“2 Mga Hari 2–7: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)
“2 Mga Hari 2–7: Kinatibuk-ang Pagpasabot,” Manwal sa Magtutudlo sa Seminary sa Daang Tugon
2 Mga Hari 2–7
2 Mga Hari 2–7
Kinatibuk-ang Pagpasabot
Ang Ginoo mihatag kang Eliseo og gahom ug awtoridad sa pagpuli ni Elias isip Iyang propeta. Ang Ginoo milagroso usab nga giayo si Naaman sa sanla ug nagpadala og mga karwahe nga kalayo aron sa pagpanalipod ni Eliseo gikan sa kasundalohan sa Siria.
Pagpamatuod kanunay, ug dapita ang mga tigkat-on sa pagpakigbahin sa ilang mga pagbati, mga kasinatian, ug mga pagpamatuod. Samtang ipahayag sa mga estudyante ang ilang mga pagbati, mga kasinatian, ug mga pagpamatuod, ang Espiritu Santo mosaksi sa mga kamatuoran nga ilang gipakigbahin sa ilang kaugalingong mga kasingkasing ug sa uban. Usa ka ehemplo kon unsaon pagbuhat niini makita sa Leksiyon 84: “2 Mga Hari 5.”
Aron makat-on og dugang mahitungod sa gahom sa pagpakigbahin sa pagpamatuod, tan-awa sa “Ang Manluluwas Mihatag og Pagpamatuod ngadto Niadtong Iyang Gitudloan” (Pagtudlo sumala sa Pamaagi sa Manluluwas [2022], 19).
Pangandam sa pagtudlo
Ang mosunod nga impormasyon naghatag nimo og mga ideya kon unsa ang imong kinahanglang andamon daan alang sa matag leksiyon.
2 Mga Hari 2–4
Katuyoan sa leksiyon: Aron tabangan ang mga estudyante nga masabtan nga ang Ginoo naghatag og awtoridad sa mga tawo nga Iyang gitawag ug gahom niadtong kinsa nagserbisyo sa matarong nga paagi.
-
Pagpangandam sa estudyante: Dapita ang mga estudyante sa paghunahuna og panahon dihang sila o usa ka tawo nga ilang kaila nakaserbisyo sa usa ka calling sa Simbahan. Dapita ang mga estudyante sa pagpamalandong sa pangutana, “Kanus-a nako masaksihan ang gahom ug awtoridad sa Ginoo sa pagtuman sa mga calling sa Simbahan?”
-
Hulagway: Hulagway sa usa ka doktor o laing propesyonal nga dunay awtoridad sa paglihok sa ilang posisyon
-
Mga materyal alang sa mga estudyante: Mga drowing ni Elias ug Eliseo duol sa Suba sa Jordan
-
Bidyo: “Nagtawag si Jesus og Napulog Duha ka Apostoles sa Pagsangyaw ug Pagpanalangin sa Uban” (1:38)
2 Mga Hari 5
Katuyoan sa leksiyon: Aron matabangan ang mga estudyante sa pagsunod sa gagmay ug yano nga mga butang nga gisugo sa Ginoo nga atong buhaton.
-
Pagpangandam sa estudyante: Dapita ang mga estudyante sa pagbasa sa Alma 37:6–7, nga mangita kon unsay ilang makat-onan kabahin sa gagmay ug yano nga mga butang. O mahimo nimong awhagon ang mga estudyante sa paghatag og pagtagad sa gagmay nga mga butang nga kanunay nilang buhaton nga makahimo og dakong kalainan sa ilang kinabuhi o makaapekto sa ilang relasyon ngadto sa Langitnong Amahan ug ni Jesukristo.
-
Sulod nga ipakita: Usa ka tanom o usa ka hulagway sa usa ka tanom nga dunay nagtulo nga tubig sa irigasyon; mga karatula sa palibot sa lawak nga nagpunting sa usa ka dapit isip “Siria,” usa ka dapit isip “Balay ni Eliseo,” ug usa ka dapit isip “Suba sa Jordan”; senaryo ug mga pangutana sa kataposan sa leksiyon
-
Mga materyal alang sa mga estudyante: Papel ug gunting alang sa mga grupo sa mga estudyante sa paggunting sa tulo ka dagkong mga tinulo sa tubig nga ibutang sa pisara
-
Mga Bidyo: “Gagmay ug Yano nga mga Butang” (17:35) gikan sa time code 4:46 hangtod 5:40, “Paglahutay sa Adlaw diha ni Kristo” (10:33) gikan sa time code 2:30 hangtod 4:23
2 Mga Hari 6
Katuyoan sa leksiyon: Aron matabangan ang mga estudyante nga mobati og dugang nga pagsalig sa makanunayon ug mabinantayon nga pag-atiman sa Ginoo.
-
Pagpangandam sa estudyante: Dapita ang mga estudyante sa pag-andam sa pagpakigbahin og usa ka kasinatian dihang ang Ginoo mipanalangin o nanalipod kanila o sa usa ka tawo nga ilang nailhan.
-
Sulod nga ipakita: Mga instruksyon, mga pakisayran sa kasulatan, ug pamahayag ni Presidente Eyring aron matabangan ang mga estudyante sa pag-fill out sa tsart; pamahayag ni Sister Craig; mga instruksyon ug mga aghat sa paggamit sa kataposan sa leksiyon
-
Bidyo: “Mata aron sa Pagtan-aw” (9:44) gikan sa time code 0:52 hangtod 1:27