Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

2 Mga Hari 2–4: Ang Ginoo Naghatag kang Eliseo og Gahom ug Awtoridad

“2 Mga Hari 2–4: Ang Ginoo Naghatag kang Eliseo og Gahom ug Awtoridad,” Manwal sa Magtutudlo sa Seminary sa Daang Tugon (2026)

“2 Mga Hari 2–4: Ang Ginoo Naghatag kang Eliseo og Gahom ug Awtoridad,” Manwal sa Magtutudlo sa Seminary sa Daang Tugon

2 Mga Hari 2–7: Leksiyon 83

2 Mga Hari 2–4

Ang Ginoo Naghatag kang Eliseo og Gahom ug Awtoridad

The Old Testament prophet Elijah (acting on the instructions of Elisha) depicted smiting the waters of the River Jordan with his cloak in order for the river to part and allow passage on dry ground.

Kon kita modawat og mga calling sa Simbahan sa Ginoo, atong madawat ang Iyang awtoridad sa pagserbisyo. Kon kita maningkamot sa makugihong pagserbisyo ug mahimong mas sama Kaniya, Siya mopanalangin kanato sa Iyang gahom. Ang asoy sa Ginoo nga mipanalangin ni propeta Eliseo og gahom ug awtoridad human gikuha si Elias ngadto sa langit naghulagway niini nga kamatuoran. Kini nga leksiyon makatabang sa mga estudyante nga makasabot nga ang Ginoo naghatag og awtoridad sa mga tawo nga Iyang gitawag ug gahom niadtong kinsa nagserbisyo sa matarong nga paagi.

Pagpangandam sa estudyante: Dapita ang mga estudyante sa paghunahuna og panahon dihang sila o usa ka tawo nga ilang kaila nakaserbisyo sa usa ka calling sa Simbahan. Dapita ang mga estudyante sa pagpamalandong sa pangutana, “Kanus-a nako masaksihan ang gahom ug awtoridad sa Ginoo sa pagtuman sa mga calling sa Simbahan?”

Posibleng mga Kalihokan sa Pagkat-on

Ang tinubdan sa gahom ug awtoridad

A doctor meets with her patients and checks blood pressure.

Ikonsiderar ang pagsugod sa klase pinaagi sa paghisgot kon diin gikan ang awtoridad sa pagbuhat og piho nga mga butang. Mahimo ninyo kini pinaagi sa pagpakita og imahe sa usa ka doktor nga nagsul-ob og pangmedikal nga sapaw [coat] o sa usa ka medikal nga kahimtang (o laing propesyonal nga adunay awtoridad sa paglihok sa ilang posisyon) ug sa pagpangutana sa mga mosunod.

Unsa ang pipila sa mga responsibilidad niini nga tawo?
Kinsa ang mihatag kanila og awtoridad aron matuman ang ilang tahas?
Unsay nakahatag kaninyo og kompyansa sa pagsalig kanila?

Ikonsiderar ang pagpakita og imahe sa karon nga propeta ug pagpangutana pag-usab sa miaging mga pangutana mahitungod kaniya.

Aron tabangan ang mga estudyante sa pagtimbang-timbang sa unsay ilang nasabtan bahin sa pagserbisyo uban sa gahom ug awtoridad sa mga calling, mahimo nimong dapiton sila sa pagbuhat sa mosunod.

Sa inyong journal sa pagtuon o sa Mubo nga mga Sulat [Notes] nga seksiyon sa Librarya sa Ebanghelyo, tubaga ang mosunod nga mga pangutana. Samtang inyong ikonsiderar ang inyong mga tubag, paminaw sa mga impresyon gikan sa Espiritu Santo mahitungod sa unsay gusto sa Ginoo nga inyong masabtan bahin sa pagserbisyo uban ang gahom ug awtoridad sa Ginoo sa mga calling.

Unsa ang akong nasabtan bahin sa pagdawat sa gahom ug awtoridad sa Ginoo sa pagserbisyo sa mga calling?
Sa unsang paagi nga kini nga panabot makaimpluwensya kon unsaon nako pagtubag kon ako o ang uban makadawat og calling gikan sa Ginoo?

Nadawat ni Eliseo ang gahom ug awtoridad sa Dios

Mahimo nimong ipasabot nga ang Ginoo mipadayag ngadto ni Elias nga si Eliseo mahimong usa ka propeta (tan-awa sa 1 Mga Hari 19:16, 19).

Unsa nga mga kabalaka ang gibati tingali ni Eliseo samtang nag-andam siya sa iyang calling gikan sa Ginoo?

Nasayod si Eliseo nga ang Ginoo mokuha ni Elias sa dili madugay (2 Mga Hari 2:1–3). Sa kataposang adlaw ni Elias, si Eliseo misunod kang Elias gikan sa siyudad ngadto sa laing siyudad hangtod ang duha nakaabot sa Suba sa Jordan.

Aron tabangan ang mga estudyante nga madiskobrehan kon unsay nahitabo didto sa Suba sa Jordan, pwede ninyong bahinon ang klase ngadto sa gagmayng mga grupo. Diha sa pisara, mahimo kamong magdrowing og upat ka imahe sa ubos o i-summarize ang matag usa sa pipila ka pulong sa sinalagma nga pagkahan-ay. Dapita ang matag grupo sa pagbasa sa 2 Mga Hari 2:8–15 ug sa pag-organisar sa mga hulagway o summary sa mga panghitabo sa kronolohikal nga pagkahan-ay. Tingali kinahanglan ninyong ipasabot nga ang manto usa ka kupo.

Elijah Power and Authority, holding the mantle

Elijah Power and Authority, riding the chariot

Giunsa sa Ginoo pagpakita kang Eliseo ug sa uban nga Siya mihatag kang Eliseo og gahom ug awtoridad sa iyang calling?

Mahimo ninyong ipasabot nga ang manto nga gigamit ni Elias ug Eliseo wala maghatag kanila og gahom ug awtoridad apan nagrepresentar sa gahom ug awtoridad sa Dios. Sa Simbahan karon, kita usahay nagpasabot sa calling o awtoridad sa usa ka tawo isip ilang “manto.” Pananglitan, kon ang bag-o nga propeta gipaluyohan isip Presidente sa Simbahan, siya makadawat sa manto sa awtoridad.

Mahimong makatabang usab sa pagpasabot nga ang awtoridad sa pagserbisyo sa mga calling gikan sa Ginoo pinaagi sa mga kalalakin-an nga naghupot og mga yawe sa pagkapari.
Unsa nga kamatuoran ang atong makat-onan gikan sa kasinatian ni Eliseo bahin sa unsay gibuhat sa Ginoo alang sa mga tawo nga Iyang gitawag sa pagserbisyo Kaniya?

Tali sa mga kamatuoran nga mahimong isugyot sa mga estudyante, ipasabot nga ang Ginoo naghatag og awtoridad ug gahom ngadto sa mga tawo nga Iyang gitawag.

Pagserbisyo uban ang gahom ug awtoridad sa Dios

Aron matabangan ang mga estudyante nga makasabot kon unsay ipasabot sa pagserbisyo sa mga calling uban sa gahom ug awtoridad sa Ginoo, mahimo nimong isulat ang Awtoridad sa Pagkapari ug Gahom sa Pagkapari diha sa pisara. Ipakigbahin ang mosunod nga pamahayag gikan sa Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo. Samtang kini nga pamahayag direkta nga magamit sa misyonaryo nga mga calling, pahinumdomi ang mga estudyante nga ang Ginoo naghatag og awtoridad sa mga tawo nga Iyang gitawag sa pagserbisyo sa bisan unsang calling ug gahom niadtong kinsa miserbisyo Kaniya sa matarong nga paagi.

Ubos sa direksiyon ni Kristo, ang awtoridad sa pagsangyaw sa ebanghelyo gipahiuli pinaagi ni Propeta Joseph Smith. Sa dihang gi-set apart ka isip usa ka misyonaryo, imong gidawat kini nga awtoridad. Uban niini moabot ang katungod, pribilehiyo, ug responsibilidad aron morepresentar sa Ginoo ug motudlo sa Iyang ebanghelyo. …

Agig dugang sa awtoridad, ikaw nagkinahanglan og espirituhanong gahom sa pagtuman sa imong tawag. Ang Dios mohatag og espirituhanong gahom samtang ikaw magmakanunayon nga motrabaho sa pagpalig-on sa imong pagpamatuod Kaniya, ni Jesukristo, ug sa mga kamatuoran sa ebanghelyo nga imong gitudlo. Siya mohatag og espirituhanong gahom kon ikaw mag-ampo, magtuon sa mga kasulatan, ug magtinguha sa pagtuman sa imong misyonaryo nga katuyoan. Siya moganti og espirituhanong gahom samtang ikaw maningkamot sa pagtuman sa Iyang mga sugo ug sa mga pakigsaad nga imong gihimo sa dihang ikaw midawat sa mga ordinansa sa kaluwasan (tan-awa sa Doktrina ug mga Pakigsaad 35:24). (Isangyaw ang Akong Ebanghelyo: Usa ka Giya sa Pagpakigbahin sa Ebanghelyo ni Jesukristo, [2023], 3)

Unsay inyong nakat-onan mahitungod sa gahom ug awtoridad sa Ginoo gikan niini nga pamahayag?
Ngano kaha nga makatabang kini sa paghinumdom kon makadawat kamo og calling gikan sa Langitnong Amahan ug ni Jesukristo?
Ngano kaha nga makatabang kini sa paghinumdom kon inyong paluyohan ang uban kinsa nakadawat og mga calling?

Ipakita ang pagsabot

Aron matabangan ang mga estudyante sa pag-summarize sa unsay ilang nakat-onan, ikonsiderar ang pagbahin sa klase nga magpares alang sa mosunod nga kalihokan.

Pagpili og usa o daghan pa sa mosunod nga mga sitwasyon ug hisgoti kon unsay inyong nakat-onan karon nga makatabang sa tawo sa ilang mga kabalaka bahin sa usa ka calling. Sa matag tubag, ilakip ang mga kasulatan, mga pamahayag nga gikan sa mga lider sa Simbahan, o mga panabot nga inyong nadawat gikan sa Espiritu samtang inyong gitun-an ang istorya sa tawag ni Eliseo sa pagserbisyo.

Usa ka bag-o nga bishop ang gitawag ug gipaluyohan. Ang iyang anak nga lalaki nasayod nga siya dili perpekto.
Usa ka bag-ong presidente sa Young Women gitawag aron moserbisyo. Usa ka batan-ong babaye adunay maayo nga relasyon sa miaging presidente ug wala gayoy nahibaloan sa bag-o.
Usa ka batan-ong lalaki o batan-ong babaye gitawag aron moserbisyo isip presidente sa ilang korum o klase. Wala sila mobati nga sila adunay igo nga kahibalo aron matuman gayod kini nga calling.
Usa ka misyonaryo gitawag sa pagserbisyo sa usa ka nasod diin ang mga tawo nagsulti og lahi nga pinulongan. Nabalaka sila kon unsa gayod sila ka epektibo sa pagpakigbahin sa ebanghelyo.

Paghunahuna og paagi aron mopakigbahin ang mga estudyante sa ilang mga tubag sa usag usa. Usa ka paagi mao ang pagpakigbahin sa matag pares ngadto sa laing grupo. Human ang tanan adunay higayon sa pagpakigbahin, mahimo ninyong dapiton ang mga estudyante sa pagpakigbahin sa unsay ila gayod nga ganahan bahin sa tubag sa laing grupo.

Sa pagtapos, mahimo kang mopamatuod sa mga kamatuoran nga imong gihisgotan karon.

Dugang nga mga Kapanguhaan

Unsa kaha kon mobati ko nga dili takos nga moserbisyo sa usa ka tawag gikan sa Ginoo?

Si Presidente Henry B. Eyring sa Unang Kapangulohan mitudlo:

15:31

Ang Ginoo mopadako sa imong isulti ug unsay imong buhaton diha sa mga mata sa mga tawo nga imong gialagaran. … Ang imong isulti ug buhaton magdala og paglaom ug maghatag og direksyon sa mga tawo nga labaw pa sa imong natural nga mga abilidad ug sa imong kaugalingon nga pagsabot. Kana nga milagro nahimong timaan sa Simbahan sa Ginoo sa matag dispensasyon. (“Rise to Your Call,” Liahona, Nov. 2002, 77)

Unsa ang ipasabot sa pagserbisyo nga dunay awtoridad sa Dios?

Si Presidente Dallin H. Oaks sa Unang Kapangulohan mipakigbahin sa mosunod nga kasinatian:

Usa ka miyembro sa Simbahan midala sa iyang silingan ngadto sa akong opisina. Ang bana sa silingan usa ka ministro sa Protestante nga adunay dako nga kongregasyon. Sulod sa mga katuigan, kini nga magtiayon miserbisyo sa Ginoo uban sa talagsaong kakugi diha sa ilang Kristohanong pagpangalagad. Siya nakabunyag og daghang tawo ngadto niana nga simbahan.

Karon, pinaagi sa impluwensya sa mga silingan nga Santos sa Ulahing mga Adlaw, siya mibasa sa Basahon ni Mormon ug nakabig ngadto sa Ang Simbahan ni Jesukristo sa mga Santos sa Ulahing mga Adlaw. Siya andam na nga moundang sa iyang pagministro ug mopasakop sa gipahiuli nga Simbahan. Apan una, siya ug ang iyang asawa nagkinahanglan og usa ka tubag sa ilang pangutana kalabot sa awtoridad sa pagkapari. Mipahinumdom kanako nga ang iyang bana nakabunyag og daghang tawo, ug ang iyang asawa nangutana, “Ang imong pasabot nako nga ang akong bana walay bisan unsang awtoridad sa pagbunyag sa tanang tawo nga iyang gibunyagan?”

Ang Espiritu miaghat sa akong tubag, sama sa pag-aghat niini nga mga sitwasyon.

“Dili,” miingon ko. “Sigurado ko nga ang imong bana adunay awtoridad sa pagbunyag sa tanang mga tawo nga iyang nabunyagan. Siya adunay tanang awtoridad nga gihatag kaniya sa iyang simbahan. Makapahigayon siya og mga kaminyoon. Makapahimo siya sa mga tawo nga mamiyembro sa kongregasyon. Makasuhol siya og usa ka kontraktor aron makataod og bag-ong atop sa inyong simbahan. Apan kana dili mao nga matang sa awtoridad nga atong gihisgotan. Ang awtoridad diha sa imong pangutana mao ang awtoridad nga gihatag ni Jesus ngadto kang Pedro, nga ang bisan unsa nga iyang buhaton sa yuta kini pasidonggan ngadto sa langit (tan-awa sa Mateo 16:19). Ug tungod kay kanang balaan nga awtoridad kinahanglan gayod masubay balik ngadto sa Apostoles, kini anaa lamang diha sa Ang Simbahan ni Jesukristo sa mga Santos sa Ulahing mga Adlaw.” (“Ang Sigurado nga Pagsaksi sa Modernong mga Propeta,” Liahona, Okt. 2023, 5)

Ang mga babaye ba adunay gahom ug awtoridad sa pagkapari sa ilang mga calling?

Si Sister Jean B. Bingham, kanhi Kinatibuk-ang Presidente sa Relief Society, mitudlo:

Karong bag-o kita gitudloan nga ang mga babaye nga gi-set apart ubos sa direksyon sa usa ka tawo nga naghupot sa mga yawe sa pagkapari naglihok uban sa awtoridad sa pagkapari sa ilang mga calling. …

Bisan og ang mga babaye wala ma-orden ngadto sa katungdanan sa pagkapari, … ang mga babaye napanalanginan og gahom sa pagkapari samtang sila motuman sa ilang mga pakigsad, ug sila naglihok uban sa awtoridad sa pagkapari sa dihang gi-set apart sa usa ka calling. (“Nagkahiusa sa Pagtuman sa Buhat sa Dios” Liahona, Mayo 2020, 60–63)

Dugang nga mga Kalihokan sa Pagkat-on

Gi-release gikan sa usa ka calling

Aron matabangan ang mga estudyante nga makasabot nga ang Ginoo naghatag og awtoridad niadtong Iyang gitawag ug gahom niadtong motuman sa ilang mga pakigsaad, mahimo ninyong hangyoon ang mga estudyante sa paghunahuna og panahon nga sila o usa ka tawo nga ilang nailhan na-release gikan sa usa ka calling.

Dayon ipakigbahin ang mosunod nga video clip gikan ni Presidente Henry B. Eyring sa Unang Kapangulohan.

15:31

Unsa ang gitudlo niini kanato mahitungod sa awtoridad ug gahom nga anaa sa mga tawo samtang sila nagserbisyo sa usa ka calling gikan sa Ginoo?

Hugot nga pagtuo sa propeta sa Ginoo

Ang Ginoo naghatag sa Iyang pinili nga mga propeta og gahom ug awtoridad sa pagtuman sa Iyang mga katuyoan. Aron tabangan ang mga estudyante nga makasabot sa kaimportante sa pagpakita og hugot nga pagtuo sa propeta sa Ginoo, mahimo ninyong ipakigbahin ang asoy ni Eliseo nga gipadaghan ang lana sa biyuda aron matabangan nga maluwas ang iyang pamilya.

Dapita ang mga estudyante sa pagbasa sa 2 Mga Hari 4:1–7, nga mangita kon unsay gisulti ni Eliseo nga buhaton sa babaye. Mahimo ninyong pangutan-on ang mga estudyante kon unsay gibuhat sa babaye sa pagpakita og pagtuo sa tambag ni Eliseo ug unsay atong makat-onan mahitungod sa Ginoo gikan sa panalangin nga nadawat sa babaye.

Mahimo nimong ipakigbahin ang mosunod nga tambag gikan ni Presidente Russell M. Nelson ug pangutan-a ang mga estudyante kon unsay ilang nakat-onan mahitungod sa paglihok uban sa pagtuo sa tambag gikan sa propeta sa Ginoo.

Kamo dili kanunay makasabot sa matag pahayag sa buhi nga propeta. Apan kon kamo nasayod nga ang propeta usa ka propeta, kamo makaduol sa Ginoo sa kamapainubsanon ug hugot nga pagtuo ug mangayo alang sa inyong kaugalingong saksi kabahin sa bisan unsa nga giproklamar sa Iyang propeta. (“Barog isip Tinuod nga mga Milenyal,” Liahona, Okt. 2016, 49)