Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Salamo 119: “Fanilon’ny tongotro sy fanazavana ny làlako ny teninao.”

“Salamo 119: –Fanilon’ny tongotro sy fanazavana ny làlako ny teninao–”, Testamenta Taloha: Boky torolalana ho an’ny mpampianatra seminera (2026)

“Salamo 119: —Fanilon’ny tongotro sy fanazavana ny làlako ny teninao–”, Testamenta Taloha: Boky torolalana ho an’ny mpampianatra seminera

Salamo 102–3; 110; 116–19; 127–28; 135–39; 146–50: Lesona 107

Salamo 119

“Fanilon’ny tongotro sy fanazavana ny làlako ny teninao.”

Mahatsapa ve ianao fa mitondra any amin’ny fitarihan’ny Tompo ny fandalinanao soratra masina? Ny Salamo 119 dia maneho fankasitrahana noho ny tenin’ Andriamanitra ary mijoro ho vavolombelona ny amin’ny herin’izany. Ity lesona ity dia afaka manampy ny mpianatra hanao drafitra handalinana ny tenin’ Andriamanitra.

Fanomanana ny mpianatra: Asao ny mpianatra handalina manokana ny soratra masina mialoha ny fotoam-pianarana manaraka. Angataho izy ireo hisaintsaina raha mahatsapa ny fitarihan’ny Tompo amin’ny alalan’ny fandalinany ny soratra masina. Raha izay no izy dia afaka mieritreritra ohatra ve izy ireo?

Sahanasa fianarana azo atao

Fitarihana sy ireo soratra masina

Mba hanomanana ny mpianatra handalina momba ny soratra masina dia asao izy ireo hisaintsaina ireo toetra samihafa asehon’ny olona samihafa manoloana ny soratra masina. Angataho ny mpianatra hieritreritra ny fomba mety hamenoan’ireo olona samihafa ireo ity fehezan-teny manaraka ity. Azonao atao koa ny mampiasa ity sahanasa ity ho fanomanana ny mpianatra. Azonao atao ny mizara ilay fehezan-teny alohan’ny fotoam-pianarana ary manasa ny mpianatra hitondra zavatra iray azo tsapain-tanana izay hanampy amin’ny famaranana izany.

Ny soratra masina dia tahaka ny satria .

Raha mila ohatra iray ny mpianatra dia azonao atao ny miteny hoe, “Ny soratra masina dia toy ny sarintany na GPS satria mitarika ahy izy ireo.”

Asao ny mpianatra hizara ny eritreriny. Azonao atao ny manontany hoe nahoana ny olona sasany no tia mandalina ny soratra masina fa ny hafa kosa tsy tia.

Hevero ny hanasa ny mpianatra hisaintsaina ny fomba ahafahan’izy ireo mameno ilay fehezanteny mba hanehoana ny toetran’izy ireo manoloana ny soratra masina.

Any amin’ny faran’ny lesona dia hanombantombana ny tanjonao eo amin’ny fandalinana soratra masina ianao na hametraka tanjona vaovao. Hevero ny hivavaka mangina amin’ny Ray any An-danitra mba hitarika anao androany rehefa mandalina ny Salamo 119 ianao. Mikatsaha fitaomam-panahy mba hametraka ilay tanjona izay tena hanampy anao.

Ny tenin’ Andriamanitra dia toy ny …

Ny mpanoratra ny Salamo 119 dia nampiasa tandindona mba hamaritana ny tenin’ Andriamanitra. Ireo tandindona ireo dia nanamafy ny fitiavan’ilay mpanao salamo ny tenin’ Andriamanitra sy ireo fitahiana izay tonga amin’ny alalan’ny fandalinana sy ny fankatoavana amim-pahavitrihana ny teniny.

Ohatra, vakio ny Salamo 119:105–106 ka tadiavo ny zavatra nampitahain’ilay mpanoratra salamo tamin’ny tenin’ Andriamanitra.

Hevero ny hanena ny hazavan’ny jiro na hamono ny jiro ao amin’ny efitrano ary hampirehitra jiro kely na jiro fanao am-paosy. Avelao hizara ny zavatra hitan’izy ireo ny mpianatra.

Amin’ny fomba ahoana no itovian’ny tenin’ Andriamanitra amin’ny hazavana na jiro kely iray?

Raha mizara zavatra toy ity fitsipika manaraka ity ny mpianatra dia soraty eny amin’ny solaitrabe izany: Rehefa mandalina ny tenin’ Andriamanitra isika dia manome fitarihana antsika Izy.

Raha mila fanampiana bebe kokoa amin’ny famantarana ilay fitsipika ny mpianatra dia hevero ny hanontany hoe: “Inona no tsy mampitovy ny fandehanana ao amin’ny hazavana amin’ny fandehanana ao anatin’ny haizina?” na “Ahoana no ahafahan’ny soratra masina manampy antsika handeha ao amin’ny hazavana?” Na azonao soratana ilay fitsipika ary manontany hoe,:“Ahoana no anehoan’ireo andininy ireo ilay fitsipika eny amin’ny solaitrabe?”

Areheto indray ny jiro ao amin’ilay efitrano. Hevero ny hanasa ny mpianatra hampifandray ny Salamo 119:105 amin’ny 2 Nefia 32:3. Angataho ny mpianatra mba hijery ny mampitovy an’ireo andininy ireo.

1:16

Vakio na asehoy ireto fanontaniana manaraka ireto, ary asao ny mpianatra vitsivitsy hifidy iray avy ka hamaly izany:
Nahoana araka ny eritreritrao no te hitarika antsika Andriamanitra?
Ahoana no ahafahan’ny fahafantarana fa Andriamanitra dia afaka mitarika antsika amin’ny alalan’ny soratra masina manosika ny olona iray handalina izany?
Oviana ny tenin’ Andriamanitra no tahaka ny jiro kely na fahazavana ho anao na ho an’ny olona fantatrao?

Rehefa mizara ny valinteniny ny mpianatra dia azonao atao ny manontany ny fiantraikan’ireo hevitra sy zavatra niainana ireo teo amin’ny fifandraisan’izy ireo tamin’ Andriamanitra.

Tandindona hafa

Nanao fampitahana hafa ilay mpanoratra salamo. (Fanamarihana: ilay mpanoratra salamo dia miresaka momba ny tenin’ Andriamanitra amin’ny alalan’ny voambolana isan-karazany toy ny fijoroana ho vavolombelona, fitsipika, lalàna, didy ary fomba.)

Mba hanampiana ny mpianatra handalina ny Salamo 119, dia adikao eny amin’ny solaitrabe ireto andinin-tsoratra masina manaraka ireto:

Salamo 119:14–16, 72, 127

Salamo 119:22–24

Salamo 119:33–35

Salamo 119:50–52, 54

Salamo 119:102–104

Zarao ho vondrona dimy ny mpianatra, ary omeo ny iray amin’ireo andinin-tsoratra masina eny amin’ny solaitrabe ny vondrona tsirairay. Asehoy ireto zavatra ireto na ny sarin’ireto zavatra ireto: fihirana, vola madinika (na zavatra maneho harena), tantely (na zavatra mamy), sarina lalana, ary sarina mpanolotsaina iray (ohatra hoe mpanolotsaina ao amin’ny Fiadidiana Voalohany an’ny Fiangonana na mpanolotsaina iray any an-tsekoly).

Asehoy ireto torolalana manaraka ireto:

Miaraha mamaky ny soratra masina nampiandraiketina anareo, ka tadiavo ny zavatra nampitahain’ilay mpanoratra salamo tamin’ny tenin’ Andriamanitra.
Alaovy ilay zavatra na sary izay mifanaraka amin’ny andinin-tsoratra masina nampiandraiketina anao.
Ifanakalozy hevitra ny fomba ahafahan’ilay zavatra na sary manampy olona iray hahatakatra ny maha-zava-dehibe ny tenin’ Andriamanitra.
Mizarà ohatra na zavatra niainana teo amin’ny fiainanao, na ny fiainan’ny hafa, na avy ao amin’ny soratra masina izay maneho ny maha-toy ny tenin’ Andriamanitra ilay zavatra na sary.

Asao ny mpianatra hameno ity fitsipika manaraka ity araka ny zavatra izay nohalalinin’izy ireo: Rehefa mandalina ny tenin’ Andriamanitra isika dia omeny … isika.

Ny valiny sasany azo eritreretina dia fifaliana (jereo ny andininy 14, 16, 35, 103), fampiononana (jereo ny andininy 50, 52), torohevitra (jereo ny andininy 24), ary ny fahatakarana (jereo ny andininy 104).

Ahoana no ahafahan’ilay fitsipika hitanao manampy olona iray haniry handalina ny tenin’ Andriamanitra?
Ahoana no nanomezan’ Andriamanitra anao na ny olona fantatrao fifaliana, na fampiononana, na torohevitra, na fahatakarana rehefa nandalina ny teniny ianao na izy ireo?

Rehefa mizara ny valinteniny mikasika ilay fanontaniana teo aloha ny mpianatra dia azonao atao ny manontany ny fiantraikan’ireo zavatra niainana ireo teo amin’ny fifandraisan’izy ireo tamin’ Andriamanitra.

Ny tanjonao

Asao ny Fanahy rehefa misaintsaina ny fandalinanao soratra masina ianao. Raha efa manana tanjona eo amin’ny fandalinana ny soratra masina ianao dia raketo ao anatin’ny diary fandalinanao ny zavatra nizotra tsara vita sy ny zavatra mety ho tianao hotohizana. Azonao ampidirina ao ny antony nisafidiananao io tanjona io sy ny fomba hanampian’izany anao mba hahatsapa ho akaiky kokoa ny Tompo. Anontanio ombam-bavaka ny Ray any An-danitra raha tiany hanao fanitsiana amin’ny tanjonao ianao.

Raha tsy manana tanjona eo amin’ny fandalinana soratra masina ianao amin’izao fotoana izao, dia katsaho ny fitarihan’ny Fanahy Masina rehefa manao izany ianao. Azonao ampidirina ao anatin’izany ireto manaraka ireto:

Ny habetsaky ny fotoana hianaranao
Ny hatetiky ny fanaovanao fandalinana (raha azo atao, dia miezaha mandalina isan’andro)
Ny zavatra hataonao mba hikatsahana ny fanampian’ny Tompo amin’ny fandalinanao (ohatra, mivavaka alohan’ny handalinanao na mikatsaka fanambarana momba ny zavatra halalininao)
Ny fomba ahafahanao mitadidy, na misaintsaina, na mampihatra ny zavatra nianaranao (ohatra, manoratra ao anatin’ny diary ny zavatra nianaranao avy amin’ny fandalinanao soratra masina, mirakitra an-tsoratra ny zavatra ezahinao ampiharina, na mifanakalo hevitra indray mandeha isan-kerinandro amin’ny olona iray hafa mikasika ny zavatra ianaranao)

Manasà mpianatra manolo-tena hizara ny tanjon’izy ireo amin’ny fandalinany ny soratra masina ary koa izay olana mety hananan’izy ireo. Raha mizara olana ny mpianatra dia asao ny iray kilasy hizara soratra masina, na teny nambaran’ireo mpitarika ato amin’ny Fiangonana, na zavatra niainana manokana izay mety hanampy.

Lazao amin’ny mpianatra fa ao amin’ny “Tombano ny fianaranao 7”, dia hanana fahafahana hanao tatitra momba ny tanjony izy ireo. Hizara ny fizotran’ny fandalinany ny soratra masina izy ireo sy ny fitahiana tsapan’izy ireo fa omen’ny Tompo azy ireo noho izany.

Raha mbola misy fotoana ao an-dakilasy dia asao ny mpianatra handalina mangina ny soratra masina. Asao izy ireo hitady ireo fahamarinana omen’ Andriamanitra antsika izay afaka mitarika azy ireo eo amin’ny fiainan’izy ireo ankehitriny. Manasà mpianatra vitsivitsy hizara ny zavatra hitany.

Zarao ny fijoroana ho vavolombelona anananao mikasika ireo fitsipika ao amin’ity lesona ity.

Loharanom-pitaovana fanampiny

Nahoana no ahitana litera Hebreo manerana ny Salamo 119?

Ny Salamo 119 dia nozarazaraina ho ao anatina fizarana maro ka ahitana andininy miisa valo isaky ny fizarana. Ity salamo ity dia “tononkalo mifono kilalao teny izay ahitana andininy valo ho an’ny tsirairay amin’ireo litera roa amby roapolo ao amin’ny abidia Hebreo. … Ny litera Hebreo iray sy ny anarany dia miseho eny an-tampon’ny fizarana tsirairay ahitana andininy valo” (Ellis T. Rasmussen, A Latter-day Saint Commentary on the Old Testament [1993], 455). Ilay fizarana tsirairay ahitana andininy valo ao amin’ salamo io dia manomboka amin’ny litera mifanaraka amin’izany ao amin’ny abidia Hebreo.

Inona avy ireo fitahiana sasantsasany raisintsika avy amin’ny fandalinana soratra masina?

Nanambara fitahiana manokana ho an’ireo izay mandray anjara amin’ny fandalinana soratra masina isan’andro ny Filoha Russell M. Nelson:

Tsy azontsika atao tsotra izao ny miantehitra amin’ireo fampahalalana izay sendra antsika ao amin’ny tambajotran-tserasera. Noho ireo teny an-davitrisany ao amin’ny internet sy ny fiainana ao anatina tontolo hipoky ny dokam-barotra sy sovohan’ny fahavalo hatrany amin’ny alalan’ny ezaka ataony izay feno tabataba sy mitera-doza, dia aiza no azontsika aleha raha hihaino Azy?

Afaka mitodika any amin’ny soratra masina isika. Ny soratra masina dia mampianatra antsika momba an’i Jesoa Kristy sy ny filazantsarany, ny halehiben’ny Sorompanavotany, ary ny drafitra lehiben’ny fahasambarana sy ny fanavotan’ny Raintsika. Ny filomanosana isan’andro ao amin’ny tenin’ Andriamanitra dia zava-dehibe ho an’ny fiavotana ara-panahy, indrindra fa ao anatin’izao andro isian’ny fiovana sarotra tsy mitsaha-mitombo izao. Rehefa mivoky amin’ny tenin’i Kristy isan’andro isika, dia ny tenin’i Kristy no hanambara amintsika ny fomba hiatrehana ireo zava-tsarotra izay tsy noheverintsika mihitsy ho atrehana. …

Inona no hitranga rehefa mihaino sy mitandrina ary manaraka amin’ny nahim-po kokoa izay nolazain’ny Mpamonjy sy izay lazainy amin’izao fotoana izao amin’ny alalan’ny mpaminaniny ianareo? Mampanantena aho fa homena hery lehibe kokoa ianareo mba hahafahana miatrika ny fakam-panahy sy ny ady ary ny fahalemena. Mampanantena fahagagana aho eo amin’ny fanambadianareo, sy ny fifandraisan’ny mpianakavy, ary ny asanareo andavanandro. Ary mampanantena aho fa hitombo ny fahafahanareo mahatsapa fifaliana na dia mitombo aza ireo zavatra mampisafotofoto eo amin’ny fiainanareo. (“Henoy Izy”, Liahona, mey 2020, 89, 90)

Mba hahitana loharanom-pitaovana lehibe hafa momba ny fandalinana ny soratra masina, dia jereo ny Torolalana amin’ny fandalinana ny filazantsara ho an’ny Ny soratra masina ao amin’ny Lohahevitra sy fanontaniana (Médiathèque de l’Évangile).

Sahanasa fianarana fanampiny

Ny fomba handalinana ny tenin’ Andriamanitra

Rehefa hitan’izy ireo ireo fitsipika samihafa dia mety hanampy ny mpianatrao ny mifantoka amin’ny fomba fandalinana ny tenin’ Andriamanitra. Raha izany no izy dia asao izy ireo hamerina hijery ny Salamo 119:11, 15–16, 23, 34, 112, ka hitady ireo andian-teny izay maneho ny zavatra nataon’ilay mpanoratra salamo tamin’ny tenin’ Andriamanitra.

Soraty eny amin’ny solaitrabe ny valintenin’ny mpianatra. Ohatra vitsivitsy amin’izany ny hoe “Ato am-poko no iraketako ny teninao” (andininy 11), “Ny didinao no hosaintsainiko” (andininy 15), “Tsy hohadinoiko ny teninao” (andininy 16), ary “Apetrako ny foko hankatò ny didinao Mandrakizay hatramin’ny farany” (andininy 112).

Inona no hevitr’izany andian-teny izany aminao? Ahoana no fomba mety hanaovantsika izany ankehitriny?
Inona koa no nataonao tao anatin’ny fandalinanao soratra masina ka nanampy anao?

Raha ilaina dia azonao atao ny mampiseho ny “L’envoi de vérités par SMS” (2:22). Ity horonan-tsary ity dia mampiseho ny zavatra nataon’ny andiana zatovolahy iray izay nanampy tamin’ny fandalinany ny soratra masina.

2:22

Ny tenin’ Andriamanitra dia afaka manampy antsika hisoroka ny fahotana

Mety hanampy ny mpianatrao ny mandalina ny fomba ahafahan’ny soratra masina manampy antsika hisoroka ny fahotana. Raha izany no izy, dia hevero ny hanasa ny mpianatra hamaky ny Salamo 119:2–4, 9–11, ka hitady ireo fitahiana izay tonga rehefa manaraka ny tenin’ Andriamanitra isika.

Soraty eny amin’ny solaitrabe izay fitsipika marina lazain’ny mpianatra rehefa mizara izany izy ireo. Raha tsy voalazan’izy ireo ity dia hevero ny hanampy hoe: Manampy antsika hisoroka ny fahadisoana sy ny fahotana ny tenin’ Andriamanitra. Mety ho tian’ny mpianatra ny hanoratra io fitsipika io eo akaikin’ireo andinin-tsoratra masina ireo.

Ahoana no hanampian’ny tenin’ Andriamanitra antsika hisoroka ny fahadisoana sy ny fahotana?

Hevero ny hamaky ny Matio 4:1–11, ka tadiavo ny fomba nanehoan’ny Mpamonjy io fitsipika io.

Manantitrantitra ny hery sy ny fitahiana avy amin’ny soratra masina

Mba hanombohana ny lesona dia azonao atao ny mampiseho ilay horonan-tsary hoe “La bénédiction des Écritures” manomboka eo amin’ny mari-potoana 0:00 ka hatramin’ny 1:55. Ajanony ilay horonan-tsary ary avelao ny mpianatra hamaly ny fanontanian’ny Loholona Christofferson hoe: “Inona no zavatra takatr’izy ireo ka tokony ho takatsika koa?” Avy eo dia azon’ny mpianatra atao ny mikaroka ao amin’ny Salamo 119 mba hahitana ireo fitsipiky ny herin’ny tenin’ Andriamanitra. Hevero ny hampiseho ny ambin’ilay horonan-tsary, manomboka eo amin’ny mari-potoana 1:55 ka hatramin’ny 3:03. Rehefa mijery izany ireo mpianatra dia asao izy ireo hitady ireo fomba hitarihan’ny tenin’ Andriamanitra antsika sy ny andraikitra ananantsika manoloana ny tenin’ Andriamanitra.

3:4

Ohatra iray

3:56