Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Pasiuna sa Mga Panultihon: “Ang Ginoo Maoy Naghatag sa Kaalam”

“Pasiuna sa Mga Panultihon: ‘Ang Ginoo Maoy Naghatag sa Kaalam,’” Manwal sa Magtutudlo sa Seminary sa Daang Tugon (2026)

“Pasiuna sa Mga Panultihon: ‘Ang Ginoo Maoy Naghatag sa Kaalam,’” Manwal sa Magtutudlo sa Seminary sa Daang Tugon

Mga Panultihon 1–4; 15–16; 22; 31; Ecclesiastes 1–3; 11–12: Leksiyon 109

Pasiuna sa Mga Panultihon

“Ang Ginoo Maoy Naghatag sa Kaalam”

Jesus Christ depicted as a young boy in the carpenter shop of Joseph. Joseph is standing behind the young Christ. Christ is reading the scriptures from a scroll resting on a table. There are wood shavings on the table.

Sa unsang paagi napanalanginan ang imong kinabuhi tungod sa maalamong tambag gikan sa imong sinaligan nga mga mahal sa kinabuhi? Ang pagtuon sa basahon sa Mga Panultihon maoy sama sa pagtinguhag kaalam gikan sa mahigugmaong higala, sakop sa pamilya, ug sa Ginoo. Ang paggamit sa Iyang kaalam diha sa atong kinabuhi makatabang aron magpabilin kita sa higpit ug pig-ot nga dalan sa pakigsaad. Kini nga leksiyon makatabang sa mga estudyante nga mailhan ang mga kamatuoran nga motabang nila sa pagsubay sa dalan sa Ginoo.

Pagpagandam sa estudyante: Dapita ang mga estudyante sa pagpili og usa ka importante o makatabang nga tambag nga ilang nadawat gikan sa ilang mga ginikanan, mga lider, o sinaligang higala. Dapita ang mga estudyante nga mangandam sa pagpakigbahin sa tambag ug kon sa unsang paagi kini mipanalangin sa ilang kinabuhi.

Posibleng mga Kalihokan sa Pagkat-on

Kasaligang tambag

Ikonsiderar ang pagsugod sa klase pinaagi sa paghatag og gagmayng piraso sa papel sa mga estudyante. Hangyoa sila nga isulat ang usa ka bililhong tambag nga ilang nadawat. Human makolekta ang mga papel, pwede nimong basahon ang pipila sa mga tubag. Dapita ang mga estudyante nga misulat sa tubag nga ipakigbahin kon sa unsang paagi nakatabang nila ang maong tambag. Pwedeng ipasa sa mga estudyante diha sa tibuok lawak klasehan ang nahibiling mga papel, ug unya basahon ang tambag sa ubang mga klasmeyt. Dayon dapita ang mga estudyante sa paghisgot sa mosunod nga mga pangutana.

Sa unsang paagi mahimong makahuluganon kanimo ang tambag sa usa ka tawo?
Unsaon nimo pag-ila kon kang kinsang tambag ang imong masaligan?

Human ipakigbahin sa mga estudyante ang ilang mga tubag, pwede nimo silang dapiton nga mainampoong pamalandongan ang sunod nga mga pangutana.
Unsa ka sagad nimong gisunod ang maalamong tambag sa uban?
Unsa ka kasagad nimong gitinguha ug gisunod ang tambag sa Ginoo?

Ang kaalam sa Mga Panultihon

Ang basahon sa Mga Panultihon maoy usa ka koleksyon sa daghang balaknong kaalam nga gisulat ngadto sa mga Israelita. Ang pipila sa mga tudling sa Mga Panultihon gipahinungod ngadto ni Hari Solomon (tan-awa sa Mga Panultihon 1:1; 10:1; 25:1; tan-awa usab ang 1 Mga Hari 4:32), samtang wala mailhi ang ubang magsusulat. Samtang imong tun-an ang Mga Panultihon, hatagi og pagtagad kon sa unsang paagi pamatud-an sa Espiritu Santo ang kamatuoran samtang imong ilhon ang direksyon nga gusto sa Ginoo nga gamiton nimo sa imong kinabuhi.

Pwede nimong pahinumdoman ang imong mga estudyante nga ang Mga Panultihon (sama sa Job ug Ecclesiastes) naggamit og mga elemento sa Hebreohanong balak nga lisod tingali para sa mga magbabasa. Kon kinahanglan, ipakigbahin nga bisan pag daghan sa Mga Panultihon espirituwal kaayo, ang pipila niini maoy kalibotanong tambag lang.

Basaha ang Mga Panultihon 1:1–7, nga pangitaon ang pipila sa mga katuyoan sa mga panultihon.

Dapita ang mga estudyante sa pagpakigbahin sa unsay ilang nakaplagan. Kon makatabang, pwede kang mangutana kon nganong importante sa pagkat-on sa kaalam karon.

Ikonsiderar ang pagpasabot nga “ang kahadlok sa Ginoo” sa (bersikulo 7) nagtumong sa pagbati ug pagpakita og lawom nga pagtahod ngadto Kaniya. Kini nga pagpasabot pwedeng isulat sa mga estudyante diha sa ilang mga kasulatan.

Sa imong hunahuna, nganong ang pagbaton og lawom nga pagtahod sa Ginoo mao ang “sinugdanan sa kaalam”? (bersikulo 7).

Basaha ang Mga Panultihon 2:6–9, nga pangitaon ang tinubdan sa tinuod nga kaalam. (Timan-i: ang panagang usa ka madala-dala nga taming.) Ikonsiderar ang pag-link o pag-cross reference niini nga mga bersikulo sa Mosiah 4:9.

Unsaon nimo pag-summarize ang imong nakat-onan ingon nga usa ka pamahayag sa kamatuoran?

Tabangi ang mga estudyante sa pag-ila og usa ka kamatuoran sama sa hatagan kita og kaalam sa Ginoo aron tabangan kitang sundon ang Iyang dalan. Pwede nimong dapiton ang mga estudyante nga isulat kini nga kamatuoran diha sa ilang mga sulatanan, mga kasulatan, o journal sa pagtuon samtang imo kining isulat diha sa pisara. Pwedeng ipakigbahin sa mga estudyante ang mga ehemplo sa panahon dihang nakatabang nila ang kaalam sa Ginoo. Pwede nilang hisgotan kon sa unsang paagi lahi ang Iyang kaalam gikan sa kaalam sa kalibotan. Hisgotan tingali sa mga estudyante ang mga butang nga sama sa ang pagbayad sa ikapulo magdala sa mga panalangin sa Ginoo(Malaquias 3:10) o ang pagsunod sa balaod sa kahimsog sa Manluluwas mohatag nato og pisikal ug espirituwal nga mga panalangin (Doktrina ug mga Pakigsaad 89:18–21).
Sa unsang paagi ang pagsunod sa maalamong tambag sa Ginoo nakatabang nimo sa pagpabilin sa Iyang dalan?
Unsa ang pipila ka ehemplo diin nangayo og tambag ang Manluluwas sa Iyang Amahan imbes sa ubang tinubdan?

Ang kaalam sa Ginoo makatabang nato sa pagsunod sa Iyang ehemplo

Tabangi ang mga estudyante nga mailhan ang mga kamatuoran nga modapit nila sa pagsunod sa Manluluwas ug mahimong mas nahisama Niya. Sa paghimo niana, pwede nimong ihatag ang pipila o tanan sa mosunod nga mga pakisayran gikan sa Mga Panultihon. Pwede nimong isulat ang napili nimong mga pakisayran diha sa mga gagmay nga papel. Pwede nimong ihatag ang usa ka papel sa kada estudyante. Dapita sila sa pagbasa sa pakisayran ug sa paghimo sa duha ka lakang sa ubos. Dayon pwedeng ipasa sa mga estudyante ang ilang mga papel ngadto sa laing estudyante ug himoon pag-usab ang duha ka lakang. Balika ang pagtuyok hangtod nga natun-an na sa mga estudyante ang pipila ka tudling.

Timan-i: Ang Leksiyon 110: “Mga Panultihon 3” magpunting sa mga kamatuoran nga makaplagan sa maong kapitulo.

Tun-i ang usa o kapin pa sa mosunod nga mga tudling gikan sa Mga Panultihon, ug himoa ang mosunod:

Isulat ang imong nakat-onan ingon nga usa ka pamahayag sa kamatuoran.
Pagsulat og mubong deskripsiyon kon unsang paagi kini nga kaalam makatabang sa usa ka tawo sa pagsunod sa ehemplo ni Jesukristo o mahimong mas nahisama Kaniya.

Mga Proverbio 1:8

Mga Panultihon 4:14–15

Mga Panultihon 4:26

Mga Panultihon 6:23

Mga Panultihon 11:17

Mga Panultihon 15:1

Mga Panultihon 16:16

Mga Panultihon 16:18–19

Mga Panultihon 17:22

Mga Panultihon 23:17

Mga Panultihon 28:13

Mga Panultihon 29:18

Mga Panultihon 30:5

Ang mosunod nga kalihokan makatabang sa mga estudyante sa pagpatin-aw sa ilang nakat-onan gikan sa pagtuon sa Mga Panultihon. Pwedeng himoon sa mga estudyante kini nga kalihokan sa indibidwal, o pwede nimo bahinon ngadto sa mga grupo. Pwede kang mohatag og papel ug mga gamit sa art sa paghimo og poster, o pwedeng maghimo ang mga estudyante gamit ang ilang mga selpon. Aron tabangan ang mga estudyante, ipakita ang mosunod nga mga instruksiyon.

2026 Old Testament Seminary Teacher Materials

Paghanduraw nga gihangyo ka sa paghimo og biswal nga naggamit sa usa sa mga tudling sa Mga Panultihon aron sa pagtabang sa mga tin-edyer nga mahimong mas nahisama sa Manluluwas. Pagpili og Panultihon ug paghimo og poster nga parehas sa imong makita diha sa magasin nga Alang sa Kalig-on sa mga Kabatan-onan. Mahimong maglakip sa mosunod ang imong biswal:

Usa ka yanong paghulagway—nga mamugna-on [creative] ug makakuha sa atensiyon sa usa ka tin-edyer
Ang pakisayran nga Mga Panultihon ug ang kamatuoran nga gitudlo niini
Usa ka pagpasabot kon sa unsang paagi ang bersikulo gikan sa Mga Panultihon makatabang sa usa ka tin-edyer sa pagsunod sa ehemplo sa Manluluwas o mahimong mas mahisama Kaniya

Ipakigbahin ang kaalam sa Mga Panultihon

Hatagig kahigayonan ang mga estudyante sa pagpakigbahin o pagpakita sa ilang biswal. Kon gihimo sa mga estudyante kini nga kalihokan isip grupo, pwede silang mopili og usa ka grupo nga mao ang mopresentar sa ilang biswal ngadto sa klase. Pwede nimong ipakita ang mga poster palibot sa lawak, ug pwedeng irebyo sa mga estudyante ang gihimo sa ilang mga klasmeyt. Sa pagtapos sa klase, pwede nimong dapiton ang mga estudyante sa paghisgot sa mosunod nga mga pangutana o tubagon kini diha sa ilang journal sa pagtuon.

Hunong kadiyot ug pamalandong sa imong mga impresyon sa tibuok leksiyon karong adlawa. Dayon tubaga ang mosunod nga mga pangutana diha sa imong journal sa pagtuon:

Sa unsang paagi ang mga kamatuoran nga imong gitun-an karon nakaapektar sa imong tinguha sa pagsunod sa Ginoo?
Unsang butanga ang naaghat ka nga buhaton aron mahimong mas mahisama sa Manluluwas?

Dugang nga mga Kapanguhaan

Asa ko makakaplag og kaalam?

Si Elder David A. Bednar sa Korum sa Napulog Duha ka Apostoles mitudlo:

Samtang mangita kamo sa inspirasyon aron makaangkon og kaalam nga gikinahanglan ninyo sa inyong kinabuhi, ako modapit kaninyo sa pagtan-aw ngadto sa Manluluwas. Usa sa maayo kaayo nga paagi sa pagduol ngadto kang Kristo mao ang pagbasa sa Basahon ni Mormon—gikan sa sinugdanan hangtod sa kataposan—ug ilhon ang mga hiyas ug mga kinaiya ni Jesukristo nga makita dinha. Sa inyong pagbuhat niini uban sa tinuod nga intensyon ug sinseridad sa kasingkasing, mahimo kang moduol ug maminaw sa Iyang tingog. Mahimo kamong makaila Kaniya sa labing talagsaon nga paagi. (“Pagdawat og Pagpadayag—Bag-ohay nga mga Mensahe gikan sa mga Propeta, Apostoles, ug Ubang mga Lider sa Simbahan” [digital lamang nga artikulo], Liahona, Hunyo 2023, Librarya sa Ebanghelyo)

Nganong delikado ang pagsalig sa kaalam sa tawo?

Si Presidente Russell M. Nelson mipasabot:

5:49

Ang kalibotanon nga mga impluwensiya ug mga pag-aghat miasdang ug daghan kaayo. Apan daghan kaayo sa mga impluwensiya ang malinglahon, matintalon, ug makapalayo kanato sa dalan sa pakigsaad. Aron malikayan ang dili kapugngan nga kasakit nga mosunod, ako mohangyo kaninyo karon nga suklan ang kalibotanong pagtintal pinaagi sa paggahin og panahon alang sa Ginoo diha sa inyong kinabuhi—matag adlaw.

Kon ang kadaghanan sa impormasyon nga inyong madawat gikan sa social o ubang media, ang inyong abilidad sa pagkadungog sa mga paghunghong sa Espiritu mag-anam og kawala. Kon kamo wala magtinguha sa Ginoo pinaagi sa inadlaw-adlaw nga pag-ampo ug pagtuon sa ebanghelyo, inyong gitugotan ang inyong kaugalingon nga madutlan sa mga pilosopiya nga tingali makapadani apan dili tinuod. (“Paggahin og Panahon alang sa Ginoo,” Liahona, Nob. 2021, 120)

Unsay kalainan sa kahibalo ug kaalam?

Si Presidente David O. McKay (1873–1970) mipasabot:

Ang pag-angkon og kahibalo maoy usa ka butang, ug ang paggamit niini, ingon og lain nga butang. Ang kaalam mao ang ensaktong paggamit sa kahibalo. (sa Conference Report, Abr. 1968, 93)

Dugang nga mga Kalihokan sa Pagkat-on

Mga Panultihon 4:14–15. Likayi ang “pag-adto sa dapit nga adtoan sa mga tawong daotan”

Pinaagi ni Apostol Pablo, ang Ginoo mitudlo nga sa kada tentasyon, naghatagSiya og paagi aron makalingkawas kita (tan-awa sa 1 Mga Taga-Corinto 10:13). Sa Mga Panultihon, atong makat-onan nga ang paagi sa Ginoo aron makalingkawas kita sa tentasyon mao ang paglikay niini sa sinugdanan pa lang. Dapita ang mga estudyante sa pagbasa sa Mga Panultihon 4:14–15. Hangyoa sila sa paghimog senaryo nga masulbad niini nga tudling. Pwedeng himoon sa mga estudyante ang senaryo uban ang gamayng mga grupo. Dayon pwede silang magbaylo og mga senaryo sa laing grupo ug hisgotan kon sa unsang paagi mas maayo ang paglikay sa tentasyon kay sa sulayan nga suklan kini. Pwede usab nga mosugyot ang mga estudyante sa pipila ka paagi aron malikayan ang mga sitwasyon diin matental kita sa pagpakasala.

Aron mapalawman ang pagsabot sa mga estudyante, pwede usab nimong ipasalida ang bidyo nga “Avoid It” gikan sa time code 0:00 hangtod 2:59. Migamit og pagtandi si Elder Lynn G. Robbins sa Seventy bahin sa pagpugong nga dili mokaon og chocolate chip cookies aron ipakita ang kaalam sa Mga Panultihon 4:14–15.

Mga Panultihon aron mapanalanginan ang kinabuhi sa usa ka tin-edyer

Pwede nimong tabangan ang usa ka estudyante nga makita kon sa unsang paagi ang kaalam sa Mga Panultihon makatabang sa usa ka tin-edyer. Usa ka paagi mao ang paghimo og bracket. Pagpili og 16 ka pakisayran sa Mga Panultihon ug isulat kini sa kilid nga mga linya. Bahina sa 8 ka grupo ang mga estudyante. Basahon sa kada grupo ang duha ka hut-ong sa pakisayran sa Mga Panultihon ug tubagon ang mosunod nga mga pangutana:

Para nimo hain nga panultihon ang labing makahuloganon sa imong kinabuhi karon?
Sa unsang paagi makatabang nimo kini nga panultihon sa pagsunod sa ehemplo sa Manluluwas o mahimong mas mahisama Kaniya?

Human sa panaghisgot, pwedeng mamili ang magkapares og usa ka bersikulo nga magtubag niining duha ka pangutana. Moadto sa sunod nga pagtuyok ang napili nila nga bersikulo. Sagola ang mga estudyante ngadto sa upat ka bag-ong grupo, ug ipahimo nila pag-usab ang kalihokan, pagbasa sa mga bersikulo ug paghisgot kon hain nga panultihon ang ilang ibalhin sa sunod nga pagtuyok. Padayon hangtod nga usa na lang ka tudling sa Mga Panultihon ang mabilin. Human mapili ang kataposang panlutihon, pwedeng ipakigbahin sa mga estudyante kon sa unsang paagi nakita kini nga kamtuoran nga motabang nila o ang ilang kaila sa pagsunod sa Manluluwas.

Mga pagtulon-an bahin sa kaalam

Makabenipisyo tingali ang mga estudyante gikan sa pagrebyo sa mga kasulatan nga motabang kanato sa pagsabot sa kaalam. Kon mao, pwede nimong dapiton ang mga estudyante sa paghimong mind map. Pwede nimong ipakita kini nga kalihokan pinaagi sa pagsulat sa pulong Kaalam diha sa tunga sa pisara. Dapita ang mga estudyante nga gamiton ang mga ilang mga himan sa pagtuon sa kasulatan sa pagpangita sa mga kasulatan nga makatabang sa usa ka tawo nga mas masabtan ang mga pagtulun-an sa Ginoo bahin sa kaalam. Kon nagkinahanglan og dugang paggiya ang mga estudyante, pwede nimong ilista ang mga bersikulo nga sama sa Lucas 2:52; Santiago 1:5; Mosiah 4:9; Alma 37:35; Doktrina ug mga Pakigsaad 10:43. Pwede nimong dapiton ang mga estudyante nga moduol sa pisara ug idugang sa mind map ang mga butang nga ilang nakat-onan bahin sa kaalam gikan sa mga kasulatan.