Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Mga Awit 24: “Sinong Aakyat sa Bundok ng Panginoon?”

“Mga Awit 24: ‘Sinong Aakyat sa Bundok ng Panginoon,’” Manwal ng Titser ng Seminary para sa Lumang Tipan (2026)

“Mga Awit 24: ‘Sinong Aakyat sa Bundok ng Panginoon,’” Manwal ng Titser ng Seminary para sa Lumang Tipan

Mga Awit 1–2; 8; 19–33; 40; 46: Lesson 103

Mga Awit 24

“Sinong Aakyat sa Bundok ng Panginoon?”

Ang mga templo ay mga banal na lugar na malinis at dalisay.Matutulungan tayo ng mga ito na mailarawan sa isipan kung ano ang pakiramdam kapag kapiling natin ang Panginoon.Sa Mga Awit 24, inaanyayahan tayo ni Haring David na sikaping maging espirituwal na malinis at dalisay upang makapasok tayo sa templo ng Panginoon at sa Kanyang kinaroroonan balang-araw.Ang lesson na ito ay makatutulong sa mga estudyante na maghanda na maging karapat-dapat na makapasok sa templo at kalaunan ay manahan sa piling ng Ama sa Langit at ni Jesucristo.

Paghahanda ng estudyante: Anyayahan ang mga estudyante na rebyuhin ang mga tanong sa temple recommend, at isipin ang sarili nilang espirituwal na paghahanda para makadalo sa templo.Ang mga tanong na ito ay makikita sa appendix ng Para sa Lakas ng mga Kabataan: Isang Gabay sa Paggawa ng mga Pagpili [2022].

Mga Posibleng Aktibidad sa Pag-aaral

Marumi o malinis?

Upang maihanda ang mga estudyante na pag-aralan ang Mga Awit 24, maaari kang magpakita ng larawan ng isang maputik na tinedyer.

Maaari ka ring magdala ng putik sa isang mangkok at anyayahan ang ilang estudyante na ilagay ang kanilang mga kamay dito.Pagkatapos ay iakma ang tanong sa ibaba sa pamamagitan ng pagtatanong sa mga estudyante kung ano ang nararamdaman nila.

Kailan ang huling beses na talagang maputik o madumi kayo?Ano ang nadama ninyo?

Maaari kang magpakita ng larawan ng loob ng templo.

Kung hindi pa nakakapasok sa loob ng templo ang iyong mga estudyante, maaari mong baguhin ang sumusunod na tanong at itanong kung ano sa palagay nila ang kanilang mararamdaman sa loob ng templo.

Belem Brazil Temple interiors. An interior image of the temple featuring the Celestial Room. There are chairs and a chandelier hanging.

Ano ang nadarama ninyo kapag pumapasok kayo sa templo?

Maaari kang magpakita ng larawan ng isang maputik na tinedyer sa tabi ng larawan mula sa templo.
Ano ang mararamdaman ninyo kung masyado kayong maputik sa loob ng templo?Bakit?
Anong mga espirituwal na aral ang matututuhan natin dito?

Pagnilayan kung ano ang mararamdaman ninyo kung nakatayo kayo sa harap ng Ama sa Langit at ni Jesucristo nang maputik o marumi sa espirituwal.Pagkatapos ay pagnilayan kung ano kaya ang madarama ninyo kung nakatayo kayo sa Kanilang harapan matapos maging walang bahid-dungis sa pamamagitan ng Pagbabayad-sala ni Jesucristo.

Sa inyong study journal, sagutin ang mga sumusunod na tanong:

Gaano kahalaga sa iyo na maging karapat-dapat sa templo?Bakit?
Gaano kahalaga para sa iyo na makakasama mo balang-araw ang Ama sa Langit at si Jesucristo?Bakit?

Humingi ng patnubay mula sa Espiritu Santo upang matulungan kayong malaman kung ano ang nais ng Panginoon na gawin ninyo upang masamba Siya nang karapat-dapat sa templo at balang-araw ay makapasok sa kinaroroonan Niya at ng Ama sa Langit.

“Ang bundok ng Panginoon”

Para masimulan ang pag-aaral ng Mga Awit 24, maaari kang gumawa ng simpleng drowing ng isang bundok sa pisara.Maaaring idrowing din ito ng mga estudyante sa kanilang study journal.Basahin o ibuod ang talata sa ibaba.

2026 Old Testament Seminary Teacher Materials

Sa Mga Awit 24, gumamit si Haring David ng matalinghagang paglalarawan ng isang bundok.Ang ilang scripture passage ay gumagamit ng mga bundok o burol bilang mga simbolo ng mga templo (tingnan sa Isaias 2:2–3).Posibleng ang tinutukoy ni David ay ang templo, o ang kinaroroonan ng Diyos, o pareho.

Maaari mong isama sa tuktok ng iyong bundok ang isang simpleng drowing ng templo at ang mga salitang Ama sa Langit at Jesucristo.Maaari kang magdrowing ng stick figure sa ibaba ng bundok na kumakatawan sa atin.

Basahin ang Mga Awit 24:3–6, at alamin kung ano ang dapat nating gawin para maghandang pumasok sa templo at makabalik sa kinaroroonan ng Panginoon balang-araw.

Ang Mga Awit 24:3–4 ay isang doctrinal mastery passage.Maaari mong anyayahan ang mga estudyante na markahan ang mga doctrinal mastery passage sa natatanging paraan upang madali nilang mahanap ang mga ito.

Pagkatapos basahin ng mga estudyante ang mga talata, maaaring magkaroon sila ng ilang tanong tungkol sa ilan sa mga salita o parirala.Sabihin sa mga estudyante na magtanong kung may katanungan sila o ang isang tao sa pangkalahatan habang binabasa nila ang scripture passage na ito.Kung makatutulong, ipaliwanag na ang “nagtataas” ay tumutukoy sa kapalaluan o kayabangan.Ang pariralang “hindi sumusumpa na may panlilinlang” ay maaaring tumukoy sa pagiging matapat sa sarili, sa iba, at sa Diyos.

Maaari mong isulat ang mga sagot ng mga estudyante sa sumusunod na tanong sa pisara sa gilid ng bundok.Ang iyong huling drowing ay maaaring magmukhang katulad ng larawan sa ibaba.

Ano ang natutuhan ninyo mula sa mga talatang ito tungkol sa paghahandang pumasok sa templo at bumalik sa kinaroroonan ng Panginoon balang-araw?

Habang ibinabahagi ng mga estudyante ang nalaman nila sa talata 3–6, tulungan sila na matukoy ang sumusunod na katotohanan: Dapat nating ihanda ang ating sarili sa espirituwal upang sambahin ang Panginoon sa Kanyang templo at manahan sa Kanyang kinaroroonan.

Sa inyong palagay, bakit kailangan nating maging espirituwal na handa sa pagpasok sa mga templo ng Panginoon at kalaunan ay sa Kanyang kinaroroonan?
Paanong ang utos ng Panginoon na maging espirituwal na handa ay katibayan ng Kanyang pagmamahal sa atin?

Naghahanda sa espirituwal

Maaari mong ipakita ang mga sumusunod na tagubilin at anyayahan ang mga estudyante na kumpletuhin ang mga ito nang mag-isa sa kanilang study journal o nang may kapartner.

Pumili ng isa sa mga sumusunod na parirala mula sa Mga Awit 24:4 na gusto mong higit na matutuhan.

malilinis na kamay
pusong dalisay
hindi nagtataas ng kanyang kaluluwa sa hindi totoo (kababaang-loob)
hindi sumusumpa na may panlilinlang (katapatan)

Maghanap ng mga banal na kasulatan o mga pahayag mula sa mga lider ng Simbahan na makatutulong sa iyo na mas maunawaan ang parirala.Pagkatapos ay sagutin ang mga sumusunod na tanong:

Sa palagay mo, bakit mahalaga ang aspetong ito ng paghahanda upang makasamaba sa templo at makasama ang Ama sa Langit at si Jesucristo balang-araw?
Ano ang mga partikular na paraan na mapagsisikapan ng isang tinedyer na Banal sa mga Huling Araw ang aspetong iyon ng paghahanda?
Ano ang nais mong ibahagi tungkol sa Tagapagligtas sa isang kaibigan na nahihirapan sa aspetong iyon ng paghahanda?

Kung kailangan ng tulong ng mga estudyante, maaari kang magmungkahi ng mga scripture passage gaya ng sumusunod:

malilinis na kamay (Doktrina at mga Tipan 88:86)
pusong dalisay (Mosias 5:2)
hindi nagtataas ng kanyang kaluluwa sa hindi totoo (Doktrina at mga Tipan 112:10)
hindi sumusumpa na may panlilinlang (Alma 27:27)

Maaari mo rin silang ituon sa Gabay sa mga Banal na Kasulatan, o sa Gospel Library.

Maaari mo ring ibigay ang pahayag mula kay Elder Bednar mula sa Karagdagang Resources sa lesson na ito.

Sabihin sa mga estudyante na ibahagi ang natutuhan nila sa ibang estudyante o magkapartner na nag-aral ng ibang parirala.Pagkatapos ay maaari mong hilingin sa ilang estudyante na magbahagi sa klase.

Ang aking personal na paghahanda

Pagnilayan ang ginagawa mo sa sarili mong espirituwal na paghahanda.Pag-isipan kung ano sa palagay mo ang ikinalulugod ng Ama sa Langit at ang mga aspeto na maaari mong pagbutihin.

Sagutin ang mga sumusunod na tanong sa iyong study journal.

Ano sa palagay mo ang nais ng Ama sa Langit na gawin mo para ihanda ang iyong sarili para sa templo at sa pananahanan sa piling Niya balang-araw?
Paano ka makakaasa sa tulong ng Tagapagligtas?

Maaari mong ibahagi ang iyong patotoo tungkol sa mga katotohanang pinag-aralan ng mga estudyante.Tiyakin sa mga estudyante ang tungkol sa kakayahan ng Tagapagligtas na linisin at tulungan sila.Maaari mong ibahagi ang sumusunod na pahayag upang tapusin ang lesson.

Ibinahagi ni Pangulong Henry B. Eyring ng Unang Panguluhan ang sumusunod:

Ang dalangin ko para sa inyo at sa lahat ng inyong minamahal na pamilya ay na lumago ang inyong hangarin at determinasyon na maging karapat-dapat na pumunta sa bahay ng Panginoon nang madalas hangga’t itinutulot ng inyong sitwasyon.

Gusto Niyang salubungin kayo roon.(“Templo’y Ibig Makita,” Liahona, Mayo 2021, 31)

Isaulo

Maaari mong tulungan ang mga estudyante na isaulo ang doctrinal mastery reference at mahalagang parirala ng banal na kasulatan sa oras ng lesson na ito at rebyuhin ang mga ito sa mga lesson sa hinaharap.Ang mahalagang parirala ng banal na kasulatan para sa Mga Awit 24:3–4 ay “Sinong tatayo sa kanyang dakong banal?Siyang may malilinis na kamay at may pusong dalisay.”Ang mga ideya para sa mga aktibidad sa pagsasaulo ay nasa mga materyal sa appendix sa ilalim ng “Mga Aktibidad sa Pagrerebyu ng Doctrinal Mastery.”

Karagdagang Resources

Ano ang ibig sabihin ng may “malilinis na kamay at may pusong dalisay” (Mga Awit 24:4)?

Ipinaliwanag ni David A. Bednar ng Korum ng Labindalawang Apostol:

14:33

Hayaan ninyong imungkahi ko na nalilinis ang mga kamay sa paghuhubad ng likas na tao at pagdaig sa kasalanan at masasamang impluwensiya sa buhay natin sa pamamagitan ng Pagbabayad-sala ng Tagapagligtas.Ang mga puso ay napapadalisay kapag tinatanggap natin ang Kanyang nakapagpapatibay na kapangyarihang naghihikayat sa ating gumawa ng mabuti at maging mas mabuti.Lahat ng ating makabuluhang hangarin at magagandang gawain, kahit kinakailangan ito, ay hindi kailan man makapagbubunga ng malilinis na kamay at dalisay na puso.Ang Pagbabayad-sala ni Jesucristo ang makapagbibigay ng kapwa nakalilinis at nakatutubos na kapangyarihan na tumutulong sa atin na makapanaig sa kasalanan at ng nakapagpapabanal at nakapagpapatibay na kapangyarihan na tumutulong sa atin na maging lalong mabuti kaysa sa makakaya nating gawin kung aasa lamang tayo sa sariling lakas natin.Ang walang katapusang Pagbabayad-sala ay para sa makasalanan at banal sa bawat isa sa atin.(“Malilinis na Kamay at Dalisay na Pusot,” Liahona, Nob. 2007, 82)

Anong mga pagpapala ang matatanggap ko sa pamamagitan ng pagdalo nang karapat-dapat sa templo?

Itinuro ni Pangulong Henry B. Eyring ng Unang Panguluhan:

16:22

Kung kayo o ako ay pupunta sa templo nang hindi sapat ang kadalisayan, hindi natin makikita, sa pamamagitan ng kapangyarihan ng Espiritu Santo, ang mga espirituwal na turo tungkol sa Tagapagligtas na matatanggap natin sa templo.

Kapag karapat-dapat tayong matanggap ang gayong turo, maaaring lumago sa pamamagitan ng ating karanasan sa templo ang pag-asa, kagalakan, at pagiging positibo sa buong buhay natin.Ang pag-asa, kagalakan, at pagiging positibong iyon ay matatamo lamang sa pagtanggap ng mga ordenansang isinasagawa sa mga banal na templo.Sa templo natin matatanggap ang katiyakan ng mapagmahal na mga ugnayan ng pamilya na magpapatuloy pagkatapos ng kamatayan at magtatagal hanggang sa kawalang-hanggan.(“Templo’y Ibig Makita,” Liahona, Mayo 2021, 30)

Paano kung nadarama ko na kaunti lang ang pag-asang mayroon ako na magiging karapat-dapat ako dahil paulit-ulit kong nagagawa ang gayon ding pagkakamali?

Sinabi ni Brother Bradley R. Wilcox ng Young Men General Presidency:

10:52

Sinabi ni Elder Dieter F. Uchtdorf: “Hindi kailangan ng Diyos ang mga taong walang kamalian.Hinahanap Niya ang mga maghahandog ng kanilang mga ‘puso at may pagkukusang isipan’ [Doktrina at mga Tipan 64:34], at gagawin Niya silang ‘ganap kay Cristo’ [Moroni 10:32–33].” …Ang Kanyang biyaya ay hindi lamang gantimpala para sa mga karapat-dapat.Ito ay “banal na pagtulong” na ibinibigay Niya na tumutulong sa atin na maging karapat-dapat.Hindi lamang ito gantimpala para sa matwid.Ito ay “pagkakaloob ng lakas” na ibinibigay Niya na tumutulong sa ating maging matwid.Hindi lamang tayo lumalakad papalapit sa Diyos at kay Cristo.Tayo ay lumalakad kasama Nila.(“Ang Pagiging Karapat-dapat ay Hindi Pagiging Walang Kamalian,” Liahona, Nob. 2021, 67)

Mga Karagdagang Aktibidad sa Pag-aaral

Alternatibong simula

Para sa alternatibong paraan upang simulan ang lesson, maaari mong ibahagi ang dalawang sumusunod na sitwasyon.

Mahigpit si Sam sa kanyang sarili.Sa palagay niya ay kailangan niyang maging perpekto upang makapasok sa templo o maging katanggap-tanggap sa Ama sa Langit at kay Jesucristo.
Para kay Joshua, hindi seryosong bagay ang maging karapat-dapat sa templo o maghanda sa pagharap sa Diyos.Iyan ang nadarama niya dahil mahal siya ng Diyos, siya ay tatanggapin Niya kahit anuman ang gawin niya, magsisi man siya o hindi.

Maaaring pumili ang mga estudyante ng isang sitwasyon.Habang pinag-aaralan nila ang Mga Awit 24, maaari silang maghanap ng mga katotohanan at payo na maibabahagi nila sa binatilyo mula sa sitwasyong pinili nila.

Mga tanong para sa temple recommend

Upang matulungan ang iyong mga estudyante na pagnilayan ang kanilang sariling espirituwal na paghahanda, ibahagi ang talatang ito tungkol sa mga tanong sa temple recommend mula sa Para sa Lakas ng mga Kabataan: Isang Gabay sa Paggawa ng mga Pagpili [2022]:

Ang isang paraan para masuri ang iyong pagsulong sa landas ng tipan ay ang pagnilayan ang mga tanong sa ibaba.Ito ang mga itatanong sa iyo kapag ininterbyu ka para tumanggap ng temple recommend, pero huwag mo [nang] hintaying interbyuhin ka.Gumawa ng sarili mong espirituwal na pagsusuri.(Para sa Lakas ng mga Kabataan: Isang Gabay sa Paggawa ng mga Pagpili [2022], 36)

Pagkatapos ay maaari mong anyayahan ang mga estudyante na gumawa ng sarili nilang espirituwal na pagsusuri sa pamamagitan ng pag-aaral ng mga tanong sa temple recommend na matatagpuan sa “Mga tanong sa temple recommend para sa mga kabataan.”

Pag-asang na kay Cristo (Mga Awit 24:7–10)

Kung makikinabang ang iyong mga estudyante sa talakayan tungkol sa pag-asa, maaari ninyong pag-aralan ang Mga Awit 24:7–10 sa Pagsasalin ni Joseph Smith ng Biblia.Maaari munang ilista ng mga estudyante ang mga aspeto ng mundo ngayon na nakapanghihina ng loob, tulad ng paglaganap ng karahasan o pagkawatak-watak ng pamilya.Pagkatapos ay ipaliwanag na ang PJS Mga Awit 24:7–10 ay makapagbibigay ng pag-asa sa mga huling araw.

Anyayahan ang mga estudyante na basahin ang PJS Mga Awit 24:7–10, at alamin kung ilang beses nila nakita ang pariralang itaas ninyo ang inyong mga ulo.Ipabahagi sa kanila kung ano sa palagay nila ang ibig sabihin ng pariralang ito.

Pagkatapos ay anyayahan ang mga estudyante na muling basahin ang PSJ Mga Awit 24:7–10, at alamin ang mga dahilan kung bakit tayo maaaring magkaroon ng pag-asa sa mga huling araw na ito.

Paano kayo tinutulungan ng mga pariralang ito na “itaas ninyo ang inyong ulo” (PSJ Mga Awit 24:7–10) nang may pag-asa, sa kabila ng mga problema sa kasalukuyang panahon?