Seminary
2 Mga Hari 16–25: Kinatibuk-ang Pagpasabot

“2 Mga Hari 16–25: Kinatibuk-ang Pagpasabot,” Manwal sa Magtutudlo sa Seminary sa Daang Tugon (2026)

“2 Mga Hari 16–25: Kinatibuk-ang Pagpasabot,” Manwal sa Magtutudlo sa Seminary sa Daang Tugon

2 Mga Hari 16–25

2 Mga Hari 16–25

Kinatibuk-ang Pagpasabot

Tungod kay ilang gilapas ang ilang mga pakigsaad sa Ginoo ug gisalikway ang Iyang mga sulugoon nga mga propeta, ang Ginoo mipanton ug mipatibulaag sa gingharian sa Israel, o sa Amihanang Gingharian. Gisakop sa kasundalohan sa Asiria ang Amihanang Gingharian ug gibihag ang napulo ka tribo sa Israel nga kasagarang nagpuyo sa Gingharian. Kini miresulta sa unsay gitawag sa kasagaran nga nawala nga napulo ka tribo. Sa dihang ang mga Asirianhon misulay sa pagbuntog sa Jerusalem, si Hari Ezequias mihangyo sa iyang katawhan sa pagsalig sa Diyos. Ang Ginoo miluwas sa Juda pinaagi sa paglaglag sa kasundalohan sa Asiria. Sa ulahi laing matarong nga hari, si Josias, ang nangulo sa Habagatan nga Gingharian. Iyang nakit-an ang basahon sa balaod ug mitabang sa iyang katawhan nga magkinabuhi sumala sa mga sugo sa Ginoo. Pagkahuman ni Josias, ang daotang mga hari nagmando sa Habagatan nga Gingharian. Ang mga taga-Babilonia milaglag sa Jerusalem ug mibihag sa mga lumulupyo niini.

icon sa seminaryTabangi ang mga tigkat-on sa pagkaplag og personal nga kalabotan diha sa doktrina ni Jesukristo. Sa dihang ang Manluluwas mitudlo pinaagi sa mga sambingay, Siya mitugot sa tigkat-on sa pagdiskobre kon sa unsang paagi ang mga pagtulun-an nga may kalabotan kanila sa personal nga paagi. Ang Manluluwas nagdapit nato sa pagpangita og personal nga kalabotan sa Iyang mga pagtulun-an. Makatabang kita sa mga tigkat-on nga makadiskobre sa kaimportante sa ebanghelyo ni Jesukristo pinaagi sa pagtabang nga makahimo og mga koneksyon tali sa Iyang ebanghelyo ug sa ilang kinabuhi. Sa pagkat-on og dugang, tan-awa sa “Ang Manluluwas Mitabang sa mga Tawo nga Makakaplag og Personal nga Kalabotan sa Iyang Doktrina” (Pagtudlo sa Pamaagi sa Manluluwas [2022], 23) Usa ka ehemplo kon unsaon pagbuhat niini makita diha sa Leksiyon 86: “2 Mga Hari 18–19.”

Pangandam sa pagtudlo

Ang mosunod nga impormasyon naghatag nimo og mga ideya kon unsa ang imong kinahanglang andamon daan alang sa matag leksiyon.

2 Mga Hari 18–19

Katuyoan sa leksiyon: Aron matabangan nga madugangan ang pagsalig sa mga estudyante nga ang Ginoo motabang nila sa pag-atubang sa ilang mga hagit.

2 Mga Hari 21–23

Katuyoan sa leksiyon: Aron tabangan ang mga estudyante nga modangop ngadto sa Ginoo pinaagi sa personal nga pagtuon sa kasulatan.

  • Pagpangandam sa estudyante: Dapita ang mga estudyante sa pagrebyo sa ilang personal nga mga tumong sa pagtuon sa kasulatan ug sa ilang mga paningkamot sa pagbasa sa giasayn nga mga kapitulo sa Daan Tugon. Awhaga sila sa pagpadayon nga magtrabaho sa ilang mga tumong o sa mainampoong paghimo sa gikinahanglan nga mga kausaban aron magmalamposon.

  • Aytem nga andamon: Butangi og bookmark sa Biblia sa 2 Mga Hari 22:8 ug tagoi ang Biblia sa lawak klasehanan.

  • Bidyo: “Si Josias ug ang Basahon sa Balaod” (12:25) gikan sa time code 7:02 hangtod 8:37 ug gikan sa time code 8:37 hangtod 10:20

2 Mga Hari 17; 24–25

Katuyoan sa leksiyon: Sa pagtabang sa mga estudyante nga magamit ang pagkatibulaag sa Israel aron mailhan ang mga kinaiya sa Langitnong Amahan ug ni Jesukristo.

  • Pagpangandam sa estudyante: Dapita ang mga estudyante sa pagbasa sa Mga Hunahuna nga Hinumdoman: “Si Jesus Moingon sa Tanan nga Israel, ‘Umari ka sa Panimalay’” gikan sa Dali, Sunod Kanako—Alang sa Panimalay ug Simbahan: Daang Tugon 2026. Hangyoa sila sa pagtambong nga andam sa pagpakigbahin og mga hunahuna o mga pangutana bahin sa pagkatibulaag sa Israel.

  • Handout: “Usa ka Ehemplo sa Pagsalig sa Ginoo”

  • Mga butang nga andamon: Butangi og label ang lainlaing dapit sa lawak klasehanan isip Amihanang Gingharian (Israel), Habagatan nga Gingharian (Judah), Asiria, Ang Amerika, ug Babelonia/Persia. Paghimo og mga label nga magunitan sa mga estudyante: Nawala nga mga Tribo, Mga Samarianhon, Lehi ug iyang pamilya, Daniel, Sadrach, Mesach, Abed-nego, Ezekiel, Ezra, and Nehemiah.

  • Sulod nga ipakita: “Ang mga Gingharian sa Israel ug Juda sa usa ka Pagtan-aw”

Pagbansay 6 sa Doktrinal nga Kahanas

Katuyoan sa leksiyon: Aron matabangan ang mga estudyante nga makasabot sa mga tudling sa doktrinal nga kahanas ug magamit ang mga baroganan sa pag-angkon og espirituhanong kahibalo.

  • Pagpangandam sa estudyante: Ikonsiderar ang pagdapit sa mga estudyante sa pagpili og tudling sa doktrinal nga kahanas nga gusto nilang mas masabtan. Awhaga sila nga pangitaon sa mga footnote o sa paggamit og diksyonaryo aron makit-an ang mga pulong diha sa tudling. Ang Doktrinal nga Kahanas nga app usa ka mapuslanon nga kapanguhaan. Ang mga estudyante makapangita og lista sa mga tudling sa doktrinal nga kahanas diha sa Mahinungdanon nga Dokumento sa Doktrinal nga Kahanas (2022).

  • Sulod nga ipakita: Lista sa mga tudling sa doktrinal nga kahanas nga natun-an na sa mga estudyante.