Magwawali nagpahinumdom nato nga temporaryo lang ang mga butang niining kalibotana. Gitambagan kita niya nga mangandam sa adlaw dihang hukman na sa Dios ang tanan Niyang anak.
Hatagi og gibug-aton ang ehemplo ni Jesukristo. Samtang naningkamot kita sa pagkinabuhi uyon sa ebanghelyo sa Manluluwas, wala lang kita kay basta nagsunod sa mga baroganan—gisunod nato Siya. Si Jesukristo mao ang hingpit nga ehemplo sa tanang baroganan sa ebanghelyo. Ang pagpunting sa Iyang ehemplo mohatag og kahigayonan sa Espiritu Santo sa pagpamatuod sa Manluluwas ug pag-aghat sa imong mga estudyante sa pagsunod Kaniya. Usa ka pananglitan sa paghimo niini makita diha sa Leksiyon 109: “Pasiuna sa Mga Panultihon.”
Aron makakat-on og dugang, tan-awa ang “Hatagi og Gibug-aton ang Ehemplo ni Jesukristo” (Pagtudlo Sumala sa Pamaagi sa Manluluwas, [2016] 6).
Pangandam sa pagtudlo
Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.
Pasiuna sa Mga Panultihon
Katuyoan sa leksiyon: Aron tabangan ang mga estudyante nga mailhan ang mga kamatuoran nga makatabang nila sa pagsubay sa dalan sa Ginoo.
-
Pagpagandam sa estudyante: Dapita ang mga estudyante sa pagpili og usa ka importante o makatabang nga tambag nga ilang nadawat gikan sa ilang mga ginikanan, mga lider, o sinaligang higala. Dapita ang mga estudyante nga mangandam sa pagpakigbahin sa tambag ug kon sa unsang paagi kini mipanalangin sa ilang kinabuhi.
-
Mga materyal para sa mga estudyante: Gagmayng piraso sa papel nga kasulatan sa mga estudyante sa tambag; mga piraso sa papel diin nalista ang mga panultihon (o pwede nimong ilista ang mga panultihon diha sa pisara); papel ug mga art supply nga magamit sa mga estudyante sa paghimo og poster
Mga Panultihon 3
Katuyoan sa leksiyon: Aron tabangan ang mga estudyante nga mopili sa pagsalig sa Ginoo.
-
Pagpangandam sa estudyante: Dapita ang mga estudyante nga ikonsiderar ang pagmarka diha sa ilang mga kasulatan sa mahinungdanong hugpong sa mga pulong sa kasulatan para sa tudling sa doktrinal nga kahanas nga Mga Panultihon 3:5–6: “Sumalig ka sa Ginoo sa bug-os mong kasingkasing … ug siya magamando sa imong mga alagianan.” Aron makapangandam para sa klase, pwedeng magpraktis ang mga estudyante pinaagi sa balikbalik nga pag-recite sa hugpong sa mga pulong ug pamalandongan ang mga situwasyon sa ilang kinabuhi diin kinahanglan nilang mosalig sa Ginoo.
-
Sulod nga ipakita: Mga pangutana aron tabangan ang mga grupo nga hisgotan ang bahin sa pagsalig sa Ginoo kaysa atong kaalam
-
Bidyo: “Trust in the Lord” (3:30)
Ecclesiastes
Katuyoan sa leksiyon: Aron tabangan ang mga estudyante nga masabtan kon sa unsang paagi ang pagpunting sa pakigkita sa Ginoo sa Kataposang Paghukom makatabang nila sa paghimo og maalamong mga desisyon.
-
Pagpangandam sa estudyante: Dapita ang mga estudyante nga makig-estorya sa usa ka ginikanan o sinaligang lider bahin sa kon sa unsang paagi ang ilang pagkakita sa malungtarong epekto sa mga desisyon nakaapektar sa ilang mga desisyon samtang tin-edyer pa.
-
Sulod nga ipakita: Mga kahulogan sa mga pulong ug hugpong sa mga pulong sa Ecclesiastes
-
Bidyo: “Paghunahuna og Celestial!” (19:15) gikan sa time code 5:20 hangtod 5:46
Sukda ang Imong Nakat-onan 7
Katuyoan sa leksiyon: Aron tabangan ang mga estudyante sa pagpamalandong sa mga tumong nga ilang gitakda ug sa paglambo nga ilang nasinati panahon sa ilang bag-ohay nga pagtuon sa Daang Tugon.
-
Pagpangandam sa estudyante: Dapita ang mga estudyante sa pagtambong sa klase nga andam sa pagpakigbahin og asoy o pagtulun-an sa Daang Tugon nga adunay epekto sa ilang espirituwal nga pag-uswag.
-
Sulod nga ipakita: Mga instruksiyon alang sa mga estudyante aron pagsukod sa ilang kaugalingon nga mga hunahuna ug mga pagbati bahin sa Langitnong Amahan ug kang Jesukristo gikan sa ilang mga proyekto; mga instruksiyon alang sa mga estudyante aron sa pagsukod sa ilang kaugalingon sa ilang pagtuon sa kasulatan
-
Aytem nga ipakita: Lampara o flashlight