Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

Ezra: Miomana hanatrika fotoana any amin’ny tranon’ny Tompo

“Ezra: Miomana hanatrika fotoana any amin’ny tranon’ny Tompo,” Testamenta Taloha: Boky torolalana ho an’ny mpampianatra seminera (2026)

“Ezra: Miomana hanatrika fotoana any amin’ny tranon’ny Tompo,” Testamenta Taloha: Boky torolalana ho an’ny mpampianatra seminera

Ezra 1; 3–7; Nehemia 2; 4–6; 8: Lesona 92

Ezra

Miomana hanatrika fotoana any amin’ny tranon’ny Tompo

Ny haben’ny fiomanantsika ho an’ny fotoana lehibe eo amin’ny fiainantsika dia tena misy fiantraikany amin’ny fiainantsika izany fotoana lehibe izany. Maro tamin’ireo Isiraelita no afaka niaina fifaliana lalina taorian’ny fiomanana ara-batana sy ara-panahy aman-taonany mba hanorenana indray ny tempolin’ Andriamanitra sy hitsaohana any. Nitahy antsika ihany koa tamin’ny fanomezana fahafahana ho antsika hiaina fifaliana amin’ny fitsaohana ao amin’ny tranon’ny Tompo ny Raintsika any An-danitra sy ny Mpamonjy. Ny ezaka ataontsika hiomanana amin’izany fitahiana izany dia mety hisy fiantraikany amin’ny zavatra iainantsika. Ity lesona ity dia afaka manampy ny mpianatra hahatsapa faniriana lehibe kokoa hiomana ny hitsaoka ny Tompo ao amin’ny tempoliny masina.

Fanomanana ny mpianatra: Asao ny mpianatra hanao lisitry ny zavatra azony hatao ao anatin’ny fotoana fohy sy ao anatin’ny fotoana maharitra mba hiomanany hitsaoka ny Tompo ao amin’ny tempoly. Azon’izy ireo atao avy eo ny mandalina ny mety ho vokatr’izany fiomanana izany amin’ny zavatra hiainany ao amin’ny tempoly.

Ireo sahanasa fianarana azo atao

Tsy handry izay hankanesana any amin’ny tempoly

Azonao atao ny manomboka ny fampianarana amin’ny fanentanana ny mpianatra hanoratra eny amin’ny solaitrabe ireo fotoana ho avy izay tsy andriny ny hiainana azy. Ohatra amin’izany ny fahavitan’ny fianarany, fanambadiana, na asa. Afaka misafidy iray amin’ireo fotoana nosoratana teny amin’ny solaitrabe ireo ny mpianatra avy eo ary mifampizara amin’ny namany ny zavatra iray na roa azon’ny olona iray atao mba hiomanana amin’izany fotoana izany.

Azonao atao ny mampiseho ity sarin’ny tempolin’ny Salt Lake manaraka ity izay nalaina fotoana fohy talohan’ny nanokanana izany nandritra ireo taona nialoha kely ny 1900.

Vakio ity teny nambara manaraka nataon’ny Filoha Wilford Woodruff (1807–98) ity, ary jereo ny zavatra iray niomanany sy nohandrandrainy nandritra ny taona maro.

[Nandritra ny fanokanana ny tempolin’ny Salt Lake] dia nitsangana hiteny tamin’ireo Olomasina ny Filoha Wilford Woodruff. “Tao anatin’ireo dimampolo taona lasa teo amin’ny fiainako no niandrasako ity andro androany ity,” hoy izy. (Olomasina: Ny tantaran’ Ny Fiangonan’i Jesoa Kristy ho an’ny Olomasin’ny Andro Farany, boky 2, No Unhallowed Hand, 1846–1893 [2020], 663–64)

Inona no zavatra fantatrao mikasika ny tempoly ka mety hahatonga an’i Wilford Woodruff hiandrandra ny fahavitan’ny tempolin’ny Salt Lake?

Raha tsy tao anatin’ny valin-teny nomen’ny mpianatra tamin’ilay fanontaniana teo aloha ny momba an’ Andriamanitra dia azonao atao ny manampy azy ireo hanao izany fampifandraisana izany amin’ny alalan’ny fametrahana fanontaniana toy ny hoe, “Inona no fifandraisana hitanao eo amin’ny fanatrehana fotoana any amin’ny tempoly sy ny fifandraisantsika amin’ny Ray any An-danitra sy i Jesoa Kristy?”

Asao ny mpianatra hanoratra ny heviny mikasika ireto fanontaniana manaraka ireto ao amin’ny diary fandalinany. Azonao atao ny manazava fa ny fanokanana fotoana hisaintsainana ny fahatsapana ananantsika sy ny zavatra iainantsika amin’izao fotoana izao dia afaka manampy antsika hiomana hianatra avy amin’ny Fanahy Masina.
Inona avy no fahatsapana ao amiko eo am-piandrandrako ny fanatrehana fotoana any amin’ny tempoly any aoriana any?
Inona no ataoko amin’ny fiomanako hitsaoka ny Tompo ao amin’ny tranony?

Fifaliana amin’ny fanompoana ao amin’ny tempoly

Tany ho any amin’ny taona 605 talohan’i J.K. tany dia nanao fahirano an’i Jerosalema ny Babyloniana ary nanomboka nandefa ireo Jiosy babo nankany Babylona. Tamin’ny taona 587 talohan’i J.K. dia noravan’izy ireo ny tempoly ary nitombo hatrany ny famindrana olona. Tokony ho 50 taona taorian’izay dia nandresy an’i Babylona i Persia teo ambany fitondran’ny Mpanjaka Kyrosy.

Raha mahatadidy ny mpianatrao fa nisy fanambarana fanorenana tempoly teo amin’ny toerana misy azy ireo dia azonao atao ny mampahatsiahy ny fotoana niainana izany raha eo am-pamakiana ireto andalan-tsoratra masina manaraka ireto izy ireo. Na azonao atao ihany koa ny mangataka ny mpianatra haka sary an-tsaina ny mety ho fahatsapany raha mandre izy ireo fa hisy ny fanorenana tempoly ao amin’ny faritra misy azy ireo.

Vakio ny Ezra 1:1–3, ary tadiavo hoe nentanin’ Andriamanitra hanao inona i Mpanjaka Kyrosy.

Inona araka ny eritreritrao no eritreritra sy fahatsapana mety nananan’ny Jiosy? Nahoana?

Taty aoriana dia Jiosy miisa 50.000 no niverina tany Jerosalema mba hanorina indray ny tempoly teo ambany fitarihan’i Zerobabela (jereo ny Ezra 2:1–2, 64–65). Ho fahatanterahan’ny faminaniana (jereo ny Isaia 44:28; Jeremia 29:10) dia voaorina indray ny tempoly 70 taona taorian’ny nandravana izany.

Vakio ny Ezra 6:15–16, 22 ary mariho ny zavatra tsapan’ny Jiosy rehefa tonga ihany ny fanokanana ny tempoly taona maro taorian’ny asa mafy sy ny fiomanana ara-panahy.

Eo am-panohizana ny fandalinana ny tantaran’i Ezra ireo mpianatra dia asao izy ireo hitady porofo manamafy ity fahamarinana ity: Rehefa miomana ny hitsaoka ny Tompo ao amin’ny tempoly isika dia hanome antsika fifaliana Izy. Azonao atao ny manoratra izany fahamarinana izany eo amin’ny solaitrabe.

Ampio ny mpianatra hahatakatra ny mety ho endrika hisehoan’izany fahamarinana izany eo amin’ny fiainan’ny tanora iray. Fomba iray hanaovana izany ny fangatahana ny iray kilasy hilazalaza fohifohy momba ny tanora roa: tanora iray manatrika fotoana fotsiny ny tempoly, ary ny iray kosa miomana hitsaoka ny Tompo ao amin’ny tempoly.

Alohan’ny hametrahana ity fanontaniana manaraka ity dia azonao asaina ny mpianatra hisaintsaina ny traikefa ananany rehefa niomana na nanatrika fotoana tany amin’ny tempoly izy ireo.

Amin’ny fomba ahoana no mitondra fifaliana ho antsika ny fitsaohana ny Tompo ao amin’ny tempoly?

byui.edu/devotionals

Azonao asaina ny mpianatra hizara ny fomba hahafahan’ny fifandraisantsika amin’ny Ray any An-danitra sy i Jesoa Kristy ho lasa mafy orina kokoa amin’ny alalan’ny fitsaohana any amin’ny tempoly.

Miomana hanatrika fotoana any amin’ny tempoly

Ity teny nambara manaraka ity dia afaka manampy ny mpianatra hiampita avy amin’ny fandalinany momba ny nanorenan’ny Jiosy ny tempoly tao Jerosalema mankany amin’ny fiomanany manokana hitsaoka any amin’ny tempoly. Azon’ny mpianatra atao ny manoratra na mampifandray ilay teny nambara ao amin’ny soratra masiny eo akaikin’ny Ezra 6:15–16.

Nampianatra toy izao ny Filoha Russell M. Nelson:

[Eo amin’ny lafin-javatra sasany dia] mora kokoa ny manorina tempoly iray toy izay ny manorina vahoaka iray niomana ho an’ny tempoly iray. (“Lahateny famaranana,” Liahona, nôv. 2019, 122–23)

Asao ny mpianatra hizara antony mety hahamora kokoa ny manorina tempoly mihoatra noho ny fiomanana hitsaoka ny Tompo ao amin’ny tempoly.

Azontsika atao ny mianatra mikasika ny fiomanana hitsaoka ny Tompo ao amin’ny tempoly amin’ny alalan’ny fandalinana ny zavatra niainan’ny Jiosy tamin’ny fanorenana ny tempoly tao Jerosalema.

Rehefa nahavita ny momba ilay taratasy zaraina ny mpianatra dia omeo fotoana izy ireo hifanakalo hevitra mikasika izay hevi-baovao azon’izy ireo.

Hevero ny hampiseho ireto fanontaniana manaraka ireto. Asio tsanganana telo misy ireto lohateny ireto eny amin’ny solaitrabe: “1,” “2,” ary “3.” Asao ny mpianatra hanoratra ny anarany eo amin’ny tsanganana eo ambanin’ny laharan’ny fanontaniana izay tiany hovaliana. Manasà mpianatra izay vonona ho an’ny tsanganana tsirairay avy hizara ny valinteniny amin’ny iray kilasy.

Amin’ny fomba ahoana araka ny hevitrao no hahafahan’ny fiomanana hanatrika fotoana any amin’ny tranon’ny Tompo manampy antsika hiaina fifaliana rehefa manatrika fotoana any amin’ny tempoly isika?
Tamin’ny fomba ahoana no nanomezan’ny Tompo anao fifaliana rehefa nanatrika fotoana tany amin’ny tempoly ianao?
Inona no fantatrao momba ny Ray any An-danitra sy i Jesoa Kristy ka nanosika anao hiomana amin’ny fanatrehana fotoana any amin’ny tranon’ Izy Ireo masina?

Azonao atao ny mizara ny fijoroana ho vavolombelona anananao mikasika ny fifaliana azontsika avy amin’ny Tompo rehefa manomana ny tenantsika hitsaoka Azy ao amin’ny tempoly isika.

Loharanom-pitaovana fanampiny

Nahoana no mila manomana ny tenako aho alohan’ny hanatrehana fotoana any amin’ny tempoly?

Nanazava toy izao ny Filoha Russell M. Nelson:

Ireto teny ireto dia misoratra eo amin’ny tempoly tsirairay “hamasinina ho an’ny Tompo.” Izany teny izany dia maneho fa ny tempoly sy ny tanjony dia samy masina. Ireo izay miditra ny tempoly dia ilaina koa hanana ilay toetra masina. Satria nomanina ho an’ny olona ny tempoly, noho izany dia mila manomana ny tenany ho an’ny tempoly ny olona. (“Prepare for the Blessings of the Temple,” Liahona, Oct. 2010, 41)

Nahoana no mendrika hanaovana fahafoizan-tena ny fanatrehana fotoana any amin’ny tempoly?

Toy izao ny fanazavan’ny Filoha Thomas S. Monson (1927–2018):

21:24

Misy ambaratongam-pahafoizan-tena hatrany amin’ny fananganana tempoly sy ny fanatrehana fotoana any amin’ny tempoly. Tsy tambo isaina ireo mpikambana no niasa mafy sy sahirana mba hahafahan’izy ireo sy ny fianakavian’izy ireo mahazo ny fitahiana izay azo any amin’ny tempolin’ Andriamanitra.

Nahoana no maro tahaka izany no nanome zavatra maro an-tsitrapo mba handraisany ny fitahiana avy amin’ny tempoly? Ireo izay mahatakatra ny fitahiana mandrakizay azo avy amin’ny tempoly dia mahafantatra fa tsy misy izany fahafoizan-tena lehibe loatra, na sarany mavesatra loatra, na fahoriana sarotra loatra ka tsy mendrika nanaovana izany mba handraisana ireo fitahiana ireo. Tsy misy halavirana be loatra handehanana, na sakana betsaka loatra horesena na fahoriana be loatra hozakaina. Takatr’izy ireo fa ireo ôrdônansin’ny famonjena izay raisina any amin’ny tempoly no hanome antsika fahafahana indray andro any hiverina any amin’ny Raintsika any An-danitra ao amin’ny fifandraisan’ny fianakaviana mandrakizay ary ho tafiana amin’ireo fitahiana sy hery avy any ambony izay mendrika hanaovana ny fahafoizana sy ny ezaka rehetra. (“Ny tempoly masina—Fanilo ho an’izao tontolo izao,” Liahona, mey 2011, 92)

Sahanasa fianarana fanampiny

Sakana amin’ny fanorenana tempoly amin’izao vanin’andro izao

Mety hahaliana ny mpianatra ny mahita ohatra amin’ny sakana atrehan’ny Olomasina amin’izao vanin’andro izao amin’ny fanorenana tempoly. Mba hanombohana, dia azonareo atao ny mijery ny zavatra niainan’ny Loholona Kevin R. Duncan ao amin’ny Fitopoloahy ao amin’ny “Feon’ny fifaliana!,” manomboka amin’ny marim-potoana 5:42 ka hatramin’ny 6:39. Asao ny mpianatra hijery antony hikatsahan’i Satana ny hanakanana ny fanorenana tempoly.

9:46

Azonao atao avy eo ny mizara ny iray na roa amin’ireto ohatra manaraka ireto mba hanamafisana ny fandalinana nataon’ny mpianatra tao amin’ny Ezra 4:4–5, 24.

Alaivo sary an-tsaina ny tenanao hoe any amin’ny tempoly

Fomba iray anomanantsika ny tenantsika amin’ny fanatrehana fotoana any amin’ny tempoly ny fakana sary an-tsaina ny tenantsika ao amin’ny tempoly. Mba hanampiana ny mpianatra hahatakatra ny hevitr’izany dia azonao atao ny mampiseho ny “Alaivo sary an-tsaina ny tenanao hoe any amin’ny tempoly” izay nataon’ny Loholona Quentin L. Cook ao amin’ny Kôlejin’ny Apôstôly Roambinifolo, manomboka amin’ny kaodim-potoana 3:04 ka hatramin’ny 3:48.

16:23

Azonao atao avy eo ny mitarika fifanakalozan-kevitra mikasika ny atao hoe maka sary an-tsaina ny tenantsika hoe ao amin’ny tempoly. Azon’ny mpianatra atao ny mamantatra fomba hahafahany manao izany. Afaka misafidy zavatra iray izay tiany atao tsara kokoa mba hakany sary an-tsaina ny tenany hoe ao amin’ny tempoly izy ireo avy eo.

Ezra 8: Ny herin’ny fifadian-kanina sy vavaka

Mety hahazo tombony ny mpianatra amin’ny fandalinana ny fitahiana azo avy amin’ny fifadian-kanina sy vavaka avy amin’ny bokin’i Ezra. Mba hanampiana azy ireo hanao izany dia azonao atao ny manazava ireto manaraka ireto:

60 taona mahery taorian’ny namitana ny tempoly tao Jerosalema dia nandefa mpanora-dalàna Jiosy antsoina hoe Ezra ho any Jerosalema ny Mpanjakan’i Persia, Artaksersesy, mba hanendry mpitondra fanjakana (jereo ny Ezra 7:25) ary hitondra fanomezana hanatsarana ny tempoly. Raha nangataka tari-dalana sy fiarovana tamin’ny Tompo i Ezra dia nanapa-kevitra izy fa mila mifady hanina sy mivavaka izy sy ireo vahoakany.

Azon’ny mpianatra atao avy eo ny mamaky ny Ezra 8:21, 23, 31, ary mijery izay azony hianarana mikasika ny fitahiana azo avy amin’ny fifadian-kanina sy ny vavaka

Inona avy ireo fomba sasantsasany hitahian’ny Tompo antsika rehefa mifady hanina sy mivavaka isika?

Asaivo jeren’ny mpianatra ny andalan-tsoratra masina fifehezana fotopampianarana ao amin’ny Isaia 58:6–7 mikasika ireo fitahiana hafa avy amin’ny fifadian-kanina. Azonao atao ihany koa ny manampy ny mpianatra hahatakatra ny zavatra azony atao mba hifadiana hanina sy hivavahana. Hevero ny hampiasa ny fizarana “Jeûne et offrandes de jeûne” ao amin’ny Sujets et questions ao amin’ny Médiathèque de l’Évangile.

Inona no zavatra niainanao mikasika ny fifadian-kanina sy ny vavaka? Inona no fitahiana azonao avy amin’ny Tompo?