Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

2 Tantara 14–16: “Raha mitady Azy kosa hianareo, dia hahita Azy”

“2 Tantara 14–16: -Raha mitady Azy kosa hianareo, dia hahita Azy,-” Testamenta Taloha: Boky torolalana ho an’ny mpampianatra seminera (2026)

“2 Tantara 14–16: -Raha mitady Azy kosa hianareo, dia hahita Azy,-” Testamenta Taloha: Boky torolalana ho an’ny mpampianatra seminera

2 Tantara 14–20; 26; 30: Lesona 90

2 Tantara 14–16

“Raha mitady Azy kosa hianareo, dia hahita Azy”

Ny olona sasany dia mety tsy hikatsaka ny Ray any An-danitra sy an’i Jesoa Kristy raha tsy rehefa milamina ny zava-drehetra. Ny hafa dia mety tsy hitalaho mba hahazo ny fanampian’ Izy ireo raha tsy rehefa ao anatin’ny fotoan-tsarotra ihany. Tahaka an’i Asa, ilay mpanjakan’i Joda, dia afaka mikatsaka ny Tompo isika mandritra ny fotoana hisian’ny filaminana sy ny fotoan-tsarotra. Ity lesona ity dia afaka manampy ny mpianatra hanao drafitra hikatsahana ny Tompo.

Fanomanana ny mpianatra: Asao ny mpianatra hitanisa ireo fomba ahafahan’izy ireo mitady ny Tompo eo amin’ny fiainan’izy ireo.

Sahanasa fianarana azo atao

Mikatsaka mba hahita

Hevero ny hanomboka ny lesona amin’ny alalan’ny fanasana ny mpianatra hieritreritra ny fomba hitadiavantsika ireo zavatra izay very. Azonao atao ny mitanisa na mampiseho zavatra vitsivitsy izay tsy mitovy ny hasarobidiny, toy ny pensilihazo iray, enti-mody iray manan-danja asaina atao, finday iray, fanomezana avy amin’ny olona iray akaikin’ny fo sy ny sisa. Anontanio ny mpianatra ny habetsaky ny ezaka hatokan’izy ireo ho an’ireo zavatra tsirairay ireo raha toa ka very izany.

Nahoana ny ezaka ataonao mba hahitana zavatra iray no tsy mitovy fa miankina amin’ilay zavatra tadiavinao?

Hevero ny hanoratra hoe Tadiavo ny Tompo eny an-tampon’ny solaitrabe.
Inona araka ny eritreritrareo no dikan’ny hoe mitady ny Tompo?

Raha sahirana amin’ny famaliana izany ny mpianatra dia afaka manontany ianao hoe ahoana no fomba ifankahafantaran’izy ireo amin’olona ary hanorenan’izy ireo fifandraisana tsara. Avy eo dia anontanio ny fomba mety ho entin’izy ireo hamantarana sy hanorenana fifandraisana amin’ny Tompo. Azonao hazavaina fa ny teny Hebreo Mitady amin’ireo andinin-tsoratra masina hianarantsika androany (2 Tantara 14:4; 15:2, 12; 6:12) dia darash izay midika ho mitady, manontany, mizaha, manaraka, maka hevitra, na koa manome izay azonao atao.

Valio ao anatin’ny diary fandalinanao ireto fanontaniana manaraka ireto:

Inona avy ireo zavatra izay efa nataonao na nataon’ny olona hafa fantatrao mba hitadiavana ny Tompo?
Hatraiza ny halehiben’ny ezaka atokanao mba hitadiavana ny Tompo?

Rehefa mandalina ianao anio dia mitadiava fomba ahafahanao mitady ny Tompo. Soraty izay eritreritra na fahatsapana tonga ao aminao avy amin’ny Fanahy Masina.

Ohatra iray momba ny fitadiavana ny Tompo

Hevero ny hizara na hamintina ity andiam-pehezan-teny manaraka ity.

Ny bokin’ny Tantara sy ny Mpanjaka dia saika miresaka zava-nitranga tao anatina vanim-potoana iray ihany. Hitantsika ao amin’ny 2 Tantara 14–16 sy ny 1 Mpanjaka 15 ny tantaran’i Asa Mpanjaka, izay mpanjakan’i Joda fahatelo.

Azonao atao ny mamorona ity tabilao manaraka ity eny amin’ny solaitrabe mba hanampiana ny mpianatra amin’ny sahanasa manaraka. Afaka mamorona ilay tabilao ao amin’ny diary fandalinany koa ny mpianatra.

Ny fomba nitadiavan’i Asa sy ny vahoakany ny Tompo	Ny fomba nitahian’ny Tompo azy ireo
Ny fomba nitadiavan’i Asa sy ny vahoakany ny Tompo	Ny fomba nitahian’ny Tompo azy ireo

Hevero ny hizarazara ny mpianatra ho vondrona efatra miavaka tsara. Angataho ny vondrona tsirairay mba hamaky andian-tsoratra masina miavaka tsara amin’ireto andinin-tsoratra masina manaraka ireto. Afaka manoratra ny zavatra nianarany eny amin’ny solaitrabe ny mpianatra iray avy amin’ny vondrona tsirairay.

Raha mila fanampiana ny mpianatra mba hahatakarana ny hoe “Aseraha” ao amin’ny 2 Tantara 14:2 dia azavao fa toerana nitsaohan’ny olona andriamani-kafa izany.

Vakio ny iray amin’ireto andian’andinin-tsoratra masina manaraka ireto, ka tadiavo ny zavatra nataon’i Asa sy ny vahoakany ary ny fomba nitahian’ Andriamanitra azy ireo:

2 Tantara 14:3–7. Nandritra ny fotoana iray niainana filaminana
2 Tantara 14:9–13. Rehefa nanafika ny Etiopiana
2 Tantara 15:1–9. Nandritra ny fotoana iray niainana filaminana
2 Tantara 15:10–12, 15. Nandritra ny fotoana iray niainana filaminana

Apetraho ity fanontaniana manaraka ity mba hanampiana ny mpianatra hahita fahamarinana iray avy amin’ny zavatra nohalalinin’izy ireo. Rehefa mizara ny mpianatra dia ampidiro ao amin’ilay tabilao eny amin’ny solaitrabe ny valinteniny.
Inona no nianaranao avy amin’ny zavatra niainan’i Asa sy ny vahoakany?

Ampio ny mpianatra, amin’ny alalan’ny fampiasana ny tenin’izy ireo manokana, mba hahita fahamarinana toy izao manaraka izao:

Rehefa mitady ny Tompo amin’ny foko manontolo aho dia hanome ahy fitsaharana Izy (2 Tantara 14:7; 15:15)
Raha mitady ny Tompo aho dia hahita Azy (2 Tantara 15:2)

Rehefa mizara ny mpianatra dia hevero ny hametraka fanontaniana fanaraha-maso mba hanampiana azy ireo hieritreritra ny mety ho dikan’ireo teny na andian-teny sasantsasany. Ohatra, afaka manontany ianao hoe, “Inona no dikan’ny hoe mitady ny Tompo araka ny eritreritrao?” na “Mety ho toy ny ahoana izany hoe omen’ny Tompo fitsaharana izany isika?”

Mba hahitana fampianarana izay mety hanampy amin’ireo fanontaniana ireo na fanontaniana hafa dia jereo ny fizarana Loharanom-pitaovana fanampiny.

Mitady sy mahita ny Tompo

Ampio ny mpianatra hampifandray ny fiainan’i Asa sy ny fiainan’izy ireo manokana. Azonao soloina ireo lohateny eo amin’ilay tabilao eny amin’ny solaitrabe ho lasa hoe Ahoana no ahafahako mitady ny Tompo ho an’ny tsanganana havia ary Ahoana no mety hitahian’ny Tompo ahy ho an’ny tsanganana havanana. Avy eo dia asao ireo mpianatra hanao ity zavatra manaraka ity ao anatin’ny vondrona na izy samirery.

Ankoatra ny zavatra nataon’i Asa sy ny vahoakany dia ampidiro ao amin’ny tsanganana havia ny lisitrao izay ahitana ireo fomba ahafahanao mitady ny Tompo. Ireo fomba ireo dia mety ho tonga avy amin’ny zavatra niainanao manokana, na ohatra avy ao amin’ny soratra masina na tantaran’ny Fiangonana, na lahateny avy amin’ireo mpitarika ao amin’ny Fiangonana.

Inona no mety hanelingelina antsika amin’ny fitadiavana ny Tompo?
Inona no zavatra manampy anao hitady ny Tompo na dia eo aza ireo zavatra manelingelina ireo?

Hevero ny hanasa azy ireo hanisy marika ilay andian-teny “dia hahita Azy” ao amin’ny 2 Tantara 15:2. Mba hanampiana ny mpianatra hieritreritra fomba ahafahantsika mahita ny Tompo dia anontanio ity manaraka ity.
Ahoana no nitahian’ny Tompo anao na ny olona iray izay fantatrao rehefa nitady Azy?

Rehefa avy mizara ny mpianatra dia amporisiho izy ireo hanoratra ny eritreriny ao amin’ny tsanganana havanana eo amin’ilay tabilao. Azonao atao ny mijoro ho vavolombelona fa ireo fitahiana nozarain’ny mpianatra dia mety ho porofo fa nahita Azy izy ireo.

Manao drafitra

Ampio ny mpianatra handray andraikitra eo anatrehan’ny zavatra izay tsapany na nianarany nandritra ny lesona. Mba hanaovana izany dia amporisiho izy ireo hieritreritra ireo fahatsapana mety azon’izy ireo avy amin’ny Fanahy nandritra ny fotoam-pianarana. Ny mpianatra dia namerina nijery koa ny tanjon’izy ireo eo amin’ny fandalinana ny soratra masina tao amin’ny lesona 87, mba ho fomba iray hanakaikezana kokoa ny Tompo. Raha ilaina dia azon’izy ireo atao ny manombantombana ny fizotran’ny tanjon’izy ireo ary manapa-kevitra raha te hampiasa ny tanjon’izy ireo ao amin’io drafitra io koa izy ireo.

Misafidiana zavatra iray azonao atao mba hitadiavana ny Tompo. Valio ao anatin’ny diary fandalinanao ireto fanontaniana manaraka ireto. Manaova drafitra mikasika ny fomba ahafahanao mampiditra io asa atao io eo amin’ny fiainanao.

Nahoana araka ny eritreritrao no mety hanampy anao hahita kokoa ny Tompo eo amin’ny fiainanao io asa atao io?
Inona avy ireo fanamby mety hatrehinao rehefa miezaka manao izany ianao?
Inona avy ireo dingana manokana azonao atao mba hanaovana izany na dia eo aza ireo fanamby ireo?

Hevero ny hamarana ny fotoam-pianarana amin’ny alalan’ny fijoroanao ho vavolombelona momba ireo fitahiana avy amin’ny fitadiavana ny Tompo.

Loharanom-pitaovana fanampiny

2 Tantara 14:6–7. Inona no dikan’ny hoe mahita fitsaharana ao amin’ny Tompo?

Nampianatra ny Filoha Russell M. Nelson hoe:

18:44

Na dia eo aza ireo fanelingelenana sy fikorontanana izay mihaodihaody manodidina antsika, ianao dia afaka mahita ny tena fitsaharana—izay midika ho fanamaivanana sy fiadanana—na dia ao anatin’ireo olana mampahory anao indrindra aza. (“Mandresy izao tontolo izao dia mahita fitsaharana,” Liahona, nôv. 2022, 96)

Inona no takin’ny fitadiavana ny Tompo?

Hoy ny Loholona Ulisses Soares ao amin’ny Kôlejin’ny Apôstôly Roambinifolo hoe:

14:47

Noho ny fahafantarany ny zavatra rehetra izay ilaintsika eto amin’ity fiainana ity, ny Tompo dia manasa antsika mba hikatsaka Azy amin’ny eritreritra rehetra sy hanaraka Azy amin’ny fontsika manontolo. Izany dia manome antsika ilay fampanantenana fa afaka mandeha ao amin’ny fahazavany isika, ary ny fitarihany dia misoroka ny fitarihan’ny haizina eo amin’ny fiainantsika.

Ny fikatsahana an’i Kristy amin’ny eritreritra rehetra sy ny fanarahana Azy amin’ny fontsika manontolo dia mitaky ny hampifanarahantsika ny saintsika sy ny faniriantsika amin’ny Azy. Io fampifanarahana io no lazain’ny soratra masina hoe “[mitoetra] tsara ao amin’ny Tompo.” [Filipiana 4:1]. Izany fomba fanao izany dia midika fa mampifanaraka tsy tapaka ny fiainantsika amin’ny filazantsaran’i Jesoa Kristy isika ary mifantoka isan’andro amin’izay tsara. Amin’izay irery ihany isika vao hahatakatra ilay “fiadanan’ Andriamanitra, izay mihoatra noho ny fahalalana rehetra” sy “hiaro ny fon[tsika] sy ny hevi[tsika] ao amin’i Kristy Jesoa.” [Filipiana 4:7]. “Mikatsaka an’i Kristy amin’ny eritreritra rehetra,” Liahona, nôv 2020, 82–83)

Inona avy ireo fitahiana azo avy amin’ny fitadiavana ny Tompo?

Ohatra iray amin’izany ny fijoroan’i Môrônia ho vavolombelona ao amin’ny Etera 12:41. Nampianatra izao manaraka izao koa ny Loholona Craig C. Christensen ao amin’ny Fitopololahy:

7:9

Sahanasa fianarana fanampiny

Fomba hafa hanombohana

Hevero ny hanoratra ny teny hoe Fikatsahana eny amin’ny solaitrabe. Apetraho amin’ny mpianatra ity fanontaniana manaraka ity:

Inona no tonga ao an-tsainao rehefa mieritreritra io teny io ianao?

Rehefa avy nomena fahafahana hamaly ny mpianatra dia asehoy ity teny manaraka nambaran’ny Loholona José A. Teixeira ao amin’ny Fitopololahy ity.

9:42

Hoy ny Tompo: “[Katsaho] Aho amin’ny eritreritra rehetra; aza miroanàhana, aza matahotra” [Fotopampianarana sy Fanekempihavanana 6:36]. Fikatsahana atao isan’andro sy ezaka mahasoa ny fikatsahana ny Tompo sy ny fahatsapana ny fanatrehany. (“Mikatsaka ny Tompo,” Liahona, mey 2015)

Ahoana no mety hahatonga ny fikatsahana ny Tompo sy ny fahatsapana ny fanatrehany ho “fikatsahana isan’andro”?

Rehefa avy nomena fotoana nifanakalozana hevitra ny mpianatra dia azonao atao ny manasa azy ireo hamaly ireo fanontaniana mampandinika tany am-piandohan’ny lesona.

Miantehitra amin’ilay Kapitenintsika

Mba hanampiana ny mpianatra hieritreritra ny dikan’ny hoe miantehitra amin’ny Tompo, dia afaka mandalina ny tantara ao amin’ny 2 Tantara 13 momba an’i Abia rain’i Asa izy ireo. Hazavao fa nizara ho fanjakana roa ny Isiraelita: ny Fanjakan’i Isiraely tany Avaratra sy ny Fanjakan’i Joda tany Atsimo. Nisy ady nipoaka teo amin’i Isiraely izay notarihin’i Jeroboama Mpanjaka sy teo amin’i Joda izay notarihin’i Abia Mpanjaka.

Asao ny mpianatra hamaky ny 2 Tantara 13:4, 10–12 ka hanisy marika ireo teny na andian-teny izay mampiseho hoe taiza no nitodika i Abia sy ny vahoakany. Raha manampy dia azonao atao ny manazava fa ny fanatitra dorana sy ny ditin-kazo manitra, ny mofo aseho eo amin’ny latabatra, ary ny fanaovan-jiro (andininy 11) dia tafiditra daholo ao anatin’ireo andraikitry ny mpisorona mba hanaovana fitsaohana ao amin’ny tempoly.

Ampio ny mpianatra hitady fahamarinana toy ny hoe, Andriamanitra no mpitarika antsika. Azonao asaina ny mpianatra hampifandray ny andininy 12 amin’ny Hebreo 2:10: “ny Tompon’ny famonjena.”

Inona araka ny eritreritrao no dikan’ny hoe manana an’ Andriamanitra ho kapitenintsika?
Inona no fantatrao momba an’ Andriamanitra izay mahatonga Azy ho Kapiteny tsara?

Asao avy eo ny mpianatra hamaky ny 2 Tantara 13:13–20 ka hitady ny zavatra nitranga noho i Abia sy ny vahoakany izay niantehitra tamin’ Andriamanitra mba ho mpitarika azy ireo. Rehefa avy mamaky izy ireo dia azonao atao ny manasa ny mpianatra mba hanisy marika ilay andian-teny hoe “satria niankina tamin’ny [Tompo Andriamanitra izy ireo]” ao amin’ny andininy 18.

Ahoana no nanampian’ Andriamanitra anao rehefa niankina Taminy ianao?

Misafidy ny tsy hiankina amin’ Andriamanitra

Mba hanampiana ny mpianatra hisoroka ilay fanaovana fahadisoana noho ny tsy fiankinana amin’ Andriamanitra, dia azonao vakina hatramin’ny farany ny tantaran’i Asa ao amin’ny 2 Tantara 16. Hazavao fa nanalavitra an’ Andriamanitra i Asa taty aoriana teo amin’ny fiainana.

Asao ny mpianatra hamaky ny 2 Tantara 16:1–12 ka hitady ohatra anankiroa izay ahitana ny fomba nisafidianan’i Asa tsy hiankina amin’ Andriamanitra. Ampio ny mpianatra hahatakatra fa naka volafotsy sy volamena avy tao amin’ny tempoly i Asa mba hividianana ny fanampian’i Syria mba handresena an’i Isiraely (jereo ny 2 Tantara 16:1–6). Tsy nitady fanampiana avy tamin’ Andriamanitra koa i Asa teo anatrehan’ny aretiny (jereo ny 2 Tantara 16:12). Raha ilaina dia azonao hazavaina fa tsy diso akory i Asa raha nitady ny fanampian’ny mpitsabo saingy tsy mba nitady fanampiana avy amin’ Andriamanitra koa izy. Hà an’ny antsipiriany kokoa dia jereo ny Dallin H. Oaks, “Healing the Sick,” Liahona, May 2010, 47.)

Inona no mety ho nampatahotra an’i Asa ka nitarika azy tsy hiantehitra amin’ Andriamanitra?
Inona avy ireo toe-javatra izay mety hiainan’ny zatovo tahotra mitovy amin’izany?
Inona no fantatrao momba an’ Andriamanitra ka afaka manampy olona iray hiantehitra Aminy ao anatin’ny toe-javatra sarotra iray?