Testamenta Taloha: Boky torolalana ho an’ny mpampianatra seminera

Votoatiny
Pejin-dohateny
Teny fanolorana ny Boky torolalana ho an’ny mpampianatra
Lesona momba ny Testamenta Taloha
- Tonga soa ato amin’ny Testamenta Taloha
- Mosesy 1; Abrahama 3
- Genesisy 1–2; Mosesy 2–3; Abrahama 4–5
- Genesisy 3–4; Mosesy 4–5
- Genesisy 5; Mosesy 6
- Mosesy 7
- Genesisy 6–11; Mosesy 8
- Genesisy 12–17; Abrahama 1–2
- Genesisy 18–23
- Genesisy 24–33
- Genesisy 37–41
- Genesisy 42–50
- Eksodosy 1–6
- Paska
- Eksodosy 7–13
- Eksodosy 14–18
- Eksodosy 19–20; 24; 31–34
- Eksodosy 35–40; Levitikosy 1; 4; 16; 19
- Nomery 11–14; 20–24; 27
- Deoteronomia 6–8; 15; 18; 29–30; 34
- Josoa 1–8; 23–24
- Mpitsara 2–4; 6–8; 13–16
- Rota; 1 Samoela 1–7
- 1 Samoela 8–10; 13; 15–16
- 1 Samoela 17–18; 24–26; 2 Samoela 5–7
- 2 Samoela 11–12; 1 Mpanjaka 3; 6–9; 11
- 1 Mpanjaka 12–13; 17–22
- 2 Mpanjaka 2–7
- 2 Mpanjaka 16–25
- 2 Tantara 14–20, 26, 30
- Ezra 1; 3–7; Nehemia 2, 4–6, 8
- Estera
- Joba 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Ohabolana 1–4; 15–16; 22; 31; Mpitoriteny 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Jeremia 1–3; 7; 16–18; 20
- Jeremia 31–33; 36–38; Fitomaniana 1; 3
- Ezekiela 1–3; 33–34; 36–37; 47
- Daniela 1–7
- Hosea; Joela
- Amosa; Obadia; Jona
- Mika; Nahoma; Habakoka; Zefania
- Hagay 1–2; Zakaria 1–4; 10–14
- Malakia
Lesona Fiomanana hiatrika ny fiainana
- Fifehezana fotopampianarana: Mitady ny valin’ireo fanontaniako
- Fahaiza-manao momba ny fandalinana soratra masina
- Ho zatovo mahery!: Fanaovana safidy
- Manorina fizakan-tena
- Fahasalamana ara-batana sy ara-pihetseham-po
- Fiomanana amin’ny fianarana sy asa hatao any aoriana
- Mahomby any an-tsekoly
- Fiomanana ho misiônera
- Fiomanana ho any amin’ny tempoly
- Fampianaran’ireo mpitarika ao amin’ny Fiangonana
Tovana

2 Mpanjaka 2–4: Nomen’ny Tompo hery sy fahefana i Elisa

“2 Mpanjaka 2–4: Nomen’ny Tompo hery sy fahefana i Elisa,” Testamenta Taloha: Boky torolalana ho an’ny mpampianatra seminera (2026)

“2 Mpanjaka 2–4: Nomen’ny Tompo hery sy fahefana i Elisa,” Testamenta Taloha: Boky torolalana ho an’ny mpampianatra seminera

2 Mpanjaka 2–7: Lesona 83

2 Mpanjaka 2–4

Nomen’ny Tompo hery sy fahefana i Elisa

The Old Testament prophet Elijah (acting on the instructions of Elisha) depicted smiting the waters of the River Jordan with his cloak in order for the river to part and allow passage on dry ground.

Rehefa manaiky antso ao amin’ny Fiangonan’ny Tompo isika dia mandray ilay fahefany mba hanompoana. Rehefa miezaka manompo amim-pahavitrihana sy miezaka ny ho tonga tahaka Azy kokoa isika dia homeny ny heriny. Maneho io fahamarinana io ny tantaran’ny Tompo izay nanome hery sy fahefana an’i Elisa rehefa avy nampakatra an’i Elia tany an-danitra. Ity lesona ity dia afaka manampy ny mpianatra hahatakatra fa ny Tompo dia manome fahefana ireo olona izay antsoiny sy hery ho an’ireo izay manompo amim-pahamarinana.

Fanomanana ny mpianatra: Asao ny mpianatra hieritreritra fotoana iray izay nanompoan’izy ireo na ny olona iray fantatr’izy ireo tao anatin’ny antso iray tao amin’ny Fiangonana. Asao ny mpianatra hisaintsaina ilay fanontaniana hoe, “Oviana aho no nahita maso ny hery sy ny fahefan’ny Tompo tamin’ny alalan’ny fanatanterahana ireo antso ao am-piangonana?”

Sahanasa fianarana azo atao

Ilay loharanon’ny hery sy fahefana

A doctor meets with her patients and checks blood pressure.

Hevero ny hanomboka ny fotoam-pianarana amin’ny alalan’ny fifanakalozan-kevitra momba ny hoe avy aiza ny fahefana hanaovana zavatra sasantsasany. Azonao atao ny manao izany amin’ny alalan’ny fampisehoana ny sarin’ny mpitsabo iray izay manao aron’akanjo fitsaboana na ao amina toeram-pitsaboana iray (na olona iray hafa manana anton’asa iray izay manana ny fahefana hanao ilay asa eo amin’ilay toerana hazoniny) ka hanontany ireto fanontaniana manaraka ireto.

Inona avy ireo andraikitra sasantsasany sahanin’io olona io?
Iza no nanome azy ireo fahefana hanatanterahana ny anjara asany?
Inona no manome fahatokiana anao mba hatoky azy ireo?

Hevero ny hampiseho ny sarin’ny mpaminany amin’izao fotoana izao ary avereno apetraka indray ireo fanontaniana teo aloha momba azy.

Mba hanampiana ny mpianatra hanombantombana ny zavatra takatr’izy ireo momba ny fanompoana miaraka amin’ny hery sy ny fahefan’ny Tompo ao anatin’ny antso, dia azonao atao ny manasa azy ireo hanao izao manaraka izao.

Valio ao amin’ny diary fandalinanao na ao amin’ilay fizarana ahitana fanoratana fanamarihana ao amin’ny Médiathèque de l’Évangile ireto fanontaniana manaraka ireto. Rehefa mieritreritra ny valinteninao ianao dia henoy izay fahatsapana azonao avy amin’ny Fanahy Masina mikasika ny zavatra tian’ny Tompo ho takatrao mikasika ny fanompoana miaraka amin’ny hery sy ny fahefan’ny Tompo ao anatin’ny antso.

Inona no takatro momba ny fandraisana ny hery sy ny fahefan’ny Tompo mba hanompoana ao amin’ny antso?
Inona no mety ho fiantraikan’io fahatakarana io eo amin’ny fihetsiko na ny fihetsiky ny olona iray hafa rehefa mandray antso avy amin’ny Tompo?

Nandray ny hery sy ny fahefan’ Andriamanitra i Elisa

Azonao atao ny manazava fa nambaran’ny Tompo tamin’i Elia fa ho lasa mpaminany i Elisa (jereo ny 1 Mpanjaka 19:16, 19).

Inona no mety ho ahiahy tsapan’i Elisa rehefa niomana ho amin’izany antso avy amin’ny Tompo izany izy?

Fantatr’i Elisa fa halain’ny Tompo tsy ho ela i Elia (2 Mpanjaka 2:1–3). Tamin’ilay andro farany hakana an’i Elia dia nanaraka an’i Elia nitety tanàna i Elisa mandra-pahatongan’izy ireo teo amin’ny Reniranon’i Jordana.

Mba hanampiana ny mpianatra hahita ny zava-nitranga teo amin’ny Renirano Jordana dia azonao atao ny mizarazara ny mpianatra ho vondrona kely maromaro. Azonao atao eny amin’ny solaitrabe ny manao ny sarin’ireo sary efatra etsy ambany na mamintina ny tsirairay amin’izany amin’ny teny vitsivitsy izay tsy araka ny filaharany tena izy. Asao ny vondrona tsirairay mba hamaky ny 2 Mpanjaka 2:8–15 sy handrindra ireo sary na ilay famintinana mikasika ireo zava-nitranga araka ny fotoana nisehoany. Azonao atao koa ny manazava fa ny kapôty dia toy ny akanjo ivelany tsy misy tanany mihantona malalaka eo amin’ny soroka.

Elijah Power and Authority, holding the mantle

Elijah Power and Authority, riding the chariot

Ahoana no nanehoan’ny Tompo tamin’i Elisa sy ny hafa fa nomeny hery sy fahefana i Elisa ao amin’ny antsony?

Azonao atao ny manazava fa ilay kapôty nampiasain’i Elia sy i Elisa dia tsy nanome azy ireo hery sy fahefana fa naneho ny herin’ Andriamanitra sy ny fahefany. Ao amin’ny Fiangonana ankehitriny, ny antso na ny fahefana hazonin’ny olona iray dia antsointsika indraindray hoe “kapôti[ny]”. Ohatra, rehefa tohanana ho Filohan’ny Fiangonana ny mpaminany vaovao iray dia mandray ny kapôtin’ny fahefana izy.

Mety hanampy koa ny manamarika fa ny fahefana hanompo ao amin’ny antso dia avy amin’ny Tompo amin’ny alalan’ireo lehilahy mihazona ny fanalahidin’ny fisoronana.
Inona no fahamarinana azontsika ianarana avy amin’ny zavatra niainan’i Elisa momba ny zavatra ataon’ny Tompo ho an’ireo olona izay antsoiny mba hanompo Azy?

Ao anatin’ireo fahamarinana mety atolotry ny mpianatra dia hamafiso fa ny Tompo dia manome fahefana an’ireo olona izay antsoiny.

Manompo miaraka amin’ny hery sy ny fahefan’ Andriamanitra

Mba hanampiana ny mpianatra hahatakatra ny dikan’ny hoe manompo ao amin’ny antso miaraka amin’ny hery sy ny fahefan’ny Tompo dia azonao soratana eny amin’ny solaitrabe ny hoe Fahefan’ny Fisoronana sy Herin’ny Fisoronana. Zarao ity teny nambara manaraka ity izay avy amin’ny Torio ny filazantsarako: Torolalana amin’ny fizarana ny filazantsaran’i Jesoa Kristy. Na dia miantefa mivantana amin’ny antso hitory ny filazantsara aza ity teny nambara ity dia ampahatsiahivo ny mpianatra fa ny Tompo dia manome fahefana ny olona izay antsoiny hanompo ao amina antso na inona izany na inona ary manome hery an’ireo izay manompo azy amim-pahamarinana.

Naverina tamin’ny laoniny tamin’ny alalan’ny Mpaminany Joseph Smith ny fahefana hitory ny filazantsara, teo ambany fitarihan’i Kristy. Rehefa natokana ho misiônera ianao dia nandray izany fahefana izany. Miaraka amin’izany ny zo sy tombontsoa ary andraikitra mba hisolo tena ny Tompo sy hampianatra ny filazantsarany. …

Ankoatra ny fahefana dia mila hery ara-panahy ianao hanatontosana ny antsonao. Manome hery ara-panahy Andriamanitra rehefa miasa tsy tapaka mba hampatanjaka ny fijoroana ho vavolombelona anananao momba Azy sy ireo fahamarinana ao amin’ny filazantsara ampianarinao ianao. Mandrotsaka hery ara-panahy Izy rehefa mivavaka, mandalina ny soratra masina, ary mikatsaka ny hanatontosa ny tanjona amin’ny maha-misiônera anao ianao. Manolotra hery ara-panahy Izy rehefa miezaka mitandrina ireo didiny sy ireo fanekempihavanana nataonao tamin’ny nandray ireo ôrdônansin’ny famonjena ianao (jereo ny Fotopampianarana sy Fanekempihavanana 35:24). (Torio ny filazantsarako: Torolalana amin’ny fizarana ny filazantsaran’i Jesoa Kristy, [2023], 3)

Inona no nianaranao momba ny hery sy ny fahefan’ny Tompo avy amin’ireo teny nambara ireo?
Nahoana no mety hanampy ny mahatsiaro izany rehefa mandray antso iray avy amin’ny Ray any An-danitra sy i Jesoa Kristy ianao?
Nahoana no mety hanampy ny mahatsiaro izany rehefa manohana ny hafa izay mandray antso ianao?

Manehoa fahatakarana

Mba hanampiana ny mpianatra hamintina ny zavatra nianarany dia hevero ny hizarazara ny mpianatra ho tsiroaroa ho an’ity sahanasa manaraka ity.

Misafidiana iray na maromaro amin’ireto toe-javatra manaraka ireto ary ifanakalozy hevitra ny zavatra nianaranao androany izay afaka manampy ilay olona eo anatrehan’ny olana ananany mikasika ny antso iray. Ampidiro ao anatin’ny valiny tsirairay ny soratra masina na teny nambaran’ireo mpitarika ao amin’ny Fiangonana na hevi-baovao noraisinao avy amin’ny Fanahy rehefa nandalina ny tantaran’ny antso noraisin’i Elisa mba hanompo ianao.

Misy eveka vaovao iray nantsoina sy notohanana. Fantatry ny zanany lahy fa tsy tonga lafatra izy.
Voantso hanompo ny filohan’ny Zatovovavy vaovao iray. Nanana fifandraisana tena tsara tamin’ilay filoha teo aloha ny zatovovavy iray ary tsy mahafantatra ilay filoha vaovao mihitsy.
Voantso mba ho filohan’ny kôlejy misy azy ny zatovolahy iray na voantso ho filohan’ny kilasy misy azy ny zatovovavy iray. Mahatsapa ho tsy ampy fahalalana izy ireo mba hanatanterahana tsara izany antso izany.
Misy misiônera voantso hanompo any amin’ny firenena iray izay miteny amin’ny fiteny hafa ny mponina ao aminy. Miahiahy ny amin’ny fahombiazana tena ho azon’izy ireo eo amin’ny fizarana ny filazantsara izy ireo.

Mieritrereta fomba iray mba hanasana ny mpianatra hifampizara ny valinteniny. Ny iray dia ny fangatahana ny mpianatra miara-miasa tsiroaroa mba hizara amin’ny vondrona hafa. Rehefa avy nanana fahafahana hizara ny rehetra dia azonao atao ny manasa ny mpianatra hizara ny zavatra tena tian’izy ireo tamin’ny valintenin’ny vondrona hafa.

Ho famaranana dia azonao atao ny mijoro ho vavolombelona momba ireo fahamarinana izay nifanakalozanareo hevitra androany.

Loharanom-pitaovana fanampiny

Ahoana raha toa aho ka mahatsapa ho tsy ampy fahaizana mba hanompoana ao anatin’ny antso iray avy amin’ny Tompo?

Nampianatra izao ny Filoha Henry B. Eyring ao amin’ny Fiadidiana Voalohany:

15:31

Hampivoatra ny zavatra lazainao sy ny zavatra ataonao eo imason’ireo olona tompoinao ny Tompo. … Ny zavatra holazainao sy hataonao dia hitondra fanantenana sy hanome torolalana ny olona mihoatra lavitra ny fahaiza-manao ara-boajanahary anananao sy ny fahatakarana anananao manokana. Izany fahagagana izany dia marika iray an’ny Fiangonan’ny Tompo isaky ny fotoampitantanana. (“Rise to Your Call,” Liahona, Nov. 2002, 77)

Inona no dikan’ny hoe manompo miaraka amin’ny fahefan’ Andriamanitra?

Nizara izao zavatra niainana manaraka izao ny Filoha Dallin H. Oaks ao amin’ny Fiadidiana Voalohany:

Nisy vehivavy mpikamban’ny Fiangonana iray nitondra ny mpifanolobodirindrina taminy tany amin’ny biraoko. Ny vadin’io vehivavy mpifanolobodirindrina taminy io dia mpitondra fivavahana Protestanta izay nanana mpiangona maro be. Nandritra ny taona maro dia nanompo ny Tompo tamim-pahazotoana lehibe tao anatin’ny asa fanompoana Kristianina nataony ireo mpivady ireo. Nanao batisa olona maro tao amin’io fiangonana io izy ireo.

Tamin’izay fotoana izay, tamin’ny alalan’ilay hery mitarika nananan’ilay mpifanolobodirindrina taminy izay Olomasin’ny Andro Farany, dia namaky ny Bokin’i Môrmôna izy ary niova fo tao amin’Ny Fiangonan’i Jesoa Kristy ho an’ny Olomasin’ny Andro Farany. Vonona ny hiala tamin’ilay asa fanompoany izy ary niditra ho mpikambana tao amin’ny Fiangonana naverina tamin’ny laoniny. Saingy nila valiny mikasika ny fanontaniana iray nananany momba ny fahefan’ny fisoronana aloha izy ireo. Rehefa nampahatsiahivin’ilay vehivavy aho fa nanao batisa olona maro ny vadiny dia nanontany izy hoe, “Milaza amiko ve izany ianao fa tsy nanana fahefana akory ny vadiko nanaovana batisa an’ireo olona rehetra izay nataony batisa ireo?”

Nibitsika tamiko ny zavatra havaliko ny Fanahy tahaka ny hataony ao anatin’ny toe-javatra toy izao.

“Tsia,” hoy aho. “Azoko antoka fa nanana fahefana hanaovana batisa ireo olona rehetra nataony batisa izy. Nanana ny fahefana rehetra izay azon’ny fiangonany nomena azy izy. Afaka nanatanteraka fanambadiana. Afaka nanao izay hahatonga ny olona ho lasa mpiangona izy. Afaka nanakarama mpiasa mpianto-draharaha iray izy mba hametraka tafontrano vaovao eo amin’ny fiangonanareo. Fa tsy izay ilay karazana fahefana resahintsika. Ilay fahefana tao anatin’ny fanontanianao dia ilay fahefana nomen’i Jesoa an’i Petera, ka na inona na inona nataony teto an-tany dia hohajaina any an-danitra (jereo ny Matio 16:19). Ary noho izany fahefana masina izany izay tsy maintsy azo soritana hatrany amin’ireo Apôstôly, dia ao amin’ny Fiangonan’i Jesoa ho an’ny Olomasin’ny Andro Farany ihany no ahitana izany.” (“The Sure Witness of Modern Prophets,” Liahona, Oct. 2023, 5)

Moa ve ny vehivavy manana ny hery sy ny fahefan’ny fisoronana ao amin’ny antson’izy ireo?

Ny Rahavavy Jean B. Bingham, izay Filohan’ny Fikambanana Ifanampiana maneran-tany tamin’izany fotoana izany, dia nanazava hoe:

Vao haingana isika no nianatra fa ny vehivavy izay natokana teo ambany fitarihan’ny olona iray mpihazona ireo fanalahidin’ny fisoronana dia miasa miaraka amin’ny fahefan’ny fisoronana ao amin’ny antson’izy ireo. …

Na dia tsy voatendry amina anjara fanompoan’ny fisoronana aza ny vehivavy, araka ny voalaza teo aloha, dia mahazo ny herin’ny fisoronana rehefa mitandrina ny fanekempihavanana nataony, ary miasa omban’ny fahefan’ny fisoronana rehefa atokana ho amin’ny antso iray. (“Miray hina amin’ny fanatanterahana ny asan’ Andriamanitra” Liahona, mey 2020, 60–63)

Sahanasa fianarana fanampiny

Isaorana amin’ny antso iray

Mba hanampiana ny mpianatra hahatakatra fa manome fahefana ho an’ireo izay antsoiny sy hery ho an’ireo izay mitandrina ny fanekempihavanany ny Tompo dia azonao atao ny mangataka ny mpianatra hieritreritra fotoana iray izay nisaorana azy ireo na ny olona iray fantatr’izy ireo tamin’ny antso iray.

15:31

Finoana ny mpaminanin’ny Tompo

Omen’ny Tompo hery sy fahefana hanatanterahana ny tanjony ireo mpaminany nofinidiny. Mba hanampiana ny mpianatra hahatakatra ny maha-zava-dehibe ny fananana finoana ny mpaminanin’ny Tompo dia azonao zaraina ny tantaran’i Elisa izay nampitombo ny diloilon’ilay vehivavy maty vady mba hamonjena ny fianakaviany.

Asao ny mpianatra hamaky ny 2 Mpanjaka 4:1–7 ka hitady ny zavatra nasain’i Elisa nataon’ilay vehivavy. Azonao anontaniana ny mpianatra ny zavatra nataon’ilay vehivavy mba hananana finoana an’ilay torohevitra natolotr’i Elisa sy ny zavatra azontsika ianarana momba ny Tompo avy amin’ilay fitahiana azon’ilay vehivavy.

Azonao atao ny mizara ity torohevitra manaraka avy amin’ny Filoha Russell M. Nelson ity ary anontanio ny mpianatra ny zavatra nianarany momba ny fanaovana asa amim-pinoana eo anatrehan’ny torohevitra avy amin’ny mpaminanin’ny Tompo.

Mety tsy ho takatrareo foana ny fanambarana rehetra ataon’ny mpaminany velona. Kanefa rehefa fantatrareo fa mpaminany ny mpaminany iray dia afaka manatona ny Tompo amim-panetrentena sy amim-pinoana ianareo, ary mangataka fijoroana ho vavolombelona ho an’ny tenanareo manokana momba izay nambaran’ny mpaminaniny na inona izany na inona. (“Mijoroa ho tena zanaky ny arivo taona,” Liahona, ôkt. 2016)