Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Pambungad sa Mga Awit, Bahagi 2: Sambahin ang Panginoon at Purihin ang Kanyang Banal na Pangalan

“Pambungad sa Mga Awit, Bahagi 2: Sambahin ang Panginoon at Purihin ang Kanyang Banal na Pangalan,” Manwal ng Titser ng Seminary para sa Lumang Tipan (2026)

“Pambungad sa Mga Awit, Bahagi 2: Sambahin ang Panginoon at Purihin ang Kanyang Banal na Pangalan,” Manwal ng Titser ng Seminary para sa Lumang Tipan

Mga Awit 1–2; 8; 19–33; 40; 46: Lesson 101

Pambungad sa Mga Awit, Bahagi 2

Sambahin ang Panginoon at Purihin ang Kanyang Banal na Pangalan

Photos taken of David A. Bednar during his visit to Africa South East area in October & November 2013.Youth Devotional held in Durban, South Africa. Some youth singing in the congregation. Similar outtakes, also some exterior shots of the chapel.

Ang isang paraan para sambahin ang Ama sa Langit at si Jesucristo ay ang pagpapahayag ng iyong pagmamahal at katapatan sa Kanila.Marami sa Mga Awit ay mga halimbawa ng patulang pagsamba sa Ama at Anak sa mga papuri, pagsusumamo, at panalangin.Ang lesson na ito ay makatutulong sa mga estudyante na maipahayag ang kanilang nadarama sa pagsamba sa Ama sa Langit at kay Jesucristo.

Paghahanda ng mga estudyante: Ipaalam sa mga estudyante na magkakaroon sila ng pagkakataong pagnilayan ang kanilang mga naiisip at nadarama tungkol sa Ama sa Langit, kay Jesucristo, at sa mga sagradong bagay bilang paghahanda sa pagbabahagi ng mga nadaramang iyon sa lesson na ito.Hikayatin ang mga estudyante na makinig sa mapitagang musika at balikan ang mga paboritong banal na kasulatan, sipi, o sagradong larawan, at alamin ang mga partikular na bagay na maaari nilang ibahagi.Kapag ginawa nila ito, maihahanda ang kanilang puso at isipan sa aktibidad sa lesson na ito.

Mga Posibleng Aktibidad sa Pag-aaral

Pagsamba sa Diyos

Tandaan: Ang aktibidad sa pagtatapos ng lesson na ito ay magiging bahagi ng pagninilay sa Lesson 112: “I-assess ang Iyong Pagkatuto 7.”Siguraduhing magbigay ng maraming oras para masimulang gawin ng mga estudyante ang aktibidad sa oras ng klase.

Para simulan ang klase, bigyan ng isang minuto ang mga estudyante para mapag-isipan ang sumusunod na tanong:

Ano ang ibig sabihin sa iyo ng “pagsamba sa Diyos”?

Ibinahagi ni Elder Dean M. Davies, na noon ay naglilingkod sa Presiding Bishopric, ang ilang paraan kung paano natin masasamba ang Diyos nang ituro niya:

Kapag sinasamba natin ang Diyos, lumalapit tayo sa Kanya nang buong galang, pagmamahal, pagpapakumbaba, at paghanga.Kinikilala at tanggap natin Siya bilang ating hari, ang Lumikha ng sansinukob, ating pinakamamahal at mapagmahal na Ama.

Gumagalang at nagpipitagan tayo sa Kanya.

Nagpapasakop tayo sa Kanya.

Iniaangat natin ang ating mga puso sa makapangyarihang panalangin, pinahahalagahan ang Kanyang salita, nagagalak sa Kanyang biyaya, at nangangakong susundin Siya nang buong katapatan.(“Ang mga Pagpapala ng Pagsamba,” Liahona, Nob. 2016, 94)

Paano mo ilalarawan ang pagkakaiba ng simpleng pagdalo sa simbahan, templo, o seminary sa pagsamba sa Diyos kapag dumadalo ka?

Maikling ibahagi sa mga estudyante ang isa o dalawa sa paborito mong paraan kung paano ipinahayag ng mga tao ang kanilang nadarama sa pagsamba sa Ama sa Langit at kay Jesucristo.Kasama sa mga halimbawa ang tula, video, likhang sining, isinulat, o sagradong musika.Maaari mong isama ang mga bagay na ikaw mismo ang nagsulat o gumawa.Ipaliwanag sa mga estudyante na maraming paraan upang maipakita ng isang tao ang pagsamba sa Ama sa Langit at kay Jesucristo.

Hikayatin ang mga estudyante na pag-isipan kung paano nila maipapakita ang kanilang pagsamba sa Ama sa Langit at kay Jesucristo.Sa buong lesson, maging maunawain at sensitibo sa mga estudyanteng maaaring hindi nakadarama ng koneksyon sa Ama sa Langit at kay Jesucristo ngayon.

Sa inyong study journal, pumili ng isa o mahigit pa sa mga sumusunod na tanong na sasagutin.Maaari ninyong gamitin ang ilan sa mensahe ni Elder Davies o ang sarili ninyong mga salita upang ibuod ang iyong nadarama.

Ano ang nadarama mo tungkol sa Ama sa Langit, kay Jesucristo, at sa mga sagradong bagay?
Paano mo pinakamainam na naipapakita ang pagmamahal, paggalang, o pagpipitagan sa Ama sa Langit, kay Jesucristo, o sa mga espirituwal na pagpapala?

Sa pagtatapos ng lesson ngayon, magsisimula kayong magpahayag ng nadarama ninyo.Alalahanin ito habang nag-aaral kayo.Isipin kung paano ninyo maaaring gustuhing ipahayag ang inyong natututuhan at nararamdaman.Anyayahan ang Espiritu Santo na tulungan kayo sa inyong mga pagsisikap.

Pagsamba sa Panginoon sa mga awit

Maraming mga awit ang patula at mapanalanging pagpapahayag ng mga sagradong kaisipan, damdamin, pag-asa, at hangarin ng mga manunulat.Bagama’t maraming banal na kasulatan ang nagsulat ng mga salita ng Panginoon sa atin, ang mga awit ay madalas na nagpapakita ng mga salita ng mga manunulat sa Kanya.Basahin ang Mga Awit 18:1–6, at hanapin ang mga salita at pariralang ginamit ni David para ipahayag ang kanyang nadarama tungkol sa Panginoon.

Sabihin sa mga estudyante na isulat sa pisara ang mga salita at pariralang nahanap nila.Maaaring matukoy ng mga estudyante ang iba’t ibang parirala, tulad ng:

Ang Panginoon ang aking kalakasan (talata 1).
Ang Panginoon ang aking malaking bato, muog, tagapagligtas, Diyos, lakas, kalasag, sungay ng kaligtasan, o matibay na kuta (talata 2).
Ang Panginoon ay marapat na purihin (talata 3).
Naririnig ng Panginoon ang ating mga pasusumamo sa Kanya (verse 6).

Maaaring ibahagi ng mga estudyanteng nagsulat ng mga parirala kung bakit kaya gusto ni David na malaman ito ng kanyang mga mambabasa tungkol sa Panginoon.Maaari mong itanong sa mga estudyante kung paano ginampanan ng Panginoon ang mga tungkuling ito sa kanilang buhay.

Anyayahan ang mga estudyante na pumili ng isa sa mga sumusunod na scripture passage upang pag-aralan kasama ng kapartner.Hikayatin silang huminto nang madalas at magbahagi sa isa’t isa ng kanilang mga naiisip at nadarama.

Ang mga awit ay nagpapakita ng maraming paraan na maibabahagi natin ang ating nadarama para sa Panginoon.Pag-aralan ang isa sa mga sumusunod na passage nang dahan-dahan, at markahan ang mga salita at parirala na nagpapakita ng inyong mga nadarama tungkol sa Panginoon.

Mga Awit 8:1–9

Mga Awit 27:1–9

Mga Awit 30:1–12

Mga Awit 46:1–11

Ipahayag ang iyong pagsamba

Ibigay sa mga estudyante ang natitirang oras sa klase upang magsimulang gumawa ng isang bagay na nagpapakita kung ano ang nadarama nila tungkol sa Ama sa Langit at kay Jesucristo.Suriin ang mga pangangailangan ng iyong mga estudyante, at ipakita ang ilan o ang lahat ng mga sumusunod na opsiyon.

Maaari kang magbigay ng mga kagamitan sa sining tulad ng papel, mga colored pencil, mga marker, at iba pa para sa mga estudyanteng gustong gumawa ng isang visual na representasyon ng kanilang mga nadarama.

Dahil isa itong indibiduwal na proyekto, maaari kang lumibot sa silid at mag-alok ng tulong, gabay, at paghihikayat kung kinakailangan.Kung naaangkop, maaari kang magpatugtog ng malumanay at sagradong musika habang ginagawa ang aktibidad.

Maaaring makatulong na ipahayag ang iyong pagmamahal at pagtitiwala sa sinumang estudyante na maaaring nahihirapan sa kanilang mga naiisip o nadarama tungkol sa Panginoon.Maaaring maging magandang opsiyon ang aktibidad 6 para sa mga estudyanteng hindi pa rin sigurado tungkol sa kanilang pananampalataya.

Maglaan ng kaunting oras upang ipahayag ang iyong mga naiisip at nadarama tungkol sa Ama sa Langit, kay Jesucristo, at sa mga sagradong bagay.Gamitin ang isa sa mga sumusunod na opsiyon, o gumawa ng sarili mo.Maaaring maubusan ka ng oras para tapusin ang iyong gawain sa klase ngayon, ngunit maaari kang magsimulang gumawa ng kanta o tula o mag-isip ng konsepto ng drowing o video.Maaari mong ipagpatuloy ang ginagawa mo sa labas ng klase.Maaari mong piliing magsama ng banal na kasulatan mula sa Mga Awit na sa palagay mo ay makabuluhan.

Gumawa ng tula o kanta na nagpapahayag ng iyong nadarama tungkol sa Ama sa Langit at kay Jesucristo.
Gumawa ng video o audio recording kung saan ibinabahagi mo ang iyong nadarama tungkol sa Ama sa Langit at kay Jesucristo.Para sa video, maaari kang magsama ng mga paboritong sagradong larawan mula sa Gospel Library.
Madalas ihambing ng mga mang-aawit ang Tagapagligtas sa ibang bagay upang ipakita kung gaano Siya kahalaga sa kanila.Kasama sa mga halimbawa ang “Ang Panginoon ay aking malaking bato, at aking muog” (Mga Awit 18:2) at “Ang Panginoon ay aking liwanag” (Mga Awit 27:1).Gumawa ng listahan ng mga bagay sa iyong buhay na maaaring kumakatawan sa nadarama mo tungkol sa Panginoon.
Gumawa ng drawing, painting, meme, paglalarawan, o iba pang likhang sining na nagpapakita ng iyong nadarama tungkol sa Ama sa Langit at kay Jesucristo.
Maghanap ng maraming sagradong larawan at bumuo ng collage.Pumili ng mga larawang kumakatawan sa mga bagay tungkol sa Ama sa Langit, kay Jesucristo, at sa ebanghelyo na mahalaga sa iyo.Gumawa ng maikling salaysay para sa bawat larawan na nagbubuod ng iyong mga iniisip at nadarama.
Isulat ang mga naiisip mo tungkol sa Ama sa Langit at kay Jesucristo.Maaari kang magbahagi ng isang karanasan na nakaapekto sa nadarama mo tungkol sa Kanila.

Maaari mong hayaan ang mga estudyante na ibahagi ang ginawa nila ngayon.Maaari kang maglaan ng oras para maibahagi ng mga estudyante ang kanilang gawain sa mga susunod na lesson pagkatapos nilang makumpleto ang kanilang mga gawa.Maaari mong anyayahan ang mga estudyante na magdagdag sa kanilang ginagawa habang patuloy silang natututo tungkol kay Jesucristo sa mga susunod na lesson.Sabihin sa mga estudyante na pagninilayan nila ang tungkol sa karanasang ito sa pagkamalikhain sa Lesson 112: “I-assess ang Iyong Pagkatuto 7.”

Karagdagang Resources

Ano ang ibig sabihin ng sambahin ang Diyos?

Ang pagsamba sa Diyos ay pagbibigay sa Kanya ng ating pagmamahal, pagpipitagan, paglilingkod, at katapatan.Iniutos ng Panginoon kay Moises, “Sambahin ang Diyos, sapagkat siya lamang ang iyong paglilingkuran” (Moises 1:15).Iniutos din Niya, “Ibigin ninyo ang Panginoon ninyong Diyos nang buo ninyong puso, nang buo ninyong kapangyarihan, pag-iisip, at lakas; at sa pangalan ni Jesucristo paglingkuran ninyo siya” (Doktrina at mga Tipan 59:5).Ang pagsamba ay hindi lamang nagpapakita ng ating pagmamahal sa Diyos at katapatan sa Kanya, nagbibigay ito sa atin ng lakas na sundin ang Kanyang mga kautusan.Sa pamamagitan ng pagsamba, nag-iibayo ang ating kaalaman at katapatan.(Mga Paksa ng Ebanghelyo, “Pagsamba,” Gospel Library)

Paano tayo matutulungan ng sagradong musika na sambahin ang Panginoon?

Ipinaliwanag ni Elder David A. Bednar ng Korum ng Labindalawang Apostol:

Gusto kong kinakanta ang himnong “Saligang Kaytibay.”Walang sinuman sa mundo ang mas sintunado kaysa sa akin.Ngunit ang kumbinasyon ng nakakaantig na musika at ng mga salita sa himno ay nakatulong sa akin na matutuhan ang tungkol sa biyaya at ang nakapagpapalakas na kapangyarihan ng Pagbabayad-sala ng Tagapagligtas sa makapangyarihang paraan.Ang mga himno na pinakagusto ko ay nakatuon sa pagpapanumbalik at nagtuturo ng mga makapangyarihang aral sa doktrina.At sa mga mensaheng iyon, sa kapwa musika at mga titik, magagawa mong “Pakinggan Siya.”Para sa akin, ang musika ay kadalasang isang daluyan ng tinig ng Panginoon.(“‘Hear Him’ in Your Heart and in Your Mind,” Inspiration [blog], Abr. 21, 2020, ChurchofJesusChrist.org)

Sinabi ni Pangulong Dallin H. Oaks ng Unang Panguluhan:

Ang sagradong musika ay may natatanging kakayahan na maiparating ang ating pagmamahal para sa Panginoon.Ang ganitong uri ng komunikasyon ay malaking tulong sa ating pagsamba.Maraming nahihirapan sa pagpapahayag ng pagsamba sa salita, ngunit lahat ay maaaring magsama-sama sa pagpaparating ng damdaming iyon sa pamamagitan ng mga inspiradong salita ng ating mga himno.(“Worship through Music,” Ensign, Nob. 1994, 10)

Habang naglilingkod bilang miyembro ng Pitumpu, ibinahagi ni Elder Merrill J. Bateman:

Ang mga himno ng simbahan ay isang uri ng pagsamba; nagsisilbi ang mga ito bilang panalangin ng pasasalamat at pagpapahayag ng katapatan.Maraming himno ang nagpapatibay ng pagkakaisa sa mga Banal at maging sa komunidad ng mga Banal.Inaanyayahan ng mga ito ang Espiritu sa mga miting at sa ating buhay.Nagtuturo ang mga ito ng doktrina.Ang mga himno ay kadalasang nagpapahayag ng patotoo at maaaring maging anyo ng proteksyon o pagmumulan ng kapanatagan at pagpapagaling.(“The Power of Hymns,” Ensign, Hulyo 2001, 15–16)

Mga Karagdagang Aktibidad sa Pag-aaral

Mga Awit 8

Maaaring rebyuhin ng klase ang Mga Awit 8 bilang isang halimbawa ng pagsamba sa Panginoon sa pamamagitan ng pagiging masaya sa kagandahan ng Kanyang mga nilikha.Ipabasa sa mga estudyante ang Mga Awit 8:1–9.Pagkatapos ay basahin o kantahin ang himnong “Dakilang Diyos.”

Mula sa awit at himno, anyayahan ang mga estudyante na kumpletuhin ang sumusunod na katotohanan: Ang Panginoon ay …

Maaaring ibahagi ng mga estudyante ang natutuhan at nadama nila habang pinag-aaralan nila ang mga salitang ito.Maaari silang magbahagi ng mga karanasan nila nang mapalapit sila sa Panginoon sa kalikasan.

Mga pagpapahayag ng puso

Habang tinatalakay mo ang mga paraan na maipapahayag ng mga tao ang pagsamba, maaari kang magpakita ng mga seleksyon mula sa video na “The Remarkable Power of Music.”Ibinahagi ni Craig Jessop, na naglingkod bilang direktor ng Tabernacle Choir at Temple Square, ang mga kuwento sa likod ng mga sumusunod na himno.Kasama rin ang pag-awit.

“It Is Well with My Soul” (mula sa time code na 2:20 hanggang 08:25)

41:17
“Amazing Grace” (mula sa time code na 08:52 hanggang 14:33)

41:17
“O Come, O Come, Emmanuel” (mula sa time code na 14:34 hanggang 20:38)

41:17
“Savior, Redeemer of My Soul” (mula sa time code na 35:31 hanggang 41:00)

41:17

Mga Awit sa ibang aklat ng banal na kasulatan

Maaaring makinabang ang mga estudyante sa pag-aaral ng mga awit na isinulat ng matatapat na kababaihan at kalalakihan sa ibang aklat ng banal na kasulatan.Maaari mong ibahagi ang mga sumusunod na scripture passage.Anyayahan ang mga estudyante na pumili ng isang pag-aaralan.

Ana: 1 Samuel 2:1–10
Maria: Lucas 1:46–55
Nephi: 2 Nephi 4:16–25
Nephi: 2 Nephi 4:26–35
Ammon: Alma 26:8–20

Maaaring alamin ng mga estudyante ang mga hangarin, damdamin, at kaisipang ibinahagi ng may-akda.Pagkatapos magbasa, maaaring ibahagi ng mga estudyante ang natuklasan nila sa isang ka-partner na nag-aral ng ibang awit.