Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Job 14; 19: “Nalalaman Ko na ang Aking Manunubos ay Nabubuhay”

“Job 14; 19: ‘Nalalaman Ko na ang Aking Manunubos ay Nabubuhay,’” Manwal ng Titser ng Seminary para sa Lumang Tipan (2026)

“Job 14; 19: ‘Nalalaman Ko na ang Aking Manunubos ay Nabubuhay,’” Manwal ng Titser ng Seminary para sa Lumang Tipan

Job 1–3; 12–14; 19; 21–24; 38–40; 42: Lesson 98

Job 14; 19

“Nalalaman Ko na ang Aking Manunubos ay Nabubuhay”

The resurrected Jesus Christ (dressed in white robes) standing at the entrance to the Garden Tomb. Christ is portrayed looking toward the heavens.

Maaaring mahirap makahanap ng pag-asa sa panahon ng mga hamon, kabilang ang pagkamatay ng mga mahal sa buhay.Isinugo ng Ama sa Langit ang Kanyang Anak upang isagawa ang Pagbabayad-sala, na natapos sa Pagkabuhay na Mag-uli ng Tagapagligtas mula sa libingan.Dahil sa Pagkabuhay na Mag-uli ni Jesucristo, maaari tayong magkaroon ng pag-asa.Ang lesson na ito ay makatutulong sa mga estudyante na maunawaan ang pag-asa na nagmumula sa pamamagitan ng Pagkabuhay na Mag-uli ni Jesucristo.

Paghahanda ng estudyante: Anyayahan ang mga estudyante na pakinggan o basahin ang mga titik ng himnong “Buhay ang Aking Manunubos.“Maaari silang pumili ng paboritong parirala mula sa himno na maaaring magdulot ng pag-asa sa isang taong dumaranas ng mga paghihirap.

Mga Posibleng Aktibidad sa Pag-aaral

Ang pinakamahalagang pangyayari sa kasaysayan

Ipakita ang sumusunod na tanong at anyayahan ang mga estudyante na talakayin ito sa maliliit na grupo.

Ano ang ilang pangyayaring masasabi ng mga tao na pinakamahalaga sa kasaysayan ng tao?Bakit?

Ibinahagi ni Pangulong Ezra Taft Benson (1899–1994) ang sumusunod:

Ang mga pinakadakilang nangyari sa kasaysayan ay yaong may epekto sa pinakamaraming tao sa napakahabang panahon.Batay sa pamantayang ito, walang ibang kaganapang higit na mahalaga sa mga tao o bansa maliban sa pagkabuhay na mag-uli ng Panginoon.(Mga Turo ng mga Pangulo ng Simbahan: Ezra Taft Benson [2014], 110)

Pagnilayan sandali ang nalalaman ninyo tungkol sa Pagkabuhay na Mag-uli ng Tagapagligtas at kung bakit mahalaga ito sa inyo.Maaari din ninyong isipin kung bakit maituturing na pinakamahalagang pangyayari sa kasaysayan ang Pagkabuhay na Mag-uli ng Tagapagligtas.

Hikayatin ang mga estudyante na anyayahan ang Espiritu Santo na tulungan sila na mas maunawaan ang Pagkabuhay na Mag-uli ni Jesucristo at ang pag-asang maidudulot nito.

Mga tanong ni Job

Kung itinuro mo ang Lesson 97: “Job 1–3; 12–13,“ maaaring ibahagi ng mga estudyante ang naaalala nila tungkol sa mga pagsubok ni Job.O maaari nilang basahin ang sumusunod na talata.

Si Job ay isang mabuting tao na nakaranas ng matitinding pagdurusa.Nawala ang lahat ng ari-arian niya, namatay ang lahat ng 10 anak niya nang maguhuan sila ng isang bahay, at dumanas siya ng matinding sakit sa katawan.

Ano ang mga maaari mong itanong kung kayo si Job?

Basahin ang Job 14:7–14, at markahan ang dalawang tanong ni Job nang maghanap siya ng pag-asa sa kanyang mga paghihirap.

Kung kailangan ng mga estudyante ng tulong sa pag-unawa sa tanong ni Job sa talata 10, maaari mong ipaliwanag na tinatanong ni Job, “Saan tayo pupunta kapag tayo ay namatay?”

Kailan mo narinig o natanong ang gayon ding mga tanong?

Si Arthur Patton, na isa sa mga kaibigan ni Pangulong Thomas S. Monson (1927–2018) sa kanyang kabataan, ay napatay noong Ikalawang Digmaang Pandaigdig. Ibinahagi ni Pangulong Monson ang kanyang karanasan sa pagbisita sa tahanan ni Arthur matapos marinig ang balita:

May dalangin sa aking puso, tinahak ko ang pamilyar na landas patungo sa tahanan ng mga Patton, na nag-iisip kung anong nakaaaliw na mga salita ang maaaring magmula sa mga labi ng isang bata.

Bumukas ang pinto, at niyakap ako ni Mrs. Patton na tulad ng pagyakap niya sa sariling anak. …

[Matapos magkasamang manalangin], tumingin si Mrs. Patton sa aking mga mata at nagsabing: “Tommy, wala akong kinabibilangang simbahan, pero ikaw ay mayroon.Sabihin mo sa akin, mabubuhay bang muli si Arthur?”(“Mrs.Patton—Ang Karugtong ng Kuwento,” Liahona, Nob 2007, 22)

Isipin kunwari na kayo ay nasa sitwasyon ni Pangulong Monson.Sa inyong study journal, sumulat ng maikling talata para sagutin ang tanong ni Mrs. Patton.

Hikayatin ang mga estudyante na dagdagan ang naisulat nila habang patuloy nilang natututuhan ang tungkol sa Pagkabuhay na Mag-uli ni Jesucristo.

“Nalalaman ko na ang aking Manunubos ay nabubuhay”

Basahin ang Job 19:23–27, alamin ang sagot na ibinigay ni Job sa kanyang mga tanong.

Ano ang alam ni Job na totoo?

Maaaring ibahagi ng mga estudyante ang isang bagay na tulad ng dahil kay Jesucristo, tayo ay mabubuhay na mag-uli at makikita nating muli ang Diyos.
Ano ang maaaring ituro sa atin ng talata 23–24 tungkol sa nadama ni Job tungkol sa katotohanang ito?
Paano maaaring naimpluwensyahan si Job ng kaalamang ito tungkol kay Jesucristo habang tinitiis niya ang kanyang mga pagsubok?
Paano makatutulong sa atin ang kaalamang ito?

Maaaring basahin ng mga estudyante ang sumusunod na pahayag nang mag-isa at pagkatapos ay ibahagi kung ano ang mahalaga para sa kanila mula rito.

Ibinahagi ni Pangulong Dallin H. Oaks ng Unang Panguluhan ang ilang paraan kung paano makapagdudulot sa atin ng pag-asa ang ating kaalaman tungkol sa Pagkabuhay na Mag-uli ni Jesucristo:

Ang Pagkabuhay na Mag-uli mula sa mga patay ay nakapapanatag na personal na haligi ng ating pananampalataya.Ito ang nagdaragdag ng kahulugan sa ating doktrina, dahilan sa ating mga pagkilos, at pag-asa sa ating kinabukasan. …

Ang Pagkabuhay na Mag-uli ay nagbibigay sa atin ng pananaw at lakas na tiisin ang mga hamon sa buhay na kinakaharap ng bawat isa sa atin at ng ating mga mahal sa buhay.Binibigyan tayo nito ng bagong paraan ng pagtingin sa pisikal, mental, o emosyonal na mga kakulangan na nasa atin na nang isilang tayo o nakuha natin sa buhay na ito.Binibigyan tayo nito ng lakas na tiisin ang mga kalungkutan, kabiguan, at kapighatian.Dahil bawat isa sa atin ay tiyak na mabubuhay na mag-uli, alam natin na ang mga kakulangan at oposisyong ito sa buhay ay pansamantala lamang.(“Ano ang Nagawa ng Ating Tagapagligtas para sa Atin?,” Liahona, Mayo 2021, 75)

Kailan ninyo nakitang nagkaroon ng pag-asa ang isang tao sa pamamagitan ng kanyang pananampalataya kay Jesucristo at sa Kanyang Pagkabuhay na Mag-uli?

Pag-unawa sa Pagkabuhay na Mag-uli

Bago ipakita ang mga sumusunod na tagubilin, maaari mong talakayin kung paano natin mapapalakas ang mga salitang binibigkas o isinusulat natin sa pamamagitan ng pag-uugnay ng mga ito sa mga salita ng Tagapagligtas at ng Kanyang mga propeta.Ang isang paraan kung paano natin ito magagawa ay sa pamamagitan ng pagsipi ng mga parirala mula sa mga banal na kasulatan.

Gawin ang sumusunod sa talatang isinulat mo bilang tugon sa tanong ni Mrs. Patton:

Magdagdag ng isa o dalawang pangungusap gamit ang isang bagay na natutuhan o nadama mo ngayon tungkol kay Jesucristo at sa pag-asang mayroon tayo dahil sa Kanyang Pagkabuhay na Mag-uli.Magsama ng parirala mula sa Job 19:25–27.
Magdagdag ng isa o dalawang karagdagang pangungusap gamit ang mga salita o parirala mula sa iba pang banal na kasulatan o pahayag mula sa mga lider ng Simbahan.Para magawa ito, maaari mong hanapin ang “Pagkabuhay na Mag-uli“ sa Gospel Library, Gabay sa mga Banal na Kasulatan, o Mga Paksa at Mga Tanong.Maaari mo ring rebyuhin ang mga pahina 57–58, 64–66, at 68 ng Mangaral ng Aking Ebanghelyo: Gabay sa Pagbabahagi ng Ebanghelyo ni Jesucristo (2023).

Karagdagang Resources

Ano ang itinuturo sa atin ng Pagkabuhay na Mag-uli ni Jesucristo?

Itinuro ni Elder D. Todd Christofferson ng Korum ng Labindalawang Apostol:

13:21

Ang Pagkabuhay na Mag-uli ni Jesucristo ay nagpapatotoo sa Kanyang kabanalan at sa Kanyang pagdaig sa lahat ng bagay.Pinatototohanan ng Kanyang Pagkabuhay na Mag-uli na, sa ating pakikipagtipan sa Kanya, maaari nating madaig ang lahat ng bagay at maging isa.Pinatototohanan ng Kanyang Pagkabuhay na Mag-uli na sa pamamagitan Niya, ang imortalidad at buhay na walang-hanggan ay totoo.(“Iisa kay Cristo,” Liahona, Mayo 2023, 79–80)

Paano naging katibayan ang mga templo ng ating pananampalataya sa Pagkabuhay na Mag-uli?

Ipinaliwanag ni Pangulong Dallin H. Oaks ng Unang Panguluhan:

18:29

Ang ating mga templo ay mga buhay at gumaganang patotoo sa ating pananampalataya sa katotohanan ng pagkabuhay na mag-uli.Nagbibigay ang mga ito ng mga sagradong lugar kung saan maisasagawa ng mga buhay ang lahat ng kinakailangang ordenansa ng mortal na buhay para sa mga taong nananahan sa mundo ng mga espiritu.Wala sa mga ito ang magiging makabuluhan kung hindi tayo magkakaroon ng katiyakan na may imortalidad at pagkakataong mabuhay nang walang hanggan ang sansinukob dahil sa Pagkabuhay na Mag-uli ng ating Panginoon at Tagapagligtas na si Jesucristo.(“Resurrection,” Ensign, Mayo 2000, 16)

Paano magdudulot ng pag-asa ang Pagkabuhay na Mag-uli sa mga taong may mga sakit at kapansanan?

Pinatotohanan ni Pangulong Jeffrey R. Holland ng Korum ng Labindalawang Apostol:

14:11

Pinatototohanan ko ang banal na Pagkabuhay na Mag-uli, ang di-masambit na kaloob na bato sa panulok sa Pagbabayad-sala ng Panginoong Jesucristo! …Pinatototohanan ko ang araw na iyon kung saan ang ating mga mahal sa buhay na alam nating may mga kapansanan sa mortalidad ay tatayo sa ating harapan na niluwalhati at maringal, sakdal-ganda sa katawan at isipan.Napakasaya ng sandaling iyon!Hindi ko alam kung magiging mas masaya tayo para sa ating sarili na nasaksihan natin ang gayong himala o mas masaya tayo para sa kanila na ganap na perpekto at “malaya na rin sa wakas.”(“Parang Basag na Sisidlan,” Liahona, Nob. 2013, 42)

Mga Karagdagang Aktibidad sa Pag-aaral

Job 14:10.“Saan siya naroon?“

Maaaring may mga tanong ang mga estudyante tungkol sa kung ano ang nangyayari sa pagitan ng kamatayan at pagkabuhay na mag-uli.Para matulungan silang matuto, maaari mong isulat sa pisara ang mga sumusunod na tanong at scripture reference.Maaari mong hatiin ang mga estudyante sa mga grupo, at magtalaga ng tanong na pag-aaralan sa bawat grupo.Pagkatapos ay maaaring ibahagi ng mga grupo sa klase ang natutuhan nila.

Ano ang mangyayari sa atin pagkatapos nating mamatay?(Lucas 23:43; Alma 40:11)
Ano ang hitsura ng ating espiritu?(Alma 34:34; Eter 3:16)
Ano ang hitsura ng daigdig ng mga espiritu?(1 Pedro 3:18–20; Alma 40:12; Doktrina at mga Tipan 138:50)

Kung may iba pang tanong ang mga estudyante tungkol sa daigdig ng mga espiritu, maaari nilang basahin ang ilang bahagi ng mensahe ni Pangulong Dallin H. Oaks na ”Magtiwala sa Panginoon.”

Bilang alternatibo, maaari mong ipanood ang “What Happens after We Die?“ (1:40).Anyayahan ang mga estudyante na ibahagi ang natutuhan nila na sumasagot sa tanong ni Job.

1:41

Tubig na Buhay

Upang makita ang pangunahing tungkulin ni Jesucristo sa ating pagkabuhay na mag-uli, maaaring basahin ng mga estudyante ang Job 14:1–2, 7–10, at alamin kung paano inihambing ni Job ang mga tao sa mga halaman.

Itinuro ni Job na binubuhay ng tubig ang mga halaman (talata 9).Ipaliwanag na ang isang pangalan para kay Jesucristo ay Tubig na Buhay (tingnan sa Juan 4).Pagkatapos ay maaaring basahin ng mga estudyante ang Juan 11:25 at i-link o i-cross reference ito sa tanong ni Job sa Job 14:14.

“Hindi Nagtagumpay ang Libingan“

Upang matulungan ang mga estudyante na sagutin ang mga tanong ni Job sa Job 14:10, 14, maaari mong ipanood ang “Hindi Nagtagumpay ang Libingan“ mula sa time code na 4:21 hanggang 4:49.Maaaring talakayin ng mga estudyante kung paano nila maaaring sagutin ang mga tanong ni Sister Aburto.

9:19

Pagkatapos ay maaari mong ipanood kung paano nagdala ng pag-asa kay Sister Aburto ang doktrina ng Pagkabuhay na Mag-uli at kung paano nito sinagot ang kanyang mga tanong.Panoorin ang parehong video mula sa time code na 4:49 hanggang 6:51.

9:19

Bilang alternatibo, maaari mong ipanood ang “Reyna Aburto’s Story—Part 1: Heartbreak and Hope“ (9:12).Maaari mong i-pause ang video sa 5:38 para talakayin ang kanyang mga tanong.Pagkatapos ay maaari mong ipanood ang natitirang bahagi ng video upang malaman kung paano nagdala ng pag-asa kay Sister Aburto ang Pagkabuhay na Mag-uli.

9:12

Dahil buhay si Jesucristo, lahat tayo ay mabubuhay muli

Maaari mong ipanood ang “He Lives Again and So Will You“ (2:28) para tapusin ang klase.Habang nanonood ang mga estudyante, maaari nilang pagnilayan ang natutuhan nila tungkol sa Pagkabuhay na Mag-uli ni Jesucristo.Pagkatapos ay maaari silang magbahagi ng mga karagdagang kabatiran na natutuhan nila mula sa video.

2:27