Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Estera, Fizarana 2: “Raha tàhiny maty aho, dia maty”

“Estera, Fizarana 2: -Raha tàhiny maty aho, dia maty,-” Testamenta Taloha: Boky torolalana ho an’ny mpampianatra seminera (2026)

“Estera, Fizarana 2: -Raha tàhiny maty aho, dia maty,-” Testamenta Taloha: Boky torolalana ho an’ny mpampianatra seminera

Estera: Lesona 95

Estera, Fizarana 2

“Raha tàhiny maty aho, dia maty”

Screenshot from the video Esthers Courage

Amin’ny maha mpanara-dia an’i Jesoa Kristy antsika dia ho avy ny fotoana ilantsika maneho herim-po, na dia tsy mitovy aza ny toe-javatra mitranga eo amin’ny fiainantsika. Naneho herim-po i Estera rehefa niantehitra tamin’ny Tompo teo am-piatrehana toe-javatra mety hiafara amin’ny fahafatesana mba hanavotana ny vahoakany. Ity lesona ity dia afaka manampy ny mpianatra hanana herim-po ka hanao ny sitrapon’ny Tompo.

Fanomanana ny mpianatra: Entano ny mpianatra hiomana hizara ohatra hitany tamin’ny olona fantany ka naneho fahasahiana mba hanaovany ny sitrapon’ny Tompo

Ireo sahanasa fianarana azo atao

Antso mba hanana herim-po

Azonao atao ny manomboka ny fampianarana amin’ny fizarana zavatra niainana ahitana olona iray maneho herimpo, toy ity tantara manaraka ity.

Nizara ity tantara manaraka ity ny Filoha Thomas S. Monson:

16:18

Rehefa nanompo tao amin’ny tafika an-dranomasin’i Etazonia aho tamin’ny Ady Lehibe Faharoa dia nahita izany hoe asa mendri-piderana, sy toe-javatra nisehoan’ny fahasahiana ary ohatra maneho herim-po izany. Ny iray tamin’izany izay tsy hohadinoiko velively dia ilay herim-po mangina nananan’ny tantsambo 18 taona iray—tsy mpikambana ato amin’ny Fiangonantsika—izay tsy mba menamenatra nivavaka. Tao anatin’ireo lehilahy miisa 250 tao anatin’ilay andian-tafika, dia izy irery ihany no nandohalika teo akaikin’ny fandriany isak’alina ary indraindray teo anivon’ny fandrabirabiana sy fananihaniana nataon’ireo tsy mpino. Nanondrika ny lohany izy ary nivavaka tamin’ Andriamanitra. Tsy mba natahotra velively izy. Tsy nisalasala velively. Nanana herim-po izy. (“Mahereza sy matanjaha,” Liahona, mey 2014, 67)

Iza no anarana tonga ao an-tsainao rehefa mahare ny teny hoe herim-po ianao?
Inona no trangan-javatra mety hilan’ny zatovo Olomasin’ny Andro Farany maneho herim-po?

Mieritrereta trangan-javatra manokana, toy ny any am-pianarana, any an-trano, na miaraka amin’ny namana, izay ahatsapanao fa mila anao maneho herim-po bebe kokoa ny Ray any An-danitra. Soraty ao anatin’ny diary fandalinanao izany trangan-javatra izany.

Eo am-pandalinanao ny tohin’ny tantaran’i Estera dia angataho ny Fanahy Masina hanampy anao hamantatra fa afaka manampy anao hiatrika izany trangan-javatra izany amin-kerim-po ny Ray any An-danitra sy i Jesoa Kristy.

Ny herim-pon’i Estera

Mormon Messages: Having Courage & Trusting the Lord: Stand Up for What You Believe In

Lasa mpanjakavavin’ny Mpanjaka Ahasoerosy tao Persia i Estera. I Mordekay, mpiahy an’i Estera dia tsy nanaiky hiankohoka teo anatrehan’i Hamana, lehiben’ny mpanompon’ny mpanjaka. Tezitra ary nahazo lalana avy amin’ny mpanjaka handringana ny Jiosy rehetra tao amin’ny fanjakana i Hamana. Nangataka an’i Estera hiresaka amin’ny mpanjaka i Mordekay ary niteny azy fa mety “ho amin’izao andro izao mihitsy” (Estera 4:14) no nametrahan’ Andriamanitra azy teo amin’io toerany io.

Raha mila fanampiana ny mpianatra amin’ny famaliana ity fanontaniana manaraka ity dia azonao atao ny manasa azy ireo hamaky ny Estera 4:10–11.

Nahoana no mila herim-po lehibe ny manatona ny mpanjaka?

Vakio ny Estera 4:15–17, ary jereo ny herim-po nasehon’i Estera raha niomana hiatrika ny mpanjaka izy.

Inona no zavatra nisongadina taminao momba an’i Estera?
Inona no fitsipika azontsika hianarana avy amin’ny andininy 15–17 izay mety afaka manampy antsika rehefa mila herim-po isika?

Isaory ny mpianatra ny amin’ny fitsipika manan-danja nozarainy. Azonao ampiana izy ireo hamantatra ireto fitsipika manaraka ireto, raha toa ka tsy mbola nisy niteny: Rehefa miantehitra amin’ny Ray any An-danitra sy i Jesoa Kristy aho dia hanome herim-po ahy Izy Ireo.
Inona no porofo hitanao fa niantehitra tamin’ny Tompo i Estera? Tamin’ny fomba ahoana no nanampian’izany azy?

Asa atao amin-kerim-po

Ireto andian-tsoratra masina manaraka ireto dia afaka manampy ny mpianatra hahita ny fomba nanomezan’ny Tompo an’i Estera herim-po hatrany.

Azonao atao ny mizara ny mpianatra ho vondrona kely vitsivitsy na miaraka tsiroaroa. Omeo ny vondrona tsirairay na ny mpianatra mandeha tsiroaroa ireto andalan-tsoratra masina manaraka ireto. Na koa afaka mandalina an-dalan-tsoratra masina iray avy ny mpianatra tsirairay ao anaty vondrona iray ary miomana ny hifampizara ny momba izany.

Halalino ny iray amin’ireto andalan-tsoratra masina ireto ary jereo ny fomba nanehoan’i Estera herim-po.

Estera 5:1–4. Nanatona ny mpanjaka i Estera.
Estera 7:1–4. Niara-nisakafo i Estera sy ny mpanjaka ary i Hamana.
Estera 8:3–6. Niresaka tamin’ny mpanjaka mikasika ilay didy navoakany handringanana ny Jiosy i Estera.

Hifanakalozy hevitra ireto fanontaniana manaraka ireto avy eo:

Inona no maha fanehoana herim-po ny zavatra nataon’i Estera?
Inona, araka ny hevitrao, no zavatra tokony ho fantatry ny olona iray momba an’ Andriamanitra mba hahafahany manao safidy tahaka an’i Estera?

Asao izay mpianatra vonona hizara amin’ny iray kilasy ny zavatra nifanakalozany hevitra.

Ny fanampiana ny mpianatra hametraka an’i Jesoa Kristy ho ivon’ny fandalinany dia manasa ny Fanahy Masina hijoro ho vavolombelona momba Azy. Hanampy ny mpianatra hanana traikefa fandalinana ho an’ny tenany manokana kokoa sy mahery vaika kokoa izany. Fomba iray hanaovana izany ny fampifandraisana ny tantaran’i Estera amin’ny fiainana sy ohatra nasehon’i Jesoa Kristy.

(Raha mila fiofanana fanampiny ianao amin’ny fanampiana ny mpianatra hampifandray izay zavatra ianarany amin’ny fiainana sy ny ohatra nasehon’i Jesoa Kristy dia jereo ny “Antitratero ny ohatra nasehon’i Jesoa Kristy” ao amin’ny Fahaiza-manao ho fampivoarana ny mpampianatra [2022], 5.)

Asehoy eny amin’ny solaitrabe ny sarin’iJesoa Kristy. Azonao atao ny mametraka ny iray na roa amin’ireto fanontaniana manaraka ireto.
Mampahatsiahy anao mikasika ny Mpamonjy amin’ny fomba ahoana i Estera?
Inona avy ireo ohatra teo amin’ny fiainan’ny Mpamonjy izay nanehoany herim-po?

Mba hanomanana ny mpianatra hizara ny zavatra nolalovany manokana dia azonao atao ny mampiseho horonan-tsary toy ny “Having Courage and Trusting the Lord” (3:18), izay hita ao amin’ny ChurchofJesusChrist.org.

3:18
Oviana ianao na ny olona fantatrao no niantehitra tamin’ny Tompo dia notahiany ka nahazo herim-po?

Dingana noraisiko manokana tamin-kerimpo

Ireto soso-kevitra manaraka ireto dia afaka manampy ny mpianatra hampihatra izay nianarany avy tamin’ny tantaran’i Estera.

Saintsaino ilay trangan-javatra noeritreretinao tany am-piandohan’ny lesona. Mangataha fitarihana avy amin’ny Fanahy eo am-pisaintsainana ny fomba ahafahanao maneho herim-po sy miantehitra amin’ny Tompo ao anatin’izany trangan-javatra izany.

Avereno vakiana indray ny Estera 4:16 ary antitratero ireto teny ambara manaraka ireto: “… ary amin’izany no hidirako ao amin’ny mpanjaka na tsy araka ny lalàna aza, koa raha tàhiny maty aho, dia maty.”

Mba hanampiana ny mpianatra hanantitrantitra ilay teny ambara ao amin’ny andininy 16 dia azon’izy ireo atao ny manisy marika na mandoko izany raha tiany. Azonao atao ny manasa azy ireo hanoratra izany indray ao amin’ny diary fandalinany ka mampiasa ireto tari-dresaka manaraka ireto.

Soraty amin’ny fombanao manokana izany teny ambara izany mba ahitana taratra ny fanolorantenanao haneho herim-po sy hiantehitra amin’ny Tompo ao anatin’ny toe-javatra misy anao. Mba hanampiana anao hanao izany dia hevero ny hameno ireto tari-dresaka manaraka ireto:

Ary amin’izany no (ilay dingana horaisinao mba hanehoana herim-po). Koa raha tàhiny (zavatra mety hitranga), dia (zavatra hataonao ho fianteherana amin’ny Tompo).

Mety hanampy ny fanomezanao ohatra toy ity manaraka ity:

Alaivo sary an-tsaina hoe tsapanao fa mitaky anao ny Ray any An-danitra mba hanana herim-po tsy hiteny ratsy sy tsy hanao teny mandratra intsony amin’ny namanao. Azonao atao ny mamerina manoratra ny Estera 4:16 hilazana ny hoe: “Ary amin’izany no tsy hampiasako intsony fiteny tsy mendrika, na dia rehefa misangisangy aza. Koa raha tàhiny hanesoeso ahy ny namako, dia hivavaka aho mba hahazoana tanjaka hiezahana hatrany.”

Manasà mpianatra maromaro manolo tena hizara izay zavatra nosoratany. Raha malalaka ny fotoana dia afaka mifanoro hevitra ny mpianatra mikasika ny trangan-javatra nifampizarany.

Mijoroa ho vavolombelona ny amin’ny ohatra nasehon’ny Tompo momba ny herim-po. Asehoy ny fatokisanao ny fahaizan’ny mpianatra miatrika ny fanambin’izy ireo amin-kerim-po rehefa miantehitra amin’ny Tompo ka manao ny sitrapony izy ireo.

Loharanom-pitaovana fanampiny

Amin’ny fomba ahoana no hitahiana ahy rehefa maneho herim-po tahaka ny an’i Kristy aho?

Nampianatra toy izao ny Loholona Gary E. Stevenson ao amin’ny Kôlejin’ny Apôstôly Roambinifolo:

10:35

Mampanantena aho fa hanome hery anao ny Tompo. “Fa tsy nomen’ Andriamanitra fanahy osa isika, fa fanahy mahery” [2 Timoty 1:7]. Hamaly soa anao Izy amin’ny herim-po sy ny fitondran-tena tsara ataonao—amin’ny alalan’ny fahasambarana sy fifaliana. Ny herim-po lehibe toy izany no ateraky ny finoanao an’i Jesoa Kristy sy ny Sorompanavotany, sy ny vavaka nataonao, ary ny fankatoavanao ireo didy. (“Ho sahy amin’ny herim-po, sy ny tanjaka ary ny asa,” Liahona, nôv. 2012, 52)

Nanafatra toy izao ny Filoha Thomas S. Monson:

16:18

Hiatrika tahotra ary hiaina fanalam-baraka sy fanoherana avokoa isika. Aoka isika—isika rehetra mihitsy—hanana herim-po hanohitra ny hevitra ironan’ny olona sy hanana herim-po hiaro ny fitsipika ijoroantsika. Ny herim-po, fa tsy ny fanekena fahatany no ahazoantsika ilay fankasitrahan’ Andriamanitra. Ny herim-po dia lasa toetra tsara mahery vaika sy manaitra rehefa tsy raisina ho toy ny fahavononana ho faty amim-pahamendrehana fotsiny ihany fa raisina ho fahavononana hiaina amim-pahamendrehana koa. Rehefa mandroso isika sady miezaka miaina araka ny fomba tokony hiainantsika dia azo antoka fa hahazo fanampiana avy amin’ny Tompo ary hahita fampaherezana ao anatin’ny teniny. (“Mahereza sy matanjaha,” Liahona, mey 2014, 69)

Inona no lesona fanampiny azoko ianarana avy amin’ny Bokin’i Estera?

Ny Filoha Camille N. Johnson, Filohan’ny Fikambanana Ifanampiana maneran-tany, dia nanazava fa:

10:8

I Estera koa dia ohatra iray hafa tena tsara amin’ny famelana an’ Andriamanitra hanjaka. Tsy hoe nijanona tamin’ny tantara feno fitandremana ny amin’ny fitsimbinany ny tenany izy, fa nampihatra finoana, nametraka tanteraka ny tenany teo am-pelatanan’ny Tompo. …

Vonona ny hamela ny Mpamonjy hanoratra ny tantarany i Estera na dia mety ho zava-doza aza no niafarany raha jerena amin’ny fijerin’ny fiainana ety an-tany. Soa ihany fa nandray an’i Estera ny mpanjaka, ary avotra ireo Jiosy tany Persia.

Mazava ho azy fa mahalana isika no takiana hanana herim-po mitovy lenta amin’ny an’i Estera. Kanefa ny famelana an’ Andriamanitra hanjaka, ny famelana Azy ho mpanoratra sy mpanefa ny tantarantsika, dia mitaky antsika hitandrina ireo didiny sy ireo fanekempihavanana izay nataontsika. Ny fitandremantsika ny didy sy ny fanekempihavanana no hanokatra ny zotram-pifandraisana ho antsika mba handraisana fanambarana amin’ny alalan’ny Fanahy Masina. Ary amin’ny alalan’ny asan’ny Fanahy no hahatsapantsika ny tanan’ilay Mpampianatra izay manoratra ny tantarantsika miaraka amintsika. (“Asao i Kristy mba ho mpanoratra ny tantaram-piainanao,” Liahona, nôv. 2021, 81)

Sahanasa fianarana fanampiny

Fomba hafa azonao hamakiana ny tantaran’i Estera

Ny fomba iray hafa azo handalinana ny tantaran’i Estera ao amin’ilay hoe “Asa atao amin-kerimpo” dia ny fanasana ny mpianatra hamaky ilay tantara toy ireny hoe novakiana tamin’ny fetin’ny Porima izay fety Jiosy izany. Tao anatin’izany fankalazana izany dia vakiana amin’ny feo mafy amin’ny ankizy ny tantaran’i Estera. Rehefa tononina ny anaran’i Mordekay dia samy miantsoantso amim-pifaliana izy ireo; rehefa tononina ny anaran’i Hamana dia mampiseho tsy fankasitrahana izy ireo na mampiseho ny tsy fifaliany.

Manasà mpianatra roa hamaky ireto andian-tsoratra masina manaraka ireto eo am-pamakian’ny mpianatra iray hafa ny anjaran’ny mpitantara.

Mpitantara: Rehefa avy nanontany an’i Estera izay zavatra notadiaviny ny mpanjaka dia nangataka izy raha afaka manatrika ny fanasana izay nomaniny ho azy ireo ny mpanjaka sy i Hamana. Nanaiky ilay fanasana ny mpanjaka sy i Hamana.

Mpianatra 1: Estera 5:9, 12–14

Mpitantara: Tsy nahita tory ny mpanjaka nandritra ny alina talohan’ilay fanasana. Nisy tatitra ofisialy vitsivitsy novakiana taminy ary nampahafantarina azy fa nanavotra ny ainy i Mordekay tamin’ny fanakanana fikasana hamono azy. Vokatr’izany dia niteny an’i Hamana izy hanome voninahitra lehibe an’i Mordekay, izay nampitombo bebe kokoa ny fankahalan’i Hamana an’i Mordekay sy ny Jiosy.

Mpianatra 2: Estera 7:1–6, 9–10

Mpitantara: Rehefa maty i Hamana dia namoaka didy faharoa ny mpanjaka Ahasoerosy hiarovana ny Jiosy ary hanomezana azy ireo fahefana handringana ny fahavalony tao amin’ny fanjakana. Natao ny Fetin’ny Porima mba hanampiana ny Jiosy hahatsiaro ny fanafahana azy ireo tamin’i Hamana. Natsangana ho mpanapaka faharoa tao amin’ny fanjakana i Mordekay.

Ny maha zava-dehibe ny fifadian-kanina

Raha tsy mbola nampianatra momba ny fifadian-kanina ianao tao amin’ny Lesona 92: Ezra dia azonao atao ny manamafy izany ato amin’ity lesona ity. Rehefa avy nandalina ny Estera 4:15–17 ny mpianatra dia azonao atao ny manontany ny hevitr’izy ireo mikasika ny antony nahatonga an’i Estera sy ny Jiosy hifady hanina nandritra ny toe-javatra manahirana. Azonao aseho ity teny nambara manaraka ity avy eo:

Nampianatra ny Loholona Jorge F. Zeballos ao amin’ny Fitopololahy hoe:

Manome herim-panahy antsika ary manomana antsika hazaka ny fizahan-toetra eo amin’ny fiainana ny fifadian-kanina. (“Manorina fiainana mahatohitra ilay fahavalo,” Liahona, nôv. 2022, 51)

Ampio ny mpianatra hianatra fahamarinana toy ny hoe: Afaka manome antsika herim-panahy ny Tompo rehefa mifady hanina amin-kitsim-po isika. Afaka mizara ohatra hafa avy amin’ny soratra masina, izay fantany, na avy amin’ny fiainany manokana ny mpianatra, ka nahitany ny Tompo nanome herim-panahy olona iray noho ny nifadiany hanina tamin-kitsim-po.

Mitondra mankany amin’ny fahalavoana ny fieboeboana sy ny fahatezerana

Raha hahazoan’ny mpianatra tombontsoa ny fifanakalozan-kevitra momba ny fieboeboana sy ny fahatezerana dia azonao asaina izy ireo hamaky ny Estera 3:1–6, 8–11 sy ny 5:9–14. Azon’ny mpianatra atao ny mijery ny fahatsapana sy ny teny ary ny fihetsika nataon’i Hamana. Anontanio ny mpianatra ny zavatra nianarany mikasika an’i Hamana sy ny zavatra nanosika azy. Azonao atao ny mamaky na mamintina ny Estera 7, mba ahitana izay nitranga tamin’i Hamana.

Azon’ny mpianatra atao ny manombantombana ny zavatra manosika ny fahatsapany manokana sy ny zavatra ataony. Asao izy ireo hitodika hangataka fanampiana amin’ny Ray any An-danitra raha toa izy ireo ka mahatsikaritra ny fisian’ny iray amin’ireo fahatsapana na fihetsika ireo eo amin’ny fiainany.