Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Joba 1–3; 12–13: “Mbola hanantena Azy ihany aho”

“Joba 1–3; 12–13: -Mbola hanantena Azy ihany aho,-” Testamenta Taloha: Boky torolalana ho an’ny mpampianatra seminera (2026)

“Joba 1–3; 12–13: -Mbola hanantena Azy ihany aho,-” Testamenta Taloha: Boky torolalana ho an’ny mpampianatra seminera

Joba 1–3; 12–14; 19; 21–24; 38–40; 42: Lesona 97

Joba 1–3; 12–13

“Mbola hanantena Azy ihany aho”

The Old Testament prophet Job depicted kneeling on the ground looking up to the light of the Lord. His friends are in the background of the painting. Job has one hand stretched toward the light. (Job 42:1-8)

Efa nisy fotoana ve sarotra taminao ny nahatoky an’ Andriamanitra nandritra ny fotoan-tsarotra? Lehilahy mahatoky sady nanana fiainana feno fitahiana i Joba. Tsy nampoizina anefa fa namoy ny fananany sy ny zanany ary ny fahasalamany i Joba. Kanefa dia tsy nanary ny finoany an’i Jesoa Kristy i Joba. Ity lesona ity dia afaka manampy ny mpianatra hahatsapa faniriana miavosa hatoky ny Ray any An-danitra sy i Jesoa Kristy mandritra ireo fisedrana.

Fanomanana ny mpianatra: Entano ny mpianatra hisaintsaina ny fihetsiny eo anatrehan’ireo fisedrana lalovany. Amporisiho ny mpianatra ho tonga vonona ao an-dakilasy hifanakalo hevitra mikasika ny zavatra niainany.

Ireo sahanasa fianarana azo atao

Alohan’ny hanomboana ny lesona androany dia mety hanampy ny milaza amin’ny mpianatra fa ny boky maromaro manaraka (Joba–Tononkiran’i Solomona) dia antsoina hoe boky tononkalo na literatioran’ny fahendrena. Amin’ny endrika tononkalo no nanoratana ireo boky ireo fa tsy natao hilazana tantara. Tahaka ny soratra masina hafa dia mitondra antsika mankany amin’i Jesoa Kristy ireo boky ireo ary manampy antsika hanaraka Azy. (Fanamarihana: Ambaran’i Joseph Smith ho “asasoratra tsy nentanim-panahy” ny Tononkiran’i Solomona [Dikantenin’i Joseph Smith, fanamarihana momba ny Tononkiran’i Solomona].)

Ahoana no fomba hiantrehantsika ny fitsapana

Hevero ny hanomboka ny fotoam-pianarana amin’ny fanoratana eny amin’ny solaitrabe hoe “Olona A” sy “Olona B”. Entano ny mpianatra hamorona rafi-tantara ho an’ireo olona roa ireo, ny iray mandalo fitsapana maharitra ary ny iray hafa mandalo fitsapana mandritra ny fotoana fohy. Mety hanampy ireto tari-dresaka manaraka ireto.

Hatramin’ny fahazazan’i Olona A, izy dia voatery niatrika …
Miharatsy hatrany ny tontolo andron’i Olona B. Izany dia nanomboka tamin’ny …

Rehefa voafaritry ny mpianatra ny rafi-tantara ho an’ireo olona roa ireo, dia entano izy ireo hifanakalo hevitra momba ireto fanontaniana manaraka ireto ho an’ny “Olona A” sy ny “Olona B.” Azon’izy ireo atao ny manao izany tsiroaroa na ao anaty vondrona madinika.

Inona no mety hitranga raha ohatra ka tsy dia mahay miatrika an’io fisedrana io araka ny tokony ho izy io olona io?
Inona no mety hitranga raha ohatra ka mahay miatrika tsara an’io fisedrana io ilay olona?
Inona no mety hitranga raha amin’ny fahatokiana ny Ray any An-danitra no hiatrehan’io olona io an’io fisedrana io?

Rehefa nomena fotoana hifanakalozan-kevitra ny mpianatra, dia ampio izy ireo hieritreritra ny fomba hiatrehany ny fitsapana manokana eo amin’ny fiainany. Fomba iray ahafahanao manao izany ity manaraka ity.

Amin’ny mari-drefy 1–5 (ny 1 dia hoe tsy marina velively ary ny 5 dia marina lalandava), dia hevero ny fahamarinan’ireto teny ambara manaraka ireto raha ny momba anao:

Haiko tsara ny miatrika ireo fitsapana.
Mahita hery avy amin’ny Ray any An-danitra sy i Jesoa Kristy aho mandritra ireo fitsapana.

Misokafa amin’ny fahatsapana na zavatra nianarana mikasika ny Ray any An-danitra sy i Jesoa Kristy izay afaka hanampy anao amin’ny fiatrehana ireo fisedrana mahazo anao miaraka amin’ny fahatokiana betsaka kokoa Azy Ireo.

Ny fiainan’i Joba

Vakio ny Joba 1:1–3 dia tadiavo izay zavatra azonao ianarana momba an’i Joba. (Fanamarihana: ny teny hoe tanteraka dia adika hoe “feno, nahavita, manana fahamarinana.”)

Inona no hitanao?

Azonao atao ny manoratra ny valin-tenin’ny mpianatra eny amin’ny solaitrabe. Alohan’ny hanohizana ny tantaran’i Joba dia hevero ny hamaky na hamintina ireto manaraka ireto.

Zava-dehibe ny mahatakatra fa olona tena nisy i Joba (jereo ny Fotopampianarana sy Fanekempihavanana 121:10), saingy ny fomba nitantarana ny fiainan’i Joba dia misy endrika tononkalo vitsivitsy. Eo am-piandohan’ny tantaran’i Joba ohatra, dia nofariparitana ho niresadresaka in-droa ny Tompo sy i Satana. Tsy tena nisy fifandraisana anefa teo amin’ny Tompo sy i Satana fa hoentina hanehoana ny anjara asan’i Satana amin’ny maha mpifanandrina na fahavalontsika azy fotsiny izany. Afaka ny ho fomba amin’ny endrika tononkalo hanomanana ny mpamaky ny amin’ny tohin’ny tantaran’i fiainan’i Joba izany—ny fahoriany, ny fakam-panahiny, ary ny fahaverezan’ny fananany ara-materialy.

Mba hanampiana ny mpianatra hahatakatra ilay resadresaka voalohany dia azonao atao ny mangataka mpianatra manolo tena telo hamaky. Ny iray dia hamaky ny tenin’ilay mpitantara, ny iray hafa hamaky ny tenin’ny Tompo ary ny fahatelo ny tenin’i Satana. Entano ny mpianatra hamaky ireo teny amin’ny fomba tsy manitatra izany. Azonao atao ny mampiseho ireto fanontaniana manaraka ireto mba hosaintsainin’ny mpianatra eo am-pihainoan’izy ireo izany.

Vakio ny Joba 1:6–12 hitadiavana ny valin’ireto fanontaniana manaraka ireto:

Inona no zavatra nambaran’i Satana mikasika ny fahamarinan’i Joba?
Inona no tian’i Satana hitranga tamin’i Joba?

Avelao ny mpianatra hizara ny valiny avy amin’izy ireo. Raha ilaina dia ampio ny mpianatra hahatakatra fa i Satana dia nanambara fa noho ny fitahian’ny Tompo azy ihany no nahatonga an’i Joba handeha araka ny fahamarinana. Tian’i Satana esorina tamin’i Joba izany fitahiana izany mba hanaporofoana izany fanambarany izany.

Ny ohatra nasehon’i Joba

Ao amin’ny fizarana manaraka amin’ny tantara dia afaka manao sarina tabilao tahaka ity manaraka ity eny amin’ny solaitrabe ianao. Azonao atao ny manambatra ny mpianatra tsiroaroa na anaty vondrona madinika avy eo mba hameno ilay tabilao. Angataho ny vondrona hifanakalo hevitra mikasika ireto fanontaniana manaraka ireto. Mety hanampy ny fivezivezenao manakaiky ny mpianatra ary mamporisika azy ireo. (Fanamarihana: Ny vay dia aretin-koditra manaintaina be. “Nandriatra” na nandrovitra ny lambany sy nanaratra ny lohany ho mariky ny fisaonana i Joba.)

Inona no fijaliana nahazo an’i Joba?	Inona no nasetrin’i Joba izany?
Inona no fijaliana nahazo an’i Joba? Vakio ny Joba 1:13–19; 2:7.	Inona no nasetrin’i Joba izany? Vakio ny Joba 1:20–22; 2:9–10; 13:15; 23:10.

Inona no nanaitra anao tamin’ny teny na zavatra nasetrin’i Joba?
Inona no zavatra mety ho fantatr’i Joba momba an’ Andriamanitra ka nahatonga azy nanao fihetsika toy izany?

Mety hilaza ny mpianatra fa neken’i Joba fa avy amin’ Andriamanitra ny fitahiana azony (jereo ny Joba 1:21), takany fa ao anatin’ny drafitr’ Andriamanitra ny fitsapana (jereo ny Joba 2:10), ary fantany fa tsy nanadino azy Andriamanitra ary ny fitsapana natrehany dia hanefy azy (jereo ny Joba 23:10).

Rehefa vitan’ny mpianatra ny sahanasa, dia ampio izy ireo hamantatra fahamarinana amin’ny alalan’ny fametrahana fanontaniana toy izao manaraka izao.
Inona no azontsika ianarana avy amin’ny ohatra nasehon’i Joba ka mety hanampy antsika ao anatin’ny fitsapana mahazo antsika?

Ankoatra ny valiny omen’ny mpianatra dia mety hahita zavatra toy izao manaraka izoa izy ireo: afaka misafidy ny hatoky an’ Andriamanitra isika mandritra ny fitsapana antsika.

Azonao atao ny manentana ny mpianatra hitady sy hanisy marika ny toerana nahitany izany fahamarinana izany ao amin’ny Joba 13:15.

Ohatra ao amin’ny soratra masina

Hevero ireo fomba hanampiana ny mpianatra hampitombo ny fatokiany ny Ray any An-danitra ao anatin’ny fitsapana mahazo azy ireo. Fomba iray hanaovana izany ny fanentanana ny mpianatra hijery soratra masina mampiseho olona manazava ny antony hitokiany amin’ Andriamanitra mandritra ny fitsapana iray. Azon’ny mpianatra atao ity sahanasa manaraka ity.

Mitadiava ohatra ao amin’ny soratra masina ahitana olona nisafidy ny hatoky an’ Andriamanitra nandritra ny fitsapana azy.
Mariho ny teny na andian-teny manazava ny antony nitokian’io olona io an’ Andriamanitra.
Miomàna hanazava ny antony mahatonga an’io foto-kevitra nasianao marika io manampy na mety hanampy anao hatoky an’ Andriamanitra.

Fehiny

Azonao faranana ny fotoam-pianarana amin’ny fanasana ny mpianatra hanoratra teny kely ho an’ny tenany na handefa hafatra ho an’ny tenany izay hamaliana ireto fanontaniana manaraka ireto. Raha manoratra teny kely izy ireo dia asao izy ireo hanaforitra izany ary hametraka izany ao am-paosiny na amin’ny toerana hahitany izany any aoriana any amin’io andro io. Azonao atao ny mandefa hira malefaka mandritra ny fotoana hanoratan’ny mpianatra.

Inona no tsapanao androany ka nanampy anao haniry hatoky ny Ray any An-danitra sy i Jesoa Kristy mandritra ny fitsapana?

Loharanom-pitaovana fanampiny

Ahoana no fomba anampian’ny Mpamonjy antsika mandritra ny fitsapana?

Nanoratra toy izao ny Loholona Dale G. Renlund ao amin’ny Kôlejin’ny Apôstôly Roambinifolo:

Tian’i Jesoa Kristy ny mamerina amin’ny laoniny izay tsy azontsika averina, manasitrana ny ratra izay tsy haintsika sitranina, hanamboatra izay rava ka tsy azo amboarina intsony, ary manonitra izay tsy rariny niaretantsika. Raha ny marina, raha avelantsika Izy dia hanokana ny fijaliantsika ho tombony ho antsika ary hanamasina ho antsika ny fahoriantsika lalina indrindra. Tsy hampionona sy hamerina amin’ny laoniny izay very fotsiny ihany izy (jereo ny Joba 42:10, 12–13) fa hampiasa ny fitsapana ho tombontsoa ho antsika ihany koa.

Manana ny fahefana handamina ny zava-drehetra ny Mpamonjy ary tena maniry ny hanao izany tokoa Izy. Tiany ny manasitrana tanteraka eny fa na dia ny fo efa torotoro aza (jereo ny Salamo 147:3). Ny lesona lehibe indrindra ao amin’ny bokin’i Joba dia ny ahafahantsika tsirairay misafidy ny hiaina ny fiainantsika ao anatin’ny fatokiana an’ Andriamanitra sy ny drafiny, na inona na inona mitranga. (“Mahatokia an’ Andriamanitra ary avelao Izy hanjaka,” Liahona, aogositra 2022, 7)

Amin’ny fomba ahoana ny fitsapana no afaka ny ho lasa fitahiana?

Hoy ny Loholona Isaac K. Morrison ao amin’ny Fitopoloahy:

10:52

Mahita tantara maro ao amin’ny soratra masina momba ireo mpitarika lehibe sy mendri-kaja isika, toa an’i Jeremia, Joba, Joseph Smith, ary Nefia, izay tsy afa-bela tamin’ireo ady sy fanambin’ny fiainana an-tany. Olombelona izay nianatra nankatò ny Tompo na dia tao anatin’ny toe-javatra sarotra izy ireo. …

Rehefa misaintsaina ny zavatra niainako manokana aho, dia tsapako fa nianatra ny sasany tamin’ireo lesona tsara indrindra azoko nandritra ireo fotoana farany izay sarotra indrindra teo amin’ny fiainako, fotoana izay tsy nampiadana ahy. Ny fahasarotana natrehako fony aho zatovo, teo am-pianarana momba ny Fiangonana tamin’ny alalan’ny seminera, tamin’ny naha-olona vao niova fo ahy, sy tamin’ny naha-misiônera ahy tamin’ny fotoana feno sy ireo fanamby natrehako teo amin’ny fianarako, tamin’ny fiezahana hanatontosa antsakany sy andavany ireo antsoko, ary tamin’ny fanorenana fianakaviana, dia nanomana ahy ho amin’ny hoavy. Arakaraka ny fiatrehako amim-pifaliana ireo toe-javatra sarotra miaraka amin’ny finoana ny Tompo no hitomboako kokoa amin’ny maha-mpianatry ny Tompo ahy.

Ireo zava-tsarotra eo amin’ny fiainantsika dia tsy tokony hahagaga raha vao niditra ny lalana ety sy tery isika. I Jesoa kristy dia nianatra “fanarahana tamin’izay fahoriana nentiny.” Rehefa manaraka Azy isika, indrindra amin’ny fotoan-tsarotra lalovantsika, dia afaka mitombo ho tonga tahaka Azy kokoa. (“Mahefa zava-tsarotra isika amin’ny alalany,” Liahona, nôv. 2022, 116)

Ahoana no anampian’ny Mpamonjy antsika haharitra ireo fahoriantsika?

Nilaza ny Loholona John A. McCune ao amin’ny Fitopololahy hoe:

9:10

Amin’ny maha-mpanara-dia an’i Kristy antsika dia samy handalo fanamby sy fitsapana avokoa isika eo amin’ny fiainantsika. Mazàna isika no takina hanao zavatra sarotra izay, raha andramana hatao irery dia, ho mavesatra sy mety tsy ho vita. Rehefa manaiky ilay fanasan’[ny Mpamonjy] manao hoe “mankanesa aty amiko” [Matio 11:28], isika dia homeny izay fanampiana sy fampiononana ary fiadanana izay ilaina. … Na dia mandritra ireo fitsapana faran’izay mafy aza dia afaka mahatsapa Azy mamihina antsika am-pitiavana isika rehefa mitoky Aminy sy manaiky ny sitrapony. Afaka miaina ny fifaliana nomanina ho an’ny mpianatra mahatoky isika, satria “i Kristy dia fifaliana” [Russell M. Nelson, “Fifaliana sy fahavelomana ara-panahy,” Liahona, nôv. 2016, 82]. (“Manatona an’i Kristy—Miaina ny maha-Olomasin’ny Andro Farany ny tena,” Liahona, mey 2020, 36)

Sahanasa fianarana fanampiny

Alahelo sy fangirifiriana

Mety hahasoa ny mpianatra raha mifanakalo hevitra mikasika ny fiatrehana ny alahelo sy ny fangirifiriana. Raha izany no izy dia asao izy ireo hamaky ny Joba 3:23–25, ary hitady ny fahatsapan’i Joba rehefa namoy ny fianakaviany sy ny harenany izy ary narary. Ireto fanontaniana manaraka ireto dia mety hanampy ny mpianatra hankasitraka ny zavatra nasehon’i Joba:

Ahoana no hamariparitanao ny fahatsapan’i Joba mikasika ny fitsapana nahazo azy?
Inona no mety tsy hampitovy ny fahatsapana ho malahelo amin’ny fahatsapana ho kivy?
Ahoana no fomba hahafahantsika manasa ny Ray any An-danitra sy i Jesoa Kristy hanampy antsika handresy ny fahatsapana toy izany?

Mampionona ireo izay mila fampiononana

Mety hanampy ny mpianatra ny mieritreritra momba ireo naman’i Joba nampionona azy. Na dia nanameloka an’i Joba ho mpanota azy ireo namany taty aoriana, dia tonga niara-nisaona tamin’i Joba sy nampionona azy izy ireo tamin’ny voalohany. Azon’ny mpianatra atao ny mamaky ny Joba 2:11–13, ary mijery izay nanaitra azy ireo mikasika ny naman’i Joba. Azon’ny mpianatra hampifandraisina amin’ny Môzià 18:8–10 ireo andininy ireo ka mitady ny torohevitra mifandray amin’izany ao amin’ny Bokin’i Môrmôna.

Oviana ianao no notahiana noho ny ezaka nataon’ny olona hafa nampionona na niara-nalahelo taminao?

Azonao atao ny manentana ny mpianatra hieritreritra olona mety mila ny fanampian’izy ireo. Ataovy soratany ny anaran’io olona io. Azon’ny mpianatra atao avy eo ny manoratra zavatra azony hatao hanampiana na hampiononana io olona io.

Ireo lesona nianaran’i Joba tamin’ny alalan’ny fijaliany

Ampio ny mpianatra hahatakatra fa nandritra ny fijalian’i Joba dia nandroso ny namany tamin’ny farany fa tsy maintsy hoe nanasazy an’i Joba izay Andriamanitra. Raha mbola niady saina ny amin’izany fanamelohana izany sy ny eritreriny manokana i Joba dia nilaza izay zavatra nahatonga azy hahalala an’ Andriamanitra izy.

Vakio ny Joba 12:9–13, 16; 13:15–16 ary mariho ny zavatra tsapan’i Joba sy nianarany momba an’ Andriamanitra.

Inona no nasianao marika? Nahoana no manan-danja izany?
Ahoana no hamintinanao ny fahatsapana tao anatin’i Joba tamin’io fotoana io?

Mandresy ireo sakana

Rehefa nahita soratra masina mampiseho olona natoky ny Tompo ny mpianatra dia azonao atao ny mijery ny “Crossing the Finish Line: A Story of Overcoming Obstacles” (11:53). Entano ny mpianatra hijery ny zavatra fantatr’i Dallin ka nanampy azy hatoky an’i Jesoa Kristy tao anatin’ireo olana natrehany.

11:52