Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Salamo 136: “Miderà an’i Jehovah”

“Salamo 136: –Miderà an’i Jehovah–”, Testamenta Taloha: Boky torolalana ho an’ny mpampianatra seminera (2026)

“Salamo 136: –Miderà an’i Jehovah–”, Testamenta Taloha: Boky torolalana ho an’ny mpampianatra seminera

Salamo 102–3; 110; 116–19; 127–28; 135–39; 146–50: Lesona 108

Salamo 136

“Miderà an’i Jehovah”

Tahaka ny hira maro ao amin’ny fihirana, ny Salamo dia mampahatsiahy antsika mba hanolotra fisaorana amin’ny zava-drehetra. Ny fanehoana fankasitrahana amin-kitsimpo amin’ny Ray any An-danitra sy i Jesoa Kristy dia afaka manokatra ny masontsika sy ny fontsika amin’ny fitiavan’Izy Ireo sy ny famindram-pon’Izy Ireo ary mamela ny fitiavantsika Azy Ireo hitombo. Ity lesona ity dia afaka manampy ny mpianatra hahatsapa ny fitiavan’ny Ray any An-danitra sy i Jesoa Kristy rehefa maneho fankasitrahana Azy Ireo izy ireo.

Fanomanana ny mpianatra: Asao ny mpianatra hanolotra vavaka fisaorana ny Ray any An-danitra kanefa tsy mangataka na inona na inona ho valin’izany. Afaka miomana hizara ny zavatra tsapany avy amin’ilay zavatra niainany amin’ny iray kilasy ny mpianatra.

Sahanasa fianarana azo atao

Ahoana no ahafahako mahatsapa ny fitiavan’ Andriamanitra?

Atombohy ny fotoam-pianarana amin’ny alalan’ny fanampiana ny mpianatra hisaintsaina ny fomba ahafahan’izy ireo mahatsapa ny fitiavan’ Andriamanitra. Ny fomba iray hanaovana izany dia ny manasa ny mpianatra haka sary an-tsaina ity rafi-tantara manaraka ity.

Indray andro nisy namana iray nilaza taminao hoe: “Indraindray any am-piangonana sy mandritra ny seminera dia miresaka momba ny fahatsapana ny fitiavan’ Andriamanitra ny olona. Tsy azoko antoka fa mahatsapa izany aho. Inona no azoko atao mba hahatsapako ny fitiavany eo amin’ny fiainako?”

Inona no mety havalinao ilay namanao?

Mety hanana valinteny isan-karazany ny mpianatra, na mety tsy ho fantatr’izy ireo izay holazaina. Rehefa avy mamaly ny mpianatra dia azonao atao ny mizara ity teny nambara manaraka ity.

Ny Filoha Thomas S. Monson (1927–2018) dia nanazava ny zavatra azontsika atao mba hahatsapana ny fitiavan’ Andriamanitra:

Ry rahalahy sy anabavy, moa ve tsy hadinontsika ny maneho fisaorana noho ireo fitahiana noraisintsika? Ny fanehoana fisaorana amin-kitsimpo dia tsy vitan’ny hoe manampy antsika fotsiny hamantatra ireo fitahiana azontsika, fa manokatra koa ny varavaran’ny lanitra izany ary manampy antsika hahatsapa ny fitiavan’ Andriamanitra. (“The Divine Gift of Gratitude,” Liahona, Nov. 2010, 87)

Ahoana no hamintinanao ny zavatra nampianarin’ny Filoha Monson?

Rehefa mizara ny valinteniny ny mpianatra dia soraty eny amin’ny solaitrabe ity fahamarinana manaraka ity: Ny fanehoana fankasitrahana noho ireo fitahiana azontsika dia manampy antsika hahatsapa ny fitiavan’ Andriamanitra.

Vakio ny Salamo 136:1–3, 26, ka tadiavo ny antony hanehoan’ilay mpanao salamo fankasitrahana an’ Andriamanitra.

Inona no tsikaritrao?

Mety ho tianao ny hanasa ny mpianatra hanisy marika ilay andian-teny hoe “Fa mandrakizay ny [famindram-pony]”. Azonao atao ny manamafy fa isaky ny maneho fankasitrahana ilay mpanoratra salamo dia miaiky ny fitiavan’ Andriamanitra izy. Azonao atao ny manazava fa ao amin’ny Hebreo ny teny hoe famindram-po ao amin’ireo andininy ireo dia hesed, izay “karazana fitiavana sy famindram-po miavaka izay tsapan’ Andriamanitra ho an’ireo izay nanao fanekempihavanana Taminy” (Russell M. Nelson, “Ny Fanekempihavanana maharitra mandrakizay”, Liahona, ôkt. 2022, 6).
Nahoana araka ny eritreritrao no manampy antsika hahatsapa ny fitiavan’ Andriamanitra ny fanehoana fankasitrahana noho ireo fitahiana azontsika?

Mamantatra ireo fitahian’ Andriamanitra

Mba hanampiana ny mpianatra hanombantombana hoe hatraiza ny fanehoan’izy ireo fankasitrahana amin’ny Tompo dia azonao atao ity sahanasa manaraka ity. Ampahatsiahivo ny mpianatra fa ny Fanahy Masina dia afaka manampy antsika hahatsiaro mba hahafahantsika mianatra sy mivoatra. Asao ny mpianatra hihaino ireo fahatsapana avy amin’ny Fanahy Masina rehefa mandinika ny valintenin’izy ireo izy ireo.

Eritrereto ireo zavatra niainanao nandritra ny herinandro lasa. Valio ao anatin’ny diary fandalinanaoireto fanontaniana manaraka ireto miaraka amin’ny alalan’ireo andian-teny Tsy mbola nisy velively, na indray na indroa, na iindraindray, na imbetsaka.

Impiry ianao no nahita fitahiana manokana avy amin’ny Tompo teo amin’ny fiainanao?
Impiry ianao no naneho fankasitrahana ny Tompo noho ireo fitahiana azonao?
Impiry ianao no nahatsapa ny fitiavany?

Fanehoana fankasitrahana an’ Andriamanitra

Mba hanampiana ny mpianatra hanao fanazaran-tena haneho fankasitrahana an’ Andriamanitra dia azonao asaina izy ireo hanao ny iray amin’ireto sahanasa manaraka ireto.

Misafidiana iray amin’ireto safidy atolotra manaraka ireto mba hanehoana ny fankasitrahanao ny Ray any An-danitra sy an’i Jesoa Kristy. Mifantoha amin’ny fitiavana izay mety ho tsapanao avy amin’Izy ireo rehefa manao izany ianao.

Manehoa fankasitrahana ny Ray any An-danitra sy an’i Jesoa Kristy ao anatin’ny zavatra apetraka ao amin’ny tambajotran-tserasera na amin’ny alalan’ny fanoratana ao amin’ny diarinao.
Tanisao ireo zavatra maha-velom-pankasitrahana anao. Aza hadinoina ny mampiditra ireo zavatra ireo ao anatin’ny vavaka ataonao amin’ny manaraka.

Ho famaranana dia azonao atao ny mizara ny fomba hanampian’ny fanehoana fankasitrahana ny Ray any An-danitra sy an’i Jesoa Kristy antsika mba hahatsapa ny fitiavan’Izy ireo sy hanome fahafahana ny fitiavantsika Azy Ireo hitombo.

Loharanom-pitaovana fanampiny

Inona avy ireo fitahiana sasany azo avy amin’ny fanehoana fankasitrahana?

Nizara izao ny Filoha Henry B. Eyring ao amin’ny Fiadidiana Voalohany:

Miezaka mahatsiaro ny sorona nataon’ny Mpamonjy sy ny fitiavany ahy aho. Avy eo, rehefa mivavaka amin’ny Ray any An-danitra aho mba hisaotra Azy, dia mahatsapa fitiavana sy fahatokiana fa re ny vavaka ataoko ary hahazo izay tsara indrindra ho anay izaho sy ireo olona akaikin’ny foko. Manamafy orina ny fijoroana ho vavolombelona ananako izany. (“Ilay namantsika lalandava”, Liahona, nôv. 2023, 94)

Nahoana aho no tokony hanolotra fisaorana noho ireo fitsapana?

Nampianatra izao ny Filoha Dallin H. Oaks ao amin’ny Fiadidiana Voalohany:

17:27

Ireo fanambarana izay maha-velom-pankasitrahana antsika dia mampiseho fa tokony hanolotra fisaorana mihitsy aza isika noho ny fahoriantsika satria mampitodika ny fontsika any amin’ Andriamanitra izany ary manome antsika fahafahana hiomana amin’izay tian’ Andriamanitra hahatongavantsika. … Tao anatin’ny fanenjehana nozakain’ireo Olomasin’ny Andro Farany tao Missouri dia nanome fampianarana sy fampanantenana mitovy amin’izany ny Tompo: “Lazaiko aminareo marina tokoa ry sakaizako, aza matahotra, aoka hionona ny fonareo; eny, mifalia mandrakizay, ary misaora amin’ny zava-drehetra; … Dia hiara-hiasa hahasoa anareo sy ho voninahitry ny anarako, hoy ny Tompo” (F&F 98:1, 3). Ary hoy ny Tompo tamin’i Joseph Smith nandritra ny fahoriana nianjady taminy tao amin’ny Fonjan’i Liberty hoe: “Fantaro anaka, fa ireo zavatra rehetra ireo dia hanome anao traikefa ary ho soa ho anao izany” (F&F 122:7). Nahatakatra izany i Brigham Young. Hoy izy hoe: “Tsy misy toe-piainana na dia iray aza eo amin’ny fiainana [na] zavatra iainana mandritra ny adiny iray izay tsy ho lasa ho tombontsoa ho an’ireo rehetra izay mianatra avy amin’izany, ary mametraka tanjona ny hanatsara ny traikefa azony.” (Teachings of Presidents of the Church: Brigham Young [1997], 179).” (“Give Thanks in All Things”, Liahona, May 2003, 96)

Sahanasa fianarana fanampiny

Fomba hafa hanombohana

Azonao atao ny manomboka ny fotoam-pianarana amin’ny alalan’ny fizarana ity manaraka ity:

Nandritra ny valanaretina COVID-19 tamin’ny nôvambra 2020 dia nizara izao zavatra niainana manaraka izao ny Filoha Russell M. Nelson:

Herinandro vitsivitsy lasa izay dia nifoha teo afovoan’ny alina aho niaraka tamin’ny eritreritra tao an-tsaina fa tokony hanolotra vavaka fankasitrahana an’ Andriamanitra ho an’ireo zanany rehetra manerana izao tontolo izao. Nanenika ny saiko ireo zavatra rehetra izay tokony hanehoantsika fankasitrahana sy ny fomba ahafahan’ny fanehoana fankasitrahana ho lasa toe-tsaina manasitrana eo amin’ny fiainantsika. Rehefa tonga ny fanentanam-panahy dia tonga tao an-tsaiko sy tao am-poko ireo antsipirian-javatra manokana, anisan’izany ny fotoana sy ny fomba tokony hizarako io hafatra io. L’histoire derrière ma prière de reconnaissance mondiale”, Inspiration [blog], Médiathèque de l’Évangile, 20 nov. 2020)

Avy eo ny Filoha Nelson dia namporisika ny olona manerana izao tontolo izao mba haneho fankasitrahana ny Tompo sy ny hafa.

Inona avy ireo fitahiana mety ho azo avy amin’ny fanehoana fankasitrahana ny Ray any An-danitra sy an’i Jesoa Kristy?

Horonan-tsary fanampiny atolotra

Rehefa vitan’ny mpianatra ny nanao asa tao amin’ilay taratasy zaraina dia azonao atao ny mampiseho ny iray amin’ireto horonan-tsary manaraka ireto eo amin’ny toeran’ilay iray naroso:

“Le président Nelson : Le prophète fait une prière de reconnaissance, d’espoir et de guérison pour le monde” (manomboka eo amin’ny mari-potoana 2:45 ka hatramin’ny 4:27)

11:38
“Avec gratitude” (4:48)

4:49

Ireo fomba fanehoana fankasitrahana

Ankoatra ny fampianarana antsika fa tokony haneho fankasitrahana ny Tompo isika dia mizara fomba hanaovana izany koa ny Salamo. Azonao atao ny manasa ny mpianatra hamaky ny Salamo 149:1–6 sy ny Salamo 150, ka hitady ireo fomba ahafahantsika maneho fankasitrahana ny Tompo. Azon’ny mpianatra atao ny manampy fomba hafa hanehoana fankasitrahana, tafiditra ao ananatin’izany ireo fampianarana hafa ao amin’ny soratra masina. Avy eo dia azonao atao ny manasa ny mpianatra hizara hira iray tena tiany ao amin’ny fihirana mba hanehoana fankasitrahana izay azon’ny iray kilasy hiraina na henoina.

Mampianatra momba ny fianakaviana ny Salamo

Ny teboka iray hafa hamafisina ao amin’ny Salamo dia ny fianakaviana. Hevero ny hanasa ny mpianatra hamaky ny Salamo 127:3–5, ka hitady ny zavatra ampianarin’izany momba ny fianakaviana. Azonao atao ny manasa ny mpianatra hizara izay zavatra nanaitra azy ireo. Azonao atao ny manontany izay ahiahy mety hananan’ny olona iray momba ireo fampianarana ireo. Anontanio ny fomba ahafahan’ny mpianatra miatrika ireo olana ireo. Ny Ny Fianakaviana: Fanambarana ho an’izao tontolo izao dia afaka ny ho loharanom-pitaovana tena manampy.

Mampianatra momba ny vavaka ny Salamo

Mety tsy mbola niresaka momba ny vavaka ianao tao amin’ireo lesona teo aloha momba ny Salamo. Raha tsy mbola niresaka, dia azonao atao ny manasa ny mpianatra hamaky ny Salamo 145:18–20, ka hitady ny zavatra ampianarin’ireo andininy ireo momba ny vavaka. Azonao atao ny mangataka ny mpianatra hizara zavatra niainana izay nahitan’izy ireo maso ireo fahamarinana ampianarina ao amin’io salamo io.