Manwal ng Guro ng Seminary para sa Lumang Tipan

Mga Nilalaman
Pahina ng Pamagat
Pambungad sa Manwal ng Guro
Mga Lesson sa Lumang Tipan
- Halina’t Basahin ang Lumang Tipan
- Moises 1; Abraham 3
- Genesis 1–2; Moises 2–3; Abraham 4–5
- Genesis 3–4; Moises 4–5
- Genesis 5; Moises 6
- Moises 7
- Genesis 6–11; Moises 8
- Genesis 12–17; Abraham 1–2
- Genesis 18–23
- Genesis 24–33
- Genesis 37–41
- Genesis 42–50
- Exodo 1–6
- Pasko ng Pagkabuhay
- Exodo 7–13
- Exodo 14–18
- Exodo 19–20; 24; 31–34
- Exodo 35–40; Levitico 1; 4; 16; 19
- Mga Bilang 11–14; 20–24; 27
- Deuteronomio 6–8; 15; 18; 29–30; 34
- Josue 1–8; 23–24
- Mga Hukom 2–4; 6–8; 13–16
- Ruth; 1 Samuel 1–7
- 1 Samuel 8–10; 13; 15–16
- 1 Samuel 17–18; 24–26; 2 Samuel 5–7
- 2 Samuel 11–12; 1 Mga Hari 3; 6–9; 11
- 1 Mga Hari 12–13; 17–22
- 2 Mga Hari 2–7
- 2 Mga Hari 16–25
- 2 Cronica 14–20; 26; 30
- Ezra 1; 3–7; Nehemias 2; 4–6; 8
- Esther
- Job 1–3; 12–14; 19; 21–24; 38–40; 42
- Mga Awit 1–2; 8; 19–33; 40; 46
- Mga Awit 49–51; 61–66; 69–72; 77–78; 85–86
- Mga Awit 102–103; 110; 116–119; 127–128; 135–139; 146–150
- Mga Kawikaan 1–4; 15–16; 22; 31; Eclesiastes 1–3; 11–12
- Isaias 1–12
- Isaias 13–14; 22; 24–30; 35
- Isaias 40–49
- Isaias 50–57
- Isaias 58–66
- Jeremias 1–3; 7; 16–18; 20
- Jeremias 31–33; 36–38; Mga Panaghoy 1; 3
- Ezekiel 1–3; 33–34; 36–37; 47
- Daniel 1–7
- Oseas; Joel
- Amos; Obadias; Jonas
- Mikas; Nahum; Habakuk; Sefanias
- Hagai 1–2; Zacarias 1–4; 7–14
- Malakias
Mga Lesson sa Paghahanda sa Buhay
- Doctrinal Mastery: Paghahanap ng mga Sagot sa Aking mga Tanong
- Mga Kasanayan sa Pag-aaral ng Banal na Kasulatan
- Para sa Lakas ng mga Kabataan: Paggawa ng mga Pagpili
- Pagkakaroon ng Pag-asa sa Sariling Kakayahan o Self-Reliance
- Pisikal at Emosyonal na Kalusugan
- Paghahanda para sa Edukasyon at Trabaho sa Hinaharap
- Pagtatagumpay sa Paaralan
- Paghahanda ng Missionary
- Paghahanda para sa Templo
- Mga Turo ng mga Lider ng Simbahan
Apendiks

1 Mga Hari 18: Pagpiling Sundin ang Panginoon

“1 Mga Hari 18: Pagpiling Sundin ang Panginoon,” Manwal ng Titser ng Seminary para sa Lumang Tipan (2026)

“1 Mga Hari 18: Pagpiling Sundin ang Panginoon,” Manwal ng Titser ng Seminary para sa Lumang Tipan

1 Mga Hari 12–13; 17–22: Lesson 82

1 Mga Hari 18

Pagpiling Sundin ang Panginoon

The Old Testament prophet Elijah standing next to an altar. Elijah has his arms extended as he commands fire from heaven to consume the altar.

Gaano ka katapat sa pagsunod sa Diyos? Para ipakita na ang Diyos ng Israel ang tanging tunay na Diyos, hinamon ni Elijah ang mga saserdote ni Baal sa isang paligsahan. Dininig ng Panginoon ang mga panalangin ni Elijah at nanaig siya sa paligsahan. Ang lesson na ito ay makatutulong sa mga estudyante na makadama ng mas matinding hangaring sundin ang Panginoon.

Paghahanda ng estudyante: Anyayahan ang mga estudyante na isipin ang isa o mahigit pang pagkakataon sa kanilang buhay na alam nilang totoo ang Ama sa Langit o si Jesucristo, o nadama nila ang Kanilang kapangyarihan sa kanilang buhay. O maaari nilang isipin kung ano ang magagawa nila para malaman kung totoo ang Ama sa Langit at si Jesucristo at kung dapat ba Silang lubos na sundin.

Mga Posibleng Aktibidad sa Pag-aaral

Maaari ba tayong sumunod sa dalawang impluwensya nang magkasabay?

Gamit ang tape o iba pang resource, gumawa ng dalawang linya sa sahig sa magkasalungat na direksyon tulad ng ipinapakita sa ibaba. Patayuin ang isang estudyante sa gitna kung saan magkadikit ang mga dulo ng mga linya at ipalagay ang isang paa sa bawat linya.

Simple drawing of a stick figure standing on two blue lines with arrow heads at the end

Pahakbangin nang kaunti ang estudyante at subukang lakaran ang dalawang linya. Itanong sa kanya kung gaano katagal niya itong magagawa. Kung kinakailangan, ipaliwanag na bagama’t posibleng makalakad ang isang tao sa parehong linya sa maikling distansya, hindi niya ito magagawa nang matagal, o hindi siya makakapaglakad nang maayos sa alinmang linya.

Anyayahan ang estudyante na bumalik sa kanyang upuan.

Para sa lesson na ito, ang isang linya ay maaaring kumatawan sa mga landas ng Panginoon, at ang isa pa ay maaaring kumatawan sa iba pang impluwensya na hindi naaayon sa mga landas ng Panginoon.

Ano ang ilang paraan kung saan maaari nating sikaping sundin ang Panginoon at ang iba pang impluwensya nang magkasabay?

Hinamon ni Elijah ang mga saserdote ni Baal sa isang paligsahan

Sa 1 Mga Hari 18, ninais ni Elijah na lubos na maging tapat ang kaharian ng Israel sa Panginoon. Mga tatlong taon na ang nakalipas mula nang gamitin ni Elijah ang kanyang kapangyarihang ipinid ang langit upang magdulot ng tagtuyot sa lupain (tingnan sa 1 Mga Hari 17:1). Ngunit patuloy na sumamba ang Israel sa mga diyus-diyusan, pati kay Baal (tingnan sa 1 Mga Hari 18:18). Hinamon ni Elijah ang daan-daang bulaang propeta ni Baal at mga propeta ni Ashera sa isang paligsahan sa Bundok ng Carmel para patunayan kung si Baal o si Jehova ang tunay na Diyos (tingnan sa 1 Mga Hari 18:19). Bago nagsimula ang paligsahan, nangusap si Elijah sa mga tao.

Basahin ang 1 Mga Hari 18:21, at alamin ang sinabi ni Elijah sa mga tao. Ang salitang magpapatalun-talon sa sitwasyong ito ay nangangahulugang mag-atubili o mag-alinlangan.

Ano ang hiniling ni Elijah na gawin ng mga tao?

Ipinahayag ni Elder D. Todd Christofferson ng Korum ng Labindalawang Apostol ang pahayag ni Elijah sa ganitong paraan:

Ngayon maaaring sabihin ni Elijah:

Maaaring ang Diyos, na ating Ama sa Langit, ay totoo, o hindi, ngunit kung Siya ay totoo, sambahin Siya.

Maaaring si Jesucristo ay Anak ng Diyos, ang nabuhay na mag-uling Manunubos ng sangkatauhan, o hindi, ngunit kung Siya nga, sumunod sa Kanya. (“Matibay at Matatag sa Pananampalataya kay Cristo,” Liahona, Nob. 2018, 30)

Ano ang mahalaga para sa inyo mula sa mga pahayag nina Elijah at Elder Christofferson?

Anyayahan ang mga estudyante na ibahagi ang kanilang mga saloobin. Ang ilang katotohanang matututuhan natin ay:

Pinapayagan tayo ng Panginoon na piliin kung susundin natin Siya o ang mga diyus-diyosan at masasamang pamumuhay ng mundo.

Kapag alam natin na totoo ang Ama sa Langit at si Jesus ang Cristo, dapat tayong mangakong sundin Sila.

Sagutin ang mga sumusunod na tanong sa inyong study journal:

Gaano kalakas ang aking paniniwala na mayroon akong Ama sa Langit at Tagapagligtas?
Gaano ako katapat na sundin Sila?
Ano ang maaaring pumipigil sa akin para lubos na sumunod sa Kanila?

Habang ipinagpapatuloy ninyo ang inyong pag-aaral, hingin ang patnubay ng Espiritu Santo para matulungan kayong malaman kung paano ninyo maaaaring madaig ang anumang balakid na maaaring makahadlang sa inyo na lubos na sumunod sa Ama sa Langit at kay Jesucristo.

Ang paligsahan sa pagitan ni Baal at ni Jehova

Basahin ang 1 Mga Hari 18:23–24, at alamin ang mga kundisyon ng paligsahan sa pagitan ni Elias at ng mga bulaang propeta ni Baal.

Ang mga saserdote ni Baal ang unang sumubok, tinawag ang kanilang mga diyus-diyusan sa loob ng ilang oras. Basahin ang 1 Mga Hari 18:26–29, at alamin ang nangyari.

Ano ang nalaman ninyo?

Para malaman ang nangyari nang magsumamo si Elijah sa Diyos, basahin ang 1 Mga Hari 18:30–39. Pagkatapos ay kumuha ng isang pirasong papel at hatiin ito sa dalawa. Sa kalahati ng papel, idrowing ang nangyari nang ihanda ni Elijah ang kanyang sakripisyo at nagsumamo sa Diyos.

Ano ang iisipin at mararamdaman ninyo kung naroon kayo?
Paano ito makakaapekto sa iyong patotoo tungkol sa Panginoon at sa iyong kahandaang sundin Siya?

Sa natitirang kalahati ng iyong papel, isulat o idrowing ang isa o mahigit pang pagkakataon sa buhay mo nang malaman mong totoo ang Ama sa Langit o si Jesucristo, o nadama mo ang Kanilang kapangyarihan sa iyong buhay. O maaari kang magsulat o magdrowing ng isang larawan ng kung ano ang maaari mong gawin upang malaman kung Sila ay totoo at kung dapat kang lubos na sumunod sa Kanila.

Kapag tapos na ang mga estudyante, maaaring bigyan ng oras ang maraming boluntaryo na ibahagi ang kanilang idinrowing o isinulat kung hindi ito masyadong personal. Ang paghikayat sa maraming estudyante na magbahagi ay makapagbibigay ng iba’t ibang pananaw at makatutulong sa iba pang estudyante na mapagtanto kung paano makakaapekto sa kanila ang mga katotohanang natututuhan nila. Maaari ding maging kapaki-pakinabang na magtanong ng tulad ng mga nasa ibaba.

Paano nakatutulong ang pagninilay sa sarili ninyong mga karanasan sa pagkakita sa kapangyarihan ng Ama sa Langit at ni Jesucristo sa inyong buhay sa inyong pangako na sambahin at sundin Sila?
Sa inyong palagay, bakit karapat-dapat lubos na sundin ang Ama sa Langit at ang Tagapagligtas na si Jesucristo?

Para tapusin ang lesson na ito, isulat sa inyong study journal ang nadarama ninyo tungkol sa lubos na pagsunod sa Ama sa Langit at kay Jesucristo. Hingin ang patnubay ng Espiritu Santo upang matulungan kayong matandaan at maipahayag ang inyong nadarama. Maaari ninyong isama ang gusto ninyong gawin o tandaan dahil sa lesson na ito.

Ibahagi ang iyong patotoo tungkol sa Ama sa Langit at kay Jesucristo at sa mga pagpapala ng lubos na pagsunod sa Kanila.

Karagdagang Resources

Ano ang ilang paraan kung saan “[n]agpapatalun-talon [tayo] sa dalawang magkaibang kuru-kuro“ sa panahong ito sa kasalukuyan?

Itinuro ni Elder David P. Homer ng Pitumpu ang maraming paraan kung saan maaari tayong malito kung sino ang susundin:

Nabubuhay tayo sa mundo na maraming tinig ang naghahangad ng ating atensyon. Sa lahat ng mga nagbabagang balita, tweet, blog, podcast, at mapanghikayat na payo mula kay Alexa, Siri, at iba pa, mahirap para sa atin na malaman kung aling tinig ang paniniwalaan natin. Kung minsan humihingi tayo ng payo sa maraming tao, dahil iniisip natin na ang nakararami ang pinakamahusay na mapagkukunan ng katotohanan. Kung minsan tayo ay “[n]angagaalinlangan sa dalawang isipan” (1 Mga Hari 18:21), pinipili na “hindi [maging] malamig o mainit man” (Apocalipsis 3:15–16). Kung minsan din, sinusunod natin kung alin ang mas madaling sundin, nagtutuon sa iisang tinig o bagay para magabayan tayo, o umaasa lamang sa ating kakayahang mag-isip. …

Ang popular ay hindi laging pinakamainam. Ang mag-alinlangan sa dalawang opinyon ay walang patutunguhan. Ang paggawa ng bagay na hindi pinaghirapan ay bihirang humantong sa mga bagay na may kabuluhan. Ang pagtutuon sa iisang tinig o iisang bagay ay maglilimita sa kakayahan nating makaunawa. At ang pag-asa lamang sa sarili nating opinyon ay mag-uudyok sa atin na umasa na lamang sa gusto nating isipin. Kung hindi tayo maingat, maililihis tayo ng mga maling tinig mula sa ebanghelyo at dadalhin tayo sa sitwasyong mahihirapan tayong manatiling tapat, at halos kahungkagan, kapaitan, at kawalang-kasiyahan ang ating matatagpuan. …

At dahil diyan, kailangan nating pagpasiyahan kung alin sa lahat ng magkakaibang tinig ang susundin natin. Susundin ba natin ang di-mapagkakatiwalaang tinig na iginigiit ng mundo, o gagawin ba natin ang nararapat upang magabayan ng tinig ng Ama sa lahat ng ating desisyon at maprotektahan tayo sa panganib? (“Pakikinig sa Kanyang Tinig,” Liahona, Mayo 2019, 41–43)

Ano ang hitsura ng Bundok ng Carmel?

Ang propetang si Elijah at ang mga bulaang propeta ni Baal ay nagtipon sa Bundok ng Carmel. Ang sumusunod na larawan ng Bundok ng Carmel sa Israel ay makatutulong sa mga estudyante na maisalarawan sa isipan ang lugar kung saan pinababa ni Elijah ang apoy mula sa langit at nabigo ang mga bulaang propeta ni Baal.

Mga Karagdagang Aktibidad sa Pag-aaral

Isang alternatibong simula

Anyayahan ang mga estudyante na subukang magkasabay na gawin ang dalawang aktibidad, tulad ng pag-push-up at jumping jack, o pagbabasa at pakikipag-usap sa isang kaibigan. Talakayin kung bakit hindi epektibo ang paggawa ng dalawang bagay nang magkasabay. Anyayahan sila na basahin ang tanong ni Elijah sa 1 Mga Hari 18:21.

“Panginoon, Kayo’y Laging Susundin”

Maaari mong simulan ang lesson sa pamamagitan ng pagkanta ng “Panginoon, Kayo’y Laging Susundin“ (Mga Himno, blg. 164).

Bilang alternatibo, pagkatapos magtanong sa pagtatapos ng lesson ng, “Sa inyong palagay, bakit lubos na karapat-dapat na sundin ang Ama sa Langit at ang Tagapagligtas na si Jesucristo?”, maaaring kantahin ang “Panginoon, Kayo’y Laging Susundin.” Anyayahan ang mga estudyante na ibahagi kung anong mga salita o parirala sa himnong ito ang nagbigay-inspirasyon sa kanila na sundin ang Panginoon.

1 Mga Hari 19:1–12. Ang Panginoon ay nangungusap kay Elijah sa pamamagitan ng marahan at banayad na tinig

Ang mga talatang ito sa 1 Mga Hari 19 ang magiging paksa sa Lesson 162: “Paghahangad ng Personal na Paghahayag para sa Aking mga Tanong,” ngunit kung gusto mo ring ituro ang mga ito dito, isaalang-alang ang sumusunod na ideya:

Magpatugtog ng iba’t ibang tunog para sa mga estudyante at anyayahan sila na ilarawan ang mga ito. Ang ilang halimbawa ay maaaring isang sigaw, isang malakas na hangin, isang lindol, at isang bulong. Anyayahan ang mga estudyante na ibahagi ang kinakailangan para marinig at makilala ang bawat tunog.

Matapos makipagpaligsahan si Elijah sa mga saserdote ni Baal, pinatay ang masasamang saserdote at ginamit ni Elijah ang kapangyarihan ng Diyos para umulan, na tumapos sa ilang taong tagtuyot (tingnan sa 1 Mga Hari 18:40–45). Kahit pagkatapos ng mahimalang apoy mula sa langit at ulan, sumumpa si Jezebel na papatayin niya si Elijah bilang paghihiganti, na naging dahilan para tumakas si Elijah at magtago sa isang yungib (tingnan sa 1 Mga Hari 19:1–8).

Basahin ang 1 Mga Hari 19:9–13, at alamin kung paano nakipag-ugnayan ang Panginoon kay Elijah.

Ano ang matututuhan natin mula sa salaysay na ito tungkol sa kung paano madalas na nakikipag-ugnayan ang Panginoon sa atin?

Kung kapaki-pakinabang, anyayahan ang mga estudyante na pumayapa at tumahimik sa loob ng 30 segundo at pakinggan ang anumang tunog na hindi mo napansin. Itanong kung paano inilalarawan ng aktibidad na ito ang dapat nating gawin para matanggap ang mga mensaheng maaaring ibigay sa atin ng Panginoon sa pamamagitan ng marahan at banayad na tinig ng Espiritu.

Ano ang tumutulong sa inyo na makilala at marinig ang marahan at banayad na tinig na nangungusap sa inyo?
Anong mga pagpapala ang nakita ninyo dahil sa impluwensya ng Espiritu sa inyong buhay?

Matapos magbahagi ang mga estudyante, maaari ka ring magbahagi ng mga personal na karanasan at patotoo.