2 Mga Hari 5

Ang pagtulo sa irigasyon usa ka teknik nga gigamit sa pagbu-bo sa mga tanom. Dili pareha sa ubang porma sa irigasyon nga dili kanunayng maggamit og daghang tubig, ang drip irrigation naglangkob og hinay nga pagtulo sa diyotayng gidaghanon sa tubig ngadto sa yuta. Ang kanunay nga pagtulo sa tubig magpabilin sa yuta nga basâ-basâ diin labing mapuslanon kini ngadto sa mga tanom.

• Sa unsang paagi ang mga baroganan sa tulo sa tubig nga irigasyon maggamit sa atong espirituhanon nga paglambo diha sa plano sa Langitnong Amahan?

Paggahin og panahon sa pagpamalandong sa gagmay nga mga paningkamot nga imong gihimo isip usa ka disipulo ni Jesukristo ug sa mga resulta nga imong nasinati. Dayon pamalandongi ang pagkatinuod niini nga pamahayag diha kanimo:

• Akong naamgohan kon sa unsang paagi ang gagmay ug yanong mga butang nga akong gibuhat, o dili buhaton, makaapekto sa akong kinabuhi ug sa akong relasyon sa Langitnong Amahan ug ni Jesukristo.

Ang 2 Mga Hari 5 naglangkob og asoy ni Naaman, usa ka kapitan sa Siria nga nakakat-on og gamhanan nga leksiyon bahin sa paghimo sa gagmay ug yano nga mga butang nga gisugo sa Ginoo.

Basaha ang 2 Mga Hari 5:1, nga mangita sa tanan nga inyong makat-onan bahin ni Naaman.

• Unsay inyong nakaplagan?

Basaha ang 2 Mga Hari 5:2–4, 9–14, nga mangita kon unsay gisulti ni Eliseo, isip ang propeta sa Dios, ngadto ni Naaman nga buhaton aron mamaayo sa iyang sanla.

• Unsa ang pipila ka importante nga leksiyon nga makat-onan sa usa ka tin-edyer karon gikan sa kasinatian ni Naaman?

1. Paghimo og lista sa gagmay ug yano nga mga butang nga gisugo sa Ginoo nga atong buhaton nga mahimong magdala ngadto sa dakong panalangin.

   Kon gikinahanglan, ang mosunod nga pamahayag mahimong makatabang sa mga grupo nga mahibaloan ang gagmay ug yano nga mga butang nga gisugo sa Ginoo nga atong buhaton ingon man usab ang mga paagi nga kita napanalanginan pinaagi sa paghimo niini.

   Si Presidente Dallin H. Oaks sa Unang Kapangulohan mipakigbahin og pipila ka ehemplo sa gagmay ug yano nga mga butang nga gidapit sa Ginoo nga atong buhaton.

   

   17:36

   

   Ikonsiderar ang pagtuon sa kasulatan nga gitudlo kanato nga iapil sa atong inadlaw-adlaw nga kinabuhi. O ikonsiderar ang personal nga mga pag-ampo ug ang pagluhod diha sa mga pag-ampo sa pamilya nga gihimo kanunay sa matinud-anong mga Santos sa Ulahing mga Adlaw. Ikonsiderar ang pagtambong sa mga klase sa seminary alang sa kabatan-onan o institute alang sa mga young adult. Bisan og ang matag usa niini nga mga buhat ingon og gagmay ug yano, paglabay sa panahon moresulta kini sa gamhanang espirituhanong pagbayaw ug pagtubo. Kini mahitabo tungod kay ang matag usa niining gagmay ug yanong mga butang nagdapit sa pagpakig-uban sa Espiritu Santo, ang Tigpamatuod nga molamdag nato ug mogiya nato ngadto sa kamatuoran. (“Gagmay ug Yano nga mga Butang,” Liahona, Mayo 2018, 90)

   Sa dili pa kompletohon ang mosunod nga lakang, dapita ang matag grupo sa pagpili og usa ka tulo nga gibutang sa laing grupo diha sa pisara.

2. Siksika ang mga kasulatan ug mga pulong sa mga propeta, nga mangita sa dagko nga mga panalangin nga gitanyag sa Ginoo kon kita mohimo niining gagmay ug yano nga butang.

   Dapita ang daghang grupo sa pagpakigbahin sa unsay ilang nakat-onan.

   Isip kabahin niini nga panaghisgot, mahimo nimong dapiton ang mga estudyante sa pagpamalandong sa ilang mga kasinatian sa pagbuhat og gagmay ug yano nga mga butang. Mahimo dayon kamong modapit og mga boluntaryo sa pagpakigbahin kon giunsa sila pagpanalangin sa Ginoo ug sa unsang paagi ang ilang relasyon ngadto sa Langitnong Amahan ug ni Jesukristo nalig-on isip resulta.

   Ang miaging pag-aghat makatabang sa mga estudyante nga masulti ang ilang mga gibati, mga kasinatian, ug mga pagpamatuod. Mahimo usab kamong mopakigbahin sa inyong pagpamatuod o mga kasinatian sa pagbuhat og gagmay ug yano nga mga butang nga gisugo sa Ginoo kanato. Alang sa dugang nga pagbansay, tan-awa sa: “Paghatag og pagpamatuod kanunay ug dapita ang mga estudyante sa pagpakigbahin sa ilang mga pagbati, mga kasinatian, ug mga pagpamatuod” diha sa Mga Kahanas sa Pagpalambo sa Magtutudlo.

   Mahimo usab kang motan-aw sa “Paglahutay sa Adlaw diha ni Kristo” (ChurchofJesusChrist.org) gikan sa time code 2:30 hangtod 4:23. Ang mga estudyante makaila kon sa unsang paagi si Sister Amy A. Wright, Unang Magtatambag sa Kinatibuk-ang Kapangulohan sa Primary, ug ang iyang pamilya nalig-on pinaagi sa gagmay ug yano nga mga butang nga ilang nahimo.

   

   10:33

   Mahimo usab nimong ipabasa sa mga estudyante ang 2 Mga Hari 5:15 aron makita ang panalangin sa pagpamatuod nga nadawat ni Naaman pinaagi sa pagkamasulundon sa gagmay ug yano nga butang nga gidapit sa propeta nga iyang buhaton.

Tubaga ang mosunod diha sa inyong journal sa pagtuon:

1. Paghunahuna og gagmay ug yano nga butang nga gisugo sa Ginoo nga inyong buhaton nga gibati ninyo nga maayo na ang inyong gibuhat. Sa unsang paagi nga ang pagsunod sa instruksiyon sa Ginoo nakapalig-on sa inyong relasyon ngadto sa Langitnong Amahan ug ni Jesukristo?

2. Pagpili og gagmay ug yano nga butang nga gisugo sa Ginoo nga inyong buhaton nga gibati ninyo nga nadasig sa pagbuhat og mas maayo. Unsa ang inyong buhaton aron mapalambo ang inyong pagkamasulundon sa pagdapit sa Ginoo? Sa unsang paagi kana makapalig-on sa inyong pagtuo diha sa Langitnong Amahan ug ni Jesukristo?