Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Nehemia: “Asa lehibe no ataoko, ka tsy afa-midina aho”

“Nehemia: -Asa lehibe no ataoko, ka tsy afa-midina aho-” Testamenta Taloha: Boky torolalana ho an’ny mpampianatra seminera (2026)

“Nehemia: -Asa lehibe no ataoko, ka tsy afa-midina aho-” Testamenta Taloha: Boky torolalana ho an’ny mpampianatra seminera

Ezra 1; 3–7; Nehemia 2; 4–6; 8: Lesona 93

Nehemia

“Asa lehibe no ataoko, ka tsy afa-midina aho”

Nanome fitaomam-panahy an’i Nehemia mba hiaro ny olony amin’ny fanorenana indray ny manda manodidina an’i Jerosalema Andriamanitra. Nila nandresy fandrahonana sy fandrebirebena tsy nitsahatra i Nehemia sy ny vahoakany mba hamitana izany asa izany. Nomen’ Andriamanitra asa manan-danja ihany koa isika, ary mety handalo fotoan-tsarotra ihany koa amin’ny fanatanterahana izany. Ity lesona ity dia natao hamporisihina ny mpianatra hifantoka hatrany amin’ny asa nomen’ny Ray any An-danitra azy ireo mba hataony.

Fanomanana ny mpianatra: Asao ny mpianatra ho tonga ao am-pianarana miaraka amin’ny lisitra ahitana zavatra telo tsapany fa tian’ny Ray any An-danitra hifantohany: iray ho an’ity herinandro ity, ny iray ho an’ny taona vitsivitsy manaraka ary ny iray ho an’ny fiainany any aoriana any. Azonao atao ny mandroso hevitra amin’ny mpianatra efa nandray ny tsodranon’izy ireo manokana avy amin’ny patriarika mba hamerina hamaky izany indray alohan’ny hanaovany izany lisitra izany.

Ireo sahanasa fianarana azo atao

Ireo zavatra mahavariana

Taona maro lasa izay raha niomana hametraka ny fiaramanidina iray ireo mpanamory fiaramanidina dia tsy nirehitra ny jiro kely iray tao amin’ny fanamoriana. Variana tamin’ilay jiro ny ekipan’ny mpanamory ary tsy nahita fa nidina tany amin’ny honahona ilay fiaramanidina. Nianjera ilay fiaramanidina ary nahafaty olona maherin’ny 100.

Ny Filoha Dieter F. Uchtdorf, fony izy tao amin’ny Fiadidiana Voalohany, dia nampianatra lesona manan-danja avy amin’izany loza izany:

Tsy nisy olana mekanika ilay fiaramanidina. Nandeha tsara daholo ny zavatra rehetra—afa tsy zavatra iray: jiro tokana may. Ity jiro kely ity—izay tsy mihoatra ny 20 centimes ny vidiny—no niantombohan’ny toe-javatra izay niteraka loza nahafaty olona 100 mahery.

Mazava ho azy fa tsy ilay jiro tsy nandeha no niteraka ilay loza; ny nahatonga izany dia ny fifantohan’ny ekipan’ny mpanamory tamin’ny zavatra izay noheverin’izy ireo fa manan-danja tamin’izany fotoana izany ka nanadinoany ny zavatra izay tena nanan-danja indrindra.

Tsy ny mpanamory fiaramanidina ihany fa ny rehetra ihany koa no tratran’ny fironana amin’ny fifantohana amin’ny zavatra maivan-danja mihoatra amin’ny zavatra manan-danja. Samy mety ho tratran’izany avokoa isika rehetra. (“Asa lehibe no ataontsika, ka tsy afa-midina isika,” Liahona, mey 2009, 59)

Entano ny mpianatra hizara ny heviny mikasika ny fampiharana ny hafatry ny Filoha Uchtdorf eo amin’ny fiainantsika amin’ny maha mpianatr’i Jesoa Kristy antsika.

Azonao atao avy eo ny mampiseho ity teny nambara manaraka ity ary mangataka ny mpianatra hamaky izany mangina. Amporisiho izy ireo hangataka amin’ny Ray any An-danitra hitarika azy ireo amin’ny alalan’ny Fanahy mba hahatakarany ny fampiharana izany hafatra izany eo amin’ny fiainany manokana. Afaka manoratra ny heviny ao amin’ny diary fandalinany izy ireo.

Dia nanohy ny Filoha Uchtdorf:

Mijanòna kely ary hevero hoe aiza ny fo sy ny sainao. Mifantoka amin’ny zavatra tena manan-danja ve ianao? Ny fomba handanianao ny fotoana manginanao manokana dia mety hampahafantatra izany anao. Aiza no alehan’ny sainao rehefa tsy eo intsony ny fotoana maika mila enjehina? Mifantoka amin’ireo zavatra maika sy mandalo izay tsy manan-danja afa-tsy amin’izany fotoana izany ihany ve ny saina sy ny fonao sa amin’ireo zavatra manan-danja indrindra? (“Asa lehibe no ataontsika, ka tsy afa-midina isika,” Liahona, mey 2009, 60)

Ny asan’i Nehemia

Azavao amin’ny mpianatra fa ny Isiraelita iray antsoina hoe Nehemia dia mpanompon’i Artaksersesy. Maro tamin’ireo Israelita no efa niverina tany Jerosalema taona maro teo aloha mba hanangana indray ny tempoly. Ren’i Nehemia fa mandalo fandrahonana fanafihana izy ireo satria ny manda sy vavahady miaro manodidina an’i Jerosalema dia rava.

Hevero ny hanasa ny mpianatra hamita ity sahanasa manaraka ity ao anaty vondrona kelikely. Amporisiho ny vondrona tsy ho maika hamita ireo dingana fa hanokana fotoana tsara ary hianatra avy amin’ny zavatra niainan’i Nehamia. Mba hanampiana ny vondrona hampitovy ny fotoana ampiasaina dia dingana iray amin’ireo torolalana isaky ny mandeha ihany aseho. Omeo fotoana ampy ny vondrona tsirairay hamitana izany dingana izany alohan’ny hampisehoana ny dingana manaraka.

Vakio ny Nehemia 1:1–4; 2:1–6, 11–12, 17–18. Tadiavo ireo zavatra mampiseho fa fitaomam-panahy avy amin’ Andriamanitra ilay fanirian’i Nehemia hanarina ny mandan’i Jerosalema ary ifanakalozy hevitra ny momba izany.
Soraty amin’ny taratasy madio ny zavatra telo angatahan’ Andriamanitra amin’ny alalan’ny mpaminaniny amin’ireo tanora Olomasin’ny Andro Farany mba hifantohan’izy ireo. Fomba iray hanaovana izany ny famerenana fohy ny lahateny nandritra ny fihaonamben’ny Fiangonana maneran-tany farany.

Mifanakaloza taratasy amin’ny vondrona hafa avy eo ary ifanakalozy hevitra miaraka amin’ny vondrona misy anao ny zavatra nosaratan’izy ireo. (Fanamarihana: Tazomy ilay taratasin’ny vondrona hafa. Hanampy zavatra amin’izany ianao amin’ny dingana faha efatra amin’ity sahanasa ity.)
Vakio ny Nehemia 2:19; 4:1, 7–8 ary jereo ny fihetsik’ireo fahavalon’ny Jiosy manoloana ny asa nomen’ Andriamanitra azy ireo. Ifanakalozy hevitra ny tetikady ampiasain’i Satana tahaka izany amin’izao fotoana izao mba handrebirebena antsika tsy hifantoka amin’izay asa angatahan’ Andriamanitra ataontsika.
Soraty eo akaikin’ireo zavatra telo nosoratan’ilay vondrona iray hafa tao anaty taratasy ny zavatra mahavariana na zava-tsarotra mety hahatonga ny tanora hanana olana amin’ny fifantohana amin’ny asa nomen’ Andriamanitra azy ireo amin’ny alalan’ny mpaminaniny.
Vakio ny Nehemia 4:9, 14–20 ary ifanakalozy hevitra ny zavatra nianaranao avy amin’ny vahoakan’i Nehemia mikasika ny fandresena ireo zavatra mahavariana sy zava-tsarotra manoloana ny famitana ny asa nomen’ny Ray any An-danitra antsika.
Avereno amin’ilay vondrona tany am-boalohany ny taratasy. Vakio ary ifanakalozy hevitra ny zavatra mahavariana sy zava-tsarotra nosoratan’ireo vondrona hafa tao amin’ny taratasinareo. Ifanakalozy hevitra ny fomba hahafahan’ny olona mandresy izany ary hahafahana mifantoka amin’ny asa nomen’ Andriamanitra ny tanora amin’ny alalan’ny mpaminaniny.
Fintino amin’ny fehezan-teny iray izay nianaranao na tsapanao mikasika ny fanaovana ny asa nomen’ny Ray any An-danitra antsika. Soraty eny amin’ny solaitrabe io fahamarinana io.

Rehefa vita ny sahanasa dia amporisiho izay mazoto hizara amin’ny rehetra ny zavatra nianarany na tsapany. Azonao atao ny manasa ny mpianatra hanondro famaharinana voasoratra eny amin’ny solaitrabe izay nosoratan’ny vondrona hafa ary hizara izay nianarany avy amin’izany. Rehefa mizara fahamarinana ny mpianatra, dia ampio izy ireo hifantoka amin’i Jesoa Kristy amin’ny alalan’ny fametrahana fanontaniana toy ny hoe, “Inona no fampianarana na ohatra teo amin’ny fiainan’ny Mpamonjy izay manampy antsika hahatakatra kokoa izany fahamarinana izany?”

Fahamarinana mety ho nosoratan’ny vondrona ny hoe:

Amin’ny alalan’ny vavaka dia afaka mandray fiarovana sy hery avy amin’ Andriamanitra isika mba hamitantsika ny asany. (Nehemia 1:4; 4:9)

Hanampy ny mpanompony handresy ny fanoherana amin’ny famitana ny asany Andriamanitra. (Nehemia 4:20)

Amin’ny fomba ahoana ny zavatra nianaranao tao anatin’ity sahanasa ity no manampy anao hifantoka hatrany amin’ny asa nomen’ny Ray any An-danitra anao?

Fampiharana amin’ny tena manokana

Hazavao amin’ny mpianatra fa nokendren’ny fahavalony manokana i Nehemia. Nanandrana fomba maro izy ireo hanakanana azy tsy hanao ny asan’ Andriamanitra amin’ny fanarenana ny mandan’i Jerosalema. Tetikady iray nampiasain’izy ireo ny fisarihana azy hivoaka ny tanàna ho any amin’ny toerana ahafahan’izy ireo mandratra azy mora kokoa.

Asao ny mpianatra hamita mangina ity manaraka ity. Omeo fotoana malalaka izy ireo ary amporisiho hieritreritra hoe inona no fahatsapany mikasika ny zavatra tian’ Andriamanitra hamenoany ireo teny ambara.

Vakio ny Nehemia 6:1–4, 15–16 ary saintsaino izay nianaranao avy amin’ny valin-teny nasetrin’i Nehemia teo anatrehan’ireo fisarihan’ny fahavalony azy hiala amin’ny asan’ Andriamanitra. (Azonao asiana marika sy saintsainina ny mety ho dikan’ny andininy 3 eo amin’ny fiainanao.)

Fenoy miainga avy amin’ny zavatra eo amin’ny fiainanao manokana ireto teny nambara manaraka ireto. Soraty ao amin’ny diary fandalinanao na eo amin’ny sisin’ny soratra masinao eo akaikin’ny andininy 3 ny eritreritrao.

Mino aho fa tian’ny Ray any An-danitra aho mba hifantoka amin’ny .

Isan’ireo zavatra mahavariana na fahasarotana sasany mety hatrehako ny .

Fomba ahafahako mifantoka hatrany amin’ny asa nomen’ny Ray any An-danitra ahy ny .

Loharanom-pitaovana fanampiny

Inona avy ireo zavatra mety hahavarimbariana, eny fa na dia ho an’ireo olona tsara aza?

Ny Loholona Richard G. Scott (1928–2015) tao amin’ny Kôlejin’ny Apôstôly Roambinifolo dia nampianatra izao:

16:37

Moa ve misy zavatra maro mahafinaritra, mampientam-po ny manao azy na olana marobe izay manery anao ka mampananosarotra ny fifantohana amin’ireo zavatra tena manan-danja? Rehefa mibosesika ireo zavatr’izao tontolo izao dia matetika loatra no lasa laharam-pahamehana ambony indrindra ny zavatra tsy tokony ho laharam-pahamehana. Hany ka mora foana ny manadino ilay tanjona fototry ny fiainana. Manana fitaovana mahery vaika ampiasainy hanoherana ireo olona tsara i Satana. Ny fisarihana ny saina hieritreritra zavatra hafa izany. Ataony izay hamenoan’ireo olona tsara ny fiainan’izy ireo amina “zavatra tsara” mba tsy hisian’ny toerana intsony ho an’ireo zavatra tena manan-danja. Efa tratran’izany fandrika izany tsy tamim-panahiniana ve ianao? (“First Things First,” Ensign, May 2001, 7)

Ahoana no ahafahantsika mampihatra ny ohatr’i Nehemia eo amin’ny fiainantsika?

Nampianatra izao ny Filoha Dieter F. Uchtdorf, izay tao amin’ny Fiadidiana Voalohany tamin’izany:

Eritrereto ny hery mety hananantsika tsirairay … raha ho setrin’ny fakam-panahy rehetra izay misarika antsika tsy hifantoka na hampihen-danja ny fenitra arahintsika—ilay fenitr’ Andriamanitra, dia hamaly isika hoe, “Asa lehibe no ataoko ka tsy afa-midina aho”

… [Ny Tompo] dia mitady olona tsy azo rebirebena hanao amin’ny zoto-po ny asa fanorenana ny fanjakan’ Andriamanitra—ireo izay, rehefa miatrika fanoherana na fakam-panahy, dia hiteny ao am-pony manao hoe, “Asa lehibe no ataoko ka tsy afa-midina aho.”

Rehefa mandalo fizahan-toetra sy fijaliana dia hamaly izy ireo manao hoe, “Asa lehibe no ataoko ka tsy afa-midina aho.”

Raha mandalo fanesoesoana sy fanaratsiana izy ireo dia hamaly hoe, “Asa lehibe no ataoko ka tsy afa-midina aho.”

Ny Ray any An-danitra dia mitady ireo izay tsy manaiky ny hamelan’ny tsy manan-danja loatra hanakana azy ireo amin’ny fanarahana ny mandrakizay. Mitady ireo izay tsy manaiky ny hosarihin’ny fahakamoana na ny fandriky ny fahavalo handrebireby azy ireo amin’ny asa nomena azy ho tanterahiny Izy. Mitady ireo izay mampihatra ny zavatra tenenin’izy ireo Izy—ireo izay miteny amim-paharesen-dahatra tanteraka hoe, “Asa lehibe no ataoko ka tsy afa-midina aho.” …

Mivavaka amin-kafanam-po aho ny mba tsy hampandeferantsika ny fitsipika arahintsika, na dia eo aza ireo fakam-panahy; ka na dia eo aza ireo fakam-panahy, na aiza na aiza iavian’izany, dia hijanona hifantoka hatrany amin’izay manan-danja indrindra foana isika; mba hijoro amim-pahasahiana sy miaraka isika, ny soroka miara-milanja, rehefa mitondra amin-kerimpo ny fanevan’ny Tompo Jesoa Kristy.

Mivavaka aho mba … hitraka isika ary hanambara amin’ny feo tsy misalasalana amin’izao tontolo izao hoe, “Asa lehibe no ataonay ka tsy afa-midina izahay.” (“Asa lehibe no ataontsika ka tsy afa-midina isika,” Liahona, mey 2009, 59)

Sahanasa fianarana fanampiny

Topimaso ankapobeny momba ny bokin’i Nehemia

Alohan’ny hanombohan’ny mpianatra ilay sahanasa ataon’ny vondrona ao amin’ny fizaran’ny lesona hoe “Ny asan’i Nehemia”, dia mety hanampy ny mpianatra ny mahita topimaso fohy momba ny fizotry ny tantara. Ny iray amin’ireto horonan-tsary roa ireto dia azo ampiasaina ho amin’izany avokoa.

“Asa lehibe no ataontsika ka tsy afa-midina isika” manomboka amin’nymarim-potoana 8:36 ka hatramin’ny 11:54. Ny Filoha Dieter F. Uchtdorf fony tao amin’ny Fiadidiana Voalohany dia manome topimaso mikasika an’i Nehemia.

18:37

Ny “Nehemiah” (1:38) ao amin’ny Old Testament Stories for Kids.

1:38

Ireo fenitr’ Andriamanitra

Mety hanampy ny mpianatra ny hahitan’izy ireo fa ny ohatra nasehon’i Nehemia dia mihatra amin’ireo didy sy fenitra manokana izay nanentanan’ Andriamanitra an’ireo mpitarika ato amin’ny Fiangonana mba homena antsika. Azonao atao ny mangataka ny mpianatra hitanisa ny ireo didy sy fenitra sasany nomen’ Andriamanitra antsika. Avy eo dia angataho ny mpianatra hizara ireo zavatra isan-karazany izay hahatonga anntsika ho alaim-panahy hampandefitra tsikelikely ny fanarahana ireo fenitra ireo. Entano ny mpianatra hampihatra ny fihetsik’i Nehemia teo anatrehan’ny fakam-panahy nataon’i Sanbala sy Gasema (jereo ny Nehemia 6:3–4) amin’ny toe-javatra lalovana amin’izao fotoana izao rehefa azon’ny fakam-panahy “hidina” amin’ny didy sy ny fenitra napetrak’ Andriamanitra izy ireo.

Mety azonao atao ihany koa ny mampitaha ny fanapahan-kevitra hentitra noraisin’i Nehemia ka nahatonga azy handà tsy hidina amin’ny tantaran’i Lehôntia ao amin’ny Almà 47:1–18. Hentitra ihany koa i Lehôntia tamin’ny fandavana ny famporisihan’i Amalikià hidina hiala amin’ny toerana azo antoka tamin’ny fotoana vitsivitsy voalohany. Kanefa tsy toa an’i Nehemia i Lehôntia ka nilefitra tamin’ny fakam-panahy hidina ary dia novonoina izy vokatr’izany.

Nehemia 6:3. “Asa lehibe no ataoko ka tsy afa-midina aho”

Rehefa avy novakian’ny mpianatra ny Nehemia 6:1–4, 15–16, kanefa alohan’ny hamenoany ny teny ambara ao amin’ny fizarana ao amin’ny lesona hoe “Fampiharana ho an’ny tena manokana”, dia hevero ny hampiseho ny fanambaran’ny Filoha Uchtdorf ao amin’ny fizarana “Loharanom-pitaovana fanampiny”. Mety hanome hevitra ny mpianatra mikasika ny fomba hampiharana ny ohatra nasehon’i Nehemia sy ny teniny eo amin’ny fiainan’izy ireo izany.