Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

2 Mga Hari 6: “Sila nga Ania Uban Kanato”

“2 Mga Hari 6: “Sila nga Ania Uban Kanato,’” Manwal sa Magtutudlo sa Seminary sa Daang Tugon (2026)

“2 Mga Hari 6: “Sila nga Ania Uban Kanato,’” Manwal sa Magtutudlo sa Seminary sa Daang Tugon

2 Mga Hari 2–7: Leksiyon 85

2 Mga Hari 6

“Sila nga Ania Uban Kanato”

Sa dihang gilibotan sa sundalo sa Syria, ang sulugoon ni propeta Elias mituaw sa kahadlok “[unsay atong buhaton]?” (2 Mga Hari 6:15). Gihupay ni Eliseo ang iyang sulugoon pinaagi sa pagtabang niya nga mailhan ang tabang sa Ginoo. Kita usab mahimong mahupay samtang kita magkat-on sa pag-ila sa tabang sa Ginoo. Kini nga leksiyon makatabang sa mga estudyante nga mobati og dugang nga pagsalig sa kanunay ug mabinantayon nga pagpakabana sa Ginoo.

Pagpangandam sa estudyante: Dapita ang mga estudyante sa pag-andam sa pagpakigbahin og usa ka kasinatian dihang ang Ginoo mipanalangin o nanalipod kanila o sa usa ka tawo nga ilang nailhan.

Posibleng mga Kalihokan sa Pagkat-on

Pag-ila sa pagpakabana sa Manluluwas

Sa pagsugod sa inyong leksiyon, ikonsiderar ang pagdrowing og stick nga murag tawo diha sa tunga sa pisara.

Ang mga kasulatan napuno sa mga saad sa Manluluwas alang sa Iyang katawhan kinsa naningkamot sa pagserbisyo Kaniya. Aron makita ang usa niini nga mga saad, pagdrowing og sitck nga murag tawo sa tunga sa pahina sa inyong journal sa pagtuon ug sulati og Ako.

Dayon, basaha ang Doktrina ug mga Pakigsaad 84:88, ug idrowing palibot sa inyong murag tawo nga stick kon giunsa ninyo paghanduraw ang mga saad sa Ginoo.

Mahimo nimong dapiton ang usa ka estudyante sa pagdugang ngadto sa drowing diha sa pisara kon unsay ilang gidrowing sa ilang journal, nga nagpasabot nganong ilang gidrowing unsay ilang gidrwowing. Ang ubang mga estudyante mahimong dapiton aron sa pagdugang bisan unsa nga lahi sa ilang gidrowing. Isip altenatibo, ang mga estudyante mahimong mopakigbahin ug ipasabot ang ilang mga drowing sa usa ka kauban.

Sa inyong hunahuna sa unsang paagi kini makaapekto sa usa ka tawo kon sila makaila sa mga saad nga nahitabo sa ilang kinabuhi?
Nganong mahimong lisod ang pagkakita o pag-ila sa mga panalangin sa Ginoo ug proteksiyon sa atong mga kinabuhi?

Mahimong makatabang ang pagpamatuod nga ang Langitnong Amahan ug si Jesukristo aktibong miapil sa matag kinabuhi sa estudyante.

Pamalandongi sa unsang paagi ninyo mailhan ang pag-apil sa Langitnong Amahan ug ni Jesukristo sa inyong kinabuhi. Dayon tubaga ang mosunod nga mga pangutana diha sa inyong journal sa pagtuon:

Makaila ka ba labing minos usa ka paagi ang Langitnong Amahan ug si Jesukristo nagpanalangin o nagproteher kaninyo? Kon mao, giunsa Nila sa pagbuhat niini?
Unsa ang usa ka sitwasyon nga inyong giatubang sa inyong kinabuhi diin kini makatabang ninyo nga mas mahimong maayo nga makaila sa Ilang mga panalangin ug pagpanalipod?

Samtang inyong tun-an ang 2 Mga Hari 6, dapita ang Espiritu Santo sa pagtabang kaninyo sa pag-ila sa mga paagi sa pagpanalangin ug pagproteher sa Langitnong Amahan ug ni Jesukristo kaninyo.

Balaan nga tabang

Ikonsiderar ang pagpasabot sa mosunod nga impormasyon aron sa pagtabang sa mga estudyante nga makasabot sa konteksto sa 2 Mga Hari 6.

Atol sa panahon sa usa ka gubat tali sa Israel ug Siria, ang hari sa Siria pribado nga mihisgot sa iyang mga plano sa pakiggubat uban sa iyang sulugoon. Hinuon, ang Ginoo balikbalik nga mipadayag sa mga plano sa Siria pinaagi ni propeta Eliseo, kinsa diin sa ulahi mopasidaan sa hari sa Israel. Sa dihang ang hari sa Siria nasayod niini, mipadala siya og sundalo sa pagdakop ni Eliseo (tan-awa sa 2 Mga Hari 6:8–13).

Pagpili og epektibong paagi sa pagtuon sa mga estudyante sa mosunod nga mga bersikulo aron sa pagtabang nila nga makaila sa makapakabig nga mga baroganan. Pananglitan, mahimong makatabang sa mga estudyante ang pagtuon gikan sa panglantaw sa sulugoon ni Eliseo. Panagsa mahimo silang mohunong ug maghunahuna unsay ilang bation kon sila pa ang anaa sa iyang lugar. Mahimo usab nga basahon sa mga estudyante isip usa ka klase o sa gagmay nga mga grupo, uban sa lahi nga mga estudyante nga magbasa sa bahin ni Eliseo, sulugoon ni Eliseo, ug ang hari sa Israel.

Makatabang tingali ang pagpasabot nga ang Samaria mao ang kapital nga siyudad sa gingharian sa Israel.

Basaha ang 2 Mga Hari 6:14–23, nga mangita sa mga paagi ang Ginoo mipanalangin ug nanalipod ni Eliseo ug sa iyang sulugoon.

Unsa ang nagpatigbabaw kaninyo diha sa istorya?
Unsa ang mga kamatuoran gikan niini nga istorya nga may kalabotan sa atong panahon?

Ikonsiderar ang pagpakigbahin sa mosunod nga kamatuoran kon ang mga estudyante wala pa mopakigbahin sa susama nga kamatuoran sa ilang kaugalingong mga pulong: Ang Ginoo makatabang kanato sa pag-ila sa Iyang mga panalangin ug sa pagproteher sa atong mga kinabuhi.
Sa inyong hunahuna ngano nga ang pag-ila sa mga panalangin ug pagproteher nakaapekto ni Eliseo ug sa iyang sulugoon?

Pag-ila sa mga panalangin ug pagproteher sa Ginoo

Aron sa pagtabang sa mga estudyante nga makaila sa pipila ka paagi nga ang Ginoo mopanalangin ug moproteher kanila, mahimo ninyo silang iparespares o igrupo sa gagmay nga mga grupo alang sa mosunod nga kalihokan.

Timan-i: Ang mga estudyante hatagan og oportunidad sa pagpamalandong sa mga lista nga ilang gihimo niini nga kalihokan sa Leksiyon 96: “Sukda ang Imong Nakat-onan 6.”

Paghimo og usa ka lista sa lahilahi nga pamaagi nga tingali ang Ginoo mobantay ug magpakabana kanato. Ilista kutob sa inyong mahunahunaan sulod sa duha ka minuto.

Human sa duha ka minuto, mahimo ninyo silang dapiton sa pagpangita og dugang nga mga ideya nga ilang malakip gikan sa Mosiah 24:13–15; Doktrina ug mga Pakigsaad 8:2–3; 38:7o laing mga tudling sa kasulatan nga tingali inyong masugyot. Mahimo usab ninyong ipakigbahin ang mosunod nga pamahayag gikan ni Presidente Eyring.

Si Presidente Henry B. Eyring sa Unang Kapangulohan mitudlo sa mosunod mahitungod sa tabang sa Ginoo:

Sama niana nga sulugoon ni Eliseo, adunay mas daghan pa nga nag-uban kaninyo kaysa niadtong inyong makita nga mibatok kaninyo. Ang pipila kinsa nag-uban kaninyo mahimo nga dili makita sa inyong mortal nga mga mata. Ang Ginoo mopaluyo kaninyo ug usahay motawag sa uban aron motabang kaninyo. (“O Kamo Nga Anaa sa Pag-alagad,” Liahona, Nob. 2008, 59)

Ikonsiderar ang pagdapit sa mga grupo sa pagpulipuli sa pagpakigbahin sa mga ehemplo gikan sa ilang mga lista samtang kamo o mga boluntaryo mosulat niini sa pisara. Mahimo ninyo tingaling tugotan ang mga grupo sa pagpadayon sa pagpakigbahin hangtod ang tanang talagsaong mga ideya mapakigbahin.

Dapita ang mga estudyante sa pagpakigbahin sa mga ehemplo nga ilang mahunahunaan gikan sa mga kasulatan sa dihang ang Ginoo mibantay o nagpakabana sa usa ka tawo sa pamaagi nga nalista sa pisara.

Samtang inyong hisgotan ang mosunod nga mga pangutana, mahimo kamong mopili sa pagpakigbahin sa dihang inyong nailhan ang mga panalangin ug pagproteher sa Dios sa inyong kinabuhi.

Unsa ang makahimo sa uban nga maglisod sa pag-ila niini nga mga panalangin gikan sa Ginoo kaysa uban?
Kanus-a nga ang Ginoo mipanalangin o miproteher kaninyo, o sa usa ka tawo nga inyong nailhan, sa usa niini nga mga pamaagi?
Unsay gitudlo kanimo niini nga kasinatian mahitungod sa Ginoo?

Ibuka ang inyong mga mata

Ikonsiderar ang pagtapos sa leksiyon pinaagi sa pagpakita sa mosunod nga mga kinutlo ug mga instruksiyon.

Si Sister Michelle D. Craig, kanhi sa Kapangulohan sa Young Women, mipasabot unsa ang atong mabuhat kon kita nakigbisog sa pagpakita sa unsang paagi ang Dios naglihok sa atong kinabuhi:

9:45

Tingali dunay mga higayon nga kamo, sama sa sulugoon, nakigbisog sa inyong kaugalingon aron makakita kon sa unsa nga paagi naglihok ang Dios sa inyong kinabuhi—sa mga higayon nga kamo mibati nga giatake—sa higayon nga ang mga pagsulay sa pagka-mortal makapaluhod ninyo. Paghulat ug salig sa Dios ug sa Iyang tayming, tungod kay makasalig kamo sa Iyang kasingkasing nganha kaninyo. Apan adunay ikaduhang leksyon dinhi. Minahal kong mga kaigsoonan, kamo, usab, makaampo nga ablihan sa Ginoo ang inyong mga mata aron sa pagtan-aw sa mga butang nga dili ninyo normal nga makita. (“Mata aron sa Pagtan-aw,” Liahona, Nob. 2020, 15)

Ikonsiderar ang pagtubag sa mosunod nga pangutana diha sa inyong journal sa pagtuon:

Unsay inyong nakat-onan karon nga nakatabang kaninyo nga mobati nga masaligon nga ang Ginoo nagbantay ug nagpakabana kaninyo?

Ipamatuod ang gugma sa Ginoo ug sa Iyang gahom sa pagtabang sa mga estudyante nga makaila sa Iyang tabang diha sa ilang mga kinabuhi.

Dugang nga mga Kapanguhaan

Unsa pa ang atong makat-unan gikan sa istorya ni Eliseo ug sa iyang sulugoon?

Si Elder Ronald A. Rasband sa Korum sa Napulog Duha ka Apostoles mitudlo:

15:41

Kita mahimong aduna o walay karwahi sa kalayo nga gipadala aron sa pagkuha sa atong mga kahadlok ug pagbuntog sa atong mga demonyo, apan ang leksyon klaro. Ang Ginoo nag-uban kanato, naghunahuna kanato ug nanalangin kanato sa mga paagi nga Siya lamang ang makabuhat. Ang pag-ampo makatawag sa kalig-on ug sa pagpadayag nga atong gikinahanglan aron sa pagsentro sa atong mga hunahuna diha kang Jesukristo ug sa Iyang maulaong sakripisyo. Ang Ginoo nasayod nga adunay mga higayon nga kita mobati og kahadlok. Nakasulay na ako niana ug kamo usab. …

Niini nga Simbahan tingali kita dili ingon niana kadaghan nga maka-impluwensya sa kalibotan, apan kon atong ablihan ang atong espirituhanong mga mata, “sila nga ania uban kanato, labing daghan kay kanila nga anaa kanila” (2 Mga Hari 6:16). (“Ayaw Kabalaka,” Liahona, Nob. 2018, 18–19)

Unsaon nako sa pag-ila ang kamot sa Dios anaa diha sa akong kinabuhi?

Si Presidente Russell M. Nelson mitudlo:

Mag-ampo aron makaangkon og mga mata nga makakita sa kamot sa Dios sa inyong kinabuhi ug sa kalibotan libot kaninyo. Hangyoa Siya nga sultihan kamo nga Siya anaa gayod—kon Siya nakaila ba kaha kaninyo. Pangutan-a Siya unsay Iyang gibati bahin kaninyo. Ug dayon, maminaw. (“Dali, Sunod Kanako,” Liahona, Mayo 2019, 90)

Magpadala ba gihapon ang Dios og mga anghel kanato karon?

Si Presidente Jeffrey R. Holland sa Korum sa Napulog Duha ka Apostoles mitudlo:

Gikan sa sinugdanan hangtod ngadto sa mga dispensasyon, ang Dios naggamit sa mga anghel sa paghatod sa gugma ug kahingawa alang sa Iyang mga anak. …

Kasagaran kana nga mga binuhat dili makita. Usahay makita. Apan makita o dili kanunay sila nga anaa sa duol. Usahay ang ilang mga buluhaton importante kaayo ug adunay kahulogan sa tibuok kalibotan. Usahay ang mga mensahe labaw ka pribado. Sa panagsa ang pagpadala sa anghel mao ang pagpahimangno. Apan kasagaran mao ang paghupay, paghatag og maluluy-on nga pagtagad, giya sa lisod nga mga panahon. …

Ako mopamatuod nga ang mga anghel gipadala pa gihapon aron sa pagtabang kanato, sama nga sila gipadala sa pagtabang ni Adan ug Eva, sa pagtabang sa mga propeta, ug sa tinuod sa pagtabang sa Manluluwas sa kalibotan sa Iyang Kaugalingon. (“Ang Pangalagad sa mga Anghel,” Liahona, Nob. 2008, 29, 30)

Dugang nga mga Kalihokan sa Pagkat-on

Lain pang paagi sa pagsugod

Alang sa lain nga paagi sa pagpangandam sa mga estudyante sa pagtuon sa 2 Mga Hari 6, ikonsiderar ang pagbutang og pipila ka litrato ni Jesukristo libot sa lawak. Ibutang sa dali makita nga mga lugar ug sa ubang mga lugar nga lisod makita.

Sa sinugdanan sa leksiyon, pangutan-a ang mga estudyante kon nakamatikod ba sila sa bisan unsa nga litrato sa Manluluwas nga inyong gibutang libot sa lawak. Dapita sila sa pagtudlo sa matag usa diha kaninyo. Kon adunay mga litrato nga wala nila mamatikdi o matudlo, paghatag og mga ilhanan aron sa pagtabang sa mga estudyante nga ilang makit-an.

Dapita ang mga estudyante sa pagpakigbahin sa mga pamaagi nga kini nga kalihokan magamit sa ilang mga kinabuhi. Ang mosunod nga mga pangutana makatabang sa panaghisgot:

Sa unsang paagi kini nga kasinatian naningkamot sa pagkakita ug pag-ila sa mga panalangin ug pagproteher sa Ginoo sa atong mga kinabuhi?
Nganong usahay lisod ang pagkakita o pag-ila sa mga panalangin ug pagproteher sa Ginoo sa atong mga kinabuhi?

Mahimo dayong mamalandong ang mga estudyante sa unsang paagi sila maayong moila sa pag-apil sa Ginoo sa ilang mga kinabuhi.

Pagtabang sa mga estudyante nga mahanduraw ang asoy

Aron sa pagtabang sa mga estudyante nga mahanduraw ang istorya sa 2 Mga Hari 2:14–23, mahimo ninyong ipasalida ang bidyo nga “Si Eliseo ug ang Iyang Sundalo” (1:09). Dayon, ikonsiderar ang pagdapit sa mga estudyante sa pagrebyo sa mga bersikulo aron sa pagpangita sa mga detalye nga nataligam-an sa bidyo.

1:9

2 Mga Hari 6:1–7. Ang ulo sa wasay naglutaw sa ibabaw sa tubig

Kon inyong gibati nga makabenepisyo sa inyong mga estudyante ang usa ka panaghisgot mahitungod kon sa unsang paagi ang Dios nakahibalo ug nagpakabana kon unsa ang importante kanato, ikonsiderar ang pagsulat sa mosunod nga mga hagit o desisyon sa pisara:

Nagkuha og malisod nga pasulit sa eskwelahan
Nawad-an og mga yawe o cell phone
Nakigbisog sa usa ka relasyon

Pangutan-a ang mga estudyante hain niini nga mga hagit o mga desisyon sa ilang hunahuna ang labing gihatagan og pagtagad sa Dios.

Dapita ang mga estudyante sa pagbasa sa 2 Mga Hari 6:1–7, nga mangita sa usa ka milagro nga gihimo ni propeta Eliseo. Dayon ikonsiderar ang pagpangutana sa mga estudyante sa mosunod:

Nganong nabalaka man kini nga tawo sa pagkawala niining ulo sa wasay?
Sa konsteksto sa plano sa kaluwasan, unsa kaimportante ang ulo sa wasay?
Unsa ang gitudlo niini nga milagro kanato mahitungod sa Dios?

Mahimong mailhan sa mga estudyante ang kamatuoran ingon sa mosunod: Ang Dios nahibalo sa atong mga kabalaka ug maluloy-on kanato.

Dapita ang mga estudyante sa pagbasa sa mosunod nga pamahayag ni Presidente Thomas S. Monson (1927–2018).

Ang atong Langitnong Amahan nahibalo sa atong panginahanglan ug motabang kanato kon kita motawag Kaniya alang sa tabang. Mituo ako nga wala kitay mga kabalaka nga gamay ra kaayo o dili importante. Ang Ginoo naghunahuna sa matag detalye sa atong kinabuhi. (“Hunahunaon ang mga Panalangin,” Liahona, Nob. 2012, 88)

Dapita ang mga estudyante sa pagpakigbahin sa ilang mga kasinatian sa dihang ang Ginoo mitabang nila sa ginagmay nga mga paagi.