“Faataitaiga o le Atamai i Aoaoga Faavae 5: Taulotoina o Fuaitau ma le Faaaogaina o Mataupu Faavae o le Mauaina o le Malamalama Faaleagaga,” Tusi Lesona a le Faiaoga Seminare o le Feagaiga Tuai (2026)
“Faataitaiga o le Atamai i Aoaoga Faavae 5: Taulotoina o Fuaitau ma le Faaaogaina o Mataupu Faavae o le Mauaina o le Malamalama Faaleagaga,” Tusi Lesona a le Faiaoga Seminare o le Feagaiga Tuai
1 Samuelu 17–18; 24–26; 2 Samuelu 5–7: Lesona 76
Faataitaiga o le Atamai i Aoaoga Faavae 5
Taulotoina o Fuaitau ma le Faaaogaina o Mataupu Faavae o le Mauaina o le Malamalama Faaleagaga
O le taulotoina o aoaoga faavae e fesoasoani i tagata aoga e fausia ai o latou olaga i luga o le faavae o Iesu Keriso ma Lana talalelei. E mafai ona fesoasoani lenei lesona i tagata aoga e tauloto fasifuaitau autu o mau i fuaitau o aoaoga faavae ma faaaoga mataupu faavae paia o le mauaina o le malamalama faaleagaga.
Sauniuniga a le tagata aoga: Mafaufau e valaaulia tagata aoga e filifili ma amata ona tauloto se fuaitau o mau o le atamai i aoaoga faavae. O le polokalama o le Atamai i Aoaoga Faavae e mafai ona avea ma se punaoa aoga. E mafai ona maua se lisi o fuaitau i le Pepa Autu o le Atamai i Aoaoga Faavae (2023).
Gaoioiga e Ono Mafai Ona Aoao Ai
Toefaamanatu le atamai i aoaoga faavae: Tauloto
E mafai ona e amataina le vasega i le fesoasoani i tagata aoga ia iloa le taua o le taulotoina o mau tauloto o aoaoga faavae mafuaitau autu o mau. O se tasi o auala e faia ai lenei mea o le fai atu lea o fesili nei.
-
O le a le mea muamua e te manatua na e taulotoina? O e iloa lava?
-
Pe na e taulotoina se mau? O le ā le aogā sa iai o le taulotoina [o lea mau]?
-
E mafai ona e manatu i ni taimi na toe taua ai e le Faaola ni mau mai [Lona] manatuaga?
Afai e manaomia, faamanatu atu i tagata aoga na sii mai e Iesu Keriso mau i ni nai tulaga, e pei o le taimi na faaosoosoina ai o Ia e Satani (tagai Mataio 4:4, 7, 12), ina ua fesiligia o Ia i fesili faigata (tagai Mataio 9:13; 15:4, 7–9; Mareko 10:7–8), ma ina ua Ia aoaoina sa Nifaē (tagai 3 Nifae 22; 24–25).
Ina ia fesoasoani i tagata aoga e tauloto ia mau faasino o le atamai i aoaoga faavae ma fasifuaitau autu o mau, mafaufau e fai mea nei. Pe filifili se isi gaoioiga e tauloto ai mai le “Gaoioiga o le Iloiloga o le Atamai i Aoaoga Faavae” i le faaopoopoga.
Faaali atu se lisi o fuaitau o le atamai i aoaoga faavae ua suesueina e tagata aoga seia oo mai i le taimi nei. Valaaulia tagata aoga e filifili se fuaitau latou te mananao e tauloto. Ona valaaulia lea o tagata aoga e faamae’a mea nei:
Tusi le mau faasino o le atamai i aoaoga faavae ma le fasifuaitau autu i lau api talaaga (e sili i le penitala). Ona faitau leotele lea ia te oe lava. A uma ona faitau, tapeese pe kolosi se upu po o fuainumera se tasi pe lua. Toe faitau leotele. Toe fai lenei faagasologa seia uma ona e tapeeseina upu ma fuainumera uma. Ona vaai lea pe mafai ona e tusia le mau faasino ma le fasifuaitau autu mai lou manatuaga.
Afai e lava le taimi, e mafai e tagata aoga ona toe fai le faagasologa i se isi fuaitau.
Aoao ma faaaoga mataupu faavae o le mauaina o le atamai faaleagaga
E mafai ona fesoasoani mo tagata aoga le mauaina o le tele o avanoa e toe iloilo ai mataupu faavae o le mauaina o le malamalama faaleagaga. O le toe iloiloina o le a fesoasoani i tagata aoga e teuloto aimataupu faavae ina ia mafai ona latou faaaogaina i taimi e manaomia ai. Mafaufau e toe iloilo mataupu faavae e ala i le faaaogaina o se tasi o gaoioiga fautuaina toe iloilo i lalo o le “Gaoioiga o le Iloiloga o le Atamai i Aoaoga Faavae” i le faaopoopoga. O loo maua faamatalaga o mataupu faavae i parakalafa 5–12 o le “Mauaina o le Malamalama Faaleagaga” i le vaega o le Pepa Autu o le Atamai i Aoaoga Faavae (2023).
Tuu atu i tagata aoga se vaaiga faataitai e fesoasoani ia i latou e talanoa ai fesili e uiga i le taua o tagata taitoatasi o se atalii/afafine o le Atua ma le taua o le vaai ma taulimaina isi i le ala e faia ai e le Faaola. E lei leva ona aoaoina e tagata aoga upumoni e uiga i lo tatou faasinomaga paia (tagai Kenese 1:26–27), o le auala e silasila mai ai le Alii ia i tatou (tagai 1 Samuelu 16:7), ma le auala e tatau ona autasi ai tagata o le Alii (tagai Mose 7:18).
E mafai ona e faasoa atu le vaaiga faataitai lenei e pei ona i ai, pe mafai foi ona e fetuunai ina ia fetaui lelei ma manaoga o au tagata aoga. O le isi filifiliga o le faaaogaina lea o le vitio “Sauaga—Taofi (10:22),” e maua i le ChurchofJesusChrist.org. Faaali atu le vitio mai le faailo taimi 0:00 i le 6:50. Ona taofi lea o le vitio ma faaauau gaoioiga o le lesona.
Mafaufau i le vaaiga faataitai lenei:
O Joe e auai i se vaega o uo e masani ona le agalelei i isi i le aoga ma luga o ala o faasalalauga faaagafesootai. Latou te manatu o mea o loo latou faia e malie ma faataalo. I se tasi aso, na vaai ai Joe i lona tuafafine laitiiti o soona fai faalealofa. Sa mafai ona ia iloa le mafatia o lona tuafafine. Ua popole o ia i lona aafia i faiga faasaua. O le vaaia ai i lona tuafafine o faasauaina ua iloa ai e Joe se mea na te lei vaai muamua i ai. Ua na iloa le ala na latou faaoo ai ma ana uo ni lagona [le lelei] i isi. Ua ia lagona le lotovaivai ma mafaufau po o le a le mea e tatau ona ia faia i le taimi nei.
-
O a ni faaiuga faigata e uiga i le auala e tatau ona ia taulimaina ai isi atonu e ao ona mafaufau Joe e fai? Aisea e ono faafaigata ai ona faia nei suiga?
Ina ia fesoasoani i tagata aoga e faaaoga mataupu faavae o le mauaina o le malamalama faaleagaga i le vaaiga faataitai, e mafai ona e valaaulia i latou e fai mea nei.
Filifili se tasi o mataupu faavae e tolu o le mauaina o le malamalama faaleagaga e te manatu e mafai ona aoga ia Joe. Faamaea le gaoioiga o loo i lalo e fetaui tonu ma le mataupu faavae na e filifilia.
Iloilo manatu faavae ma fesili ma se vaaiga e faavavau.
Fai se lisi o mea uma e te manatu e finagalo le Tama Faalelagi ia iloa e Joe. Mafaufau i aoaoga o mau e pei o le Kenese 1:26–27 ma le 1 Samuelu 16:7 e mafai ona fesoasoani ia te ia e vaai tonu ai ia te ia lava ma isi.
Saili le malamalama atili e ala mai punaoa faaleagaga ua filifilia.
Fai se lisi o mau po o lauga o le konafesi aoao e mafai ona suesueina e Joe e fesoasoani ai ia te ia e filifili ai e salamo ma suia.
E mafai ona e alu i le pitolau o le Konafesi Aoao i le Potutusi o le Talalelei. Alu i le “Autu,” ma filifili se autu e faatatau i le tulaga o Joe, e pei o le alofa mama, agaalofa, faataitaiga, po o le salamo. Vaavaai faasolo i se lauga ma sue se faamatalaga e mafai ona faamalosia pe aoao ai Joe.
Afai e te manaomia se fesoasoani i le sailia o se mau, e mafai ona e toe iloiloina fuaitau o le atamai i aoaoga faavae.
Faatino i le faatuatua
Ina ia faaali atu le mea e mafai ona fai e Joe, fai se ata komi e i ai ni ata se tolu i le ono e faapupula ai le auala e mafai ona ia galue ai ma le faatuatua ia Iesu Keriso. I le avea ai o se vaega o lau ata komi, mafaufau pe faapefea ona faaaoga e Joe lona malamalama ia Iesu Keriso.
Mafaufau e valaaulia tagata aoga e faasoa mai mea na latou suesueina. Fai atu i tagata aoga e faasoa mai o latou manatu a o latou faalogologo i a latou tupulaga.
Afai na e faaali atu le vitio, atonu e te manao e faaali atu le vaega o totoe o le vitio mai le faailo taimi 6:51 i le 10:23. E mafai ona e fai atu i tagata aoga e vaavaai pe na faapefea ona faamanuiaina le alii talavou mai, po o le faaaogaina foi o mataupu faavae o le mauaina o le malamalama faaleagaga.
Afai e te faaaogaina le vaaiga faataitai, e mafai ona e valaaulia tagata aoga e fatu le vaega o totoe o le tala i ni vaega toalaiti. Valaaulia vaega e saunia ni vaega nei e lua o le tala:
-
O le tali a Joe i tagata sa le agalelei i ai
-
O le tali a Joe i ana uo
Tuu atu i tagata aoga se taimi ia lava e faamaea ai le vaaiga faataitai. Ona mafai lea ona e valaaulia tagata aoga e fai se mea i le aso e faaaoga ai se tasi pe sili atu o mataupu faavae o le mauaina o le malamalama faaleagaga i se tulaga o loo latou feagai pe o le a feagai foi.
Faaiu i le faasoaina atu o lau molimau i le auala o le a fesoasoani ai le Tama Faalelagi ma Iesu Keriso i tagata aoga i luitau patino a o latou vaavaai atu ia i La’ua mo se taitaiga.