Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Salmo 136: “O Pasalamati ang Ginoo”

“Salmo 136: ‘O Pasalamati ang Ginoo,’” Manwal sa Magtutudlo sa Seminary sa Daang Tugon (2026)

“Salmo 136: ‘O Pasalamati ang Ginoo,’” Manwal sa Magtutudlo sa Seminary sa Daang Tugon

Mga Salmo 102–3; 110; 116–19; 127–28; 135–39; 146–50: Leksiyon 108

Salmo 136

“O Pasalamati ang Ginoo”

Sama sa daghang himno, gipahinumdoman kita sa Mga Salmo sa pagpasalamat sa tanang butang. Ang pagpahayag og kinasingkasing nga pasalamat sa Langitnong Amahan ug kang Jesukristo magbukas sa atong mga mata ug mga kasingkasing sa Ilang gugma ug kaluoy ug motugot sa atong gugma para Kanila nga motubo. Kini nga leksiyon makatabang sa mga estudyante nga mabati ang gugma sa Langitnong Amahan ug ni Jesukristo samtang ilang ipahayag ang ilang pagpasalamat Kanila.

Pagpangandam sa estudyante: Dapita ang mga estudyante sa pag-ampo aron pasalamatan ang Langitnong Amahan nga walay pangayoon agi og balos gikan Kaniya. Pwedeng mangandam ang mga estudyante sa pagpakigbahin sa ilang mga impresyon gikan sa kasinatian diha sa klase.

Posibleng mga Kalihokan sa Pagkat-on

Sa unsang paagi nako mabati ang gugma sa Dios?

Sugdi ang klase pinaagi sa pagtabang sa mga estudyante nga pamalandongan kon sa unsang paagi nila mabati ang gugma sa Dios. Usa ka paagi sa pagbuhat niini mao ang pagdapit sa mga estudyante nga handurawon ang mosunod nga senaryo.

Usa ka adlaw, giingnan ka sa imong higala: “Usahay hisgotan sa mga tawo diha sa simbahan ug sa seminary, nga nabati nila ang gugma sa Dios. Dili ko sigurado nga gibati nako kini. Unsay akong buhaton aron akong mabati ang Iyang gugma diha sa akong kinabuhi?”

Unsaon nimo pagtubag ang imong higala?

Lainlaing tingali ang tubag sa mga estudyante, o basig wala sila mahibalo kon unsay isulti. Human motubag sa mga estudyante, pwede nimong ipakigbahin ang mosunod nga pamahayag.

Gipasabot ni Presidente Thomas S. Monson (1927–2018) ang usa ka butang nga atong mahimo aron mabati nato ang gugma sa Dios:

Mga kaigsoonan, nakahinumdom ba kita nga nagpasalamat sa mga panalangin nga atong nadawat? Ang kinasingkasing nga pagpasalamat dili lamang makatabang kanato sa pag-ila sa atong mga panalangin, apan kini makaabli usab sa mga pultahan sa langit ug motabang kanato nga mobati sa gugma sa Dios. (“Ang Balaanong Gasa sa Pagpasalamat,” Liahona, Nob. 2010, 87)

Unsaon nimo pag-summarize ang gitudlo ni Presidente Monson?

Samtang ipakigbahin sa mga estudyante ang ilang mga tubag, isulat ang mosunod nga kamatuoran diha sa pisara: Ang pagpahayag sa atong pasalamat sa mga panalangin motabang nato nga mabati ang gugma sa Dios.

Basaha ang Salmo 136:1–3, 26, nga pangitaon kon nganong nagpahayag og pagpasalamat sa Dios ang salmista.

Unsay imong nabantayan?

Pwede nimong dapiton ang mga estudyante nga markahan ang hugpong sa mga pulong nga “ang iyang gugma molungtad hangtod sa kahangtoran.” Pwede nimong ipasabot nga matag higayon ang salmista mopahayag og pagpasalamat, iyang ilhon ang gugma sa Dios. Pwede nimong ipatin-aw nga sa Hebreohanon, ang pulong para sa kaluoy niini nga mga bersikulo mao ang hesed, nga mao ang “espesyal nga matang sa gugma ug kaluoy nga gibati sa Dios alang ug gipadangat ngadto niadtong kinsa mohimo og usa ka pakigsaad uban Kaniya” (Russell M. Nelson, “Ang Walay Kataposan nga Pakigsaad,” Liahona, Okt. 2022, 6).
Sa imong hunahuna, nganong ang pagpasalamat sa atong mga panalangin motabang nato nga mabati ang gugma sa Dios?

Pag-ila sa mga panalangin sa Dios

Aron tabangan ang mga estudyante nga masusi kon giunsa nila sa pagpahayag og pagpasalamat sa Ginoo, pwede nimong himoon ang mosunod nga kalihokan. Pahinumdomi ang mga estudyante nga makatabang nato ang Espiritu Santo nga mahinumdom aron makakat-on ug mouswag kita. Dapita ang mga estudyante nga bantayan ang mga impresyon sa Espiritu Santo samtang ilang ikonsiderar ang ilang mga tubag.

Hunahunaa ang imong mga kasinatian niadtong miaging semana. Diha sa imong journal sa pagtuon, tubaga ang mosunod nga mga pangutana gamit ang mga hugpong sa mga pulong nga wala gayod, kausa o kaduha, pipila ka higayon, o kadaghan.

Unsa kasagad nimo mailhan ang usa ka pihong panalangin nga gikan sa Ginoo diha sa imong kinabuhi?
Unsa kasagad nimo gipahayag ang imong pasalamat sa Ginoo para sa imong mga panalangin?
Usan kasagad nimo nabati ang Iyang gugma?

Pagpahayag og Pagpasalamat sa Dios

Aron tabangan ang mga estudyante nga makapraktis sapagpahayag og pagpasalamat sa Dios, pwede nimo silang dapiton nga himoon ang usa sa mosunod nga mga kalihokan.

Papili og usa sa mosunod nga mga opsiyon aron sa pagpahayag sa imong pasalamat sa Langitnong Amahan ug kang Jesukristo. Hatagig pagtagad ang gugma nga imo tingaling mabati gikan Kanila samtang imo kining himoon.

Ipahayag ang imong pasalamat sa Langitnong Amahan ug kang Jesukristo diha sa usa ka social media post o pinaagi sa pagsulat diha sa imong journal.
Paghimo og lista sa mga butang nga imong pasalamatan. Ayaw og kalimot sa pag-apil sa maong mga butang sa imong sunod nga pag-ampo.

Sa pagtapos, pwede nimong ipakigbahin kon sa unsang paagi motabang nato ang pagpahayag og pagpasalamat sa Langitnong Amahan ug kang Jesukristo aron mabati nato ang Ilang gugma ug nagtugot sa atong gugma Kanila nga motubo.

Dugang nga mga Kapanguhaan

Unsa ang pipila ka mga panalangin nga moabot gikan sa pagpahayag og pasalamat?

Si Presidente Henry B. Eyring sa Unang Kapangulohan mipakigbahin:

Gipaningkamotan nako ang paghinumdom sa sakripisyo sa Manluluwas ug sa Iyang gugma alang kanako. Dayon, kon mag-ampo ko sa Langitnong Amahan aron sa pagpasalamat, mobati ko sa gugma ug kaseguroan nga ang akong mga pag-ampo gidungog ug nga ako makadawat sa bisan unsa nga labing maayo kanako ug niadtong akong mga gipangga. Nakapalig-on kini sa akong pagpamatuod. (“Atong Kauban sa Kanunay,” Liahona, Nob. 2023, 94)

Nganong kinahanglan kong magpasalamat para sa mga pagsulay?

Si Presidente Dallin H. Oaks sa Unang Kapangulohan mitudlo:

17:27

Ang mga pinadayag, nga kita mapasalamaton, nagpakita nga angay gani kitang mopasalamat alang sa atong mga kasakit tungod kay kini makapabalik sa atong mga kasingkasing sa Dios ug mohatag kanato og mga kahigayunan aron maandam kita kon unsay buot sa Ginoo nga kita mamahimo. … Taliwala sa mga pagsulay nga giantos sa mga Santos sa Ulahing mga Adlaw sa Missouri, ang Ginoo mihatag og susamang pagtulun-an ug saad: “Sa pagkatinuod Ako moingon nganha kaninyo akong mga higala, ayaw kahadlok, himoa nga mahupay ang inyong mga kasingkasing; oo, maglipay hangtud sa hangtud, ug sa matag butang maghatag og mga pagpasalamat; … ug ang tanan nga mga butang diin kamo gipaantus molihok alang sa inyong kaayohan” (D&P 98:1, 3). Ug kang Joseph Smith alang sa mga kasakitan diha sa Liberty Jail, ang Ginoo miingon, “ikaw masayud, akong anak, nga kining tanan nga mga butang makahatag kanimo og kasinatian, ug alang sa imong kaayohan” (D&P 122:7). Nakasabot si Brigham Young. Matud niya, “Walay bisan usa nga kahimtang sa kinabuhi [o] usa ka oras nga kasinatian nga dili makahatag og kaayohan sa tanan kinsa mogamit niini sa ilang pagtuon, ug nagtumong sa paglambo diha sa mga kasinatian nga ilang naangkon” (Teachings of Presidents of the Church: Brigham Young [1997], 209).” (“Give Thanks in All Things,” Liahona, Mayo 2003, 96)

Dugang nga mga Kalihokan sa Pagkat-on

Alternatibong pagsugod

Pwede nimong sugdan ang klase pinaagi sa pagpakigbahin sa mosunod.

Panahon sa COVID-19 nga pandemya niadtong Nobiyembre 2020, gipakigbahin ni Presidente Russell M. Nelson ang mosunod nga kasinatian:

Pipila ka semana ang milabay, nakamata ko sa tungang gabii nga mibati nga kinahanglan ko nga mohalad og pag-ampo sa pasalamat ngadto sa Dios alang sa tanan Niyang mga anak sa tibuok kalibutan. Mga ideya misantop sa akong hunahuna sa tanang mga butang diin kita kinahanglan nga magmapasalamaton ug sa unsang paagi nga ang pagpahayag niana nga pasalamat makahimong usa ka makaayo nga espiritu diha sa atong kinabuhi. Samtang ang inspirasyon miabot, piho nga mga detalye, lakip na kon kanus-a ug sa unsa nga paagi nga akong ipakigbahin kini nga mensahe, miabut sa akong hunahuna ug kasingkasing. (“Ang Istorya luyo sa Akong Tibuok Kalibutan nga Pag-ampo sa Pagpasalamat,” Inspiration [blog], Librarya sa Ebanghelyo, Nob. 20, 2020)

Dayon, gidasig ni Presidente Nelson ang katawhan sa tibuok kalibotan nga magpahayag og pagpasalamat sa Ginoo ug sa uban.

Unsa ang posibleng mga panalangin tungod sa pagpahayag og pagpasalamat sa Langitnong Amahan ug kang Jesukristo?

Dugang nga mga opsiyon sa bidyo

Human makompleto sa mga estudyante ang handout, pwede nimong ipasalida ang usa sa mosunod nga mga bidyo puli sa gisugyot:

“Si Presidente Russell M. Nelson bahin sa Ang Makaayo nga Gahom sa Pagpasalamat” (gikan sa time code 2:45 hangtod 4:27)

11:39
“In the Spirit of Thanksgiving” (4:48)

4:49

Mga paagi sa pagpahayag og pagpasalamat

Agig dugang sa pagtudlo nato kon unsay angayng pasalamatan ngadto sa Ginoo, gipakigbahin usab sa Mga Salmo ang mga paagi kon unsaon kini paghimo. Pwede nimong dapiton ang mga estudyante nga basahon ang Salmo 149:1–6 ug Salmo 150, nga pangitaon ang mga paagi nga makapahayag og pagpasalamat sa Ginoo. Pwede modugang ang mga estudyante og laing mga paagi sa pagpahayag og pagpasalamat, lakip ang ubang mga pagtulun-an sa mga kasulatan. Dayon pwede nimong dapiton ang mga estudyante nga ipakigbahin ang paborito nilang himno sa pagpasalamat nga pwedeng dungan nga kantahon o paminawon sa klase.

Ang Mga Salmo nagtudlo bahin sa pamilya

Ang laing gihatagan og pagtagad nga punto sa Mga Salmo mao ang pamilya. Ikonsiderar ang pagdapit sa mga estudyante nga basahon ang Salmo 127:3–5, nga pangitaon kon unsay gitudlo niini bahin sa pamilya. Pwede nimong dapiton ang mga estudyante sa pagpakigbahin kon unsay mipatigbabaw kanila. Pwede kang mangutana kon unsa kahay posibleng gikabalak-an sa usa ka tawo bahin niini nga mga pagtulun-an. Pangutan-a ang mga estudyante sa unsang paagi nil;a tubagon ang maong mga kabalaka. Ang Pamilya: Usa ka Pamahayag ngadto sa Kalibotan makatabang tingali nga kapanguhaan.

Ang Mga Salmo bahin sa pag-ampo

Wala pa tingali ninyo mahisgoti ang pag-ampo sa milabay nga mga leksiyon sa Mga Salmo. Kon wala pa, pwede nimong dapiton ang mga estudyante nga basahon ang Salmo 145:18–20, nga pangitaon kon unsay gitudlo niini nga mga bersikulo bahin sa pag-ampo. Mahimo nimong ipasabot nga ang “haduol” nagpasabot nga duol ug ang “nahadlok kaniya” nagpasabot sa pagtahod sa Dios. Pwede nimong hangyoon ang mga estudyante nga mopakigbahin og mga kasinatian diin ilang nasaksihan ang mga kamatuoran nga gitudlo niini nga salmo.