Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Ecclesiastes: “Pagadad-on sa Dios ang Tagsa-tagsa Ka Buhat Ngadto sa Paghukom”

“Ecclesiastes: ‘Pagadad-on sa Dios ang Tagsa-tagsa Ka Buhat Ngadto sa Paghukom,’” Manwal sa Magtutudlo sa Seminary sa Daang Tugon (2026)

“Ecclesiastes: ‘Pagadad-on sa Dios ang Tagsa-tagsa Ka Buhat Ngadto sa Paghukom,’” Manwal sa Magtutudlo sa Seminary sa Daang Tugon

Mga Panultihon 1–4; 15–16; 22; 31; Ecclesiastes 1–3; 11–12: Leksiyon 111

Ecclesiastes

“Pagadad-on sa Dios ang Tagsa-tagsa Ka Buhat Ngadto sa Paghukom”

A thoughtful young woman sitting at a kitchen table.

Usahay mahimong sayon ra kaayong magpunting sa unsay nahitabo niining kinabuhia samtang kalimtan ang paglantaw sa atong kinabuhi uban ang mahangtorong panglantaw. Sa Ecclesiastes, ang Magwawali nagpahinumdom nato nga temporaryo lang ang mga butang niining kalibotana. Gitambagan kita niya nga mangandam dihang hukman na sa Dios ang tanan Niyang anak. Kini nga leksiyon makatabang sa mga estudyante nga masabtan kon sa unsang paagi ang pagtutok sa pakigkita sa Dios sa Kataposang Paghukom makatabang nila sa paghimo og maalamong mga desisyon.

Pagpangandam sa estudyante: Dapita ang mga estudyante nga makig-estorya sa usa ka ginikanan o sinaligang lider bahin sa kon sa unsang paagi ang ilang pagkakita sa malungtarong epekto sa mga desisyon nakaapektar sa ilang mga desisyon samtang tin-edyer pa.

Posibleng mga Kalihokan sa Pagkat-on

Paghimo og mga desisyon

Ikonsiderar ang pagsugod sa klase pinaagi sa pagtabang sa mga estudyante nga makaamgo kon sa unsang paagi ang mahangtorong panglantaw makaimpluwensiya sa ilang mga desisyon. Aron mahimo kini, pwede nimong isulat sa pisara ang mosunod. Dapita ang mga estudyante sa paghisgot kon sa unsang paagi makaapektar sa ilang kaugmaon sa matag usa niini nga mga desisyon samtang bata pa sila.

Unsaon nako pagtratar ang akong lawas
Unsaon nako paggamit ang panahon dihang wala koy gihimo
Unsaon nako pagtratar ang ubang tawo

Dayon ipakigbahin ang mosunod nga pamahayag ug dapita ang mga estudyante sa paghimog koneksiyon tali sa mga desisyon sa ibabaw ug sa gitudlo ni Presidente Nelson.

Gitudlo ni Presidente Russell M. Nelson ang mosunod bahin sa atong mga desisyon.

Ang matag matarong nga pagpili nga inyong himoon dinhi maghatag gayod og dakong kaayohan karon. Apan ang matarong nga mga pagpili sa mortalidad mohatag og mas dakong kaayohan gayod sa kahangtoran. …

Ang kaaway, siyempre, dili gusto gani nga kamo maghunahuna sa ugma, unsa pa kaha ang kinabuhing dayon. (“Mga Pagpili alang sa Kahangtoran” [tibuok kalibotan nga debosyonal alang sa mga young adult, Mayo 15, 2022], Librarya sa Ebanghelyo)

Sa unsang paagi kita maapektohan kon dili nato lantawon ang atong mga desisyon uban ang mahangtorong panglantaw?

Isulat ang usa ka desisyon nga giatubang nimo karon nga “mohatag og mas dakong kaayohan sa kahangtoran.”

Kini maghatag og ideya sa mga estudyante bahin sa mga matang sa mga desisyon nga ilang isulat, sama sa:

Kon padayon bang makig-uban sa usa ka partikular nga grupo sa mga higala.
Kon maghinulsol ba sa usa ka sala nga dugay na nilang gihunahuna.
Kon unsay gipili nilang buhaton sa Igpapahulay.

Pamalandongi kon nganong gusto sa Langitnong Amahan nga imong hunahunaon ang umaabot samtang magdesisyon ka bahin ini. Unsa kahay mahitabo kon dili na nimo himoon?

Samtang imong tun-an ang Ecclesiastes karon, tinguhaa nga masabtan ang mga kamatuoran ug makadawat og personal nga pagpadayag gikan sa Ginoo nga motabang nimo niini nga desisyon.

Pagtutok sa temporal nga mga butang

Sa basahon sa Ecclesiastes, gitawag sa tagsulat ang iyang kaugalingon ingon nga “Magwawali” (Ecclesiastes 1:1, footnote). Gitandi sa Magwawali ang kawalay bili sa pagpunting sa atong kinabuhi diha sa temporal nag mga butang ngadto sa kaimportante sa pagpangandam aron makita ang Dios.

Ikonsiderar ang paghimo og gagmayng grupo ug pagdapit sa kada grupo nga basahon ang usa sa mga tudling sa ubos. Aron tabangan ang mga estudyante nga mas masabtan ang mga tudling, pwede nimong ipakita ang mosunod nga mga kahulogan. Dapita ang mga estudyante nga pulihan ang mosunod nga mga pulong ug hugpong sa mga pulong sa mga kahulogan niini samtang magbasa sila:

Ang “kawang” nagpasabot og walay pulos o temporaryo.
“Nagdakop og hangin” nagpasabot og makapahigawad.

Basaha ang mosunod nga mga tudling, nga pangitaon kon unsay nadiskobrehan sa Magwawali dihang gikab-ot niya ang mga butang nga gituohan sa mga tawo nga makapalipay ug maghatag nila og kalamposan:

Kaalam sa kalibotan. Ecclesiastes 1:13–18
Temporal nga mga kalipay ug materyal nga mga kabtangan. Ecclesiastes 2:1, 4–11

Pwede nimong klarohon nga dili daotan o sayop ang pagbaton og kaalam sa kalibotan ug materyal nga mga kabtangan. Pero kon mahimong mao na kini ang atong tutokan kay sa paglipay sa Dios, mahimong magpameligro ang espirituwalidad. Dapita ang mga grupo sa paghisgot sa mosunod nga pangutana. Dayon pwedeng ipakigbahin sa usa ka sakop sa grupo ngadto sa klase ang mga panabot sa grupo.

Sa unsang mga paagi ang pagtinguha niining mga butanga magpabati natong walay pulos o mahigawad sa kataposan?

Ang atong pagpakigkita sa Dios sa kataposan

Human tinguhaa ang temporal nga kahibalo ug mga kabtangan, gitapos sa Magwawali ang iyang basahon pinaagi sa mga leksiyon nga iyang nakat-onan. Basaha ang Ecclesiastes 12:7, 13–14, nga pangitaon kon unsay iyang gitudlo nga motabang nato sa pagbaton og mahangtorong panglantaw.

Importante kaayo kini nga panglantaw mao nga gidasig sa Dios ang daghan sa Iyang mga sulugoon sa pagtudlo niini. I-cross reference o i-link ang Ecclesiastes 12:7, 13–14 sa Alma 34:32 ug Mormon 3:20, 22. Basaha kini nga mga tudling, nga pangitaon kon sa unsang paagi gitudlo ni Amulek ug Mormon ang sama nga mensahe.

Unsaon nimo pag-summarize ang gitudlo niini nga mga bersikulo sa usa lamang ka pamahayag sa kamatuoran?

Tabangi ang mga estudyante nga mailhan ang kamatuoran nga sama sa: Ang atong kaandam sa pagbarog atubangan sa Dios sa Kataposang Paghukom magdepende sa atong mga desisyon niini nga kinabuhi. Sa dili pa tubagon sa mga estudyante ang sunod nga pangutana, pwede nimo silang dapiton nga mopiyong ang ilang mata ug handurawon nga nakigkita sa Dios human niini nga kinabuhi. Dasiga sila nga ikonsiderar kon unsay ilang nahibaloan bahin Kaniya ug ang Iyang mga kinaiya.
Unsa ang talagsaong mga kinaiya sa Dios ang nakapahimo Niyang kwalipikado nga mahimong atong Maghuhukom?

Pwede nimong pahinumdoman ang mga estudyante sa tahas ni Jesukristo sa pagtabang kanato nga mangandam para sa Kataposang Paghukom pinaagi sa pagpakigbahin sa mosunod nga kasulatan ug pangutana.

Basaha ang 3 Nephi 27:16, 19, nga pangitaon kon unsaon nato pagpangandam sa pagpakigkita kang Jesukristo panahon sa Kataposang Paghukom.

Nganong importante nga masabtan nga dili kita makapangandam para sa Kataposang Paghukom kon wala si Jesukristo?

Atong celestial nga tumong

Tabangi ang mga estudyante nga makita kon sa unsang paagi ang pagkahibalo nga ang atong mga desisyon nga mag-andam nato para sa kahangtoran makaapektar sa mga desisyon nga atong gihimo kada adlaw. Usa ka paagi sa pagbuhat niini mao ang pagtugot sa mga estudyante nga magbansay sa gitudlo ni Presidente Nelson sa mosunod nga pamahayag.

Gipamatud-an ni Presidente Russell M. Nelson ang kaimportante sa pagsugod nga “maghunahuna sa sangpotanan”:

19:15

Sa akong unang pakigpulong isip Presidente sa Simbahan, Ako miawhag kaninyo nga mosugod nga maghunahuna sa sangpotanan. Kini nagpasabot sa paghimo sa celestial nga gingharian nga inyong mahangtorong tumong ug dayon mabinantayong mokonsiderar asa kamo ibutang sa sunod kinabuhi sa inyong matag desisyon samtang ania sa yuta. (“Paghunahuna og Celestial!,” Liahona, Nob. 2023, 118)

Sa unsang mga paagi ang mga pagtulun-an ug ehemplo ni Jesukristo nagpakita nga midesisyon Siya nga “[n]aghunahuna sa sangpotanan”?

Ipasabot nga magpraktis ang mga estudyante nga gamiton ang gitudlo ni Presidente Nelson. Sa dili pa sila magsugod, pwede nimo silang hangyoon nga maghunahuna og mga desisyon nga makaapektar nila sa sunod nga kinabuhi. Idugang kini nga mga desisyon sa listahan sa mga desisyon diha sa pisara nga gikan sa sinugdanan sa klase.

Dayon pwedeng hisgotan sa mga estudyante ang mosunod uban sa gagmayng mga grupo.

Pagpili og usa sa mga desisyon diha sa pisara ug tubaga ang mosunod nga mga pangutana:

Unsang desisyon ang tingali himoon sa tin-edyer bahin niini nga makaapektar sa iyang pagpangandam sa pakigkita sa Dios?
Unsay imong nakat-onan gikan sa mga ebanghelyo ni Jesukristo nga motabang sa usa ka tin-edyer sa pagdesisyon bahin niini?

Dapita ang mga grupo nga ipakigbahin ang ilang mga panglantaw ngadto sa klase. Pwede nimong awhagon ang mga estudyante nga pangitaon ug ipakigbahin ang mga kasulatan o pamahayag gikan sa mga lider sa Simbahan nga nagsuporta unsa ang ilang gipakigbahin.

Ang panapos

Sa dili pa makompleto sa mga estudyante ang mosunod nga kalihokan, pwede nimo silang pahinumdoman bahin sa desisyon nga ilang gisulat sa sinugdanan sa klase.

Handurawa nga nagtindog atubangan sa Dios sa Kataposang Paghukom ug nakadungog Niya nga nagsulti nimo, “Maayo! Buotan ka ug matinumanon nga sulugoon” (Mateo 25:23).

Karon, handurawa nga samtang nagtindog ka atubangan sa Dios, aduna kay kahigayonan sa pagpadala og mensahe balik sa panahon sa imong kaugalingon karon. Pagsulat og mensahe nga nagtambag sa imong kaugalingon karon nga motabang nimo sa pagpangandam para sa Kataposang Paghukom. Pwede nimong iapil ang imong nakat-onan ug gibati karon bahin sa:

Sa unsang paagi ang mga desisyon samtang bata pa ka makaapektar sa imong pagpangandam nga makigkita sa Dios.
Unsang mga kausaban ang imong iawhag sa imong kaugalingon bahin sa mga desisyon nga giatubang nimo karon.

Ikonsiderar ang pagpamatuod sa kaimportante sa paghimog desisyon samtang nagpunting sa adlaw nga mobarog kita atubangan sa Dios aron hukman.

Dugang nga mga Kapanguhaan

Ecclesiastes 1:2–3. Kon temporaryo lang ang kadaghanan niining kinabuhia, unsa man ang tinuod nga importante?

Si Presidente M. Russell Ballard (1928–2023) mitudlo:

13:30

Sa akong pagpangalagad, akong nakat-onan nga ang labing mahinungdanon mao ang atong mga relasyon ngadto sa Langitnong Amahan ug sa Iyang Hinigugma nga Anak, atong mga pamilya, ug atong mga silingan, ug pagtugot sa Espiritu sa Ginoo nga mogiya kanato niana nga mga relasyon aron kita makapamatuod sa mga butang nga labing mahinungdanon ug molungtad sa labing taas nga panahon. (“Hinumdomi Unsa ang Labing Mahinungdanon,” Liahona, Mayo 2023, 107)

Ecclesiastes 2:17. Kon mamatay ra ta tanan, sakto ba ang Magwawali dihang siya miingon “ang tanan kakawangan ug paghago sa espiritu”?

Si Elder D. Todd Christofferson sa Korum sa Napulog Duha ka Apostoles mitudlo:

23:27

Si Elder Neal A. Maxwell kausa namulong bahin sa “tawhanong kalisdanan,” sa kamatuoran nga ang tanan matapos diha sa kamatayon. Ang atong mga kalamposan, atong mga naangkon, atong mga pakig-uban ang tanan adunay kataposan, ug kon wala nay mas labaw pa, nan sama sa gisulti sa “Tigsangyaw” diha sa Ecclesiastes, “ang tanan walay kapuslanan” [Ecclesiastes 2:17]. Ang kamatayon usa ka kamatuoran, ug kita mapugos sa pag-ila nga kon walay usa ka gahom nga mobuntog sa kamatayon, ang atong kinabuhi adunay gamayng katuyoan aron molahutay. Maayo na lang, kita nasayod nga ang kamatayon nabuntog, ang kinabuhi adunay katuyoan ug kahulogan, ug ang tanan dili kawang. Pinaagi sa Iyang Pag-ula, si Jesukristo mibuntog sa tawhanong kalisdanan sa kamatayon, ug karon, sama sa naobserbahan ni Elder Maxwell, “adunay personal na lamang nga mga kalisdanan [atong indibidwal nga mga sala, mga sayop, ug mga kahuyang], ug gikan usab niini mahimo kitang maluwas pinaagi sa pagsunod sa mga pagtulun-an niya nga miluwas kanato gikan sa dakong kalaglagan.” (“Salig sa Dios” [sibya sa tinuig nga pagbansay sa Church Educational System, Ene. 26, 2024], Librarya sa Ebanghelyo)

Ecclesiastes 3:17; 12:14. Unsaon ako paghukom?

Si Presidente Dallin H. Oaks sa Unang Kapangulohan mitudlo:

17:7

Ang Kataposang Paghukom dili lamang usa ka pagtimbang-timbang sa suma total sa maayo ug sa daotan nga mga buhat—unsa ang atong nahimo. Kini usa ka pag-ila sa kataposan nga epekto sa atong mga buhat ug mga hunahuna—kon unsa kita nahimo. Dili paigo ni bisan kinsa nga mokuyog lang sa panon kon unsay nahitabo. Ang mga sugo, mga ordinansa, ug mga pakigsaad sa ebanghelyo dili usa ka lista sa mga deposito nga gikinahanglang ideposito ngadto sa langitnong account. Ang ebanghelyo ni Jesukristo usa ka plano nga nagpakita kanato kon unsaon nga mahimong unsay gitinguha sa atong Langitnong Amahan nga kita mamahimo. (“The Challenge to Become,” Ensign, Nob. 2000, 32)

Ecclesiastes 12:13. Sa unsang paagi ko panalanginan sa Dios samtang akong tumanon ang Iyang mga sugo?

Si Presidente Thomas S. Monson (1927–2018) mitudlo:

14:24

Ang atong Langitnong Amahan nahigugma gayud kanato aron moingon: Dili ka mamakak; dili ka mangawat; dili ka manapaw; higugmaa ang imong silingan sama sa imong kaugalingon; ug uban pa. Kita nasayud sa kasugoan. Siya nakasabut nga kon atong sundon ang kasugoan, ang atong kinabuhi mas malipayon, mas makatagbaw, ug dili kaayo komplikado. Ang atong mga hagit ug mga problema mas sayon pas-anon, ug atong madawat ang Iyang gisaad nga mga panalangin. Apan samtang naghatag Siya kanato og mga balaod ug kasugoan, Siya usab nagtugot kanato nga mopili sa pagdawat o pagsalikway niini. Ang atong mga desisyon kalabut niini maoy motino sa atong destinasyon. (“Sunda ang Kasugoan,” Liahona, Nob. 2015, 83)

Dugang nga mga Kalihokan sa Pagkat-on

Alternatibong pagsugod

Pwede kang magsugod pinaagi sa pagpakita sa pamahayag gikan kang Presidente Nelson gikan sa sinugdanan sa leksiyon. Pangutan-a ang mga estudyante kon unsay ilang nahibaloan bahin sa kinabuhi human sa kamatayon nga nanghinaot sila nga mahibaloan unta sa tanan. Dayon dapita ang mga estudyante nga hisgotan kon sa unsang paagi ang atong mga tinuohan bahin sa kinabuhi human sa kamatayon makaimpluwensiya sa atong mga desisyon.

2 Nephi 9:51. “Alang nianang dili makatagbaw.”

Human matun-i ang bahin sa mga gikab-ot sa kalibotan nga gitinguha sa Magwawali diha sa Ecclesiastes 1 ug 2, ikonsiderar ang pagbasa sa 2 Nephi 9:50–51. Hangyoa ang mga estudyante nga ikonsiderar kon sa unsang paagi nato gamiton ang atong panahon ug kwarta sa mga butang nga walay bili o dili makatagbaw. Dayon pwede nimong hisgotan kon sa unsang paagi si Jesukristo ug ang Iyang ebanghelyo makahayag og maluntarong katagbawan.

Pagsusi sa mga konsepto ug mga pangutana inubanan sa mahangtoron nga panglantaw

Pwede nimong tugotan ang mga estudyante nga magpraktis sa pag-ila sa mga dapit ug gilaoman sa kalibotan. Pwedeng basahon sa mga estudyante ang parapo 8 diha sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2023), nga pangitaon kon unsay makatabang nila sa paglantaw sa mga butang uban ang mahangtorong panglantaw.

Dayon pwedeng tun-an sa mga estudyante ang mga bersikulo sa leksiyon gikan sa Ecclesiastes 1 ug 2 bahin sa pagtinguha sa kaalam sa kalibotan, materyal nga mga kabtangan, ug temporal nga kalipay. Dapita ang mga estudyante nga ilhon ang gidahom sa kalibotan nga nabatonan tingali niadtong gihimong prayoridad kining mga butanga. Ipakigbahin tingali sa mga estudyante ang mga butang nga sama sa:

Ikaw na ang labing malipayon kon himoon nimo kon unsay makapalipay nimo sa karon (tan-awa sa Ecclesiastes 2:1, 10).
Ang materyal nga mga kabtangan timaan sa pagkamalamposon ug makahatag nato og kalipay (tan-awa sa Ecclesiastes 2:4–8).

Dayon pwedeng tan-awon sa mga estudyante ang samang mga pagdahom “basi sa sumbanan sa kamatuoran nga gihimo sa Ginoo kay sa pagdawat sa mga ideya o mga pagbana-bana nga gihimo sa kalibutan” (Mahinungdanon nga Dokumento sa Doktrinal nga Kahanas [2023], “Pag-angkon og Espirituhanong Kahibalo,” parapo 8).