Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

2 Mpanjaka 21–23: I Josia Mpanjaka sy ny Bokin’ny Lalàna

“2 Mpanjaka 21–23: I Josia Mpanjaka sy ny Bokin’ny Lalàna,” Testamenta Taloha: Boky torolalana ho an’ny mpampianatra seminera (2026)

“2 Mpanjaka 21–23: I Josia Mpanjaka sy ny Bokin’ny Lalàna,” Testamenta Taloha: Boky torolalana ho an’ny mpampianatra seminera

2 Mpanjaka 16–25: Lesona 87

2 Mpanjaka 21–23

I Josia Mpanjaka sy ny Bokin’ny Lalàna

King Josiah Reads the Book of the Law to the people

Efa nanontany tena ve ianao hoe mety ho nanao ahoana ny fiainanao raha tsy nanana ny soratra masina ianao? Rehefa niala tamin’ Andriamanitra ny fanjakan’i Joda, dia tsy noraharahaina ny “bokin’ny lalàna” (2 Mpanjaka 22:8, 11) ary very tao amin’ny tempoly tamin’ny farany. Nandritra ny fanavaozan’i Josia ny tempoly dia hitan’i Hilkia mpisorona ny bokin’ny lalàna ka novakin’i Josia tamin’ny vahoaka izany. Nanampy an’i Josia Mpanjaka sy ny vahoakany hitodika indray tany amin’ny Tompo ny soratra masina. Ity lesona ity dia afaka manampy ny mpianatra hitodika any amin’ny Tompo amin’ny alalan’ny fandalinan’ny tena manokana ny soratra masina.

Fanomanana ny mpianatra: Asao ny mpianatra hamerina hijery ireo tanjony eo amin’ny fandalinan’ny tena manokana ny soratra masina sy ny ezaka ataon’izy ireo eo amin’ny famakiana ireo toko ao amin’ny Testamenta Taloha izay nampiandraiketina azy ireo. Amporisiho izy ireo hanohy hanatratra ny tanjony na hanao, ombam-bavaka, ireo fanovana ilaina mba hahombiazana.

Sahanasa fianarana azo atao

Fiainana tsy misy soratra masina

Alohan’ny fotoam-pianarana dia hevero ny hametraka fanamariham-pejy ao anatin’ny Baiboly iray ao amin’ny 2 Mpanjaka 22:8. Afeno ao an-dakilasy ilay Baiboly mba hampiasaina any aoriana ao amin’ny lesona.

Soraty eny amin’ny solaitrabe ity fanontaniana misy banga manaraka ity:

Ho nanao ahoana ny fiainanao raha tsy nisy ny ?

Hevero ny hanome tapa-taratasy kely iray ho an’ny mpianatra tsirairay. Asao izy ireo hanoratra zavatra iray azo tsapain-tanana na zavatra atao izay fantatry ny rehetra izay afaka mameno ny banga amin’ilay fanontaniana. Ohatra, afaka manoratra teny izy ireo toy ny hoe kiraro, na borosy nify, na sekoly, na fanatanjahan-tena. Ampidiro ao anatina vondrona kely maromaro ireo mpianatra. Asao izy ireo hifanakalo hevitra momba ny fomba hamaliany ilay fanontaniana raha toa ka fenoina amin’ny teny nosoratan’izy ireo izany. Rehefa nahavita nizara ny mpianatra dia omeo fotoana izy ireo handinihana amim-pahanginana izao manaraka izao:

Saintsaino ireo zavatra niainanao manokana rehefa misaintsaina ireto fanontaniana manaraka ireto ianao:

Ho nanao ahoana ny fiainanao raha tsy nisy ny soratra masina?
Inona no fiantraikan’ny fandalinanao ny soratra masina nataonao vao haingana teo amin’ny fifandraisanao amin’ny Ray any An-danitra sy i Jesoa Kristy?

Azonao atao ny manasa mpianatra manolo-tena vitsivitsy hizara ny valinteniny. Mba hanatevenana ny fifanakalozan-kevitra dia azonao atao ny mampiseho ity teny nambara manaraka ity.

Ny Loholona D.Todd Christofferson ao amin’ny Kôlejin’ny Apôstôly Roambinifolo dia nampianatra ny filantsika ny soratra masina.

Ireo izay tsy manana na tsy miraharaha ny tenin’ Andriamanitra voarakitra dia hitsahatra tsy hino Azy sy hanadino ny tanjon’ny fisian’izy ireo amin’ny farany. (“The Blessing of Scripture,” Liahona, May 2010, 33)

Any aoriana any, ao amin’ny lesona, dia hanana fahafahana hamantatra sy hizara andinin-tsoratra masina ary hisaintsaina ny tanjon’ny fandalinan’izy ireo manokana ireo mpianatra. Azonao atao ny manamboatra ny ampahany amin’ity lesona ity mba hanomezana fotoana ampy hiatrehana ireo fizarana dia ny “Fizarana ataon’ny mpianatra” sy “Tanjona eo amin’ny fandalinana soratra masina”.

Ny fiantraikan’ny soratra masina

Rehefa nandeha ny fotoana dia very ny soratra masina ary nanalavitra ny Tompo ny fanjakan’i Joda. Teo ambany fitondran’ny mpanjaka Manase sy Amona dia nirotsaka tamin’ny fanompoan-tsampy sy ireo fomba fanao ratsy hafa ny vahoaka, ka tafiditra tao anatin’izany ny fanaovana sorona zanaka (jereo ny 2 Mpanjaka 21). Taorian’ny fahafatesan’i Amona dia natao mpanjaka i Josia zanakalahiny tamin’ny fahavalo taonany. Marin-toetra i Josia. Tamin’ny taona fahavalo ambin’ny folo nanjakany dia nandamina ny vola hanakaramana ireo mpiasa hanamboatra ny tempoly tao Jerosalema i Josia (jereo ny 2 Mpanjaka 22:1–7).

Raha toa ianao ka nanafina Baiboly iray talohan’ny fotoam-pianarana dia azavao fa misy soratra masina very any amin’ny toerana iray ao an-dakilasy. Asao ny mpianatra hitady izany. Angataho ilay mpianatra nahita ilay Baiboly mba hitady ilay fanamariham-pejy. Omeo ireto toromarika manaraka ireto avy eo:

Vakio ny 2 Mpanjaka 22:8–13, ka tadiavo ny zavatra nitranga nandritra ny fanamboarana ny tempoly.

Inona no hitan’i Hilkia mpisorona?
Inona no navalin’i Josia Mpanjaka rehefa avy nandre ny teny tao amin’ilay boky, na ny soratra masina izy?

Nanapa-kevitra i Josia fa hamaky ilay boky amin’ny vahoakan’i Jerosalema rehetra (jereo ny 2 Mpanjaka 22:14–20; 23:1–2).

Vakio ny 2 Mpanjaka 23:1–3, ka tadiavo ny fiantraikan’ny famakiana ny soratra masina teo amin’i Josia sy ny vahoakany. Hevero ny hanisy marika ny zavatra hitanao.

Inona no azontsika ianarana avy amin’ireo andininy ireo mikasika ny fiantraikan’ny fandalinana ny soratra masina eo amin’ny fiainantsika?

Ao anatin’ireo hevi-baovao zarain’ny mpianatra dia mety hahita izy ireo fa ny fandalinana ny soratra masina dia afaka manampy antsika hitodika any amin’ny Tompo amin’ny fontsika manontolo. Azo soratana eny amin’ny solaitrabe izany ary resahina mandritra ny ambin’ny lesona.

Mba hahatakarana tsara kokoa io fitsipika io dia azon’ny mpianatra atao ny manatanteraka ity manaraka ity miaraka amin’ny mpianatra iray miara-miasa aminy. Afaka mandalina andian’andinin-tsoratra masina iray ny mpianatra tsirairay. Avy eo dia afaka mifampizara ny zavatra nianarany ny mpianatra mpiara-miasa ary mifanakalo hevitra momba ireo fanontaniana miaraka amin’izany.

Rehefa nianatra zavatra avy tamin’ny soratra masina i Josia sy ny vahoakany ary nitodika tany amin’ny Tompo dia nentanim-panahy izy ireo hanao fanovana teo amin’ny fiainan’izy ireo. Vakio ireo andinin-tsoratra masina nampandraiketina anao, ka tadiavo ireo fanovana nataon’izy ireo.

Mpianatra 1

2 Mpanjaka 23:4, 24.

Nahoana araka ny eritreritrao no nila nandrava ny sampiny rehetra ny vahoaka mba hitodihana any amin’ny Tompo amin’ny fony manontolo?
Ahoana no ahafahan’ny fandalinana soratra masina manampy antsika hanalavitra ireo fitaoman-dratsy eo amin’ny fiainantsika?

Mpianatra 2

2 Mpanjaka 23:21–22.

Inona no fombafomba ara-pivavahana narahan’i Josia sy ny vahoakany indray taorian’ny namakiany ny soratra masina?
Ahoana no ahafahan’ny fandalinana soratra masina manampy antsika hahatsiaro ny Mpamonjy sy hiaina ny filazantsarany?

Fizarana ataon’ny mpianatra

Ity ampahany amin’ny lesona ity dia natao ho an’ny fisaintsainana manokana sy ny fizarana. Afaka mizara ny fomba nanampian’ny soratra masina (na ahafahan’ny soratra masina manampy) azy ireo hitodika any amin’ny Tompo ny mpianatra.

Ny Filoha Spencer W. Kimball (1895–1985) dia nampianatra ny fiantraikan’ny fandalinana soratra masina teo amin’ny fiainany:

“Hitako fa rehefa ataoko tsizarizary ny fifandraisako amin’ Andriamanitra, ary rehefa toy ny hoe tsy misy sofin’ Andriamanitra mihaino, ary tsy misy feon’ Andriamanitra miteny, dia tena lavitra tokoa aho, tena lavitra. Rehefa miroboka ao anatin’ny soratra masina aho dia mihafohy ny elanelana ary miverina ny aim-panahy. (Teachings of Presidents of the Church: Spencer W. Kimball [2006], 67)

Mitadiava andinin-tsoratra masina izay nanampy (na afaka manampy) anao hitodika any amin’ny Ray any An-danitra sy i Jesoa Kristy. Mety ho avy amin’ny fandalinanao manokana ny soratra masina izany, na ny fandalinan’ny mpianakavy ny soratra masina, na leson’ny seminera teo aloha, na mety ho andinin-tsoratra masina fifehezana fotopampianarana izany. Miomàna hizara izao manaraka izao:

Ahoana no nanampian’io andinin-tsoratra masina io (na ahoana no ahafahan’izany manampy) anao hitodika any amin’ny Ray any An-danitra sy i Jesoa Kristy amin’ny fonao rehetra?

Rehefa vonona hizara ny mpianatra dia asao ny rehetra hanoratra ny andinin-tsoratra masiny eny amin’ny solaitrabe manodidina ilay fahamarinana hitan’izy ireo tany aloha. Mangataha mpianatra manolo-tena maro mba hamaky ny andalan-tsoratra masin’izy ireo sy hizara ny hevi-baovao hitany na ny zavatra niainany. Raha ilaina dia azonao atao koa ny mizara andinin-tsoratra masina izay nanampy anao hitodika tany amin’ny Tompo.

Hevero ny hanondro ireo andalan-tsoratra masina eny amin’ny solaitrabe izay tsy mbola nozaraina. Azonao atao ny manontany raha toa ka vonona ny hizara ireo mpianatra izay nanoratra izany. Na azonao atao ny manasa ny iray kilasy hamaky ilay andinin-tsoratra masina sy hifanakalo hevitra momba ny fomba ahafahan’izany manampy antsika hitodika any amin’ny Tompo.

Rehefa mizara ny mpianatra dia azonao atao ny mametraka fanontaniana fanaraha-maso mba hamporisihana ny hisian’ny fifanakalozan-kevitra ao an-dakilasy. Ohatra, afaka manontany ianao hoe: “Moa ve misy olona hafa efa niaina zavatra mifandray amin’izany andalan-tsoratra masina izany? Vonona ny hizara izany ve ianao?” na “Inona avy ireo eritreritra sy fahatsapana nanananao rehefa nifampihaino ianareo?”

Tanjona ho an’ny fandalinana soratra masina

Hevero ny hizara ny fijoroana ho vavolombelona anananao mba hahafahan’ny mpianatrao miaina zavatra mitovy amin’ny zavatra niainan’i Josia rehefa nandalina ny soratra masina izy (jereo ny 2 Mpanjaka 23:25). Asao ny mpianatra hamerina hijery ny tanjon’izy ireo eo amin’ny fandalinan’ny tena manokana ny soratra masina sy ny fivoaran’izy ireo eo amin’ny famakiana ireo toko nampiandraiketina ao amin’ny Testamenta Taloha. Omeo fotoana izy ireo hisaintsainana ireto fanontaniana manaraka ireto:

Moa ve ianao mahatsapa fa manampy anao hitodika tanteraka any amin’ny Ray any An-danitra sy i Jesoa Kristy ny tanjonao eo amin’ny fandalinana soratra masina amin’izao fotoana izao? Raha eny, dia ahoana no nahitanao izany? Raha tsia, dia inona no fanovana hataonao?
Inona avy ireo zavatra manan-danja niainanao tamin’ny alalan’ny famakiana ireo toko ao amin’ny Testamenta Taloha izay nampiandraiketina anao? Inona no hataonao mba hahazoana antoka fa vitanao ireo vakiteny nampiandraiketina?

Amporisiho ny mpianatra hanohy ny ezaka ataon’izy ireo handalina ny soratra masina isan’andro.

Loharanom-pitaovana fanampiny

Nahoana no manan-danja ny famakiana soratra masina isan’andro?

Nampianatra ny Filoha Russell M. Nelson hoe:

24:24

Eo am-pikatsahantsika ny ho mpianatr’i Jesoa Kristy dia vao mainka tokony ho avy amin’ny nahim-po kokoa ny ezaka ataontsika hihainoana Azy. Mila ezaka an-tsitrapo sy tsy tapaka ny famenoana ny fiainantsika isan’andro amin’ny teniny sy ny fampianarany, ary ireo fahamarinany.

Tsy azontsika atao tsotra izao ny miantehitra amin’ireo fampahalalana izay sendra antsika ao amin’ny tambajotran-tserasera. Noho ireo teny an-davitrisany ao amin’ny internet sy ny fiainana ao anatina tontolo hipoky ny dokam-barotra sy sovohan’ny ezaka feno tabataba sy mitera-doza ataon’ny fahavalo tsy tapaka, dia aiza no azontsika aleha raha hihaino Azy?

Afaka mitodika any amin’ny soratra masina isika. Ny soratra masina dia mampianatra antsika momba an’i Jesoa Kristy sy ny filazantsarany, ny halehiben’ny Sorompanavotany, ary ny drafitra lehiben’ny fahasambarana sy ny fanavotana an’ny Raintsika. Ny filomanosana isan’andro ao amin’ny tenin’ Andriamanitra dia zava-dehibe ho an’ny fiavotana ara-panahy, indrindra fa ao anatin’izao andro isian’ny fiovana sarotra tsy mitsaha-mitombo izao. Rehefa mivoky amin’ny tenin’i Kristy isan’andro isika, dia ny tenin’i Kristy no hanambara amintsika ny fomba hiatrehana ireo zava-tsarotra izay tsy noheverintsika mihitsy ho atrehana. (“Henoy Izy,” Liahona, mey 2020, 89)

Ahoana no ahafahantsika mampihatra ny tantaran’i Josia eo amin’ny fiainantsika manokana?

Nizara izao ny Filoha Spencer W. Kimball:

“Resy lahatra aho fa ny tsirairay amintsika, amin’ny fotoana iray eo amin’ny fiainantsika, dia tsy maintsy mizaha manokana ny soratra masina, ary tsy hoe mizaha indray mandeha fotsiny, fa mamerina mizaha hatrany.

Ny tantaran’i Josia Mpanjaka ao amin’ny Testamenta Taloha dia anisan’ny anankiray tena mahasoa mba “[hampiharina] … amin’ny tenan[tsika].” (1 Ne. 19:24) Ho ahy dia iray amin’ireo tantara tsara indrindra ao amin’ny soratra masina rehetra izany. …

“Mahatsapa loatra aho fa isika rehetra dia tsy maintsy miverina amin’ny soratra masina tahaka ny nataon’i Josia Mpanjaka ary mamela azy ireo hiasa mafy ao anatintsika, hanosika antsika hanana finiavana tsy miovaova hanompo ny Tompo. (Teachings of Presidents of the Church: Spencer W. Kimball [2006], 62, 63)

2 Mpanjaka 22:14. Iza moa i Holda ilay mpaminanivavy?

I Holda dia mpaminanivavy satria noho izy nanana ny fanomezam-pahasoavan’ny faminaniana izay azon’ny mpikamban’ny Fiangonana rehetra ananana (jereo koa ny “Mpaminanivavy” ao amin’ny Torolalana ho an’ny Soratra Masina). Nolazainy tamin’ny vahoaka ny faminaniana momba ny fitsarana ny olon-dratsy, izay voarakitra ao amin’ny soratra masina. Naminany koa izy fa hotahina i Josia noho izy nahatoky tamin’ny Tompo (jereo ny 2 Mpanjaka 22:15–20).

Sahanasa fianarana fanampiny

Manakatra ny tantaran’i Josia

Mba hanampiana ny mpianatra hahatakatra ny tantaran’i Josia dia hevero ny hizara ny pejin’ny sahanasa “Fitahiana ny soratra masina (2 Mpanjaka 22:8–11; 23:2).”

Azonao atao koa moa ny mijery ny “Le roi Josias” (1:36).

1:36

Fiovam-po mahery vaika

Asao ny mpianatra hampifandray na hanao ho soratra masina mifandray ny 2 Mpanjaka 23:1–3 amin’ny Môzià 5:1–5. Azonao atao ny manazava fa i Benjamina Mpanjaka dia mpanjaka iray hafa izay nanangona ny vahoakany mba hampianarany azy ireo ny tenin’ Andriamanitra. Asao ny mpianatra hamaky ny Môzià 5:1–5, ka hampitaha ny tantaran’ny vahoakan’i Benjamina Mpanjaka amin’ny vahoakan’i Josia Mpanjaka.

Inona avy ireo zavatra mitovitovy hitanao?
Inona no fifandraisana hitanao teo amin’ny fon’ny vahoaka sy ny fahavononan’izy ireo hanao fanekempihavanana amin’ny Tompo sy hitandrina izany? Manao ahoana ny mety ho fihatran’izany amintsika amin’izao fotoana izao?

2 Mpanjaka 23:24. Mandao ny fahavetavetana rehetra

Azonao fintinina ny 2 Mpanjaka 23:4–24 amin’ny alalan’ny fanazavana fa nanao izay hamotehana ireo zavatra rehetra nanaovana fitsaohana diso i Josia. Notorotoroiny ho vovoka ary nodorany izany (jereo ny 2 Mpanjaka 23:4, 6, 14, 15, 24). Mba hampisehoana ohatra iray hafa amin’io karazana fanolorantena amin’ Andriamanitra io dia hevero ny hijery ny “Fanolorantena tsy voahozongozona amin’i Jesoa Kristy” manomboka eo amin’ny kaodim-potoana 0:18 ka hatramin’ny 1:39.

13:52

Asao ny mpianatra hamaky mangina ity teny nambara manaraka ity ary hisaintsaina ireo fanontaniana miaraka amin’izany.

Nampianatra ny Loholona Dale G. Renlund ao amin’ny Kôlejin’ny Apôstôly Roambinifolo hoe:

Andriamanitra dia manasa antsika mba hiala tanteraka amin’ny fomba fanaontsika fahiny ary hanomboka fiainam-baovao ao amin’i Kristy. (“Fanolorantena tsy voahozongozona amin’i Jesoa Kristy,” Liahona, nôv. 2019, 23)

Inona avy ireo zavatra sasantsasany izay tsapanao fa tian’ny Mpamonjy hesorinao eo amin’ny fiainanao mba hahafahanao manaraka Azy tsara kokoa?
Ahoana no mety hanampian’ny fanesorana ireo zavatra ireo anao hitodika any amin’ny Tompo amin’ny fonao rehetra?

Asao ny mpianatra mba hanao izany ho toy ny zavatra ifantohana ao anatin’ny fandalinan’izy ireo manokana ny soratra masina. Amporisiho izy ireo hikatsaka ny fanampian’ny Tompo mba hanana herimpo na ny fahaizana mamorona izay ilaina mba hanesorana ireo fitaoman-dratsy eo amin’ny fiainan’izy ireo.

Mandefa fahamarinana amin’ny alalan’ny SMS

Rehefa avy nizara andalan-tsoratra masina izay nanampy azy ireo hitodika any amin’ny Tompo ny mpianatra dia azonareo jerena ny “L’envoi de vérités par SMS” (2:22). Asao ny mpianatra hisafidy iray amin’ireo andinin-tsoratra masina nozaraina tao an-dakilasy ary handefa izany any amin’ny namana iray na olona iray ao amin’ny fianakaviana.

2:22

“Ataovy izay manan-danja indrindra”

Alohan’ny hisaintsainan’ny mpianatra ireo tanjony eo amin’ny fandalinana soratra masina sy hanovany izany dia azonareo jerena ny “Ataovy izay manan-danja indrindra” manomboka eo amin’ny kaodim-potoana 1:57 ka hatramin’ny 2:44. Ny Rahavavy Rebecca L. Craven dia nizara fifampiresahana iray izay nanazavany ny maha-zava-dehibe ny fandalinana ny soratra masina sy ny vavaka.

10:45