Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

2 Mga Hari 21–23: Si Hari Josias ug ang Basahon sa Balaod

“2 Mga Hari 21–23: Si Hari Josias ug ang Basahon sa Balaod,” Manwal sa Magtutudlo sa Seminary sa Daang Tugon (2026)

“2 Mga Hari 21–23: Si Hari Josias ug ang Basahon sa Balaod,” Manwal sa Magtutudlo sa Seminary sa Daang Tugon

2 Mga Hari 16–25: Leksiyon 87

2 Mga Hari 21–23

Si Hari Josias ug ang Basahon sa Balaod

King Josiah Reads the Book of the Law to the people

Nakahunahuna ba kamo kon sa unsang paagi nga lahi ang inyong kinabuhi kon wala ninyo ang mga kasulatan? Dihang ang gingharian sa Juda nalayo gikan sa Dios, ang “basahon sa balaod” (2 Mga Hari 22:8, 11) gibalewala ug sa kadugayan nawala diha sa templo. Atol sa pag-usab ni Josias sa templo ang anciano nga si Hilkias nakakita sa basahon sa balaod, nga gibasa dayon ni Josias ngadto sa katawhan. Ang mga kasulatan nakatabang ni Hari Josias ug sa iyang katawhan nga mobalik ngadto sa Ginoo. Kini nga leksiyon makatabang sa mga estudyante nga modangop ngadto sa Ginoo pinaagi sa personal nga pagtuon sa kasulatan.

Pagpangandam sa estudyante: Dapita ang mga estudyante sa pagrebyo sa ilang personal nga mga tumong sa pagtuon sa kasulatan ug sa ilang mga paningkamot sa pagbasa sa giasayn nga mga kapitulo sa Daan Tugon. Awhaga sila sa pagpadayon nga magtrabaho sa ilang mga tumong o sa mainampoong paghimo sa gikinahanglan nga mga kausaban aron magmalamposon.

Posibleng mga Kalihokan sa Pagkat-on

Kinabuhi nga walay mga kasulatan

Sa dili pa magklase, ikonsiderar ang pagbutang og bookmark sa usa ka Biblia diha sa 2 Mga Hari 22:8. Tagoi ang Biblia diha sa lawak klasehanan aron gamiton unya sa leksiyon.

Isulat sa pisara ang mosunod nga pangutana:

Unsa kaha ang inyong kinabuhi kon wala ang ?

Ikonsiderar ang paghatag sa matag estudyante og gagmayng piraso sa papel. Dapita sila sa pagsulat og komon nga butang o kalihokan nga makakompleto sa pangutana. Pananglitan, pwede silang mosulat og mga pulong nga sama sa mga sapatos, mga toothbrush, eskwelahan, o mga isport. Bahina ang mga estudyante sa gagmayng mga grupo. Dapita sila sa paghisgot kon unsaon nila pagtubag sa pangutana kon kini kompletohon sa mga pulong nga ilang gisulat. Kon mahuman na sa pagpakigbahin ang mga estudyante, tagai sila og higayon nga ikonsiderar sa hilom ang mosunod:

Pamalandongi ang inyong personal nga mga kasinatian samtang inyong hinuklogan ang mosunod nga mga pangutana:

Unsa kaha ang inyong kinabuhi kon wala ang mga kasulatan?
Sa unsang paagi nga ang inyong bag-ohay nga pagtuon sa mga kasulatan nakaimpluwensiya sa inyong relasyon ngadto sa Langitnong Amahan ug ni Jesukristo?

Mahimo kang mohangyo og pipila ka boluntaryo sa pagpakigbahin sa ilang mga tubag. Aron madugangan ang panaghisgot, mahimo nimong ipakita ang mosunod nga pamahayag.

Si Elder D.Todd Christofferson sa Korum sa Napulog Duha ka Apostoles mitudlo kabahin sa atong panginahanglan sa mga kasulatan.

Kinsa kadtong wala motuo o nagbaliwala sa narekord nga pulong sa Dios sa ngadto-ngadto mohunong sa pagtuo Kaniya ug makalimot sa katuyoan sa ilang pagpakabuhi. (“Ang Panalangin sa Kasulatan,” Liahona, Mayo 2010, 33)

Sa ulahing bahin sa leksiyon, makabaton ang mga estudyante og oportunidad sa pag-ila ug pagpakigbahin og mga tudling sa kasulatan ug mamalandong sa mga tumong sa ilang personal nga pagtuon. Mahimo nimong usbon ang mga bahin niini nga leksiyon aron makatugot og igong panahon alang sa “Pagpakigbahin sa estudyante” ug “Mga tumong sa pagtuon sa kasulatan” nga mga seksiyon.

Ang impluwensiya sa mga kasulatan

Sa paglabay sa panahon, ang mga kasulatan nawala, ug ang mga tawo sa gingharian sa Juda wala na misunod sa mga sugo sa Ginoo. Ubos sa paghari sa mga hari nga sila si Manases ug Amon, ang mga tawo nalambigit na sa pagsimba og dios-dios ug ubang daotan nga mga binuhatan, lakip ang pagsakripisyo sa mga anak (tan-awa sa 2 Mga Hari 21). Human sa pagkamatay ni Amon, ang iyang anak, si Josias, nahimong hari sa edad nga utso. Si Josias matarong. Sa ika-18 nga tuig sa iyang paghari, gihikay ni Josias nga bayaran ang mga trabahante sa pag-ayo sa templo sa Jerusalem (tan-awa sa 2 Mga Hari 22:1–7).

Kon magtago ka og Biblia sa dili pa ang klase, ipasabot nga dunay nawala nga mga kasulatan sa usa ka dapit sa lawak klasehanan. Dapita ang mga estudyante sa pagpangita niini. Pangutan-a ang estudyante nga nakakita sa Biblia sa pagpangita sa bookmark. Dayon ihatag ang mosunod nga mga instruksiyon:

Basaha ang 2 Mga Hari 22:8–13, nga mangita unsay nahitabo samtang ang templo giayo.

Unsa ang nakit-an ni Hilkias ang anciano?
Giunsa pagtubag ni Hari Josias human pagkadungog sa pulong sa basahon, o sa mga kasulatan?

Midesisyon si Josias nga basahon ang libro ngadto sa tanang katawhan sa Jerusalem (tan-awa sa 2 Mga Hari 22:14–20; 23:1–2).

Basaha ang 2 Mga Hari 23:1–3, nga mangita sa impluwensya nga ang pagbasa ni Josias sa mga kasulatan ug sa iyang katawhan. Ikonsiderar ang pagmarka sa inyong makit-an.

Unsa ang atong makat-onan gikan niini nga mga bersikulo mahitungod sa epekto sa pagtuon sa kasulatan diha sa atong mga kinabuhi?

Kauban sa mga panabot nga ipakigbahin sa mga estudyante, tingali ilang mailhan nga ang pagtuon sa mga kasulatan makatabang kanato sa pagdangop ngadto sa Ginoo uban sa tibuok natong kasingkasing. Mahimong isulat kini sa pisara ug basehan sa tibuok nahibilin sa leksiyon.

Aron mas masabtan kini nga baroganan, mahimong kompletohon sa mga estudyante ang mosunod kauban ang usa ka kapares. Ang matag estudyante mahimong magtuon og usa ka hugpong sa mga bersikulo. Dayon ang magkapares mahimong mopakigbahin sa usag usa sa unsay ilang nakat-onan ug hisgotan ang kauban nga mga pangutana.

Dihang si Josias ug iyang katawhan nakakat-on gikan sa mga kasulatan ug midangop ngadto sa Ginoo, nadasig sila sa paghimo og mga kausaban sa ilang mga kinabuhi. Basaha ang inyong naasayn nga mga bersikulo, nga mangita sa mga kausaban nga ilang nahimo.

Estudyante 1

2 Mga Hari 23:4, 24.

Ngano kaha nga ang mga tawo gikinahanglan nga gub-on ang tanan nilang mga dios-dios aron modangop ngadto sa Ginoo uban ang tibuok nilang kasingkasing?
Sa unsang paagi ang pagtuon sa kasulatan makatabang nato nga isalikway ang daotan nga mga impluwensiya diha sa atong kinabuhi?

Estudyante 2

2 Mga Hari 23:21–22.

Unsang relihiyosong binuhatan ang gisunod pag-usab ni Josias ug sa iyang katawhan human magbasa sa mga kasulatan?
Sa unsang paagi ang pagtuon sa kasulatan makatabang nato nga mahinumdom sa Manluluwas ug magsunod sa Iyang ebanghelyo?

Pagpakigbahin sa mga estudyante

Kini nga bahin sa leksiyon gidesinyo alang sa personal nga pagpamalandong ug pagpakigbahin. Mahimong mopakigbahin ang mga estudyante kon sa unsang paagi nakatabang (o mahimong makatabang) ang mga kasulatan kanila nga modangop ngadto sa Ginoo.

Si Presidente Spencer W. Kimball (1895–1985) mitudlo bahin sa impluwensiya sa pagtuon sa kasulatan diha sa iyang kinabuhi:

Akong nakita nga kon dili kaayo nako hatagan og bili ang akong pakigrelasyon uban sa Dios ug sa dihang sama ra og walay diosnong dalunggan nga naminaw ug walay diosnong tingog nga mamulong, nga ako layo ra gayod kaayo. Kon akong isubsob ang akong kaugalingon sa mga kasulatan ang gilay-on magkaduol ug ang pagkaespirituhanon mobalik. (Mga Pagtulun-an sa mga Presidente sa Simbahan: Spencer W. Kimball [2006], 84)

Pag-ila og usa ka tudling sa kasulatan nga nakatabang (o mahimong makatabang) ninyo nga modangop ngadto sa Langitnong Amahan ug ni Jesukristo. Mahimong gikan kini sa inyong personal o pamilya nga pagtuon sa kasulatan o sa miaging leksiyon sa seminary, o mahimong usa ka tudling sa doktrinal nga kahanas. Pangandam sa pagpakigbahin sa mosunod:

Sa unsang paagi kini nga tudling nakatabang (o sa unsang paagi kini makatabang) ninyo nga modangop ngadto sa Langitnong Amahan ug ni Jesukristo uban ang tibuok ninyong kasingkasing?

Kon andam na ang mga estudyante nga mopakigbahin, dapita ang tanan sa pagsulat sa ilang mga tudling diha sa pisara libot sa kamatuoran nga ilang nailhan kaganina. Paghangyo og daghang boluntaryo sa pagbasa sa ilang tudling ug sa pagpagkigbahin sa ilang mga panabot o mga kasinatian. Kon gikinahanglan, pwede usab nimong ipakigbahin ang mga tudling nga nakatabang nimo nga modangop ngadto sa Ginoo.

Ikonsiderar ang pagtudlo sa mga tudling diha sa pisara nga wala pa mapakigbahin. Pwede kang mohangyo kon ang mga estudyante nga misulat niini mahimong andam nga mopakigbahin. O mahimo nimong dapiton ang klase sa pagbasa sa tudling ug hisgotan kon sa unsang paagi kini nakatabang kanato nga modangop ngadto sa Ginoo.

Samtang nagpakigbahin ang mga estudyante, mahimo kang mangutana og follow-up nga mga pangutana sa pag-awhag og panaghisgot sa klase. Sama pananglit, mahimo kang mangutana, “Duna bay laing tawo nga nakasinati niana nga tudling? Andam ka ba nga mopakigbahin?” o “Unsa ang inyong mga hunahuna ug mga pagbati samtang naminaw ka sa usag usa?”

Mga tumong sa pagtuon sa kasulatan

Ikonsiderar ang pagpakigbahin sa imong pagsaksi nga ang imong mga estudyante mahimong adunay susama nga kasinatian kang Josias dihang iyang gitun-an ang mga kasulatan (tan-awa sa 2 Mga Hari 23:25). Dapita ang mga estudyante sa pagrebyo sa ilang mga tumong alang sa personal nga pagtuon sa kasulatan ug sa ilang kalamboan sa pagbasa sa giasayn nga mga kapitulo sa Daang Tugon. Hatagi sila og panahon sa pagpamalandong sa mosunod nga mga pangutana:

Gibati ba ninyo nga ang inyong tumong karon sa pagtuon sa kasulatan nagtabang kaninyo sa hingpit nga modangop ngadto sa Langitnong Amahan ug ni Jesukristo? Kon mao, sa unsang paagi nga nakita ninyo kini nga mahitabo? Kon wala, unsay mga kausaban ang inyong himoon?
Unsa ang inyong makahuloganong mga kasinatian sa pagbasa sa giasayn nga mga kapitulo sa Daang Tugon? Unsa ang inyong buhaton aron maseguro nga makompleto ninyo ang giasayn nga mga pagbasa?

Awhaga ang mga estudyante nga ipadayon ang ilang mga paningkamot sa inadlaw-adlaw nga pagtuon sa mga kasulatan.

Dugang nga mga Kapanguhaan

Nganong importante kaayo ang inadlaw-adlaw nga pagtuon sa kasulatan?

Si Presidente Russell M. Nelson mitudlo:

24:24

Isip mga disipulo ni Jesukristo, ang atong mga paningkamot sa pagpaminaw Kaniya kinahanglan nga mas gitinguha nato. Kinahanglan og tininuod ug makanunayon nga paningkamot sa pagpuno sa atong inadlaw nga kinabuhi sa Iyang mga pulong, sa Iyang mga pagtulun-an, sa Iyang mga kamatuoran.

Kita dili gyod makasalig sa impormasyon nga atong makita sa social media. Sa binilyong mga pulong sa online ug sa usa ka kalibotan nga puno sa materyalismo nga pahinumdom nga kanunay apilan sa masaba, daotan nga mga paningkamot sa kaaway, asa man kita makapaminaw Kaniya?

Kita makaadto sa mga kasulatan. Kini nagtudlo kanato kabahin ni Jesukristo ug sa Iyang ebanghelyo, sa gidak-on sa Iyang Pag-ula, ug mahinungdanong plano sa Amahan sa kalipay ug katubsanan. [Ang] inadlaw nga pagbasa sa pulong sa Dios importante alang sa espirituhanong kaluwasan, ilabi na niining panahon sa nagkagrabe nga kaguliyang. Samtang kita magbusog sa mga pulong ni Kristo matag adlaw, ang mga pulong ni Kristo mosulti nato unsaon sa pagtubag sa mga kalisod nga wala nato mahunahunai nga atong atubangon. (“Paminaw Kaniya,” Liahona, Mayo 2020, 89)

Sa unsang paagi nato magamit ang istorya ni Josias sa atong kaugalingong kinabuhi?

Si Presidente Spencer W. Kimball mipakigbahin:

Kombinsido ako nga kada usa kanato, sa ubang panahon sa atong mga kinabuhi, kinahanglang modiskubre sa mga kasulatan alang sa atong kaugalingon—ug dili kay modiskubre niini sa makausa lang, apan diskobrehan niini og balik-balik.

Ang istorya ni Hari Josias sa Daang Tugon usa nga makatabang kaayo nga “mipahisama … ngadto … [sa atong] kaugalingon.” (1 Ne. 19:24) Kanako, usa kana sa pinakanindot nga mga sugilanon diha sa tanang mga kasulatan. …

Dako ang akong pagbati nga kinahanglan natong tanan nga mobalik ngadto sa mga kasulatan sama sa gibuhat ni Hari Josias ug tugutan kining magalihok sa bug-os nga kusog sulod kanato, nga magduso kanato ngadto sa dili mapalingpaling nga determinasyon sa pag-alagad sa Ginoo. (Mga Pagtulun-an sa mga Presidente sa Simbahan: Spencer W. Kimball [2006], 78–80)

2 Mga Hari 22:14. Kinsa si Hulda ang propeta nga babaye?

Si Hulda usa ka propeta nga babaye tungod kay siya dunay gasa sa pagpanagna, nga anaa sa tanang miyembro sa Simbahan (tan-awa usab sa “Propeta nga Babaye” diha sa Giya ngadto sa mga Kasulatan). Gisultihan niya ang mga tawo sa panagna sa paghukom batok sa kadaotan, nga nahisulat diha sa mga kasulatan. Gipanagna usab niya nga si Josias mapanalanginan tungod sa iyang pagkamatinud-anon ngadto sa Ginoo (tan-awa sa 2 Mga Hari 22:15–20).

Dugang nga mga Kalihokan sa Pagkat-on

Pagsabot sa istorya ni Josias

Aron matabangan nga masabtan sa mga estudyante ang dagan sa istorya ni Josias, ikonsiderar ang pag-apud-apod sa pahina sa kalihokan nga “Ang mga kasulatan mga panalangin (2 Mga Hari 22:8–11; 23:2).”

Mahimo ninyong tan-awon usab ang “Hari Josias” (1:36).

1:36

Usa ka dakong kausaban sa kasingkasing

Dapita ang mga estudyante nga i-link o i-cross-reference ang 2 Mga Hari 23:1–3 sa Mosiah 5:1–5. Pwede nimong ipasabot nga si Hari Benjamin mao ang laing hari nga mipundok sa iyang katawhan aron tudloan sila sa pulong sa Dios. Dapita ang mga estudyante nga basahon ang Mosiah 5:1–5, ikompara ang asoy sa katawhan ni Hari Benjamin ngadto sa katawhan ni Hari Josias.

Unsa nga mga pagkapareho ang inyong nakaplagan?
Unsa nga mga koneksiyon ang inyong nakita tali sa mga kasingkasing sa katawhan ug sa ilang kaandam sa paghimo ug pagtuman sa mga pakigsaad ngadto sa Ginoo? Sa unsang paagi kana magamit nato karon?

2 Mga Hari 23:24. Pagsalikway sa tanang pagkasalawayon

Tingali imong i-summarize ang 2 Mga Hari 23:4–24 pinaagi sa pagpasabot nga si Josias miseguro nga ang tanang butang sa sayop nga pagsimba gubaon. Gipadugmok kini niya ngadto sa pagkapulbos ug gipasunog kini (tan-awa sa 2 Mga Hari 23:4, 6, 14, 15, 24). Aron ipakita sa mga estudyante ang laing ehemplo niini nga matang sa pasalig ngadto sa Dios, ikonsiderar ang pagtan-aw sa “Dili Matarog nga Pasalig ngadto ni Jesukristo” gikan sa time code 0:18 hangtod 1:39.

13:52

Dapita ang mga estudyante sa pagbasa sa mga kasulatan ug sa pagtubag sa mosunod nga mga pangutana.

Si Elder Dale G. Renlund sa Korum sa Napulog Duha ka Apostoles mitudlo:

Gidapit kita sa Dios sa hingpit nga pagwagtang sa atong mga karaang gawi ug magsugod og bag-ong kinabuhi diha kang Kristo. (“Dili Matarog nga Pasalig ngadto ni Jesukristo,” Liahona, Nob. 2019, 23)

Unsa ang ubang butang nga inyong gibati nga tingali gusto sa Manluluwas nga inyong isalikway sa inyong kinabuhi aron mas makasunod ka Kaniya?
Sa unsang paagi ang paglikay niining butanga makatabang ninyo nga modangop sa Ginoo uban ang inyong tibuok kasingkasing?

Dapita ang mga estudyante sa paghimo niini nga tutokan sa ilang personal nga pagtuon sa kasulatan. Awhaga sila nga tinguhaon ang tabang sa Ginoo aron makaplagan ang kaisog o pagkamamugnaon nga gikinahanglan sa pagwagtang sa daotan nga mga impluwensiya sa ilang kinabuhi.

Pag-text sa kamatuoran

Human mopakigbahin ang mga estudyante og mga tudling sa kasulatan nga nakatabang nila nga modangop ngadto sa Ginoo, mahimo ninyong tan-awon ang “Pag-text sa Kamatuoran” (2:22). Dapita ang mga estudyante sa pagpili og usa sa mga tudling nga gipakigbahin diha sa klase ug sa pag-text niini ngadto sa usa ka higala o sakop sa pamilya.

2:22

“Buhata unsay labing mahinungdanon”

Sa dili pa hinuklogan ug ipahaom sa mga estudyante ang ilang personal nga mga tumong sa pagtuon sa kasulatan, mahimo ninyong tan-awon ang “Buhata Unsay Labing Mahinungdanon” gikan sa time code nga 1:57 hangtod 2:44. Si Sister Rebecca L. Craven mipakigbahin sa iyang panag-istoryahanay diin iyang gipasabot ang kaimportante sa pagtuon sa kasulatan ug pag-ampo.

10:46