Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Mga Panultihon 3: “Salig sa Ginoo”

“Mga Panultihon 3: ‘Salig sa Ginoo,’” Manwal sa Magtutudlo sa Seminary sa Daang Tugon (2026)

“Mga Panultihon 3: ‘Salig sa Ginoo,’” Manwal alang sa Magtutudlo sa Seminary sa Daang Tugon

Mga Panultihon 1–4; 15–16; 22; 31; Ecclesiastes 1–3; 11–12: Leksiyon 110

Mga Panultihon 3

“Salig sa Ginoo”

Trust in the Lord - Youth Video - Screen Capture

Lisod usahay ang pagsalig sa Ginoo. Pero dihang mas mailhan nato Siya, atong masabtan nga “Siya dili mohimo og bisan unsa gawas lang kon kini alang sa kaayohan sa kalibotan” (2 Nephi 26:24). Atong makita ang kaalam sa pagsalig Kaniya imbes mosalig “sa [atong] kaugalingong salabutan” (Mga Panultihon 3:5). Kini nga leksiyon makatabang sa mga estudyante nga mopili sa pagsalig sa Ginoo.

Pagpangandam sa estudyante: Dapita ang mga estudyante nga ikonsiderar ang pagmarka diha sa ilang mga kasulatan sa mahinungdanong hugpong sa mga pulong sa kasulatan para sa tudling sa doktrinal nga kahanas nga Mga Panultihon 3:5–6: “Sumalig ka sa Ginoo sa bug-os mong kasingkasing … ug siya magamando sa imong mga alagianan.” Aron makapangandam para sa klase, pwedeng magpraktis ang mga estudyante pinaagi sa balikbalik nga pag-recite sa hugpong sa mga pulong ug pamalandongan ang mga situwasyon sa ilang kinabuhi diin kinahanglan nilang mosalig sa Ginoo.

Posibleng mga Kalihokan sa Pagkat-on

Pagsalig

Ikonsiderar ang pagsugod sa klase pinaagi sa pagsulat sa pulong nga Pagsalig diha sa pisara. Dayon ipangutana ang mosunod samtang usa-usahon sa pagpakita ang konektadong mga situwasyon. Ikonsiderar ang pagpahingay sa mga situwasyon ngadto sa mga panginahanglan sa imong mga estudyante.

Kinsay andam nimong saligan …
- nga mohatod nimo sa balay pagkagabii?
- sa kwarta sa imong pamilya?
- nga motambag nimo bahin sa pag-date o kaminyoon?
- nga motudlo nimo bahin kang Jesukristo ug sa pagsunod Kaniya?
  
  Ikonsiderar ang paglista sa tubag sa mga estudyante sa mosunod nga pangutana diha sa pisara ilawom sa pulong nga Pagsalig.
Unsang mga hiyas ang gikinahanglan sa usa ka tawo aron mosalig ka niya?

Basaha ang Mga Panultihon 3:5, nga pamalandongan ang kahulogan niini para nimo. Dayon tubaga ang mosunod nga mga pangutana diha sa imong journal sa pagtuon:

Kang kinsa ka mas mosalig: sa Ginoo o sa imong kaugalingon? Ngano man?
Unsa nga situwasyon sa imong kinabuhi karon diin mibati ka nga kinahanglan kang mas mosalig sa Ginoo kay sa imong kaugalingon?

Samtang imong tun-an ang mga kasulatan karon, pangitaa ang imong nakat-onan gikan sa Espiritu Santo nga motabang nimo sa pagsalig sa Ginoo.

“Salig sa Ginoo… ug ayaw gayod pagsalig sa kaugalingong salabutan”

Ang Mga Panultihon 3:5–6 usa ka tudling sa doktrinal nga kahanas. Ikonsiderar ang pagdapit sa mga estudyante sa pagmarka sa mga tudling sa doktrinal nga kahanas sa lahi nga paagi aron dali ra kini nilang makit-an.

Basaha ang Mga Panultihon 3:5–6, nga pangitaon kon unsaon nimo pagkompleto ang mosunod nga pamahayag: “Kon kita …, dayon ang Ginoo …”

Dapita ang mga estudyante sa pagpakigbahin sa ilang nakompletong mga pamahayag. Ipabati nga importante ang ilang gipakigbahin. Usa sa mga kamatuoran nga mahimo nilang ipakigbahin mao ang kon mosalig kita sa Ginoo sa tibuok natong kasingkasing, tultolan Niya ang atong mga dalan.

Sa imong hunahuna, unsay ipasabot sa pagsalig sa Ginoo “sa bug-os [natong] kasingkasing” (bersikulo 5)?
Sa imong hunahuna, unsay ipasabot sa pagsalig sa Ginoo kay sa atong “kaalam” (bersikulo 5)?

Aron tabangan ang mga estudyante nga mas masabtan kini nga tudling, dapita ang duha ka estudyante nga mobarog og mga tulo ka piye gikan sa usa ka lig-on nga butang, sama sa bongbong. Dapita ang usa ka estudyante nga mosandig paingon sa bongbong ug himoon kining suporta. Dapita ang laing estudyante nga mosandig palayo sa bongbong hangtod nga hapit na siyang matumba.
Sa unsang paagi kini nga ehemplo makatabang kanato aron mas masabtan ang Mga Panultihon 3:5–6?

Ikonsiderar ang pagbahin-bahin sa mga estudyante sa gagmayng mga grupo. Dapita ang mga estudyante nga ilista sa usa ka piraso nga papel ang mga situwasyon diin matental ang mga tin-edyer nga Santos sa Ulahing mga Adlaw nga mosalig sa kaugalingon nilang panghukom imbes mosalig sa tambag sa Ginoo. Pwedeng iapil sa mga ehemplo ang pagpili og kalingawan, pagdesisyon kanus-a makig-date, paggamit og piho nga mga pulong, o pagtakda og mga tumong sa edukasyon o sa umaabot.

Human ang igong panahon, pwede nimong ipakita ang mosunod nga mga pangutana. Pwedeng gamiton sa mga estudyante ang ilang mga listahan sa paghisgot sa pangutana uban ang ilang grupo.
Unsay makapalisod sa usa ka tawo nga mosalig sa Ginoo kay sa pagsalig sa ilang kaalam?
Unsay imong ikatambag sa usa ka tawo aron tabangan siyang mabuntog kini nga mga babag?

“Ug siya magamando sa imong mga alagianan”

Aron tabangan ang mga estudyante nga mas modako ang ilang tinguha sa pagsalig sa Ginoo, pwede nilang tun-an ang pipila o ang tanan sa mga tudling sa ubos. Pwedeng magpabilin sa ilang grupo ang mga estudyante, ug pwedeng basahon sa kada estudyante ang lahi nga tudling.

Basaha ang mosunod nga mga tudling sa kasulatan, nga pangitaon kon nganong angay kitang mosalig sa Ginoo imbes sa atong kaalam:

Isaias 55:8–9
2 Nephi 4:34–35
2 Nephi 26:24
Jacob 4:10
Mosiah 4:9

Kon mahuman og basa ang mga estudyante sa ilang mga tudling, dapita sila nga ipakigbahin ngadto sa ilang grupo ang ilang nakaplagan. Dayon pwede kining ipakigbahin sa pipila ka estudyante ngadto sa klase.

Kon naglista kag kasaligang mga hiyas diha sa pisara sa sinugdanan sa leksiyon, ikonsiderar ang pagpangutana sa mga estudyante kon giunsa pagpakita sa Ginoo ang bisan hain niini nga mga hiyas. Pwedeng magdugang diha sa pisara ang mga estudyante og mga hiyas sa Ginoo nga ilang nahunahunaan o nakaplagan diha sa mga tudling sa ibabaw.
Hain sa mga hiyas sa Ginoo ang motabang nimo sa pagsalig Kaniya—bisan ang Iyang tambag supak sa imong kaalam?

Aron maandam ang mga estudyante sa pagtubag sa pangutana sa ubos, ikonsiderar ang pagpasalida sa bidyo nga “Salig sa Ginoo” (3:30), nga anaa sa ChurchofJesusChrist.org. Niini nga video, gipakigbahin sa kabatan-onan kon nganong mipili sila sa pagsalig sa Ginoo.

Ikonsiderar ang pagpakigbahin sa imong tubag sa pangutana agig dugang sa ipakigbahin sa mga estudyante.

3:30
Kanus-a ka o ang imong kaila misalig sa Ginoo imbes sa imong kaalam? Giunsa ka Niya pagtabang o paggiya?

Akong pagsalig sa Ginoo

Aron tabangan ang mga estudyante nga gamiton ang ilang nakat-onan, ikonsiderar ang pagdapit nila nga himoon ang mosunod sa indibidwal nga paagi.

Pamalandongi ang imong gisulat sa imong journal sa pagtuon sa sinugdanan sa leksiyon. Tinguhaa ang paggiya sa Ginoo aron tubagon ang mosunod nga mga pangutana diha imong journal:

Unsay imong nakat-ona karon bahin sa Ginoo nga midasig nimo sa pagsalig Kaniya?
Unsa ang usa ka paagi nga makasalig ka sa Ginoo diha sa situwasyon nga imong gisulat?
Unsaon nimo kini paghimo “sa bug-os mong kasingkasing” (Mga Panultihon 3:5)?

Makatabang tingali kon imong ipakigbahin ang imong gibati bahin sa Ginoo ug ang mga paagi nga gigiyahan ka Niya samtang misalig ka Niya. Ikonsiderar ang pagpamatuod sa Iyang katakos ug kaandam sa pagpanalangin sa imong mga estudyante samtang mosalig sila Kaniya.

Pagsag-ulo

Pwede nimong tabangan ang mga estudyante sa pagsag-ulo sa pakisayran sa doktrinal nga kahanas ug sa mahinungdanong hugpong sa mga pulong sa kasulatan atol niini nga leksiyon ug dayon rebryohon kini sa umaabot nga mga leksiyon. Ang mahinungdanong hugpong sa mga pulong para sa Mga Panultihon 3:5–6 mao ang “Sumalig ka sa Ginoo sa bug-os mong kasingkasing … ug siya magamando sa imong mga alagianan.” Ang mga ideya alang sa mga kalihokan sa pagsag-ulo anaa sa mga materyal sa apendiks ubos sa “Mga Kalihokan sa Pagrebyo sa Doktrinal nga Kahanas.”

Dugang nga mga Kapanguhaan

Mga Panultihon 3:5. Unsay ipasabot sa “salig sa Ginoo”?

Si Elder Richard G. Scott (1928–2015) sa Korum sa Napulog Duha ka Apostoles mitudlo:

15:12

Ang pagsalig nagpasabot nga andam sa pagsunod bisan wala masayod sa kataposan gikan sa sinugdanan (tan-awa ang Mga Panultihon 3:5–7). Aron makahatag og bunga, ang imong pagsalig sa Ginoo kinahanglan gayud nga mas gamhanan ug malungtaron kay sa imong pagsalig sa imong kaugalingong personal nga mga pagbati ug kasinatian.

Aron sa paggamit sa hugot nga pagtuo mao ang pagsalig nga ang Ginoo nasayod unsa ang Iyang gihimo diha kanimo ug nga Iyang matuman kini alang sa imong mahangturon nga kaayohan bisan og dili nimo kini masabtan kon sa unsang paagi nga mahimo Niya kining posible. (“Salig sa Ginoo,” Ensign, Nov. 1995, 17)

Unsay makatabang nako sa pagsalig sa Ginoo?

Si Sister Bonnie H. Cordon, kanhi Kinatibuk-ang Presidente sa Young Women, mitudlo:

11:47

Nabuntog ni Jesukristo ang kalibutan. Ug tungod Kaniya, tungod sa Iyang walay kinutubang Pag-ula, tanan kita adunay rason nga mosalig, nahibalo nga sa katapusan ang tanan mamaayo ra.

…[T]anan kita makasalig sa Ginoo ug dili mosalig sa kaugalingong nakong salabutan. Atong masentro ang atong kinabuhi diha sa Manluluwas pinaagi sa pagkaila Kaniya, ug Iya kitang tultulan sa atong mga dalan. (“Salig sa Ginoo ug Ayaw Pagsalig sa Kaugalingong Salabotan,” Liahona, Mayo 2017, 7,8,9)

Unsa kaha kon misalig ako sa Ginoo pero wala gihapon nako makita ang mga panalangin?

Si Presidente Jeffrey R. Holland sa Korum sa Napulog Duha ka Apostoles mipasabot:

Ang ubang panalangin moabot diha dayon, ang uban dugay, ug ang uban dili moabot hangtod didto sa langit; apan para niadtong mohangop sa ebanghelyo ni Jesukristo, moabot kini. Niana ako personal nga mopamatuod. (“An High Priest of Good Things to Come,” Ensign, Nov. 1999, 38)

Si Presidente Dallin H. Oaks sa Unang Kapangulohan mipakigbahin:

Akong gibati kanang … pagsalig diha sa mga pulong sa amahan sa usa ka laing pinili nga batang babaye kansang kinabuhi gikuha tungod sa kanser sa iyang batan-on nga pangidaron. Siya mipahayag, “Ang hugot nga pagtuo sa among pamilya anaa kang Jesukristo, ug wala magdepende sa mga resulta.” Kadto nga mga pagtulon-an mga tinuod gayod alang kanako. (“Pag-ayo sa Masakiton,” Liahona, Mayo 2010, 50)

Dugang nga mga Kalihokan sa Pagkat-on

Alternatibong pagsugod

Para sa laing paagi sa pagsugod sa leksiyon, pwede nimong taptapan ang mata sa usa ka boluntaryo. Ikonsiderar ang pagpatuyok sa estudyante sa makausa o kaduha aron mahimong mas lisod ang ilang tahas. Pwede usab nimong isbogon ang pipila ka lamesa o lingkoranan aron mobabag kini sa ilang agianan paingon sa pagtuyok sa sulod sa lawak klasehan. Dayon hangyoa ang estudyante nga moadto sa pikas tampi sa lawak klasehan. Seguradoha nga luwas ang estudyante. Human sa pipila ka higayon nga pagsulay, pwede nimong hangyoon ang estudyante nga mopili og usa ka tawo diha sa lawak klasehan nga ilang saligan nga maoy modala nila sa pikas tampi.

Pagkahuman, pwede nimong pangutan-on ang estudyante kon nganong gipili nila ang mao nga estudyante. Dayon pwede nimong hisgotan ang mga hiyas sa mga indibiduwal nga kasaligan sa mga estudyante, base sa gipasabot sa leksiyon.

Gamit ang ilustrasyon

Pwede nimong tabangan ang imong mga estudyante nga mas masabtan ang hugpong sa mga pulong diha sa Mga Panultihon 3:5–6. Ikonsiderar ang pagdapit nila sa pagpamalandong kon nakaadto na ba sila sa usa ka dapit nga ngitngit kaayo, ug kon mao, unsa may ilang gibati. Dayon ipakigbahin ang mosunod nga pamahayag ni Presidente Boyd K. Packer (1924–2015) sa Korum sa Napulog Duha ka Apostoles. Dapita ang mga estudyante nga handurawon ang ilustrasyon nga gigamit ni Presidente Packer:

Sa pipila ka dapit sa inyong pagpangita og espirituhanong kahibalo, anaa kana nga “dakong pagtuo,” nga maoy tawag sa mga philosopher niini. Mao kini ang gutlo dihang miabut ka sa tumoy sa kahayag ug mitikang ngadto sa kangitngit aron sa pagdiskobre nga ang dalan pipila na lang ka lakang sa unahan may suga na. (“The Candle of the Lord,” Ensign, Ene. 1983, 54)

Dayon pwede nimong ipangutana sa mga estudyante ang mosunod:

Sa unsang paagi nakatabang nimo ang ilustrasyon aron mas masabtan ang Mga Panultihon 3:5–6?
Kanus-a kamo misalig sa Ginoo sa paagi nga parehas sa gihulagway ni Presidente Packer?

Mga Panultihon 3:6. “Hinumdomi Siya sa tanan mong buhaton ug tultolan ka Niya sa matarong nga dalan”

Makabenepisyo tingali ang imong mga estudyante gikan sa mas lawom nga pagtuon sa Mga Panultihon 3:6. Kon mao, ikonsiderar ang paghatag sa mga estudyante og usa ka piraso nga papel. Hangyoa sila nga pil-on kini og katunga. Pwede nilang isulat ang Hinumdomi Siya sa ibabaw sa usa ka kolum ug Tultolan ka Niya sa matarong nga dalan sa ibabaw sa laing kolum. Dapita ang mga estudyante nga magrekord sa mosunod nga pipila ka adlaw. Hangyoa sila nga irekord ang mga paagi nga ilang gihinumdoman ang Ginoo sa ilang kinabuhi ug ang mga paagi nga gitultolan Niya sila sa matarong nga dalan. Pwedeng ipakigbahin sa mga estudyante ang ilang mga kasinatian sa sunod nga klase.

Music video

Aron tabangan ang imong mga estudyante nga mabati ang kaimportante sa pagsalig sa Ginoo, ikonsiderar ang pagpasalida og bidyo nga sama sa “Trust in the Lord: Music Video” (4:11). Kon anaa, ikonsiderar ang paghatag sa mga estudyante sa liriko sa kanta. Dapita sila sa pagpangita sa hugpong sa mga pulong nga motabang nila nga pilion nga mosalig sa Ginoo.

4:11