Manwal sa Magtutudlo sa Seminary sa Daang Tugon

Mga Sulod
Ulohan nga Pahina
Pasiuna sa Manwal sa Magtutudlo
Daang Tugon nga mga Leksiyon
- Welcome sa Daang Tugon
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko sa Pagkabanhaw
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Numeros 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Maghuhukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Mga Cronicas 14–20, 26, 30
- Esdras 1, 3–7; Nehemias 2, 4–6, 8
- Ester
- Job 1–3; 12–14; 19; 21–24; 38–40; 42
- Mga Salmo 1–2; 8; 19–33; 40; 46
- Mga Salmo 49–51; 61–66; 69–72; 77–78; 85–86
- Mga Salmo 102–103; 110; 116–119; 127–128; 135–139; 146–150
- Mga Panultihon 1–4; 15–16; 22; 31; Ecclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3, 7, 16–18, 20
- Jeremias 31–33; 36–38; Mga Pagbangotan 1, 3
- Ezequiel 1–3; 33–34; 36–37; 47
- Daniel 1–7
- Oseas; Joel
- Amos; Abdias; Jonas
- Miqueas; Nahum; Habacuc, Sofonias
- Hageo 1–2; Zacarias 1–4, 7–14
- Malaquias
Mga Leksiyon sa Pagpangandam sa Kinabuhi
- Doktrinal nga Kahanas: Pagpangita og mga Tubag sa Akong mga Pangutana
- Mga Kahanas sa Pagtuon sa Kasulatan
- Giya sa Alang sa Kalig-on sa mga Kabatan-onan
- Pag-ugmad sa Pagbarog pinaagi sa Kinaugalingong Paningkamot
- Pisikal ug Emosyonal nga Kahimsog
- Pagpangandam alang sa Umaabot nga Edukasyon ug Panarbaho
- Magmalamposon sa Pag-eskwela
- Pagpangandam sa Misyonaryo
- Pagpangandam alang sa Templo
- Mga Pagtulun-an sa mga Lider sa Simbahan
Apendiks

2 Mga Hari 18–19: Pagsalig sa Ginoo nga Dios sa Israel

“2 Mga Hari 18–19: Pagsalig sa Ginoo nga Dios sa Israel,” Manwal sa Magtutudlo sa Seminary sa Daang Tugon (2026)

“2 Mga Hari 18–19: Pagsalig sa Ginoo nga Dios sa Israel,” Manwal sa Magtutudlo sa Seminary sa Daang Tugon

2 Mga Hari 16–25: Leksiyon 86

2 Mga Hari 18–19

Pagsalig sa Ginoo nga Dios sa Israel

An African woman kneeling by her bed praying

Ang Langitnong Amahan ug si Jesukristo nahigugma kanato ug motabang kanato samtang atong buhaton ang atong pagsalig diha Kanila. Human masakop sa mga Asirianhon ang Samaria, gisugdan nila ang pag-atake sa Juda. Si Hari Ezequias ug ang iyang katawhan midangop sa Ginoo alang sa kusog ug proteksiyon. Ang Ginoo miluwas kanila gikan sa mga Asirianhon. Kini nga leksiyon makatabang nga molambo ang pagsalig sa mga estudyante nga ang Ginoo motabang nila sa pag-atubang sa ilang mga hagit.

Pagpangandam sa estudyante: Dapita ang mga estudyante sa pagtambong sa klase nga andam sa pagpakigbahin og kasinatian dihang ilang gibati ang suporta sa Dios atol sa mahagiton nga higayon.

Posibleng mga Kalihokan sa Pagkat-on

Atol sa lisod nga panahon

Ikonsiderar ang pagsugod sa klase pinaagi sa pagsulat sa mosunod nga mga pulong diha sa tunga sa pisara: walay mahimo, nabug-atan, nawad-an sa kadasig, nahadlok, ug nagduhaduha. Dayon mahimo ninyong isulat ang usa sa mosunod nga mga pangutana sa wala nga bahin sa pisara ug ang laing pangutana sa tuo nga bahin sa pisara. Ang mga estudyante mahimong mosulat sa ilang mga tubag sa matag pangutana diha sa pisara.

Unsa ang mga sitwasyon diin ang usa ka tinedyer tingali mobati sa usa o labaw pa niini nga mga emosyon?
Asa kaha modangop ang mga tin-edyer alang sa tabang kon sila makasinati niini nga mga emosyon?

Mahimo dayon ninyong dapiton ang mga estudyante sa paghunahuna o pagsulat sa ilang journal sa pagtuon mahitungod sa karon o umaabot nga sitwasyon diin ilang mabati ang susama nga mga emosyon. Ang mga estudyante makabaton og kahigayonan sa pag-refer balik niini nga mga emosyon sa ulahing bahin sa leksiyon.

Pamalandongi ang mosunod nga mga pangutana samtang kini may kalabotan sa inyong kaugalingong personal nga sitwasyon:

Kon makasinati kamo niini nga mga emosyon, asa man ka modangop alang sa tabang?
Unsa ka kamasaligon nga ang Ginoo motabang kaninyo kon modangop kamo Kaniya?

Sa tibuok leksiyon karon, hunahunaa kon sa unsang paagi ang Ginoo nakatabang ninyo dihang inyong nasinati kini nga mga emosyon karon o sa umaabot. Hatagi og pagtagad ang mga impresyon nga moabot sa inyong hunahuna ug kasingkasing gikan sa Espiritu Santo.

Si Ezequias nagsalig sa Ginoo

Ipasabot sa mga estudyante nga kini nga leksiyon magtutok kon sa unsang paagi si Ezequias, ang hari sa Juda, mipili nga modangop ngadto sa Ginoo alang sa tabang dihang siya ug iyang katawhan nag-atubang og dako nga mga hagit.

Basaha ang 2 Mga Hari 18:1–7, nga mangita kon unsay gibuhat ni Ezequias dihang nahimo siyang hari.

Unsay inyong nakaplagan?
Unsa nga mga baroganan ang atong makat-onan gikan sa mga bersikulo 5–7?

Tabangi ang mga estudyante sa pag-ila sa mga baroganan sama sa: Samtang kita mosalig sa Ginoo ug mosunod sa Iyang mga sugo, Siya magauban kanato.

Pagpahisama sa mga kasulatan sa atong kinabuhi

Ang Israel, ang nasod sa amihanang utlanan sa Juda, gisakop sa Asiria. Dayon, giatake sa mga Asirianhon ang katawhan ni Ezequias ug giilog ang tanang gipalig-on nga mga siyudad sa ilang gingharian (tan-awa sa 2 Mga Hari 18:9–13). Ang mga sulugoon nga Asirianhon miabot dayon sa Jerusalem, ang kapital sa Juda, sa paghatod og pasidaan ngadto ni Ezequias ug sa iyang katawhan.

Tan-awa balik ang mga emosyon diha sa pisara. Hain nga mga emosyon sa inyong hunahuna nga tingali gibati sa mga tawo sa Jerusalem?

Ang Ginoo mag-uban kanato

Basaha ang 2 Mga Hari 19:32–35, nga mangita kon giunsa sa Ginoo pagluwas si Ezequias ug ang iyang katawhan.

Unsay inyong nakaplagan?

Ikonsiderar ang pagdapit sa mga estudyante sa pagmarka sa hugpong sa mga pulong nga “Kay ako magapanalipod niining syudara sa pagluwas niini” diha sa 2 Mga Hari 19:34. Kon gikinahanglan, ipasabot nga ang pagluwas sa Ginoo moabot sa Iyang panahon ug paagi.

Aron matabangan ang mga estudyante nga ikonsiderar ang mga paagi nga kita gitabangan sa Ginoo nga atubangon ang atong mga hagit, mahimo nimong ipakita ang “Ang Langitnong Amahan Nakaila Kanako” (3:18) ug hangyoa ang mga estudyante nga pangitaon giunsa pagluwas sa Langitnong Amahan kining batan-ong babaye gikan sa hagit nga iyang giatubang. Dayon, dapita ang mga estudyante sa pagpakigbahin sa ilang kaugalingong mga kasinatian. Mahimo nimong ikonsiderar ang pagpakigbahin og personal nga kasinatian sa pagsalig sa Ginoo o giunsa ka Niya pagtabang atol sa lisod nga mga panahon.

3:19

Sa unsang paagi ang Langitnong Amahan ug si Jesukristo misuporta nimo o sa usa ka tawo nga imong kaila atol sa lisod nga sitwasyon?

Mahimo usab nimong ipabati sa mga estudyante ang gahom sa propetikanhong pagpamatuod sa Manluluwas sa pagtapos sa klase. Sa pagbuhat niini, pwede nimong dapiton ang mga estudyante sa pagbasa sa Alma 36:3 o sa mosunod nga pamahayag.

Si Presidente Dieter F. Uchtdorf, kanhi sa Unang Kapangulohan, mipamatuod: sa gahom sa pagsalig sa Dios.

19:11

Imbis nga maghunahuna sa gidak-on sa atong mga hagit, dili ba mas maayong motutok sa walay kinutubang kahalangdon, kaayo, ug hingpit nga gahom sa atong Dios, mosalig Kaniya ug mangandam uban sa malipayong kasingkasing sa pagbalik ni Jesus nga mao ang Kristo?

Isip Iyang katawhan sa pakigsaad, dili kinahanglang maparalisar kita sa kahadlok nga basin dunay ngil-ad nga mahitabo. Hinoon, mopadayon kita uban sa hugot nga pagtuo, kaisog, determinasyon, ug pagsalig sa Dios samtang atong atubangon ang mga hagit ug mga oportunidad sa umaabot. (“Ang Hingpit nga Gugma Nagahingilin sa Kahadlok,” Liahona, Mayo 2017, 106)

Awhaga ang mga estudyante nga mosalig sa Langitnong Amahan ug ni Jesukristo atol sa lisod nga mga panahon.

Dugang nga mga Kapanguhaan

2 Mga Hari 18:4. Nganong giguba ni Ezequias ang bitin nga tumbaga?

Atol sa ilang panaw sa kamingawan, ang mga Israelita gipaak sa makahilo nga mga bitin. Ubos sa direksiyon sa Ginoo, mihimo si Moises og bitin nga tumbaga, gitaod kini sa usa ka tukon, ug gisultihan ang mga tawo sa pagtan-aw sa bitin nga tumbaga aron mamaayo (tan-awa sa Numeros 21:4–9). Ang bitin nga tumbaga ug pisikal nga pagkaayo mga simbolo ni Jesukristo ug sa espirituhanong pagkaayo nga Iyang gitanyag (tan-awa sa Juan 3:14–15; 2 Nephi 25:20; Helaman 8:13–15).

Gitipigan sa mga Israelita ang bitin nga tumbaga. Sila sa kataposan misugod sa pagsimba niini ug “pagsunog og insenso niini” (tan-awa sa 2 Mga Hari 18:4), nakalimtan ang simbolo ug tinuod nga tinubdan sa pagkaayo, ang Ginoo. Gani, para sa mga Israelita, ang bitin nga tumbaga nahimong nehushtan lamang, usa ka Hebreo nga pulong nga nangahulogan og “butang nga tumbaga.” Busa, sa iyang mga paningkamot sa pagwagtang sa tanang matang sa idolatriya sa Juda, giguba ni Hari Ezequias ang bitin nga tumbaga.

Unsaon nga madugangan ang akong pagsalig sa Dios?

Si Presidente Henry B. Eyring, Unang Magtatambag sa Unang Kapangulohan, miingon:

17:38

[K]ana nga pagsalig nagagikan sa pagkaila sa Dios. Labaw kay ni bisan kinsa nga mga tawo dinhi sa yuta, kita, pinaagi sa mahimayaon nga mga panghitabo sa pagpahiuli sa ebanghelyo, makabati sa kalinaw nga gitanyag sa Ginoo sa Iyang mga katawhan uban sa mga pulong “Humilom kamo, ug ilhon nga ako mao ang Dios” [Mga Salmo 46:10]. Ang akong kasingkasing napuno sa pasalamat alang sa unsay gipadayag sa Dios mahitungod sa Iyang kaugalingon nga kita unta mosalig Kaniya. (“Salig sa Dios, Dayon Lakaw ug Buhata,” Liahona, Nob. 2010, 72)

Si Sister Bonnie H. Cordon, kanhi Ikaduhang Magtatambag sa Kinatibuk-ang Kapangulohan sa Primary, mitudlo:

Mosugyot ko og tulo ka paagi nga mapalambo ang atong kahibalo ug pagsalig sa Manluluwas. …

Una, makaila kita sa Ginoo ug makasalig Kaniya kon kita “[magbusog] sa mga pulong ni Kristo; kay tan-awa, ang mga pulong ni Kristo magtug-an kaninyo sa tanan nga mga butang nga inyong buhaton” [2 Nephi 32:3]. …

Ikaduha, makaila kita sa Ginoo ug makasalig Kaniya pinaagi sa pag-ampo. Kadako sa panalangin nga makahimo sa pag-ampo sa atong Dios! “Pag-ampo ngadto sa Amahan uban sa tibuok kusog sa kasingkasing” [Moroni 7:48]. …

Ikatulo, makaila kita sa Ginoo ug makasalig Kaniya kon moserbisyo kita sa uban. (“Salig sa Ginoo ug Ayaw Pagsalig sa Kaugalingong Salab[o]tan,” Liahona, Mayo 2017, 6–7)

Sa unsang paagi ako makapakita sa akong pagsalig sa Dios?

Si Elder Ahmad S. Corbitt sa Seventy miingon:

Sa dihang mipasakop ako sa Simbahan isip usa ka tin-edyer, mihukom ako nga ihatag ang akong kinabuhi, panahon, ug kasingkasing ngadto sa Ginoo. Bisan og kana nga matang sa permanente nga pasalig ingon og makahadlok og gamay, nasayod ako nga kadto husto. Mibati ako nga ang akong Langitnong Amahan gusto niini gikan kanako, ug ako adunay kalinaw sa pagbuhat niini. Malipayon kaayo ako nga mipili ako sa pagsalig sa Dios ug mitugot nga ipatigbabaw Siya sa akong kinabuhi. Nakaseguro ako nga kon misalig ako sa akong kaugalingon nga pagsabot, ang akong kinabuhi dili unta mahimong ingon ka puno sa hingpit nga kalipay, ug kalinaw. (“Salig sa Ginoo,” Liahona, Ene. 2022, 15)

Dugang nga mga Kalihokan sa Pagkat-on

Pag-angkon og espirituhanong kahibalo: Lihok inubanan sa Hugot nga Pagtuo

Imbes nga gamiton ang handout nga gihatag diha sa leksiyon, pwede kang maghimo og kasinatian sa pagkat-on aron tabangan ang mga estudyante nga makasabot sa baroganan sa doktrinal nga kahanas sa paglihok inubanan sa hugot nga pagtuo kang Kristo pinaagi sa pagtan-aw kang Hari Ezequias isip pagtuon sa sitwasyon. Dapita ang mga estudyante nga rebyohon ang mga parapo 5–7 sa “Pag-angkon og Espirituhanong Kahibalo,” nga makita sa Mahinungdanon nga Dokumento sa Doktrinal nga Kahanas. Dayon dapita ang mga estudyante nga tun-an ang 2 Mga Hari 19:1–7; 14–20; ug 2 Mga Cronicas 32:7–8, nga mangita kon giunsa paglihok inubanan sa hugot nga pagtuo ni Ezequias ug sa iyang katawhan. Ang mga estudyante mahimong mopakigbahin og piho nga mga hugpong sa mga pulong diha sa Mahinungdanon nga Dokumento nga naghulagway kon unsay gibuhat ni Ezequias ug sa iyang katawhan. Tabangi ang mga estudyante sa paghimo og mga koneksyon tali kon sa unsang paagi milihok si Ezequias inubanan sa hugot nga pagtuo ug sa unsang paagi sila makalihok diha sa hugot nga pagtuo kang Kristo sa ilang kaugalingong mga kahimtang.

Pagpalig-on sa atong mga pundasyon karon aron maandam alang sa umaabot nga mga hagit

Mahimo nimong gamiton ang asoy sa paghari ni Hari Ezequias diha sa 2 Mga Cronicas 29–31 sa paghulagway kon sa unsang paagi ang matarong nga mga lihok ni Ezequias miandam kaniya ug sa iyang katawhan sa pagsalig sa Dios sa dihang giatake sa mga Asirianhon ang Gingharian sa Juda.

Ikonsiderar ang pagdapit sa mga estudyante sa pagbasa sa Helaman 5:12, nga mangita kon nganong kita kinahanglan nga motukod sa atong pundasyon ngadto kang Kristo.

Mahimo nimong ipakita ang mosunod nga mga tudling sa kasulatan ug dapita ang mga estudyante sa pagpili og duha nga basahon, nga mangita sa matarong nga mga aksyon nga gidapit ni Hari Ezequias sa iyang katawhan nga buhaton aron mosalig sa Dios. Mahimo nilang isulat diha sa pisara kon unsay ilang nakit-an.

2 Mga Cronicas 29:10
2 Mga Cronicas 29:20–21
2 Mga Cronicas 30:5–6
2 Mga Cronicas 30:8–9
2 Mga Cronicas 31:20–21

Kon mahuman na ang mga estudyante, mahimo kang mangutana nila sa pagpakigbahin kon sa unsang paagi ang ilang makanunayon nga lihok sa hugot nga pagtuo nag-andam nila nga mosalig sa Dios atol sa pagsulay.