Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

2 Mpanjaka 18–19: Matoky ny Tompo Andriamanitr’i Isiraely

“2 Mpanjaka 18–19: Matoky ny Tompo Andriamanitr’i Isiraely,” Testamenta Taloha: Boky torolalana ho an’ny mpampianatra seminera (2026)

“2 Mpanjaka 18–19: Matoky ny Tompo Andriamanitr’i Isiraely,” Testamenta Taloha: Boky torolalana ho an’ny mpampianatra seminera

2 Mpanjaka 16–25: Lesona 86

2 Mpanjaka 18–19

Matoky ny Tompo Andriamanitr’i Isiraely

An African woman kneeling by her bed praying

Tia antsika ny Ray any An-danitra sy i Jesoa Kristy ary hanampy antsika rehefa mametraka ny fitokiantsika Aminy isika. Taorian’ny nandresen’ny Asyriana an’i Samaria dia nanomboka nanafika an’i Joda izy ireo. Nitodika tany amin’ny Tompo i Hezekia Mpanjaka sy ny vahoakany mba hahazo hery sy fiarovana. Nanafaka azy ireo tamin’ny Asyriana ny Tompo. Ity lesona ity dia afaka manampy amin’ny fampitomboana ny fahatokian’ireo mpianatra fa hanampy azy ireo hiatrika ny olany ny Tompo.

Fanomanana ny mpianatra: Asao ny mpianatra mba ho tonga ao an-dakilasy miaraka amin’ny fahavononana hizara zavatra niainana iray izay nahatsapan’izy ireo ny fanohanan’ Andriamanitra nandritra ny fotoan-tsarotra iray.

Sahanasa fianarana azo atao

Mandritra ny fotoan-tsarotra

Hevero ny hanomboka ny fotoam-pianarana amin’ny alalan’ny fanoratana ireto teny manaraka ireto eo afovoan’ny solaitrabe: tsy afa-manoatra, sahiran-tsaina, kivy, feno tahotra, ary feno fisalasalana. Avy eo dia azonao atao ny manoratra ny iray amin’ireto fanontaniana manaraka ireto eo amin’ny ilany havian’ny solaitrabe ary ilay fanontaniana iray hafa eo amin’ny ilany havanan’ny solaitrabe. Azon’ny mpianatra atao ny manoratra eny amin’ny solaitrabe ny valin’ny fanontaniana tsirairay omen’izy ireo.

Inona avy ireo toe-javatra izay mety hahatsapan’ny zatovo iray ny iray na ny maromaro amin’ireo fihetseham-po ireo?
Aiza ny tanora no mety hitodika mba hangataka fanampiana rehefa miaina ireo fihetseham-po ireo izy ireo?

Azonao atao avy eo ny manasa ny mpianatra mba hieritreritra na hanoratra ao anatin’ny diary fandalinany momba ny toe-javatra miseho amin’izao fotoana izao na hiseho any aoriana izay mety hahatsapan’izy ireo fihetseham-po mitovy amin’ireo. Hanana fahafahana hiverina amin’ireo fihetseham-po ireo ny mpianatra any aoriana any ao amin’ny lesona.

Saintsaino ireto fanontaniana manaraka ireto noho izy ireo misy ifandraisany amin’ny toe-javatra iainanao manokana:

Rehefa miaina ireo fihetseham-po ireo ianao dia aiza no itodihanao mba hahazoana fanampiana?
Hatraiza ny fahatokianao fa hanampy anao ny Tompo rehefa mitodika any Aminy ianao?

Mandritra ity lesona androany ity dia eritrereto ny fomba ahafahan’ny Tompo manampy anao rehefa miaina ireo fihetseham-po ireo ianao amin’izao fotoana izao na hiaina izany any aoriana. Henoy tsara ireo fahatsapana izay tonga ao an-tsainao sy ao am-ponao avy amin’ny Fanahy Masina.

Natoky ny Tompo i Hezekia

Hazavao amin’ny mpianatra fa ity lesona ity dia hifantoka amin’ny fomba nisafidianan’i Hezekia, mpanjakan’i Joda, ny hitodika any amin’ny Tompo mba hahazoana fanampiana rehefa niatrika fanamby lehibe izy sy ny vahoakany.

Vakio ny 2 Mpanjaka 18:1–7, ka tadiavo ny zavatra nataon’i Hezekia rehefa lasa mpanjaka izy.

Inona no hitanao?
Inona no fitsipika azontsika ianarana avy ao amin’ny andininy 5–7?

Ampio ny mpianatra hitady fitsipika toy ny hoe: Rehefa matoky ny Tompo isika sy mitandrina ny didiny dia hiaraka amintsika Izy.

Mampihatra ny soratra masina eo amin’ny fiainantsika

Resin’i Asyria i Isiraely, ilay firenena teo amin’ny sisintany avaratr’i Joda. Avy eo dia notafihin’ny Asyriana ny vahoakan’i Hezekia ary nobaboiny ireo tanàna mimanda rehetra tao amin’ny fanjakan’izy ireo (jereo ny 2 Mpanjaka 18:9–13). Avy eo dia tonga tao Jerosalema, renivohitr’i Joda ireo iraka Asyriana mba hampitandrina an’i Hezekia sy ny vahoakany.

Avereno jerena ireo fihetseham-po eny amin’ny solaitrabe. Inona no mety ho fihetseham-po tsapan’ny vahoakan’i Jerosalema araka ny eritreritrao?

Miaraka amintsika ny Tompo

Vakio ny 2 Mpanjaka 19:32–35, ka tadiavo ny fomba nanafahan’ny Tompo an’i Hezekia sy ny vahoakany.

Inona no hitanao?

Hevero ny hanasa ny mpianatra hanisy marika ilay andian-teny hoe “Fa hiaro ity tanàna ity Aho ka hamonjy azy” ao amin’ny 2 Mpanjaka 19:34. Raha ilaina dia hazavao fa ho tonga amin’ny fotoanany sy ny fombany ny fanafahan’ny Tompo.

Mba hanampiana ny mpianatra hieritreritra ny fomba hanampian’ny Tompo antsika hiatrika ireo fanamby ananantsika dia azonao atao ny mampiseho ny “Fantatry ny Ray any an-danitra Aho” (3:18) ary angataho ireo mpianatra hitady ny fomba nanafahany ity zatovovavy ity tamin’ny fanamby natrehiny. Asao ny mpianara hizara ny zavatra niainany manokana. Azonao atao ny mizara zavatra niainanao manokana momba ny fahatokiana ny Tompo na ny fomba nanampiany anao nandritra ireo fotoan-tsarotra.

3:19

Ahoana no fomba nanohanan’ny Ray any An-danitra sy i Jesoa Kristy anao na ny olona iray fantatrao nandritra ny toe-javatra sarotra iray?

Azonao atao koa ny mamela ny mpianatra hahatsapa ny herin’ny fijoroana ho vavolombelona avy amin’ny mpaminany momba ny Mpamonjy mba hamaranana ny fotoam-pianarana. Mba hamaranana izany dia azonao asaina ny mpianatra hamaky ny Almà 36:3 na ity teny nambara manaraka ity.

Ny Filoha Dieter F. Uchtdorf, fony izy tao amin’ny Fiadidiana Voalohany, dia nijoro ho vavolombelona momba ny hery avy amin’ny fitokiana an’ Andriamanitra.

19:11

Raha tokony hitoetra ao anatin’ny fieritreretana ny hasarotry ny olana mianjady amintsika isika, dia tsy tsaratsara kokoa ve ny mifantoka amin’ny halehiben’ilay Andriamanitsika sy ny hatsarany tsy manam-petra sy ilay heriny faratampony, ka matoky Azy ary ny miomana amin’ny fo falifaly ny amin’ny fiverenan’i Jesoa Kristy?

Amin’ny maha-vahoakan’ny fanekempihavanany antsika dia tsy tokony halemin’ny tahotra isika satria mety hisy zavatra ratsy hitranga. Fa afaka mandroso amim-pinoana sy amin-kerimpo ary amim-pahavononana kosa isika, ary matoky an’ Andriamanitra eo am-piatrehantsika ireo olana sy ireo zavatra mahasoa azo araraotina ho avy. (“Ny fitiavana tonga lafatra mandroaka ny tahotra,” Liahona, mey 2017, 106)

Amporisiho ny mpianatra hatoky ny Ray any An-danitra sy i Jesoa Kristy mandritra ny fotoan-tsarotra.

Loharanom-pitaovana fanampiny

2 Mpanjaka 18:4. Nahoana i Hezekia no nanorotoro ilay menarana varahina?

Nandritra ny dian’izy ireo tany an-tany foana, dia nokaikerin’ny menaran’afo ny Isiraelita. Teo ambany fitarihan’ny Tompo dia nanamboatra menarana varahina i Mosesy, izay nafatotra teo amin’ny hazo lava iray ary nasainy nijery ilay menarana varahina ny olona mba ho sitrana (jereo ny Nomery 21:4–9). Ny menarana varahina sy ny fanasitranana ara-batana dia tandindon’i Jesoa Kristy sy ny fanasitranana ara-panahy atolony (jereo ny Jaona 3:14–15; 2 Nefia 25:20; Helamàna 8:13–15).

Notanan’ny Isiraelita ilay menarana varahina. Tamin’ny farany dia nanomboka nitsaoka izany izy ireo ary “nandoro ditin-kazo manitra” (jereo ny 2 Mpanjaka 18:4), ka nanadino ilay tandindona sy loharanon’ny fanasitranana marina, dia ny Tompo izany. Noho izany, ho an’ny Isiraelita, ilay menarana varahina dia lasa nehushtan fotsiny ihany, izay teny Hebreo iray midika hoe “zavatra vita amin’ny varahina.” Noho izany, tao anatin’ilay ezaka nataony mba hamongorana ireo sampy amin’ny endriny rehetra tao Joda, dia notorotoroin’i Hezekia Mpanjaka ilay menarana varahina.

Ahoana no ahafahako mampitombo ny fahatokiako an’ Andriamanitra?

Filoha Henry B. Eyring, Mpanolotsaina Voalohany ao amin’ny Fiadidiana Voalohany dia nilaza hoe:

17:38

[T]onga amin’ny alalan’ny fahafantarana an’ Andriamanitra ny fahatokiana. Tamin’ny alalan’ireo zava-nitranga lehibe tao anatin’ny Famerenana ny filazantsara tamin’ny laoniny, isika dia nahatsapa kokoa, mihoatra noho ny olona hafa eto an-tany, ilay fiadanana izay natolotry ny Tompo ny olony tamin’ny alalan’ilay teny hoe “Mitsahara ka aoka ho fantatrareo fa Izaho no Andriamanitra” [Salamo 46:10]. Feno fankasitrahana ny foko noho ny zavatra nambaran’ Andriamanitra momba Azy mba hahafahantsika matoky Azy. (“Trust in God, Then Go and Do,” Liahona, Nov. 2010, 72)

Ny Rahavavy Bonnie H. Cordon, izay Mpanolotsaina Faharoa tao amin’ny Fiadidian’ny Kilonga maneran-tany taloha dia nampianatra hoe:

Mamelà ahy hanolotra fomba telo hampitomboana ny fahalalantsika sy ny fitokiantsika ny Mpamonjy. …

Voalohany, afaka mahafantatra ny Tompo sy matoky Azy isika rehefa “[mivoky] amin’ny tenin’i Kristy; fa indro hilaza aminareo ny zava-drehetra tokony hataonareo ny tenin’i Kristy.” [2 Nefia 32:3]. …

Faharoa, afaka mahafantatra ny Tompo sy matoky Azy amin’ny alalan’ny vavaka isika. Fitahiana lehibe tokoa ny fahafahana mivavaka amin’ny Andriamanitsika! “Mivavaha amin’ny Ray amin’ny herin’ny fo manontolo.” [Môrônia 7:48]. …

Fahatelo, afaka mahafantatra ny Tompo sy matoky Azy isika rehefa manompo ny hafa. (“Matokia an’i Jehovah fa aza miankina amin-javatra hafa,” Liahona, mey 2017, 6–7)

Ahoana no ahafahako maneho ny fitokiako an’ Andriamanitra?”

Ny Loholona Ahmad S. Corbitt ao amin’ny Fitopololahy dia nilaza hoe:

Nanapa-kevitra ny hanome ny fiainako sy ny fotoanako ary ny foko ho an’ny Tompo aho rehefa niditra ho mpikamban’ny Fiangonana fony aho mbola tanora. Na dia somary nampatahotra kely aza ny karazana fanolorantena maharitra toa izany dia fantatro fa nety ny zavatra nataoko. Tsapako fa notakian’ny Ray any an-danitra tamiko izany, ary dia nanana fiadanana tamin’ny fanaovana an’izany aho. Feno fankasitrahana aho fa nisafidy ny hatoky an’ Andriamanitra sy namela Azy hanjaka eo amin’ny fiainako. Azo antoka fa raha natokyny fahendreko samirery aho dia tsy ho feno fifaliana sy fiadanam-po toy izao ny fiainako. (“Matokia an’i Jehovah,” Ho zatovo mahery!, Jan. 2022)

Sahanasa fianarana fanampiny

Mahazo fahalalana ara-panahy: Manao asa amim-pinoana

Ho solon’ny fampiasana ilay taratasy zaraina ato amin’ny lesona, dia afaka mamorona traikefa amin’ny fianarana iray ianao mba hanampiana ny mpianatra hahatakatra ny fitsipiky ny fifehezana fotopampianarana momba ny fanaovana asa amim-pinoana an’i Kristy amin’ny alalan’ny fandinihana ny zava-nitranga tamin’i Hezekia Mpanjaka. Asao ny mpianatra hamerina hijery ny andiam-pehezan-teny 5–7 ao amin’ny “Mahazo fahalalana ara-panahy,” izay hita ao amin’ny Tahirin-kevitra fototra ho an’ny fifehezana fotopampianarana. Avy eo dia asao ny mpianatra handalina ny 2 Mpanjaka 19:1–7; 14–20; ary ny 2 Tantara 32:7–8, ka hitady ny fomba nanaovan’i Hezekia sy ny vahoakany asa amim-pinoana. Azon’ny mpianatra atao ny mizara andian-teny manokana ao amin’ilay Tahirin-kevitra fototra izay mampiseho ny zavatra nataon’i Hezekia sy ny vahoakany. Ampio ny mpianatra hampifandray ny fomba nanaovan’i Hezekia asa tamim-pinoana sy ny fomba ahafahan’izy ireo manao asa amim-pinoana an’i Kristy ao anatin’ny toe-javatra iainan’izy ireo manokana.

Manamafy orina ny fototra iorenantsika ankehitriny ho an’ireo tafio-drivotry ny ampitso

Azonao ampiasaina ny tantara tao anatin’ny fotoana nanjakan’i Hezekia Mpanjaka ao amin’ny 2 Tantara 29–31 mba hampisehoana ny fomba nanomanan’ireo asa feno fahamarinana nataon’i Hezekia azy sy ny vahoakany mba hatoky an’ Andriamanitra rehefa nanafika ny Fanjakan’i Joda ny Asyriana.

Hevero ny hanasa ny mpianatra hamaky ny Helamàna 5:12, ka hitady ny antony hanorenantsika ny fototra iorenantsika eo amin’i Kristy.

Azonao atao ny mampiseho ireto andinin-tsoratra masina manaraka ireto ary manasa ny mpianatra hisafidy roa amin’izany mba hovakina ka hitady ireo asa feno fahamarinana nasain’i Hezekia Mpanjaka nataon’ny vahoakany mba hitokisana an’ Andriamanitra. Azon’izy ireo soratana eny amin’ny solaitrabe ny zavatra hitany.

2 Tantara 29:10
2 Tantara 29:20–21
2 Tantara 30:5–6
2 Tantara 30:8–9
2 Tantara 31:20–21

Rehefa vitan’ny mpianatra izany dia azonao atao ny mangataka azy ireo hizara ny fomba nanomanan’ny fanaovana asa feno finoana tsy tapaka azy ireo hitoky tamin’ Andriamanitra nandritra ny fitsapana iray.