Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

Job 1–3; 12–13: “Ako’y Aasa Pa Rin sa Kanya”

“Job 1–3; 12–13: ‘Ako’y Aasa Pa Rin sa Kanya,’” Manwal ng Titser ng Seminary para sa Lumang Tipan (2026)

“Job 1–3; 12–13: ‘Ako’y Aasa Pa Rin sa Kanya,’” Manwal ng Titser ng Seminary para sa Lumang Tipan

Job 1–3; 12–14; 19; 21–24; 38–40; 42: Lesson 97

Job 1–3; 12–13

“Ako’y Aasa Pa Rin sa Kanya”

The Old Testament prophet Job depicted kneeling on the ground looking up to the light of the Lord. His friends are in the background of the painting. Job has one hand stretched toward the light. (Job 42:1-8)

Nahirapan ka na bang maging tapat sa Diyos sa mga panahon ng paghihirap?Si Job ay isang tapat na tao na nagtamasa ng masaganang buhay.Nawalan si Job ng kayamanan, mga anak, at kalusugan nang hindi inaasahan.Gayunpaman, hindi nawala ang pananampalataya ni Job kay Jesucristo.Ang lesson na ito ay makatutulong sa mga estudyante na makadama ng mas matinding hangaring magtiwala sa Ama sa Langit at kay Jesucristo sa panahon ng mga pagsubok.

Paghahanda ng estudyante: Anyayahan ang mga estudyante na pagnilayan kung paano sila tumugon sa kanilang mga pagsubok.Hilingin sa kanila na pumasok sa klase na handang talakayin ang kanilang mga karanasan.

Mga Posibleng Aktibidad sa Pag-aaral

Bago simulan ang lesson para sa araw na ito, maaaring makatulong na sabihin sa mga estudyante na ang susunod na ilang aklat (Job–Awit ng mga Awit [Song of Solomon]) ay kilala bilang mga aklat ng tula o panitikan ng karunungan.Ang mga aklat na ito ay isinulat sa anyong patula at hindi naglalayong magpahayag ng kasaysayan.Tulad ng ibang banal na kasulatan, maitutuon tayo ng mga aklat na ito kay Jesucristo at matutulungan tayong sundin Siya.(Tandaan: Sinabi ni Joseph Smith na ang Awit ng mga Awit [Song of Solomon] ay “hindi inspiradong akda“ [Joseph Smith Translation, note on Song of Solomon].)

Paano tayo tumutugon sa mga pagsubok

Maaari mong simulan ang klase sa pamamagitan ng pagsulat sa pisara ng “Tao A“ at “Tao B.“Anyayahan ang mga estudyante na gumawa ng isang sitwasyon para sa bawat tao, ang isa ay naglalarawan ng pangmatagalang pagsubok at ang isa ay naglalarawan ng panandaliang pagsubok.Maaaring makatulong ang mga sumusunod na prompt.

Mula noong bata pa si Tao A, kinailangan na niyang humarap sa …
Lalo pang hindi gumaganda ang araw na ito kay Tao B. Nagsimula ito sa …

Matapos magawa ng mga estudyante ang dalawang sitwasyon, anyayahan silang talakayin ang mga sumusunod na tanong para kay “Tao A” at “Tao B.”Maaari nila itong gawin nang magkakapartner o sa maliliit na grupo.

Ano ang mangyayari kung hindi maganda ang naging tugon ng taong ito sa pagsubok?
Ano ang maaaring mangyari kung maganda ang tugon ng taong ito sa pagsubok na ito?
Ano ang maaaring mangyari kung tumugon ang taong ito sa pagsubok na ito nang may tiwala sa Ama sa Langit?

Pagkatapos magkaroon ng oras na magtalakayan ang mga estudyante, tulungan sila na isipin kung paano sila tumutugon sa sarili nilang mga pagsubok.Ang sumusunod ay isang paraan kung paano mo ito magagawa.

Sa scale na 1–5 (ang 1 ay hindi totoo tungkol sa iyo at 5 ay napakatotoo tungkol sa iyo), isipin kung gaano katotoo ang mga sumusunod na pahayag tungkol sa iyo:

Mahusay kong nahaharap ang mga pagsubok.
Humuhugot ako ng lakas sa Ama sa Langit at kay Jesucristo kapag may mga pagsubok.

Maging bukas na maramdaman o matutuhan ang mga bagay tungkol sa Ama sa Langit at kay Jesucristo na maaaring makatulong sa inyong humarap sa inyong mga pagsubok nang may higit na tiwala sa Kanila.

Buhay ni Job

Basahin ang Job 1:1–3, at alamin ang tungkol kay Job.(Tandaan: ang salitang walang kapintasan ay nangangahulugang “ganap, matwid, may integridad.“)

Ano ang nalaman ninyo?

Maaari mong isulat sa pisara ang mga sagot ng mga estudyante.Bago ipagpatuloy ang kuwento ni Job, maaari mong basahin o ibuod ang sumusunod.

Mahalagang maunawaan na si Job ay isang tunay na tao (tingnan sa Doktrina at mga Tipan 121:10), ngunit isinalaysay ang buhay ni Job gamit ang ilang masining na elemento.Halimbawa, sa pagsisimula ng kuwento tungkol kay Job, ang Panginoon at si Satanas ay inilalarawan na nag-usap nang dalawang beses.Ang mga ito ay hindi aktuwal na pag-uusap ng Panginoon at ni Satanas ngunit ipinapakita nito ang ginagawa ni Satanas bilang ating kalaban o kaaway.Maaaring masining na paraan ang mga ito upang maihanda ang mambabasa para sa susunod na mangyayari sa buhay ni Job—ang kanyang mga paghihirap, tukso, at pagkawala ng mga makamundong bagay.

Upang matulungan ang mga estudyante na maunawaan ang unang pag-uusap, maaari mong ipabasa ito sa tatlong boluntaryo.Maaaring basahin ng isang boluntaryo ang mga salita ng tagapagsalaysay, ang isa pa ay ang mga salita ng Panginoon, at ang pangatlo ang mga salita ni Satanas.Sabihin sa mga estudyante na basahin ang mga salita nang hindi isinasadula ang mga ito sa anumang paraan.Maaari mong ipakita ang mga sumusunod na tanong para pag-isipan ng mga estudyante habang nakikinig sila.

Basahin ang Job 1:6–12, at hanapin ang sagot sa mga sumusunod na tanong:

Ano ang mga sinabi ni Satanas tungkol sa pagiging matwid ni Job?
Ano ang gustong mangyari ni Satanas kay Job?

Hayaan ang mga estudyante na ibahagi ang kanilang mga sagot.Kung kinakailangan, tulungan ang mga estudyante na maunawaan na sinabi ni Satanas na matwid lamang si Job dahil pinagpala siya ng Panginoon.Nais ni Satanas na alisin ang mga pagpapala ni Job upang patunayan ang pahayag na iyon.

Halimbawa ni Job

Para sa susunod na bahagi ng kuwento tungkol kay Job, maaari kang gumawa ng chart tulad ng sumusunod sa pisara.Pagkatapos ay maaari mong pagpartner-partnerin o hatiin sa maliliit na grupo ang mga estudyante para kumpletuhin ang chart.Hilingin sa mga grupo na talakayin ang mga kasunod na tanong.Maaaring maging kapaki-pakinabang na lumibot para tulungan at hikayatin ang mga estudyante.(Tandaan: Ang mga bukol ay masasakit na sugat sa balat.“Pinunit” ni Job ang kanyang mga damit at inahitan ang kanyang ulo bilang mga palatandaan ng pagdadalamhati.)

Ano ang dinanas ni Job?	Paano tumugon si Job?
Ano ang dinanas ni Job? Basahin ang Job 1:13–19; 2:7.	Paano tumugon si Job? Basahin ang Job 1:20–22; 2:9–10; 13:15; 23:10.

Ano ang tumimo sa inyo sa tugon ni Job?
Ano ang maaaring naunawaan ni Job tungkol sa Diyos para tumugon sa paraang ginawa niya?

Maaaring banggitin ng mga estudyante na kinilala ni Job na nagmula sa Diyos ang kanyang mga pagpapala (tingnan sa Job 1:21), naunawaan niya na ang mga pagsubok ay bahagi ng plano ng Diyos (tingnan sa Job 2:10), at alam niya na alam ng Diyos ang tungkol sa kanya at na dadalisayin siya ng kanyang mga pagsubok (tingnan sa Job 23:10).

Pagkatapos kumpletuhin ng mga estudyante ang aktibidad, tulungan silang matukoy ang isang katotohanan sa pamamagitan ng pagtatanong ng tulad ng sumusunod.
Ano ang matututuhan natin sa halimbawa ni Job na makatutulong sa atin sa panahon ng mga pagsubok?

Kabilang sa iba pang mga sagot, maaaring matukoy ng mga estudyante ang isang bagay na tulad ng: maaari nating piliing magtiwala sa Diyos sa panahon ng ating mga pagsubok.

Maaari mong anyayahan ang mga estudyante na hanapin at markahan kung saan nila nakikita ang katotohanang ito sa Job 13:15.

Mga halimbawa sa banal na kasulatan

Mag-isip ng mga paraan kung paano mo matutulungan ang mga estudyante na madagdagan ang kanilang tiwala sa Ama sa Langit sa panahon ng kanilang mga pagsubok.Ang isang paraan ay ipahanap sa mga estudyante ang mga banal na kasulatan kung saan ipinaliwanag ng mga tao ang kanilang mga dahilan kung bakit nagtitiwala sila sa Diyos sa panahon ng pagsubok sa kanila.Maaaring gawin ng mga estudyante ang sumusunod na aktibidad.

Maghanap ng halimbawa sa mga banal na kasulatan kung saan pinili ng isang tao na magtiwala sa Diyos sa panahon ng kanyang mga pagsubok.
Markahan ang mga salita o parirala na nagpapaliwanag kung bakit nagtiwala ang taong ito sa Diyos.
Maghandang ipaliwanag kung paano nakatulong o makatutulong sa iyo na magtiwala sa Diyos ang mga konseptong minarkahan mo.

Pangwakas

Maaari mong tapusin ang klase sa pamamagitan ng pag-anyaya sa mga estudyante na magsulat ng maikling sulat para sa kanilang sarili o magpadala ng text sa kanilang sarili na sinasagot ang sumusunod na tanong.Kung magsusulat sila ng maikling sulat, anyayahan silang itupi ito at ilagay sa kanilang bulsa o sa isang lugar kung saan makikita nila ito kalaunan sa araw na iyon.Maaari kang magpatugtog ng malumanay na instrumental na musika habang nagsusulat ang mga estudyante.

Ano ang nadama mo ngayon na nakatulong sa iyo na magtiwala sa Ama sa Langit at kay Jesucristo sa panahon ng mga pagsubok?

Karagdagang Resources

Paano tayo matutulungan ng Tagapagligtas sa panahon ng mga pagsubok?

Isinulat ni Elder Dale G. Renlund ng Korum ng Labindalawang Apostol:

Gustung-gusto ni Jesucristo na ipanumbalik ang hindi natin kayang ipanumbalik, pagalingin ang mga sugat na hindi natin kayang pagalingin, ayusin ang hindi na kayang ayusin, at bayaran ang anumang hindi makatarungang tiniis natin.Sa katunayan, kung hahayaan natin Siya, ilalaan Niya ang ating pagdurusa para sa ating kapakinabangan at pababanalin tayo sa ating pinakamatinding kapighatian.Hindi Lamang Niya tayo aaluin at ipanunumbalik ang nawala (tingnan sa Job 42:10, 12–13), kundi gagamitin Niya ang ating mga pagsubok para sa ating kapakinabangan.

Ang Tagapagligtas ay may kapangyarihang gawing tama ang lahat at nais Niyang gawin ito.Gustung-gusto niyang tuluyang pagalingin ang mga pusong wasak (tingnan sa Mga Awit 147:3).Ang pinakadakilang aral ng aklat ni Job ay na bawat isa sa atin ay maaaring piliing mamuhay na nagtitiwala sa Diyos at sa Kanyang plano, anuman ang mangyari.(“Magtiwala sa Diyos at Hayaan Siyang Manaig,” Liahona, Ago. 2022, 7)

Paano magiging pagpapala ang mga pagsubok?

Sinabi ni Elder Isaac K. Morrison ng Pitumpu:

10:53

Marami tayong nakikitang kuwento sa banal na kasulatan tungkol sa mga dakila at magigiting na lider, gaya nina, Jeremias, Job, Joseph Smith, at Nephi, na dumanas rin ng mga hirap at hamon ng mortalidad.Sila ay mga mortal na natutong sumunod sa Panginoon kahit sa mahihirap na kalagayan. …

Sa pag-iisip sa sarili kong mga karanasan, natanto ko na natutuhan ko ang ilan sa mga pinakamaiinam na aral sa mahihirap na panahon, mga sandali na wala ako sa aking comfort zone.Ang mga hirap ko noong kabataan ko, habang nalalaman ang tungkol sa Simbahan dahil sa seminary, bilang bagong convert, at bilang full-time missionary at mga hamon sa pag-aaral, sa pagsisikap na gampanang mabuti ang mga tungkulin ko, at pagkakaroon ng pamilya ay naghanda sa akin para sa hinaharap.Kapag mas masaya akong tumutugon sa mahihirap na kalagayan nang may pananampalataya sa Panginoon, lalo akong umuunlad sa pagkadisipulo.

Ang mahihirap na bagay sa ating buhay ay hindi dapat ikagulat kapag nakapasok na tayo sa tuwid at makipot na landas.Si Jesus ay “natuto ng pagtalima sa pamamagitan ng mga bagay na kaniyang tiniis.”Sa pagsunod natin sa Kanya, lalo na sa mahihirap na sandali sa ating buhay, lalo tayong magiging katulad Niya.(“Magagawa Natin ang Mahihirap na Bagay sa Pamamagitan Niya,” Liahona, Nob. 2022, 116)

Paano tayo matutulungan ng Tagapagligtas na matiis ang ating mga paghihirap?

Sinabi ni Elder John A. McCune ng Pitumpu:

9:10

Bilang mga alagad ni Cristo, hindi tayo makakaalpas sa mga hamon at pagsubok sa ating buhay.Madalas ay kailangan nating gumawa ng mahihirap na bagay na nakakalula, kung tatangkaing mag-isa, at maaaring imposible.Sa pagtanggap natin sa paanyaya ng Tagapagligtas na “lumapit sa akin,” [Mateo 11:28], maglalaan Siya ng suporta, aliw, at kapayapaang kailangan. …Maging sa pinakamabibigat nating pagsubok, madarama natin ang mainit na yakap ng Kanyang pagmamahal kapag nagtiwala tayo sa Kanya at tinanggap natin ang Kanyang kalooban.Mararanasan natin ang kagalakang nakalaan para sa Kanyang matatapat na disipulo, sapagkat si “Cristo ay kagalakan” [Russell M. Nelson, “Kagalakan at Espirituwal na Kaligtasan,” Liahona, Nob. 2016, 82].(“Lumapit kay Cristo—Pamumuhay bilang mga Banal sa mga Huling Araw,” Liahona, Mayo 2020, 36)

Mga Karagdagang Aktibidad sa Pag-aaral

Kalungkutan at pasakit

Maaaring makinabang ang mga estudyante sa isang talakayan tungkol sa pagharap sa kalungkutan at pasakit.Kung gayon, anyayahan silang basahin ang Job 3:23–25, at alamin kung ano ang naramdaman ni Job nang mawala ang kanyang pamilya, kayamanan, at kalusugan.Ang mga sumusunod na tanong ay maaaring makatulong sa mga estudyante na pahalagahan ang mga pahayag ni Job:

Paano mo ilalarawan ang nadama ni Job tungkol sa kanyang mga pagsubok?
Ano ang maaaring pagkakaiba ng nadaramang kalungkutan at ng nadaramang kawalan ng pag-asa?
Paano natin maaanyayahan ang Ama sa Langit at si Jesucristo na tulungan tayong madaig ang gayong mga damdamin?

Binibigyan ng kapanatagan ang mga nangangailangan ng kapanatagan

Maaaring maging kapaki-pakinabang para sa mga estudyante na isipin ang mga kaibigan ni Job na pinapanatag siya.Bagama’t sa kalaunan ay inakusahan nila si Job na nagkasala, ang kanyang mga kaibigan ay dumating upang makiramay kay Job at panatagin siya.Maaaring basahin ng mga estudyante ang Job 2:11–13, at alamin kung ano ang hinangaan nila tungkol sa mga kaibigan ni Job.Maaaring i-cross reference ng mga estudyante ang mga talatang ito sa Mosias 18:8–10, at hanapin ang kaugnay na payo na ibinigay sa Aklat ni Mormon.

Kailan kayo napagpala ng pagsisikap ng isang tao na panatagin kayo o magdalamhati kasama ninyo?

Maaari mong anyayahan ang mga estudyante na isipin ang isang tao na maaaring nangangailangan ng kanilang pansin.Ipasulat sa kanila ang pangalan ng taong ito.Maaaring magsulat ang mga estudyante ng isang bagay na maaari nilang gawin upang tulungan o panatagin ang taong ito.

Mga aral na natutuhan ni Job sa pamamagitan ng kanyang pagdurusa

Tulungan ang mga estudyante na maunawaan na sa panahon ng pagdurusa ni Job, sa huli ay sinabi ng kanyang mga kaibigan na pinarurusahan ng Diyos si Job dahil sa kasalanan nito.Nang mahirapan si Job sa paratang na ito at sa kanyang sariling mga saloobin, ipinahayag niya kung ano ang inaalam niya tungkol sa Diyos.

Basahin ang Job 12:9–13, 16; 13:15–16 at markahan ang nadama at natutuhan ni Job tungkol sa Diyos.

Ano ang minarkahan ninyo?Bakit tila napakahalaga niyon?
Paano ninyo ibubuod ang mga nadama ni Job sa puntong ito?

Pagdaig sa mga balakid

Pagkatapos mahanap ng mga estudyante ang mga banal na kasulatan kung saan nagtiwala ang mga tao sa Panginoon, maaari ninyong panoorin ang “Crossing the Finish Line: A Story of Overcoming Obstacles” (11:53).Anyayahan ang mga estudyante na alamin ang nalaman ni Dallin na nakatulong sa kanya na magtiwala kay Jesucristo sa panahon ng kanyang mga hamon.

11:52