Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

2 Tantara 17–20: Mitady fitsipika ao amin’ny soratra masina

“2 Tantara 17–20: Mitady fitsipika ao amin’ny soratra masina,” Testamenta Taloha: Boky torolalana ho an’ny mpampianatra seminera (2026)

“2 Tantara 17–20: Mitady fitsipika ao amin’ny soratra masina,” Testamenta Taloha: Boky torolalana ho an’ny mpampianatra seminera

2 Tantara 14–20; 26; 30: Lesona 91

2 Tantara 17–20

Mitady fitsipika ao amin’ny soratra masina

Efa nanontany tena ve ianao hoe inona no azonao atao mba hanakaikezana kokoa an’i Jesoa Kristy? I Josafata mpanjaka ao amin’ny Testamenta Taloha dia ohatra iray lehibe teo amin’ny fanaovana izany. Nanalavitra an’ Andriamanitra ny vahoakany ary tafalatsaka tamin’ny fitsaohana sampy. Nisafidy ny hanaraka an’i Jehovah i Josafata ary nanampy ny vahoakany hanao toy izany koa. Ity lesona ity dia afaka manampy ny mpianatra hianatra hamantatra ireo fitsipiky ny filazantsara avy ao amin’ny soratra masina.

Fanomanana ny mpianatra: Hevero ny hanasa ny mpianatra hisaintsaina ny zavatra nianarany tao anatin’ny fandalinan’izy ireo manokana ny soratra masina sy ny fandalinan’ny mpianakavy ny soratra masina. Afaka ny ho tonga ao an-dakilasy miaraka amin’ny fahavononana hizara fitsipika iray izay hitany izy ireo sy ny fomba hanampian’izany azy ireo.

Sahanasa fianarana azo atao

Vatofantsika fiarovana

Asehoy ity sarin’olona iray mihanika vatolampy manaraka ity.

Raha te hihanika hantsambato iray ianao dia inona no fitaovana hilainao?
Nahoana no ilaina izany fitaovana izany?
Raha ampitahaintsika amin’ny fihanihana hantsambato ny fiainantsika dia inona no nomen’ny Tompo anao mba hanampiana anao hahomby soa aman-tsara.

Mety hizara valinteny isan-karazany ny mpianatra. Rehefa manao izany izy ireo dia isaory noho ny valinteniny, ary anontanio hoe nahoana no hanampy ireo zavatra ireo. Ity valiny manaraka ity no hifantohan’ity lesona ity.

Nampianatra ny Loholona Richard G. Scott (1928–2015) tao amin’ny Kôlejin’ny Apôstôly Roambinifolo:

Izaho sy ianao dia afaka manana fahatokiana eo amin’ny fanatratrarana tanjona mendrika eo amin’ny fiainana amin’ny alalan’ny fahatakarana sy ny fanarahana tsy tapaka fitsipika marina izay mifototra ao amin’ny fahamarinana nambara.

Ireo fitsipika dia vatofantsika fiarovana. Izy ireo dia toy ny vatofantsika vy mahery izay ampiasain’ireo mpihanika tendrombohitra mba hahafahana mihanika hantsambato izay tsy ho vita ny mihanika azy raha amin’ny fomba hafa. Hanampy anao hanana fahatokian-tena eo anatrehan’ireo toe-javatra vaovao sy tsy mahazatra izy ireo. Hanome fiarovana anao izy ireo eo anatrehan’ny tafio-drivotry ny fahoriana eo amin’ny fiainana. (“The Power of Correct Principles,” Ensign, May 1993, 32)

Ny iray amin’ireo fomba nanomezan’ny Ray any An-danitra antsika tamim-pitiavana ireo fitsipika marina dia tamin’ny alalan’ny soratra masina. Rehefa mandalina soratra masina isika, dia mikatsaka ny mba hahita ireo fitsipika na teny nambara mifono fahamarinana izay afaka manampy antsika eo amin’ny fiainantsika.

Mety hanampy ny mangataka ny mpianatra hisaintsaina ny fahaizan’izy ireo mitady ireo fitsipika ao amin’ny soratra masina amin’izao fotoana izao. Ity misy fomba iray hanaovana izany.

Makà fotoana hisaintsainana ireto fanontaniana manaraka ireto:

Hatraiza ny fahatokiako ny fahaizako mamantatra fitsipika?
Manao ahoana ny fahatakarako ny fahafahan’ireo fitsipika manampy ahy eo amin’ny fiainako?

Rehefa mandalina ity lesona momba ny fiainan’i Josafata ity ianao dia katsaho ny fanampian’ny Fanahy Masina mba hamantarana ireo fitsipika marina izay afaka manampy anao.

Ireo fitsipika avy amin’ny fiainan’i Josafata

Taorian’ny nahafatesan’ny rainy dia lasa mpanjakan’i Joda i Josafata. Samy nanalavitra ny Tompo Jesoa Kristy i Isiraely sy i Joda. Nitsaoka andriamantra tsy izy izy ireo.

Vakio ny 2 Tantara 17:3–4; 19:4, ary jereo ny zavatra ianaranao momba an’i Josafata. (Fanamarihana: Ny hoe Bala dia ilazana ireo andriamanitra tsy izy.)

Inona no manaitra anao momba an’i Josafata?

Rehefa tonga teo amin’ny fahefana i Josafata dia efa niaina tao anatin’ny apôstazia ny vahoakany. Nanao ezaka maro nanerana ny fanjakany i Josafata mba hanampiana ny vahoakany hanaraka an’i Jehovah (Jesoa Kristy). Nandritra izany fotoana izany dia tonga mba hiady amin’ny vahoakany ireo fahavalon’i Josafata. Ny zavatra nitranga tao anatin’ireo toe-javatra ireo dia maneho fitsipika isan-karazany.

Hevero ny hanazava ity fahaiza-manao iray eo amin’ny fandalinana manaraka ity mba hamantarana ireo fitsipika.

Ny fomba iray hamantarana fitsipika iray dia amin’ny alalan’ny fomba ifandraisan’ny zavatra anankiroa. Ohatra: noho ny A, dia mitranga ny B. Na satria nanao ny A ilay olona, dia mampanantena na manome ny B ny Tompo.

Asaivo vakin’ny iray kilasy ireto andininy manaraka ireto mba hanomezana fahafahana ny mpianatra hanao fanazaran-tena hampiasa ilay fahaiza-manao.

Vakio ny 2 Tantara 17:6 sy ny 19:3, ka tadiavo ireo fitsipika teo amin’ny fiainan’i Josafata. (Fanamarihana: ny fitoerana avo sy ny Aseraha dia toerana hitsaohana andriamani-kafa.)

Ireo fitsipika sasantsasany mety ho hitan’ny mpianatra dia ny hoe:

Rehefa mampifantoka ny fiainantsika amin’ Andriamanitra isika, dia afaka manala mora kokoa ny ratsy eo amin’ny fiainantsika (jereo ny 2 Tantara 17:6).
Rehefa esorintsika eo amin’ny fiainantsika ny ratsy dia vonona kokoa ny hitady an’ Andriamanitra isika (jereo ny 2 Tantara 19:3).

Nahoana no manampy ireo fitsipika ireo?

Rehefa avy niaraka namantatra fitsipika avy tao amin’ireo andininy teo aloha ny iray kilasy, dia asao ny mpianatra hanao fanazaran-tena hamantatra fitsipika ao anatina vondrona kely na hitady izany samirery. Angataho izy ireo mba hampiasa ireto andininy manaraka ireto.

Vakio ny 2 Tantara 20:1–9, 14–17, 20–22, ka tadiavo ireo fitsipika marina fanampiny.

Ireo fitsipika sasantsasany mety ho hitan’ny mpianatra dia ny hoe:

Rehefa mifady hanina sy mivavaka mba hahazo famonjena isika dia hiaraka amintsika ao anatin’ireo olantsika ny Tompo (jereo ny 2 Tantara 20:1–4, 14–17).
Rehefa mitady ny Tompo ao amin’ny tempoliny isika dia hihaino antsika sy hanampy antsika Izy (jereo ny 2 Tantara 20:9).
Rehefa mino ny Tompo sy ny mpaminaniny isika dia hiroborobo (jereo ny 2 Tantara 20:20).
Rehefa midera ny Tompo amin’ny alalan’ny hira isika dia hotahiny (jereo ny 2 Tantara 20:21–22).

Raha toa ka sahirana eo amin’ny famantarana ireo fitsipika ny mpianatra dia hevero ny hanoratra eny amin’ny solaitrabe ny sasany amin’ireo fitsipika etsy ambony na izy rehetra . Asao ny mpianatra hamantatra ireo andininy nohalalinina izay mampianatra ny fitsipika tsirairay.

Manakatra fitsipika

Ho an’ity sahanasa manaraka ity dia afaka mampiasa ireo fitsipika etsy ambony ny mpianatra na afaka mampiasa fitsipika iray izay nianaran’izy ireo vao haingana tao anatin’ny fandalinany manokana na fandalinan’ny mpianakavy.

Misafidiana fitsipika iray izay tianao hianarana bebe kokoa ny mikasika azy. Manomàna lahateny maharitra roa minitra mikasika io fahamarinana io izay ahitana izao manaraka izao:

Andininy iray na maro izay novakinao tao amin’ny 2 Tantara momba io fitsipika io sy ny antony nisafidiananao izany
Soratra masina hafa na teny hafa avy amin’ireo mpaminany izay manampy anao hahatakatra io fitsipika io
Fotoana iray izay nanazavan’ny Mpamonjy na olona hafa tao amin’ny soratra masina na tantaran’ny Fiangonana izay maneho ohatra io fitsipika io
Fomba izay tsapanao fa ahafahan’io fitsipika avy amin’ny Tompo io manampy antsika na miaro antsika
Zavatra niainana iray tamin’ny fotoana nandraisanao na nandraisan’ny olona iray fantatrao andraikitra nifanaraka tamin’io fitsipika io sy izay fitahiana tonga avy amin’ny Tompo vokatr’izany

Azon’ny mpianatra atao ny mizara ny lahateniny amin’ny mpianatra iray miara-miasa aminy na amina vondrona kely iray Na azonao atao ny manasa mpianatra vitsivitsy vonona izay nandalina fitsipika samihafa mba hizara ny lahateniny amin’ny iray kilasy. Eo anelanelan’ny lahatenin’ny mpianatra tsirairay dia azonao atao ny manasa ny iray kilasy hizara izay mety ho fanamarihana na fanontaniana ananan’izy ireo momba ilay fitsipika nozarain’ilay mpianatra.

Ataovy izay hanomezana fotoana ampy ireo mpianatra mba hiomanany sy hizarany ny lahateniny maharitra roa minitra.
Raha avy amin’ny zavatra nianaranao androany dia nahoana no ilaina ny miezaka mitady ireo fitsipika izay nomen’ny Tompo antsika ao amin’ny soratra masina?
Ahoana no mety hampiasanao ny zavatra nianaranao androany ao anatin’ny fandalinan’ny mpianakavy atrehanao sy ny fandalinan’ny tena manokana ataonao?

Loharanom-pitaovana fanampiny

Inona no atao hoe fitsipika?

Nampianatra ny Loholona David A. Bednar ao amin’ny Kôlejin’ny Apôstôly Roambinifolo hoe:

Raha ambara amin’ny teny fohy, ny fitsipika anankirain’ny filazantsara dia torolalana mifototra amin’ny fotopampianarana ho an’ny fampiharana ara-drariny ny safidin’ny saina amam-panahy. Ireo fitsipika dia avy amin’ireo fahamarinan’ny filazantsara mivelatra kokoa ary manolotra fitarihana sy fenitra arahina rehefa mibosesika mandroso eo amin’ny lalan’ny fanekempihavanana isika. (“Ireo fitsipiky ny filazantsarako,” Liahona, mey 2021, 123)

Ny Loholona Richard G. Scott (1928–2015) tao amin’ny Kôlejin’ny Apôstôly Roambinifolo dia nanazava hoe:

Fahamarinana tsy misy fangarony ny fitsipika, ary natao mba hampiasaina amin’ny toe-javatra miseho maro samihafa. Ny fitsipika marina iray dia mampazava ny fanapahan-kevitra na dia ao anatin’ny toe-javatra tena mampikorontan-tsaina sy feno faneriterena aza. Mendrika ny hanaovana ezaka lehibe ny fandaminana ireo fahamarinana izay angonintsika mba ho lasa filazana fitsipika amin’ny fomba tsotra.” (“Acquiring Spiritual Knowledge,” Ensign, Nov. 1993, 86)

Nahoana no ilaina ny mitady ireo fitsipika sy miaina mifanaraka amin’izany?

Nampianatra ny Loholona David A. Bednar ao amin’ny Kôlejin’ny Apôstôly Roambinifolo hoe:

Ny fianarana sy ny fahatakarana ary ny fiainana ireo fitsipiky ny filazantsara dia manamafy orina ny finoantsika ny Mpamonjy, sy mampahalalina ny fahafoizan-tenantsika ho Azy ary mampisy fitahiana maro dia maro sy fanomezam-pahasoavana ara-panahy tonga eo amin’ny fiainantsika. Ireo fitsipiky ny fahamarinana koa dia manampy antsika mba hijery mihoatra lavitra an’ireo zavatra tiantsika manokana sy ireo faniriantsika mifono fitiavan-tena amin’ny alalan’ny fanolorana ilay fomba fijery sarobidy an’ilay fahamarinana mandrakizay rehefa mamakivaky ireo toe-javatra iainana, ireo olana sy ireo fanapahan-kevitra ary ireo zavatra iainana mandritra ny fiainana an-tany isika. (“Ireo fitsipiky ny filazantsarako,” Liahona, mey 2021, 123–24)

Sahanasa fianarana fanampiny

Fomba hafa hanombohana

Angataho ny mpianatra mba hizara ny fomba ahafahan’izy ireo manomana sy manatanteraka dia feno fahombiazana mba hamakivaky ny ranomasimbe. Inona no hilain’izy ireo fantarina?

Zarao ity zavatra avy amin’ny Loholona Richard G. Scott (1928–2015) tao amin’ny Kolejin’ny Apôstôly Roambinifolo manaraka ity:

Nahazo tombontsoa lalandava avy tamin’ny fankatoavana ireo fitsipika marina ny olombelona. Ireo Pôlineziana tsy mba nanan-tahotra dia namakivaky tao anatina sambo tsizarizary ranomasimbe midadasika mba hahatongavana any amina toerana lavitra an’arivony kilaometatra. Izany zava-bita nahatalanjona izany dia tsy tanteraka an-kisendrasendra fa tamin’ny alalan’ny fanarahana ireo fitsipika azo antoka mikasika ny fanamoriana tarihin’ireo singa eny amin’ny lanitra. Niomana tamim-pahamalinana izy ireo ary tsy nanaiky ho azon’ny fakam-panahy hamily ny lalan’izy ireo na hitaredretra eny an-dalana. Torak’izany koa, Izaho sy ianao dia afaka matoky fa hahatratra tanjona mendrika eo amin’ny fiainana amin’ny alalan’ny fanakarana sy fanarahana tsy tapaka ireo fitsipika marina mifototra ao amin’ny fahamarinana nambara. (“The Power of Correct Principles,” Ensign, May 1993, 32)

Ny ambin’ilay tantara

Raha toa ka tsapanao fa hahazo tombontsoa amin’ny alalan’ny fianarana bebe kokoa momba ny tantaran’i Josafata sy ny vahoakany ny mpianatra dia hevero ny hamintina na hamaky ity andiam-pehezanteny manaraka ity:

I Josafata sy ny vahoakan’i Joda dia nandeha hiady tamin’ny vahoakan’i Amona sy Moaba ary ny avy any an-tendrombohitra Seira, izay nantsoina koa hoe tanin’i Edoma (Jereo ny Sarintany ao amin’ny Baiboly faha-10). Nandeha niatrika ilay ady tamin’ny alalan’ny fihirana hira fiderana an’ Andriamanitra izy ireo. Notahin’ Andriamanitra izy ireo avy eo satria nampisafotofotoany ireo fahavalon’izy ireo ka dia nifanandrina sy nifamono. Avy eo dia nanangona harena manan-danja avy tamin’ireo fahavalony efa maty ny vahoakan’i Josafata.

Azonao atao avy eo ny manasa ny mpianatra hamaky ny 2 Tantara 20:26–30, ka hitady ireo fitahiana hafa azon’i Joda noho ny fahatokian’izy ireo.

Fananana fahatokiana rehefa mandeha ny fotoana

Azonao marihina fa i Josafata sy ny vahoakany koa dia ohatra teo amin’ny fanaovana zavatra maro tamim-pahamarinana rehefa nandeha ny fotoana.

Nampianatra izao manaraka izao ny Filoha Dallin H. Oaks izay nanantitrantitra ny maha-zava-dehibe ny ezaka mitohy ataontsika rehefa mandeha ny fotoana:

Ampianarina zava-madinika sy tsotra maro isika ao amin’ny filazantsaran’i Jesoa Kristy. Ilaina ampahatsiahivina isika fa rehefa mitambatra mandritra ny fotoana ela ireo zavatra toa madinika ireo dia mahatanteraka zavatra lehibe. …

Tsy misy amin’ireo zava-madinika sy tsotra izay mampitsiriritra ireo afaka ny hampisondrotra antsika any amin’ny zavatra lehibe raha tsy ampiharina tsy tapaka. (“Zava-madinika sy tsotra,” Liahona,, mey 2018)

Ahoana no nahitanao io fitsipika izay nasehon’i Josafata io?
Nahoana araka ny eritreritrao no zava-dehibe ho antsika ny fananana fahatokiana rehefa mandeha ny fotoana mba hahatongavantsika kokoa tahaka an’i Jesoa Kristy?