Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Mga Awit 23: “Ang Panginoon Ay Aking Pastol”

“Mga Awit 23: ‘Ang Panginoon Ay Aking Pastol,’” Manwal ng Titser ng Seminary para sa Lumang Tipan (2026)

“Mga Awit 23: ‘Ang Panginoon Ay Aking Pastol,’” Manwal ng Titser ng Seminary para sa Lumang Tipan

Mga Awit 1–2; 8; 19–33; 40; 46: Lesson 102

Mga Awit 23

“Ang Panginoon Ay Aking Pastol”

A lamb drinking water from the cupped hands of Jesus Christ.

Ang paghinto para isalarawan sa isipan ang mga paglalarawan at paghahambing sa mga scripture passage ay magdadala ng kagandahan at kapangyarihan sa mga salitang binabasa natin.Sa Mga Awit 23, inilarawan ni Haring David ang kanyang ugnayan kay Jesucristo sa pamamagitan ng magkakasunod na paglalarawan na nagpapakita ng pagmamahal at pangangalaga ng Tagapagligtas.Ang lesson na ito ay makatutulong sa mga estudyante na madama ang magiliw at mapagmahal na pagkatao ni Cristo sa pamamagitan ng paglalarawan sa isipan ng mga imahe sa banal na kasulatan.

Paghahanda ng estudyante: Anyayahan ang mga estudyante na pagnilayan kung paano nagpapaalala sa kanila tungkol sa Tagapagligtas ang mga bagay na nakikita nila araw-araw.Halimbawa, “Ang ulan ay nagpapaalala sa akin sa Tagapagligtas dahil …”.Pagkatapos ay anyayahan silang basahin ang Mga Awit 23 at pumili ng paboritong paghahambing na ginawa ni David sa Tagapagligtas o sa mga nagawa ng Tagapagligtas para sa atin.

Mga Posibleng Aktibidad sa Pag-aaral

Paglalarawan sa isipan ng mga matalinghagang paglalarawan sa banal na kasulatan

Upang matulungan ang mga estudyante na magsanay na matuto mula sa matalinghagang paglalarawan sa mga banal na kasulatan, maaari mong simulan ang klase sa pamamagitan ng pagpapakita ng larawan ng isang taong tumatangis at ng isang taong sumasayaw.Pagkatapos ay tanungin ang iyong mga estudyante kung ano ang naiisip o nadarama nila kapag naiisip ang pagtangis.Maaaring ibahagi ng mga estudyante ang mga bagay na tulad ng pagluha, pagkamatay ng isang tao, pasakit, o kalungkutan.Ulitin ang tanong din na iyon para sa pagsasayaw.

Basahin ang Mga Awit 30:11, at alamin kung paano ginamit ni David ang mga imahe ng pagtangis at pagsasayaw upang ilarawan ang kapangyarihan ni Jesucristo at ang Kanyang Pagbabayad-sala.

Paano nakatutulong ang mga imaheng ito para maunawaan ninyo ang itinuro ni David tungkol kay Jesucristo nang sabihin niyang, “Iyong ginawang sayaw para sa akin ang pagtangis ko”?

Ipaliwanag sa mga estudyante na ang paggamit ng mga imaheng ito para mas maunawaan ang talata 11 ay isang halimbawa ng kasanayan sa pag-aaral na paglalarawan sa isipan.Maaari mong anyayahan ang isang estudyante na basahin ang sumusunod na paglalarawan ng ganitong kasanayan sa pag-aaral.

Ang paglalarawan sa isipan ay isang kasanayan sa pag-aaral na lumilikha ng larawan sa isipan mula sa mga detalyeng inilarawan sa mga banal na kasulatan.Maaari nating isiping naroon tayo sa mga kaganapang inilarawan sa mga banal na kasulatan.Maaari tayong huminto at ilarawan sa isipan ang mga parirala tulad ng “Iyong ginawang sayaw para sa akin ang pagtangis ko” (Mga Awit 30:11).Ang susunod na hakbang ay pag-iisip ng kung ano ang matututuhan natin mula sa mga imahe.Ang paggawa nito ay makapag-aanyaya sa Espiritu Santo kapag nagdadahan-dahan tayo at naghahangad na makaunawa ang ating isip at puso.

Pag-isipan ang mga sumusunod na tanong.

Gaano kadalas kang nagdadahan-dahan upang ilarawan sa iyong isipan ang pinag-aaralan mo sa mga banal na kasulatan?
Sa palagay mo, paano makatutulong sa iyo na mas makilala ang Tagapagligtas kapag nagdahan-dahan ka upang ilarawan sa isipan ang iyong binabasa?

Bigyang-pansin ang mga pahiwatig ng Espiritu Santo upang matulungan kayong matuto tungkol kay Jesucristo habang inilalarawan ninyo sa isipan ang mga paglalarawan sa Mga Awit 23 sa araw na ito.

“Ang Panginoon ay aking Pastol”

Ang bahaging ito ng lesson ay nagbibigay ng pagkakataon sa mga estudyante na magsanay sa paglalarawan sa isipan nang sama-sama bilang isang klase bago subukan ito nang mag-isa.

Basahin ang Mga Awit 23:1 at markahan ang imaheng ginamit upang ilarawan si Jesucristo.

Upang matulungan ang mga estudyante na matutuhan pa ang tungkol sa Tagapagligtas, maaari mo silang anyayahan na ilarawan Siya sa isipan bilang ating Pastol habang binabasa nila ang Ezekiel 34:11–16 o Juan 10:11–15, o habang inaawit ng klase ang “Nasa Puso ng Pastol” (Mga Himno, blg. 134).Maaari din nilang i-cross-reference o i-link ang mga scripture passage na iyon sa Mga Awit 23:1.

Maglaan ng ilang minuto upang ilarawan sa isipan ang isang pastol na inaalagaan o pinoprotektahan ang kanyang mga tupa.

Pagkatapos ay magsulat ng isang pahayag tungkol kay Jesucristo na natutuhan ninyo sa paglalarawan sa Kanya inyong isipan bilang inyong Pastol.

Maaari mong ipakita sa pisara ang isang larawan ni Jesucristo na inilalarawan Siya bilang pastol, tulad ng nasa simula ng lesson na ito.Sabihin sa ilang estudyante na isulat sa pisara sa paligid ng larawan ang kanilang mga pahayag ng katotohanan tungkol sa Kanya.Maaaring magbahagi ang mga estudyante ng mga pahayag tulad ng: Nagmamalasakit ang Panginoon tungkol sa mga pangangailangan ko.

Paano naging pastol si Jesucristo sa inyong buhay o sa buhay ng mga tao sa paligid ninyo?

Kilalanin si Jesucristo

Maaari mong bigyan ang mga estudyante ng pagkakataon na mas makilala ang Tagapagligtas sa pamamagitan ng pagpapraktis ng paglalarawan sa isipan nang mag-isa o sa maliliit na grupo.Ang sumusunod na aktibidad ay isang paraan upang magawa ito.Bago magsimula ang mga estudyante, bigyan ang bawat isa ng blangkong papel.Maaari ka ring magbigay ng mga colored pencil o marker na magagamit ng mga estudyante para magdrowing ng mga larawan.

Pag-aralan ang Mga Awit 23:2–6.Pagkatapos ay pumili ng isang talata na namukod-tangi sa iyo na pagtutuunan mo para sa natitirang bahagi ng aktibidad na ito.
Ilarawan sa isipan ang matalinghagang paglalarawan na ginamit ni Haring David sa iyong talata upang ilarawan ang isang katangian ni Jesucristo o isang bagay na ginagawa Niya para sa atin.Idrowing ang larawan sa iyong isipan o maghanap ng isang digital na larawan na maaaring kumatawan sa naisip mo.
Magsulat sa iyong papel ng kahit isang pahayag ng katotohanan tungkol sa Tagapagligtas na natutuhan mo sa paglalarawan sa isipan ng deskripsyon ni David.
Iakma sa iyong sarili ang natutuhan mo sa pamamagitan ng pagninilay (o pagtalakay sa iyong grupo) kung bakit ito mahalaga sa iyo o kung paano nito mapalalakas ang iyong ugnayan sa Ama sa Langit at kay Jesucristo.

Habang gumagawa ang mga estudyante, maaari kang lumibot sa silid upang matuto sa kanila at matulungan ang mga maaaring nangangailangan nito.Kung nahihirapan ang mga estudyante na ilarawan sa isipin ang imahe, maaari kang magtanong tulad ng “Ano ang pakiramdam kapag nasa tabi ng mga tubig na pahingahan?” o “Ano sa palagay mo ang maaaring kinakatawan ng Kanyang pamalo at tungkod?”Bukod pa rito, ang pagpuri sa mga drowing o ideya ng mga estudyante ay maaaring maging isang mahusay na paraan upang mahikayat sila at mapatibay ang iyong ugnayan sa kanila.

Maaaring magsulat ang mga estudyante ng mga pahayag ng katotohanan tungkol sa Tagapagligtas tulad ng: Ipinanunumbalik ng Panginoon ang mga pagod at bagbag na kaluluwa (talata 3) o Pangangalagaan tayo ng Panginoon, kahit sa mahihirap na sitwasyon (talata 5).

Matapos kumpletuhin ng mga estudyante ang aktibidad, ipabahagi sa kanila ang natutuhan nila tungkol kay Jesucristo.Para magawa ito, maaari nilang idispley ang kanilang mga larawan sa palibot ng silid, ibahagi ang natutuhan nila sa ibang estudyante o ibang grupo, o idagdag sa pisara ang natutuhan nila.Maaari kang magtanong ng mga bagay na katulad ng sumusunod pagkatapos magbahagi ng mga estudyante.

Mayroon ba kayong anumang natutuhan tungkol kay Jesucristo na maaaring nakaligtaan ninyo kung hindi kayo nagdahan-dahan upang ilarawan sa isipan ang matalinghagang paglalarawan sa Mga Awit 23?Kung oo, ano iyon?
Alin sa mga larawang ito ang tumutulong sa inyo na makita ang magiliw at mapagmahal na pagkatao ni Jesucristo?Bakit?

Maaari mong tapusin ang klase sa pamamagitan ng paghikayat sa mga estudyante na gamitin ang paglalarawan sa isipan sa kanilang pag-aaral ng mga banal na kasulatan para patuloy na mas makilala ang Tagapagligtas.Maaari mong ibahagi ang iyong patotoo sa mga katotohanan tungkol kay Jesucristo na itinuro sa Mga Awit 23.

Karagdagang Resources

Ano ang itinuturo sa akin ng pagtingin kay Jesucristo bilang isang pastol tungkol sa kung paano maglingkod sa iba (Mga Awit 23:1)?

Itinuro ni Pangulong Russell M. Nelson:

Ang Mabuting Pastol ay mapagmahal na nagmamalasakit sa lahat ng tupa ng Kanyang kawan, at tayo ay Kanyang tunay na mga katuwang na pastol.Ang ating pribilehiyo ay dalhin ang Kanyang pagmamahal at idagdag ang ating pagmamahal sa mga kaibigan at kapwa-tao—nagpapakain, nag-aalaga, at nag-aaruga sa kanila—tulad ng nais ng Tagapagligtas na gawin natin. (“Shepherds, Lambs, and Home Teachers,” Ensign, Ago. 1994, 19)

Ipinaliwanag ni Elder Gerrit W. Gong ng Korum ng Labindalawang Apostol:

15:19

Mga kapatid, tinatawag tayo ng ating Mabuting Pastol sa Kanyang tinig at sa Kanyang pangalan.Siya ay naghahanap, nagtitipon, at lumalapit sa Kanyang mga tao.Sa pamamagitan ng Kanyang mga buhay na propeta at ng bawat isa sa atin, inaanyayahan Niya ang lahat na maghanap ng kapayapaan, layunin, paggaling, at kagalakan sa kabuuan ng Kanyang ipinanumbalik na ebanghelyo at sa Kanyang landas ng tipan.Sa pamamagitan ng halimbawa, tinuturuan Niya ang mga pastol ng Israel na maglingkod na taglay ang Kanyang pagmamahal.(“Mabuting Pastol, Kordero ng Diyos,” Liahona, Mayo 2019, 100)

Ano ang ibig sabihin kapag ipinanumbalik ng Tagapagligtas ang aking kaluluwa (Mga Awit 23:3)?

Sinabi ni Sister Cristina B. Franco, dating pangalawang tagapayo sa Primary General Presidency:

9:36

[K]apag lumapit tayo kay Jesucristo sa pamamagitan ng pagsampalataya sa Kanya, pagsisisi, at paggawa at pagtupad ng mga tipan, ang ating pagkasira—anuman ang sanhi nito—ay mapapagaling.Ang prosesong ito, na nag-aanyaya sa nakapagpapagaling na kapangyarihan ng Tagapagligtas sa ating buhay, ay hindi lamang nagbabalik sa atin sa kung ano tayo noon ngunit ginagawa tayo nitong mas mabuti higit kailanman.Alam ko na sa pamamagitan ng ating Tagapagligtas na si Jesucristo, tayong lahat ay maaaring maayos, mabuo, at makatupad sa ating layunin, tulad ng isang bagung-bagong piyano na maganda ang tunog.(“Ang Nakapagpapagaling na Kapangyarihan ni Jesucristo,” Liahona, Nob. 2020, 61)

Ano ang matututuhan natin sa paggamit ng pastol ng pamalo at tungkod (Mga Awit 23:4)?

Itinuro ni Pangulong Jeffrey R. Holland ng Korum ng Labindalawang Apostol:

Noong sinaunang panahon, ang mga tanging instrumentong dinadala ng isang pastol ay isang pamalo at isang tungkod.Ang pamalo ay isang maikli, makapal, at parang pambambo na ginagamit upang ipagtanggol ang sarili o ang kawan mula sa maninila.Iyon ay nagpapakita—at nagpapahiwatig—ng lakas at kapangyarihan sa kamay ng isang malakas na pastol na marunong gumamit nito. …

Ang tungkod ay isang mas mahaba, mas magaan na patpat, na karaniwang may kalawit sa dulo nito na ginagamit para sagipin ang mga na-stranded na tupa.Ito, higit pa sa pamalo, ay nauugnay sa sining at mitolohiya kasama ng pastol at ng kanyang masigasig na pagbabantay. …Ang lahat ng bagay tungkol sa tungkod ay patungkol sa kaligtasan at pangangalaga.Ito ang dakilang instrumento ng pagliligtas at pagtubos sa banal na kasulatan.

Sa buhay, kailangan nating maipagtanggol at masagip.Sa anu’t anupaman, tayo ay mahina at madaling maigupo.Ito man ay mga mapanganib na pagtatalo o nakagawiang paggala, tayo ay pinagpapala at pinoprotektahan ng masigasig na pangangalaga ng Diyos.Pinapanatag ako ng iyong pamalo at ng iyong tungkod.(For Times of Trouble: Spiritual Solace from the Psalms [2012], 217–18)

Mga Karagdagang Aktibidad sa Pag-aaral

Alternatibong simula

Kung sa palagay mo ay mas makakaugnay ang iyong mga estudyante sa paglalarawan sa isipan ng iba‘t ibang imahe kaysa sa mga larawan ng pagtangis at pagsasayaw mula sa Mga Awit 30:11, maaari ninyong gawin ang aktibidad na iyon gamit ang ibang mga scripture passage at larawan ng Tagapagligtas.Pumili ng isang larawan na sa tingin mo ay pinakanauugnay sa mga estudyante.Narito ang ilang ideya mula sa mga talata sa Mga Awit:

“Ang Panginoon ay aking liwanag” (Mga Awit 27:1)
“Ikaw ay aking dakong kublihan” (Mga Awit 32:7)
“Siya lamang ang aking malaking bato” (Mga Awit 62:2)
“Sapagkat ang Panginoong Diyos ay araw at kalasag” (Mga Awit 84:11)

Pag-aaral ng mga banal na kasulatan habang iniisip ang isang tao

Sa halip na gumamit ng paglalarawan sa isipan, maaari mong anyayahan ang mga estudyante na pag-aralan ang Mga Awit 23:1–6 habang iniisip ang isang taong kilala nila na nakakaranas ng isang bagay na mahirap sa kanyang buhay.Pagkatapos mag-aral, maaaring ibahagi ng mga estudyante ang isang bagay na natutuhan nila tungkol sa Tagapagligtas sa pamamagitan ng pag-text o pagsulat ng maikling liham na nagpapalakas ng loob sa taong ito.

Bilang alternatibo, maaari mong bigyan ang mga estudyante ng tatlo o apat na kaugnay na sitwasyon, tulad ng isang taong hindi nadarama na mahal siya ng Diyos o isang taong natatakot sa kawalang-katiyakan sa kanilang kinabukasan.Anyayahan ang mga estudyante na pag-aralan ang Mga Awit 23:1–6 nang nasa isip ang tao sa sitwasyon.Maaaring ibahagi ng mga estudyante sa isa’t isa ang nalaman nila na makatutulong sa taong sa sitwasyon.

Paggamit ng musika

Para anyayahan ang Espiritu sa pamamagitan ng sagradong musika, maaari mong anyayahan ang mga estudyante na basahin ang mga titik ng himnong “Ang Panginoon Ay Pastol Kong Tunay.”Maaari mong talakayin kung paano makatutulong sa kanila ang himno na mas maunawaan ang Mga Awit 23:1–6.Pagkatapos ay maaari mong ipakita ang arrangement na ito ng “The Lord Is My Shepherd [Ang Panginoon Ay Pastol Kong Tunay]” (4:54) mula sa Music Festival ng Simbahan noong 2021.Pagkatapos ay maglaan ng oras para maibahagi ng mga estudyante ang kanilang nadarama at patotoo tungkol sa Tagapagligtas.

4:54