Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

Salmo 119: “Ang imong pulong maoy lamparahan sa akong mga tiil, ug kahayag sa akong alagianan”

“Salmo 119: ‘Ang imong pulong maoy lamparahan sa akong mga tiil, ug kahayag sa akong alagianan,’” Manwal sa Magtutudlo sa Seminary sa Daang Tugon (2026)

“Salmo 119: ‘Ang imong pulong maoy lamparahan sa akong mga tiil, ug kahayag sa akong alagianan,’” Manwal sa Magtutudlo sa Seminary sa Daang Tugon

Mga Salmo 102–3; 110; 116–19; 127–28; 135–39; 146–50: Leksiyon 107

Salmo 119

“Ang imong pulong maoy lamparahan sa akong mga tiil, ug kahayag sa akong alagianan”

Gibati ba nimo nga ang imong pagtuon sa kasulatan mosangpot sa paggiya gikan sa Ginoo? Gipahayag sa Salmo 119 ang pasalamat para sa pulong sa Dios ug nagpamatuod sa gahom niini. Kini nga leksiyon makatabang sa mga estudyante sa paghimo og plano sa pagtuon sa pulong sa Dios.

Pagpangandam sa estudyante: Dapita ang mga estudyante nga personal nga tun-an ang mga kasulatan sa dili pa ang sunod nga klase. Hangyoa sila sa pagpamalandong kon ila bang gibati ang paggiya sa Ginoo pinaagi sa ilang pagtuon sa kasulatan. Kon mao, aduna ba silay mahunahunaan nga mga pananglitan?

Posibleng mga Kalihokan sa Pagkat-on

Paggiya ug ang mga kasulatan

Aron maandam ang mga estudyante sa pagtuon mahitungod sa mga kasulatan, dapita sila nga pamalandong kon sa unsang paagi ang lainlaing tawo magkalahi og mga kinaiya bahin sa mga kasulatan. Hangyoa ang mga estudyante nga ikonsiderar kon unsaon pagkompleto niining lainlaing mga tawo ang mosunod nga pahayag. Pwede usab nimong gamiton kini nga kalihokan ingon nga pagpangandam sa estudyante. Pwede nimong ipakigbahin ang pamahayag sa dili pa magsugod ang klase ug dapiton ang mga estudyante nga magdalag usa ka butang nga motabang nila sa pagkompleto niini.

Ang mga kasulatan mora og kay .

Kon nagkinahanglan og ehemplo ang mga estudyante, pwede kang moingon nga, “Ang mga kasulatan mora og mapa o GPS kay naggiya ni nako.”

Dapita ang mga estudyante sa pagpakigbahin sa ilang mga hunahuna. Pwede kang mangutana kon nganong ganahan kaayo ang ubang tawo nga magtuon sa mga kasulatan pero ang uban dili.

Ikonsiderar ang pagdapit sa mga estudyante nga mamalandong kon unsaon nila pagkompleto ang pamahayag aron makita ang ilang kinaiya bahin sa mga kasulatan.

Sa kataposan sa leksiyon, imong timbangtimbangon ang imong tumong sa pagtuon sa kasulatan o magtakda ka og bag-ong tumong. Ikonsiderar ang hilom nga pag-ampo sa Langitnong Amahan nga giyahan ka karong adlaw samtang imong tun-an ang Salmo 119. Tinguhaa ang inspirasyon sa pagtakda og tumong nga dako og ikatabang nimo.

Ang pulong sa Dios mora og …

Ang magsusulat sa Salmo 119 migamit og mga simbolo sa paghulagway sa pulong sa Dios. Kini nga mga simbolo nagpasiugda sa gugma sa salmista alang sa pulong sa Dios ug sa mga panalangin nga resulta sa makugihong pagtuon ug pagtuman sa Iyang mga pulong.

Pananglitan, basaha ang Salmo 119:105–106, nga pangitaon kon sa asa gitandi sa salmista ang pulong sa Dios.

Ikonsiderar ang pagpahinay sa siga o pagpalong sa mga suga sa lawak klasehan ug sa pag-on og lampara o flashlight. Tugoti ang mga estudyante nga ipakigbahin ang ilang nakaplagan.

Sa unsang paagi ang pulong sa Dios mora og suga o lampara?

Kon ipakigbahin sa mga estudyante ang parehas sa mosunod nga baroganan, isulat kini sa pisara: Samtang atong tun-an ang pulong sa Dios, panalanginan kita Niya og paggiya.

Kon nagkinahanglan og dugang tabang ang mga estudyante sa pag-ila sa baroganan, ikonsiderar ang pagpangutana, “Unsay kalainan sa paglakaw nga naay suga ug sa paglakaw diha sa kangitngit?” o “Sa unsang paagi kita matabangan sa kasulatan sa paglakaw diha sa kahayag?” O pwede nimong isulat ang baroganan ug mangutana, “Sa unsang paagi gipakita niini nga mga bersikulo ang baroganan nga naa sa pisara?”

Pasigaa pag-usab ang mga suga sa lawak. Ikonsiderar ang pagdapit sa mga estudyante sa pag-cross reference o pag-link sa Salmo 119:105 ngadto sa 2 Nephi 32:3. Hangyoa ang mga estudyante nga timan-an kon sa unsang paagi susama kini nga mga bersikulo. O tan-awa ang “Giunsa Nako #PagpaminawKaniya: Elder David A. Bednar” (1:15), Librarya sa Ebanghelyo.

1:16

Basaha o ipakita ang mosunod nga mga pangutana, ug dapita ang pipila ka estudyante nga mopilig usa ug tubagon kini:
Sa imong hunahuna nganong gusto kitang giyahan sa Dios?
Sa unsang paagi ang pagkahibalo nga magiyahan kita sa Dios pinaagi sa mga kasulatan makadasig sa usa ka tawo sa pagtuon niini?
Sa unsang mga kahimtang nga ang pulong sa Dios nahisama sa lampara o kahayag kanimo o sa imong kaila?

Samtang ipakigbahin sa mga estudyante ang ilang mga tubag, pwede kang mangutana kon sa unsang paagi kini nga mga ideya ug mga kasinatian nakaapektar sa ilang relasyon sa Dios.

Uban pang simbolo

Mihimog uban pang pagtandi ang salmista. (Timan-i: sa pagtumong sa pulong sa Dios, migamit ang salmista og lainlaing termino sama sa mga pamatuod, balaod, mga pagtulun-an, mga kasugoan, ug mga pamaagi.)

Aron tabangan ang mga estudyante sa pagtuon sa Salmo 119, isulat ang mosunod nga mga pakisayran diha sa pisara:

Salmo 119:14–16, 72, 127

Salmo 119:22–24

Salmo 119:33–35

Salmo 119:50–52, 54

Salmo 119:102–104

Bahina sa lima ka grupo ang klase ug i-assign sa kada grupo ang usa sa mga pakisayran nga naa sa pisara. Ipakita ang mosunod nga mga butang o mga hulagway niini nga mga butang: usa ka hymnbook, mga sinsilyo (o usa ka butang nga nagrepresentar og mga bahandi), dugos (o usa ka butang nga tam-is), usa ka hulagway sa dalan, ug usa ka hulagway sa magtatambag (sama pananglit, usa ka magtatambag sa Unang Kapangulohan sa Simbahan o magtatambag sa eskwelahan).

Ipakita ang mosunod nga mga instruksiyon:

Basaha ang tudling sa kasulatan nga gi-assign kaninyo, nga pangitaon kon sa unsa gitandi sa salmista ang pulong sa Dios.
Kuhaa ang butang o litrato base sa tudling sa kasulatan nga gi-assign kaninyo.
Hisgoti kon sa unsang paagi makatabang ang butang o litrato aron masabtan sa usa ka tawo ang kaimportante sa pulong sa Dios.
Pagpakigbahin og mga ehemplo o mga kasinatian gikan sa imong kinabuhi, sa kinabuhi sa uban, o sa kasulatan nga nagpakita kon sa unsang paagi ang maong butang o litrato nahisama sa pulong sa Dios.

Dapita ang mga estudyante nga kompletohon ang mosunod nga baroganan base sa ilang nakat-onan: Samtang atong tun-an ang pulong sa Dios, Siya mopanalangin kanato og …

Ang pipila sa posibleng mga tubag mao ang kalipay (tan-awa sa mga bersikulo 14, 16, 35, 103), paghupay (tan-awa sa mga bersikulo 50, 52), tambag (tan-awa sa bersikulo 24), ug pagsabot (tan-awa sa bersikulo 104).

Sa unsang paagi ang baroganan nga imong nakaplagan magtabang sa usa ka tawo nga tun-an ang pulong sa Dios?
Sa unsang paagi ikaw o ang imong mga kaila gipanalanginan sa Dios og hingpit nga kalipay, paghupay, tambag, o pagsabot samtang gitun-an nimo o nila ang Iyang pulong?

Samtang ipakigbahin sa mga estudyante ang ilang mga tubag sa nangaging pangutana, pwede kang mangutana kon sa unsang paagi kini nga mga kasinatian nakaapektar sa ilang relasyon sa Dios.

Imong tumong

Dapita ang Espiritu samtang mamalandong ka sa imong pagtuon sa kasulatan. Kon anaa na kay tumong sa pagtuon sa kasulatan, irekord diha sa imong journal sa pagtuon kon unsa ang miuswag ug kon unsay gusto nimong ipadayon. Pwede nimong iapil kon nganong imong gipili kini nga tumong ug kon sa unsang paagi nakatabang kini kanimo nga mobati nga mas duol sa Ginoo. Mainampoong mangutana sa Langitnong Amahan kon gusto ba Niya nga mohimo ka og mga kausaban sa imong tumong.

Kon wala pa kay kasamtangang tumong sa pagtuon sa kasulatan, tinguhaa ang paggiya sa Espiritu Santo samtang magtakda ka og tumong. Pwede nimong iapil ang mosunod:

Ang gidugayon sa imong pagtuon
Unsa ka sagad ka magtuon (kon posible, paningkamot sa pagtuon kada adlaw)
Unsay imong himoon aron tinguhaon ang tabang sa Ginoo diha sa imong pagtuon (sama pananglitan sa, pag-ampo una ka magtuon o pagtinguha sa pagpadayag bahin sa imong gitun-an)
Sa unsang paagi nimo mahinumdoman, mapamalandong, o magamit ang imong nakat-onan sama (pananglitan sa, pagrekord sa imong nakat-onan gikan sa pagtuon sa kasulatan, irekord kon unsay gipaningkamotan nimo og gamit, o hisgoti sa uban ang mong nakat-onan kausa sa usa ka semana)

Dapita ang mga boluntaryo sa pagpakigbahin sa ilang tumong sa pagtuon sa kasulatan ingon man ang ilang mga gikabalak-an. Kon ipakigbahin sa mga estudyante ang ilang mga gikabalak-an, dapita ang klase sa pagpakigbahin og mga kasulatan, mga pamahayag gikan sa mga lider sa Simbahan, o personal nga mga kasinatian nga makatabang tingali.

Sultihi ang mga estudyante nga diha sa “Sukda ang Imong Nakat-onan 7,” nga makabaton sila og kahigayonan sa pagreport bahin sa ilang mga tumong. Ilang ipakigbahin kon komosta na ang ilang pagtuon sa kasulatan ug kon unsang mga panalangin ang gibati nila nga gihatag sa Ginoo kanila tungod niini.

Kon naa pay oras, dapita ang mga estudyante nga hilom nga tun-an ang mga kasulatan. Dapita sila nga pangitaon ang mga kamatuoran nga gihatag kanato sa Dios nga makagiya nila sa ilang kinabuhi karon. Dapita ang pipila ka estudyante nga ipakigbahin ang ilang nakaplagan.

Ipakigbahin ang imong pamatuod bahin sa mga baroganan niini nga leksyon.

Dugang nga mga Kapanguhaan

Nganong naa may Hebreohanong mga letra sa tibuok Salmo 119?

Ang Salmo 119 gibahin ngadto sa mga seksiyon nga naay walo ka bersikulo. Kini nga salmo maoy “usa ka acrostic nga balak nga naay walo ka bersikulo para sa matag usa sa baynte-dos ka letra sa Hebreohanong alpabeto. … Ang usa ka Hebreohanong letra ug ang ngalan niini makita diha sa kada linya sa walo ka bersikulo” (Ellis T. Rasmussen, A Latter-day Saint Commentary on the Old Testament [1993], 455). Ang matag linya sa walo ka bersikulo sa salmo magsugod base sa letra sa Hebreohanong alpabeto.

Unsang pipila sa panalangin ang atong madawat gikan sa pagtuon sa kasulatan?

Gipahayag ni Presidente Russell M. Nelson ang pihong mga panalangin niadtong magtuon sa kasulatan kada adlaw:

Kita dili gyud makasalig sa impormasyon nga atong makita sa social media. Sa binilyong mga pulong sa online ug sa usa ka kalibutan nga puno sa materyalismo nga pahinumdom nga kanunay apilan sa masaba, dautan nga mga paningkamot sa kaaway, asa man kita makapaminaw Kaniya?

Kita makaadto sa mga kasulatan. Kini nagtudlo kanato kabahin ni Jesukristo ug sa Iyang ebanghelyo, sa gidak-on sa Iyang Pag-ula, ug mahinungdanong plano sa Amahan sa kalipay ug katubsanan. Ang inadlaw nga pagbasa sa pulong sa Dios importante alang sa espirituhanong kaluwasan, ilabi na niining panahon sa nagkagrabe nga kaguliyang. Samtang kita magbusog sa mga pulong ni Kristo matag adlaw, ang mga pulong ni Kristo mosulti nato unsaon sa pagtubag sa mga kalisod nga wala nato mahunahunai nga atong atubangon. …

Unsay mahitabo kon kamo maminaw pag-ayo, mopatalinghug, ug mamati unsay gisulti sa Manluluwas ug unsay Iyang gisulti pinaagi sa Iyang mga propeta? Ako mosaad nga kamo mapanalanginan og dugang gahum sa pag-atubang sa tintasyon, mga pakigbisog, ug kahuyang. Ako mosaad og mga milagro sa inyong kaminyoon, mga relasyon sa pamilya, ug inadlaw nga trabaho. Ug ako mosaad nga ang inyong kapasidad sa pagbati og hingpit nga kalipay madugangan bisan kon ang unos magkadaghan sa inyong kinabuhi. (“Paminaw Kaniya,” Liahona, Mayo 2020, 89, 90)

Para sa ubang kapanguhaan sa pagtuon sa kasulatan, tan-awa sa Giya sa Pagtuon sa Ebanghelyo para sa Mga Kasulatan diha sa Mga Hilisgotan ug mga Pangutana (Librarya sa Ebanghelyo).

Dugang nga mga Kalihokan sa Pagkat-on

Unsaon pagtuon ang pulong sa Dios

Human mailhi sa imong mga estudyante ang lainlaing baroganan, makatabang tingali nila ang pagtutok kon unsaon pagtuon ang pulong sa Dios. Kon mao, dapita sila nga rebyohon ang Salmo 119:11, 15–16, 23, 34, 112, nga pangitaon ang hugpong sa mga pulong nga nagpakita kon unsay gihimo sa salmista sa pulong sa Dios.

Isulat sa pisara ang mga tubag sa mga estudyante. Ang pipila sa mga ehemplo mao ang “Giampingan ko ang imong balaod sulod sa akong kasingkasing” (bersikulo 11), “Namalandong ako sa imong mga pagtulun-an” (bersikulo 15), “Dili ko kalimtan ang imong mga sugo” (bersikulo 16), ug “Nagmatinumanon ako sa imong mga sugo hangtod sa akong kamatayon” (bersikulo 112).

Unsay kahulogan niini nga hugpong sa mga pulong para nimo? Unsaon nato kini paghimo karon?
Unsa pa ang imong gihimo diha sa imong pagtuon sa kasulatan nga nakatabang nimo?

Kon makatabang, pwede nimong ipasalida ang “Texting Truth” (2:22). Gipakita niini nga bidyo ang gihimo sa usa ka grupo sa mga batan-ong lalaki nga nakatabang nila sa ilang pagtuon sa kasulatan.

2:22

Ang pulong sa Dios motabang nato nga likayan ang sala

Mapuslanon tingali sa imong mga estudyante nga tun-an sa unsang paagi ang mga kasulatan makatabang nato sa paglikay sa sala. Kon mao, ikonsiderar ang pagdapit sa mga estudyante nga basahon ang Salmo 119:2–4, 9–11, nga pangitaon ang moabot nga mga panalangin kon atong tumanon ang pulong sa Dios.

Samtang mopakigbahin ang mga estudyante, isulat sa pisara ang ilang mahisgotan nga tinuod nga mga baroganan. Kon dili nila kini mahisgotan, ikonsiderar ang pagdugang sa: Ang pulong sa Dios motabang nato sa paglikay sa mga kasaypanan ug mga sala. Pwedeng isulat sa mga estudyante kini nga baroganan tupad niini nga mga bersikulo.

Sa unsang paagi motabang nato ang pulong sa Dios sa paglikay sa mga kasaypanan ug mga sala?

Ikonsiderar ang pagbasa sa Mateo 4:1–11, nga pangitaon kon giunsa pagpakita sa Manluluwas kini nga baroganan.

Hatagi og gibug-aton ang gahom ug mga panalangin sa kasulatan

Sa pagsugod sa leksiyon, pwede nimong ipasalida ang bidyo nga “The Blessings of Scripture” gikan sa time code 0:00 hangtod 1:55. Ihunong ang bidyo, ug tugoti ang mga estudyante nga tubagon ang pangutana ni Elder Christofferson nga “Unsay ilang nasabtan nga kinahanglan usab natong masabtan?” Dayon pwedeng pangitaon sa mga estudyante ang Salmo 119 aron mailhan ang mga baroganan sa gahom sa pulong sa Dios. Ikonsiderar ang pagpasalida sa nahibiling bahin sa bidyo, gikan sa time code 1:55 hangtod 3:03. Samtang tan-awon kini nila, dapita ang mga estudyante sa pagpangita sa mga paagi nga ang pulong sa Dios migiya kanato ug sa atong mga responsibilidad diha sa pulong sa Dios.

3:4

Usa ka ehemplo

Aron makakita og modernong ehemplo sa paggiya sa mga kasulatan sa usa ka batan-on, tan-aw ang video nga “Prophets and Revelation—Hearing His Voice” (3:56). Ang una sa tulo ka ehemplo mao ang usa ka batan-ong babaye nga naningkamot sa pagpangita og giya pinaagi sa mga kasulatan.

3:56