Job 21–24; 38–40; 42

1. “Wala siguro akong nagagawang tama.Bakit pa napakahirap ng buhay para sa akin?”

2. “Kung sumusunod ako sa ebanghelyo, bakit hindi ko maiwasan ang mga pagsubok at paghihirap?”

3. “Akala ko mahal ako ng Diyos.Bakit Niya pinahihirapan nang husto ang buhay ko?”

4. “Kung totoo ang Diyos, bakit hindi Niya pinipigilan ang mga pagdurusa ng mga tao?”

• Ano ang ilang palagay na maaaring maisip ng mga tao kapag nagtatanong sila ng mga katulad nito?

  Pagkatapos ng talakayan, maaari mong anyayahan ang mga estudyante na pag-isipan ang sumusunod na tanong.Maaari nilang isulat ang kanilang mga sagot sa kanilang study journal.

• Sa palagay mo ba ay matutulungan mo ang isang tao na bumaling sa Panginoon at humanap ng mga sagot sa mga ganitong uri ng mga tanong?Bakit o bakit hindi?

Ang pag-aaral ng sources na itinalaga ng Diyos ay maaaring makapag-anyaya ng Espiritu Santo sa ating pagkatuto.Bigyang-pansin ang mga kabatirang maaaring ituro Niya sa iyo habang binabasa mo ang mga banal na kasulatan at pahayag sa lesson na ito.Isipin kung paano makatutulong sa iba ang mga kabatirang ito na masagot ang mga tanong tungkol sa kanilang mga pagsubok.Ang paggawa nito ay maaaring makatulong sa inyo na magkaroon ng higit na pang-unawa sa sarili ninyong mga pagsubok.

Sa panahon ng mga pagsubok ni Job, binisita siya ng kanyang tatlong kaibigan.Sinubukan ni Job at ng kanyang mga kaibigan na matukoy ang mga dahilan ng kanyang pagdurusa.Humantong sa mga hindi tumpak na palagay ang kanilang limitadong pananaw.

1. Basahin ang Job 19:6–11, at alamin ang palagay ni Job tungkol sa Diyos.

2. Basahin ang Job 22:5–10, at alamin kung ano ang palagay ni Elifaz tungkol kay Job.

• Anong mga hindi tumpak na palagay ang mayroon ang bawat isa?

Habang patuloy na nahihirapan si Job sa kanyang mga pagsubok, nangusap sa kanya ang Diyos.Maraming itinanong ang Diyos kay Job tungkol sa paglikha ng mundo, na hindi masagot ni Job (tingnan sa Job 38–41).

Basahin ang Job 38:4–7, at alamin ang mga halimbawa ng mga tanong ng Diyos kay Job.

Ipinaliwanag ni Elder Dale G. Renlund ng Korum ng Labindalawang Apostol ang naging tugon ng Diyos sa kawalang kakayahan ni Job na sumagot sa Kanya:

Para bang matiyaga at magiliw na sinabi ng Diyos kay Job, “Kung hindi ninyo masasagot ang kahit isa sa mga tanong ko tungkol sa mundong aking nilikha, posible ba na may mga walang-hanggang batas na hindi ninyo nauunawaan?May mga palagay ba kayo na hindi balido?Nauunawaan ba ninyo ang mga [hangarin] ko at paano gumagana ang aking plano ng kaligtasan at kadakilaan?At nakikita ba ninyo ang inyong magiging tadhana?”

Alam ng Diyos sa Kanyang karunungan na mahalagang bahagi ng ating mortal na karanasan ang hindi malaman ang lahat ng bagay.May isang bagay tungkol sa pagtitiwala sa Kanya na nagtutulot sa atin na umunlad upang maging katulad Niya.(“Magtiwala sa Diyos at Hayaan Siyang Manaig,” Liahona, Ago. 2022, 5)

• Ano ang ipinapaunawa sa inyo ng pahayag na ito tungkol sa Diyos at sa mga pagsubok?

Basahin ang Job 42:1–6, at alamin ang naging tugon ni Job sa Panginoon.

• Ano ang mahalaga para sa inyo sa tugon ni Job?

• Ano ang natutuhan ninyo sa kuwento tungkol kay Job na makatutulong sa atin na mas maunawaan ang ating mga pagsubok?

Kinilala ni Job ang kanyang limitadong pag-unawa na hindi maikukumpara sa kaalaman ng Diyos at binago ni Job ang paraan ng pagtingin niya sa kanyang mga pagsubok.Natanto niya na ang kanyang pagdurusa ay hindi bunga ng kasalanan o banal na kaparusahan.Lubos na pinagpala ng Diyos si Job sa mga huling araw ng kanyang buhay (tingnan sa Job 42:12–13).

Maaaring hindi natin palaging nauunawaan ang mga dahilan para sa ating mga hamon.Gayunpaman, naglaan ang Panginoon ng banal na sources na makatutulong sa atin na makita ang ating mga pagsubok nang may walang-hanggang pananaw.

Buksan ang PDF

• Ano ang natutuhan ninyo na maaaring makatulong sa isang taong may ganitong mga tanong na tingnan ang kanyang mga pagsubok nang may walang-hanggang pananaw?

• Paano ninyo nakitang totoo ang mga turong pinag-aralan ninyo sa sarili ninyong pagsubok?

• Ano ang natututuhan ninyo tungkol sa Ama sa Langit at kay Jesucristo habang nakikinig kayo sa ibinabahagi ng iba?

Maaari din ninyong panoorin ang “Why Do Bad Things Happen to Good People?” (4:39), makikita sa ChurchofJesusChrist.org.Sabihin sa mga estudyante na alamin ang natutuhan ni Brock mula sa kanyang mga pagsubok.

4:39

Tingnan ang anim na tanong tungkol sa mga pagsubok na nakasulat sa pisara habang kinukumpleto ninyo ng kapartner mo ang sumusunod na aktibidad:

1. Pumili ng isang taong maghahagis ng dice.

2. Kung ikaw ang naghagis ng dice, itanong sa iyong kapartner ang tanong sa pisara na may numerong kapareho ng numerong nakuha mo sa dice.(Halimbawa, kung ang numerong isa ang nakuha mo, itatanong mo ang, “Wala siguro akong nagagawang tama.Bakit pa napakahirap ng buhay para sa akin?”)

3. Kung hindi ikaw ang naghagis ng dice, sagutin ang tanong ng iyong kapartner.Gumamit ng mga kabatirang nakuha mo mula sa klase upang matulungan ang iyong kapartner na tingnan ang kanyang mga pagsubok nang may walang-hanggang pananaw.Isama ang mga naiisip o nadarama mo tungkol sa Ama sa Langit o kay Jesucristo.

4. Magpalitan sa paghagis ng dice at pagsagot sa mga tanong at ulitin ang aktibidad ng isa pang beses.Kung makukuha ang parehong numero, ihagis ulit ang dice.