Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Joba 14; 19: “Fantatro fa velona ny Mpanavotra ahy”

“Joba 14; 19: -Fantatro fa velona ny Mpanavotra ahy,-” Testamenta Taloha: Boky torolalana ho an’ny mpampianatra seminera (2026)

“Joba 14; 19: -Fantatro fa velona ny Mpanavotra ahy,-” Testamenta Taloha: Boky Torolalana ho an’ny Mpampianatra seminera

Joba 1–3; 12–14; 19; 21–24; 38–40; 42: Lesona 98

Joba 14; 19

“Fantatro fa velona ny Mpanavotra ahy”

The resurrected Jesus Christ (dressed in white robes) standing at the entrance to the Garden Tomb. Christ is portrayed looking toward the heavens.

Mety ho sarotra ny mahita fanantenana ao anatin’ny fanamby, anisan’izany ny fahafatesan’ny olona akaikin’ny fo. Nandefa ny Zanany hanantateraka ny Sorompanavotana ny Ray any An-danitra, izay nifarana tamin’ny Fitsanganan’ny Mpamonjy tamin’ny maty avy tao am-pasana. Noho ny Fitsanganan’i Jesoa Kristy tamin’ny maty dia afaka manana fanantenana isika. Afaka manampy ny mpianatra hahatakatra ny fanantenana tonga avy amin’ny Fitsanganan’i Jesoa Kristy tamin’ny maty ity lesona ity.

Fanomanana ny mpianatra: Asao ny mpianatra hihaino na hamaky ny tonon’ilay hira ao amin’ny fihirana hoe “Velona ilay Mpanavotra ahy.” Afaka misafidy izay andian-teny tiany indrindra avy amin’izany hira izany izay hitany fa mitondra fanantenana ho an’ny olona mandalo ady sarotra izy ireo.

Ireo sahanasa fianarana azo atao

Ny trangan-javatra lehibe indrindra teo amin’ny tantara

Asehoy ireto fanontaniana manaraka ireto ary entano ireo mpianatra hifanakalo hevitra momba izany ao anaty vondrona madinika.

Inona avy ireo trangan-javatra izay lazain’ny olona ho manan-danja indrindra teo amin’ny tantaran’ny zanak’olombelona? Nahoana?

Ny Filoha Ezra Taft Benson (1899–1994) dia nizara izao manaraka izao:

Ny zava-niseho lehibe indrindra teo amin’ny tantara dia ireo izay nahakasika olona maro indrindra nandritra ny vanim-potoana lava indrindra. Raha araka io fenitra io dia tsy nisy zava-niseho manan-danja kokoa ho an’ny isam-batan’olona na ny firenena noho ny fitsanganan’ny Tompo tamin’ny maty. (Enseignements des Présidents de l’Église: Ezra Taft Benson [2014], 94)

Makà fotoana hisaintsainana izay zavatra fantatrao mikasika ny Fitsanganan’ny Mpamonjy tamin’ny maty sy ny maha zava-dehibe izany aminao. Azonao atao ihany koa ny mieritreritra ny mahatonga ny Fitsanganan’ny Mpamonjy tamin’ny maty ho ny zava-nitranga manan-danja indrindra teo amin’ny tantara.

Amporisiho ny mpianatra hanasa ny Fanahy Masina hanampy azy ireo hahatakatra kokoa momba ny Fitsanganan’i Jesoa Kristy tamin’ny maty sy ny fanantenana mety ho entin’izany.

Ireo fanontanian’i Joba

Raha nampianatra ny Lesona 97: “Joba 1–3; 12–13” ianao dia azon’ny mpianatra atao ny mizara izay tsaroany mikasika ny fitsapana nahazo an’i Joba. Na azon’izy ireo atao ihany koa ny mamaky ity andiam-pehezan-teny manaraka ity.

Lehilahy marina nandalo fahoriana mafy i Joba. Ringana avokoa ny fananany rehetra, maty avokoa ny zanany miisa 10 rehefa nirodana ny tranony, ary nijaly noho ny fanaintainana mafy tamin’ny vatany izy.

Inona no fanontaniana mety ho anananao raha teo amin’ny toeran’i Joba ianao?

Vakio ny Joba 14:7–14, ary mariho ny fanontaniana roa napetrak’i Joba raha nitady fanantenana tao anatin’ny fahoriany izy.

Raha mila fanampiana amin’ny fahatakarana ny fanontanian’i Joba ao amin’ny andininy 10 ny mpianatra dia azonao hazavaina fa ny zavatra nanontanian’i Joba dia hoe “Ho aiza moa isika rehefa maty?”

Oviana ianao no naheno na nametraka fanontaniana mitovy amin’izany?

I Arthur Patton, iray tamin’ny naman’ny Filoha Thomas S. Monson (1927–2018) tamin’ny fahazazany dia maty tamin’ny Ady Lehibe Faharoa. Nizara ny zavatra niainany ny Filoha Monson rehefa avy nitsidika ny tranon’i Arthur raha vao nahare ny vaovao:

Tamin’ny vavaka tao am-poko, dia nanatona ilay lalana nahazatra mankany amin’ny tranon-dry Patton aho, ary nanontany tena hoe inona re no teny fampiononana hivoaka ny vavan’ity zazalahy ity.

Nisokatra ny varavarana ary namihina ahy Rtoa Patton toy ny ho nataony amin’ny zanany lahy. …

[Rehefa avy niara-nivavaka izahay], dia nijery ahy mivantana Rtoa Patton ary niteny hoe: “Tommy a, tsy manam-piangonana tahaka anao aho. Lazao ahy, mbola ho velona indray ve i Arthur?” (“Rtoa Patton—mitohy ny tantara,” Liahona, nôv. 2007, 22)

Alaivo sary an-tsaina hoe teo amin’ny toeran’ny Filoha Monson ianao. Soraty ao anaty andiam-pehezan-teny fohy ao amin’ny diary fandalinanao soratra masina ny valin-teninao amin’ny fanontaniana napetrak’i Rtoa Patton.

Amporisiho ny mpianatra hanampy izay nosoratany eo am-panohizana ny fandalinana ny Fitsanganan’i Jesoa Kristy tamin’ny maty.

“Fantatro fa velona ny Mpanavotra ahy”

Vakio ny Joba 19:23–27, ary jereo ny valiny nomen’i Joba tamin’ny fanontaniany.

Inona no zavatra fantatr’i Joba fa marina?

Ny mpianatra dia mety hizara zavatra toy ny hoe noho i Jesoa Kristy dia hitsangana amin’ny maty isika ary hahita an’ Andiamanitra indray.
Inona no ampianarin’ny andininy 23–24 antsika mikasika ny fahatsapan’i Joba mikasika io fahamarinana io?
Inona no mety ho fiantraikan’izany fahalalana momba an’i Jesoa Kristy izany teo amin’i Joba raha niaritra fitsapana izy?
Ahoana no ahafahan’io fahalalana io manampy antsika?

Afaka mamaky ity teny nambara manaraka ity samirery ny mpianatra ary mizara izay nisongadina taminy avy amin’izany.

Ny Filoha Dallin H. Oaks ao amin’ny Fiadidiana Voalohany dia mizara ireo fomba vitsivitsy hitondran’ny fahalalana ny Fitsanganan’i Jesoa Kristy tamin’ny maty fanantenana ho antsika:

Ny Fitsanganana amin’ny maty no andry azo antoka ho an’ny tena manokana iankinan’ny finoantsika. Mampisy lanja ny fotopampianarantsika izany, hery mandrisika ny fitondrantenantsika, ary fanantenana ho an’ny hoavintsika. …

Ny Fitsanganana amin’ny maty dia manome antsika fomba fijery sy tanjaka ahafahana mazaka ireo olana eto an-tany atrehantsika tsirairay sy atrehan’ireo olona ankamamiantsika. Manome antsika fomba vaovao hiheverana ireo tsy fahatomombanana ara-batana, na ara-tsaina, na ara-pihetseham-po ananantsika amin’ny fahaterahana na azontsika mandritra ny fiainana an-tany izany. Manome antsika tanjaka hazakana ny alahelo, ny tsy fahombiazana ary ny fahasorenana izany. Koa satria efa azo antoka ny hahazoan’ny tsirairay amintsika ny fitsanganana amin’ny maty dia fantatsika fa izany tsy fahatomombanana iainana eto an-tany sy fanoherana izany dia mandalo fotsiny ihany. (“Inona no nataon’ny Mpamonjintsika ho antsika?,” Liahona, mey 2021, 75)

Oviana ianao no nahita olona nahazo fanantenana noho ny finoany an’i Jesoa Kristy sy ny Fitsanganany tamin’ny maty?

Mahatakatra ny Fitsanganana amin’ny maty

Alohan’ny hampisehoana ity torolalana manaraka ity dia azonao atao ny mifanakalo hevitra ny amin’ny fomba hanamafisantsika orina ny teny lazaintsika na soratantsika amin’ny alalan’ny fampifandraisana izany amin’ny tenin’ny Mpamonjy sy ny an’ny mpaminaniny. Fomba iray ahafahantsika manao izany ny fampiasana fehezan-teny avy amin’ny soratra masina.

Ataovy ao amin’ilay andiam-pehezan-teny nosoratanao ho valin’ny fanontaniana napetrak’i Rtoa Patton izao manaraka izao:

Ampio fehezan-teny iray na roa avy amin’ny zavatra nianaranao na tsapanao androany mikasika an’i Jesoa Kristy sy ny fanantenana azontsika noho ny Fitsanganany tamin’ny maty izany. Asio fehezan-teny avy amin’ny Joba 19:25–27 ao anatiny.
Ampio fehezan-teny iray na roa izay mampiasa teny na fehezan-teny avy amin’ny soratra masina na avy amin’ny teny nambaran’ny mpitarika ao amin’ny Fiangonana izany. Rehefa manao izany dia afaka mitady ny teny hoe “Fitsanganana amin’ny maty” ao amin’ny Sujets de l’Évangile ianao, Torolalana ho an’ny Soratra Masina, na Lohahevitra sy fanontaniana. Azonao atao ihany koa ny mijery ny ao amin’ny pejy 48, 55–56, sy 58 ao amin’ny Torio ny Filazantsarako: Torolalana ho an’ny fizarana ny filazantsaran’i Jesoa Kristy (2023).

Loharanom-pitaovana fanampiny

Inona no ampianarin’ny Fitsanganan’i Jesoa Kristy tamin’ny maty antsika?

Nampianatra izao ny Loholona D. Todd Christofferson ao amin’ny Kôlejin’ny Apôstôly Roambinifolo:

13:20

Ny Fitsanganan’i Jesoa Kristy tamin’ny maty dia vavolombelon’ny maha Andriamanitra Azy ary koa ny hoe nandresy ny zava-drehetra Izy. Ny Fitsanganany tamin’ny maty dia vavolombelona fa raha miray Aminy ao amin’ny fanekempihavanana isika, dia ho afaka koa handresy ny zava-drehetra ary ho tonga iray. Ny Fitsanganana tamin’ny maty dia vavolombelona fa noho Izy dia tena misy ny tsy fahafatesana sy ny fiainana mandrakizay. (“Iray ao amin’i Krsity,” Liahona, mey 2023, 79–80)

Nahoana no maneho ny finoantsika ny Fitsanganana tamin’ny maty ny tempoly?

Nanazava toy izao ny Filoha Dallin H. Oaks ao amin’ny Fiadidiana Voalohany:

18:29

Ny tempolintsika dia fijoroana ho vavolombelona velona sy miasa ny amin’ny finoantsika amin’ny fisian’ny fitsanganana amin’ny maty. Manome toerana masina hanatanterahan’ny mpisolo tena velona ireo ôrdônansy ilaina rehetra amin’ny fiainana an-tany ho an’ireo izay miaina any amin’ny tontolon’ny fanahy izy ireny. Tsy hisy dikany avokoa izany rehetra izany raha tsy nanana antoka ny amin’ny tsy fahafatesana ho an’ny rehetra isika sy ny fahafahana manana fiainana mandrakizay noho ny Fitsanganan’i Tompo Mpamony antsika, i Jesoa Kristy, tamin’ny maty. (“Fitsanganana amin’ny maty,” Ensign, May 2000, 16)

Amin’ny fomba ahoana no ahafahan’ny Fitsanganana amin’ny maty mitondra fanantenana ho an’ny olona manana aretina sy kilema?

Nijoro ho vavolombelona ny Filoha Jeffrey R. Holland ao amin’ny Kôlejin’ny Apôstôly Roambinifolo hoe:

14:12

Mijoro ho vavolombelona aho ny amin’ny Fitsanganana masina amin’ny maty, ilay fanomezana tsy takatry ny saina izay vatofehizoro ao amin’ny Sorompanavotan’ilay Jesoa Kristy Tompo! … Mijoro ho vavolombelona aho ny amin’ilay andro izay hahitantsika fa ireo olona akaikin’ny fontsika izay fantatsika fa nanana fahalemena teto amin’ity fiainana an-tany ity, dia hijoro eo anoloantsika amin’ny fomba tena feno voninahitra sy mahatalanjona, ka ho tonga lafatra tanteraka na amin’ny vatana izany na amin’ny saina. Tena ho fotoana hahafinaritra izaitsizy tokoa izany! Tsy fantatro raha toa isika ho sambatra kokoa ho an’ny tenantsika noho ny anatrehantsika maso ny fahagagana toy izany na ho sambatra kokoa ho azy ireo noho izy ireo ho tonga lafatra tanteraka ary “afaka ihany” nony farany. (“Tahaka ny vilany ariana,” Liahona, nôv. 2013, 42)

Sahanasa fianarana fanampiny

Joba 14:10. “Aiza no misy [A]zy?”

Mety hametraka fanontaniana mikasika izay mitranga eo anelanelan’ny fahafatesana sy ny fitsanganana amin’ny maty ny mpianatra. Mba hanampiana azy ireo hianatra dia afaka manoratra ireto fanontaniana sy toko sy andinin-tsoratra masina manaraka ireto eny amin’ny solaitrabe ianao. Azonao atambatra anaty vondrona ny mpianatra dia ampandraiketo fanontaniana hohalalinina ny vondrona tsirairay avy. Afaka mizara izay nianarany amin’ny rehetra ny vondrona avy eo.

Inona no mitranga amintsika aorian’ny fahafatesantsika? (Lioka 23:43; Almà 40:11)
Toy ny ahoana ny fanahintsika? (Almà 34:34; Etera 3:16)
Toy ny ahoana ny tontolon’ny fanahy? (1 Petera 3:18–20; Almà 40:12; Fotopampianarana sy Fanekempihavanana 138:50)

Raha mbola manana fanontaniana fanampiny mikasika ny tontolon’ny fanahy ny mpianatra dia afaka mijery ny sombin’ny lahateny hoe “Matokia ny Tompo” nataon’ny Filoha Dallin H. Oaks izy ireo.

Azonao atao ihany koa ny mampiseho ny “What Happens after We Die?” (1:40). Entano ny mpianatra hizara izay nianarany ka afaka mamaly ny fanontaniana napetrak’i Joba.

1:41

Rano velona

Mba hahitana ny anjara asa fototra tanan’i Jesoa Kristy amin’ny fitsanganantsika amin’ny maty dia azon’ny mpianatra atao ny mamaky ny Joba 14:1–2, 7–10, ary mijery ny fomba nanoharan’i Joba ny olona amin’ny zava-maniry.

Mampianatra i Joba fa mamelona indray ny zava-maniry ny rano (andininy 9). Hazavao fa anarana iray iantsoana an’i Jesoa Kristy ny hoe Rano Velona (jereo Jaona 4). Azon’ny mpianatra atao avy eo ny mamaky ny Jaona 11:25 ary mampitohy na mampifandray izany amin’ny fanontanian’i Joba ao amin’ny Joba 14:14.

“Tsy manana fandresena ny fasana”

Mba hanampiana ny mpianatra hamaly ny fanontanian’i Joba Joba 14:10, 14, dia azonao alefa ny “The Grave Has No Victory” manomboka amin’ny kaodim-potoana 4:21 ka hatramin’ny 4:49. Afaka mifanakalo hevitra ny mety ho havaliny ny fanontanian’i Rahavavy Aburto ny mpianatra.

9:19

Azonareo jerena avy eo ny fomba nitondran’ny fotopampianaran’ny Fitsanganana amin’ny maty fanantenana ho an’i Rahavavy Aburto sy ny namalian’izany ny fanontaniany. Jereo manomboka amin’ny kaodim-potoana 4:49 ka hatramin’ny 6:51 ny horonan-tsary.

9:19

Azonao atao ihany koa ny mampiseho ny “Reyna Aburto’s Story—Part 1: Heartbreak and Hope” (9:12). Azonao atsahatra eo amin’ny minitra 5:38 ilay horonan-tsary mba hanaovana fifanakalozan-kevitra momba ilay fanontaniany. Azonareo jerena ny ambin’ilay horonan-tsary avy eo mba hahitana ny fomba nitondran’ny Fitsanganana amin’ny maty fanantenana ho an’ny Rahavavy Aburto.

9:12

Koa satria velona Jesoa Kristy dia ho velona indray isika rehetra

Hevero ny mijery ny “He Lives Again and So Will You” (2:28) ho famaranana ny fampianarana. Rehefa mijery izany ny mpianatra dia afaka mandinika ny zavatra nianarany mikasika ny Fitsanganan’i Jesoa Kristy tamin’ny maty izy ireo. Afaka mizara izay hevi-baovao fanampiny voarainy avy amin’ilay horonan-tsary izy ireo avy eo.

2:28