Tusi Lesona a le Faiaoga Seminare o le Feagaiga Tuai

Anotusi
Itulau Autu
Faatomuaga i le Tusi Lesona a le Faiaoga
Lesona o le Feagaiga Tuai
- Faafeiloai Atu Mai le Feagaiga Tuai
- Mose 1; Aperaamo 3
- Kenese 1–2; Mose 2–3; Aperaamo 4–5
- Kenese 3–4; Mose 4–5
- Kenese 5; Mose 6
- Mose 7
- Kenese 6–11; Mose 8
- Kenese 12–17; Aperaamo 1–2
- Kenese 18–23
- Kenese 24–33
- Kenese 37–41
- Kenese 42–50
- Esoto 1–6
- Eseta
- Esoto 7–13
- Esoto 14–18
- Esoto 19–20; 24; 31–34
- Esoto 35–40; Levitiko 1; 4; 16; 19
- Numera 11–14; 20–24; 27
- Teuteronome 6–8; 15; 18; 29–30; 34
- Iosua 1–8; 23–24
- Faamasino 2–4; 6–8; 13–16
- Ruta; 1 Samuelu 1–7
- 1 Samuelu 8–10; 13; 15–16
- 1 Samuelu 17–18; 24–26; 2 Samuelu 5–7
- 2 Samuelu 11–12; 1 Tupu 3; 6–9; 11
- 1 Tupu 12–13; 17–22
- 2 Tupu 2–7
- 2 Tupu 16–25
- 2 Nofoaiga a Tupu 14–20; 26; 30
- Esera 1; 3–7; Neemia 2; 4–6; 8
- Eseta
- Iopu 1–3; 12–14; 19; 21–24; 38–40; 42
- Salamo 1–2; 8; 19–33; 40; 46
- Salamo 49–51; 61–66; 69–72; 77–78; 85–86
- Salamo 102–103; 110; 116–119; 127–128; 135–139; 146–150
- Fa’ataoto 1–4; 15–16; 22; 31; Failauga 1–3; 11–12
- Isaia 1–12
- Isaia 13–14; 22; 24–30; 35
- Isaia 40–49
- Isaia 50–57
- Isaia 58–66
- Ieremia 1–3; 7; 16–18; 20
- Ieremia 31–33; 36–38; Auega 1; 3
- Esekielu 1–3; 33–34; 36–37; 47
- Tanielu 1–7
- Hosea; Ioelu
- Amosa; Opetaia; Iona
- Mika; Nauma; Sapakuka; Sefanaia
- Hakai 1–2; Sakaria 1–4; 7–14
- Malaki
Lesona o Sauniuniga mo le Olaga
- Atamai i Aoaoga Faavae: Mauaina o Tali i A’u Fesili
- Tomai i Suesuega o Tusitusiga Paia
- Taiala Mo Le Malosi o le Autalavou
- Atinaega o le Ola Tutoatasi o le Tagata Lava Ia
- Soifua Maloloina Faaletino ma Faalelagona
- Sauniuni mo Aoaoga ma Galuega i le Lumanai
- Faamanuiaina i le Aoga
- Sauniuniga Faafaifeautalai
- Sauniuniga mo le Malumalu
- Aoaoga a Taitai o le Ekalesia
Faaopoopoga

1 Samuelu 17: Tavita ma Koliata

“1 Samuelu 17: Tavita ma Koliata,” Tusi Lesona a le Faiaoga Seminare o le Feagaiga Tuai (2026)

“1 Samuelu 17: Tavita ma Koliata,” Tusi Lesona a le Faiaoga Seminare o le Feagaiga Tuai

1 Samuelu 17–18; 24–26; 2 Samuelu 5–7: Lesona 74

1 Samuelu 17

Tavita ma Koliata

The boy David (from the Old Testament) is bent over with his slingshot in his left hand. Goliath, in full armor, is falling back as the stone hits him. The army can be seen in the background.

Ina ua alu Tavita e tau ma Koliata, sa “na o se talavou” Tavita, ma faafesagai ma Koliata, “o se tagata o taua mai lona talavou” (1 Samuelu 17:33). Peitai, sa iloa e Tavita o le a faatasi le Alii ma ia, lea na faia ai le eseesega atoa. O le asō, e mafai ona tatou maua le malosi i o tatou luitau a o tatou feagai ma na luitau faatasi ai ma Iesu Keriso. E mafai ona fesoasoani lenei lesona i tagata aoga e faalagolago i le Alii a o latou feagai ma o latou luitau.

Sauniuniga a le tagata aoga: Valaaulia tagata aoga e mafaufau i ni tulaga e ono manaomia ai e se talavou ona faaalia le lototele. E mafai e tagata aoga ona fesili atu i se tagata o le aiga po o se uo mo ni aafiaga na latou maua e manaomia ai le lototele.

Gaoioiga e ono Mafai Ona Aoao Ai

O La’u Koliata

A o lei faia le vasega, mafaufau e tuu se fuatoso po o se isi ituaiga o faailoga i luga o le puipui e faailoa ai le umi o Koliata (pe tusa o le 9 futu 9 inisi, po o le 3 mita).

Faaali le ata mai le amataga o le lesona.

O le a se mea ua e iloa e uiga i le tala ia Tavita ma Koliata?

Valaaulia ni nai tagata aoga e tutu ma faatusatusa lo latou maualuga ma le maualuga o Koliata i luga o le puipui. Uunaia i latou e vaai faalemafaufau pe faapei le fetaiai ma Koliata i se taua taitoatasi.

Tusi se ata fasilaau lapoa i luga o le laupapa e faatusa ia Koliata. Faaigoa O O Tatou Lu’i. Valaaulia tagata aoga e lisi luitau o loo feagai ma le autalavou i autafa o le ata fasilaau lapoa o loo i luga o le laupapa.
O a nisi o luitau—tetele pe laiti—o loo feagai ma le autalavou i aso nei?

A uma ona lisi e tagata aoga ni luitau i luga o le laupapa, valaaulia i latou e tusi se ata fasilaau lapopoa i la latou api talaaga mo suesuega ma faaigoa O La’u Lu’i. E mafai e tagata aoga ona tusi se luitau patino i autafa o a latou ata fasilaau. Tuu atu i tagata aoga e mafaufau filemu i mea nei:

Mafaufau loloto i soo se luitau e ono i ai i lou olaga. Filifili se tasi e taulai atu i ai i le asō. Mafaufau pe o le a sou lagona mautinoa e mafai ona fesoasoani le Alii ia te oe i lenei luitau. Tusi faamaumau ou manatu i lau api o talaaga.

A o e suesue i le 1 Samuelu 17, valaaulia le Agaga Paia e fesoasoani ia te oe ia iloa le auala e mafai ona e valaaulia ai le fesoasoani a le Faaola i le fetaiai ai ma lau luitau.

O le faatuatua i le mata’u

Ina ia fesoasoani i au tagata aoga ia malamalama i le faatatauga o lenei tala, e mafai ona e faasoa atu soo se faamatalaga mai le parakalafa lenei atonu e le’i faasoaina mai e tagata aoga i le amataga o le lesona.

Sa vatau Isaraelu ma Filisitia. Na tuuina mai e se toa Filisitia, o Koliata, se lu’i. Na ia faapea mai, afai e faato’ilaloina o ia e se tasi o tagata Isaraelu i se taua e tasi, o le a malolo Filisitia ma avea ma auauna a Isaraelu. Ae afai e manumalo Koliata, o le a avea Isaraelu ma auauna a Filisitia. Na sau Koliata mo aso e 40 ma luiina tagata Isaraelu e tau. Sa fefefe le tupu o Saulo ma le autau a Isaraelu. Na sau Tavita e avatu mea’ai i ona uso o ē sa avea ma fitafita i le vaega’au. Sa ia faalogoina Koliata o taufaifai atu i autau a Isaraelu (tagai 1 Samuelu 17:1–25).

Faitau le 1 Samuelu 17:26, vaavaai mo le auala na tali atu ai Tavita ina ua ia faalogo atu ia Koliata o taufaifai atu i autau a Isaraelu.

O le a se mea e tulagaese ia te oe e uiga i le tali a Tavita?

Ina ia fesoasoani i tagata aoga e suesue fuaiupu nei, e mafai ona e valaaulia ni tagata aoga naunautai se toatolu e faitau matafaioi a le Tupu o Saulo, Tavita, ma le tagata faamatala.

Faitau le 1 Samuelu 17:31–37, ma vaavaai mo le mafuaaga na matua talitonuina ai e Tavita “le Atua soifua” (fuaiupu 36).

O le a le mea na aoaoina e Tavita e uiga i le Alii na tuuina atu ai ia te ia le lototele e alu atu ai e fetaiai ma Koliata?

O le fesoasoani i tagata aoga e ta’u mai mataupu faavae e liua ai i a latou lava upu e mafai ona faalolotoina ai lo latou malamalama i tusitusiga paia ma upu a perofeta. O se tasi o auala e faia ai lenei mea o le fai atu lea o fesili tulitatao pe a uma ona faasoa mai e se tagata aoga se faamalamalamaga. O se faataitaiga lenei:

(Mo aoaoga faaopoopo i le auala e fesoasoani ai i tagata aoga e tau mai mataupu faavae o le liua, tagai i le “Taulai atu i upumoni e taitai atu ai i le liua ma atiina ae le faatuatua ia Iesu Keriso” i le Tomai mo le Atinaega o Faiaoga.)
E mafai faapefea e mea na aoaoina e Tavita e uiga i le Alii ona fesoasoani ia i tatou a o tatou feagai ma o tatou luitau?

O se tasi o mataupu faavae e ono ta’ua e tagata aoga i a latou lava upu o le a o tatou faalagolago i le Alii, o le a Ia fesoasoani ia i tatou e fetaiai ma o tatou luitau.

Faalagolago i le Alii

Faitau le 1 Samuelu 17:38–51, vaavaai mo auala na faalagolago ai Tavita i le Alii a o ia fetaiai ma Koliata. Mafaufau e faailoga mea ua e mauaina.

Na faapefea ona faaalia e Tavita sa faalagolago o ia i le Alii?

Atonu e tali mai tagata aoga i ni tali eseese, e pei o le taimi na aveese ai e Tavita le ofutau o le tupu ma filifili maa ma se maata e fai ma auupega (fuaiupu 39–40) po o le taimi na ia molimau atu ai ia Iesu Keriso (fuaiupu 45–47). Fai atu i tagata aoga e faamatala pe na faapefea ona faaalia i faatinoga taitasi le auala na faalagolago ai Tavita i le Alii.

Feagai ai ma o tatou luitau

Mafaufau e faaali atu ni maa se lima pe tusi ni maa se lima i luga o le laupapa (tagai 1 Samuelu 17:40). O nei maa e mafai ona faatusa i auala e mafai ona tatou faalagolago ai i le Alii a o tatou feagai ma o tatou luitau. Mafaufau e faavasega tagata aoga i ni paga taitoalua pe i ni vaega toalaiti e mulimuli i faatonuga o loo i lalo. E mafai ona latou lisi a latou tali i luga o le laupapa i talaane o maa.

Filifili se tasi o luitau o loo lisiina i luga o le laupapa i lalo O O Tatou Lu’i.

Faailoa mai ni auala se lima, e patino lava i le lu’i na e filifilia, e mafai e se tagata ona faalagolago ai i le Tama Faalelagi ma Iesu Keriso a o latou feagai ma lenei lu’i. Talanoaina pe aisea na e filifilia ai faatinoga taitasi.

Valaaulia tagata aoga naunautai e faasoa mai mea na latou talanoaina.

Na faapefea ona fesoasoani le Tama Faalelagi ma Iesu Keriso ia te oe po o se tasi e te iloa e feagai ai ma se luitau?
O a ni faatinoga na e faia pe na faiae lena tagata e maua ai la La’ua fesoasoani?

Na aoao mai e Elder Dieter F. Uchtdorf o le Korama a Aposetolo e Toasefululua le ala e mafai ai e Iesu Keriso ona fesoasoani ia i tatou a o tatou feagai ai ma luitau:

14:11

“A faapea o loo tulai le Faaola iinei i le asō, o le a Ia faailoa mai Lona alofa lē uma mo oe, Lona talitonuga atoa ia te oe. O le a Ia ta’u atu ia te outou e mafai ona outou faia lenei mea. E mafai ona outou atia’eina se olaga olioli ma fiafia ona o Iesu Keriso lou malosiaga. (“O Iesu Keriso o le Malosi o le Autalavou,” Liahona, Nov. 2022, 12)

O le a se mea ua e iloa e uiga ia Iesu Keriso e mafai ona fesoasoani e fetaiai ai ma ou luitau ma le mautinoa sili atu ia te Ia?

Feagai ai ma o tatou lava Koliata

Faaali atu faatonuga nei.

Tomanatu i le luitau patino na e muai tusia e uiga iai i lau api talaaga. Saili ni uunaiga mai le Agaga Paia e fesoasoani ia te oe e filifili ai ia le itiiti ifo ma le tasi se auala e mafai ona e faalagolago ai i le Alii e fetaiai ma lena luitau.

Tusi se maa se tasi pe sili atu i lau api talaaga mo suesuega. Tusi le mea o le a e faia ma le auala o le a e faia ai i autafa po o totonu o maa.

Valaaulia tagata aoga naunautai e faasoa atu.

Molimau atu i le gafatia ma le manao o le Faaola e fesoasoani i tagata aoga i o latou luitau. Faaali atu lou talitonuga mautinoa i le gafatiaga o au tagata aoga e fetaiai ai ma o latou luitau faatasi ma Iesu Keriso.

O Punaoa Faaopoopo

E mafai faapefea ona fesoasoani le Faaola ia i tatou i o tatou luitau a o tatou faalagolago ia te Ia?

Na saunoa mai Elder Carl B. Cook o le Fitugafulu:

11:4

Pe o le a le telē, le lautele, ma le matuiā o lu’itau tatou te fetaia’i i le olaga, tatou te maua uma lava taimi tatou te lagona ai e taofia, tuua, alofia, po o le avanoa foi e lafoaia ai. Ae o le faatinoina o le faatuatua i lo tatou Faaola, o Iesu Keriso, e fesoasoani tatou te faatoilalo ai le lotovaivai tusa lava po o a mea faalavefau tatou te fetaia’i. (Nao le Faaauau Pea—ma le Faatuatua, Liahona, Me 2023, 15)

Na faasoa mai e Sister Tamara W. Runia o le Au Peresitene Aoao o Tamaitai Talavou:

11:30

O la’u molimau o loo i ai i le Faaola le gafatia, ona o Lana Togiola e liliu ai soo se mea taufaafefe o loo feagai nei ma oe i se faamanuiaga. Ua Ia tuuina mai ia i tatou “se feagaiga e lē masuia” e faapea, a o tatou taumafai malosi e alofa ma mulimuli ia te Ia, “o mea uma sa [tatou] puapuagatia ai o le a galulue faatasi mo lo [tatou] lelei” [Mataupu Faavae ma Feagaiga 98:3; faaopoopo le faamamafa]. O meauma . (“Vaaia o le Aiga o le Atua e ala i le Vaaiga Aoao,” Liahona, Nov. 2023, 68)

O le a se isi mea e mafai ona ou aoaoina mai le tala ia Tavita ma Koliata?

Na faamalamalama mai e Peresitene Camille N. Johnson, Peresitene Aoao a le Aualofa:

10:8

Ina ia faatoilalo e Tavita ia Koliata, sa tatau ai i le taulealea ona tau ma le sau’ai. O le faamatalaga logolelei mo Tavita o le toefoi lea e tausi mamoe. Ae nai lo lena sa ia tomanatu i lona aafiaga i le laveaiina o tamai mamoe mai se leona ma se urosa. Ma i le fausia ai i luga o na galuega toa, sa ia maua ai le faatuatua ma le lototele e tuu atu ai i le Atua e tusi lana tala. … Faatasi ma se manao e faamuamua le Atua, ma le faalogo i le Agaga Paia ma se naunautaiga e tuu atu i le Faaola e avea ma taitai ma le faaatoatoa o lana tala, na faatoilalo ai e le taulealea o Tavita ia Koliata ma laveaiina lona nuu.

Ioe, o le mataupu faavae paia o le faitalia e mafai ai ona tatou tusia a tatou lava tala—semanu e mafai lava e Tavita ona toefoi atu i le fale, e toe tausi mamoe. Ae ua tu saunia Iesu Keriso e faaaoga i tatou o ni meafaigaluega paia, ni penitala ma’ama’ai i Lona aao, e tusi ai se galuega taulima sili! E naunau o Ia ma le alofa mutimutivale e faaaoga a‘u, o se penitala vaivai, o se meafaigaluega i Ona aao, pe a ou faatuatua e tuu atu ia te Ia, pe afai ou te tuu atu ia te Ia e avea ma tusitala i la’u tala. (“Valaaulia Keriso e Tusia Lau Tala,” Liahona, Nov. 2021, 81)

Ae faapefea pe afai e tumau le faigata o luitau, e tusa lava pe ou te faatinoina le faatuatua ia Iesu Keriso?

Na aoao mai Elder Jeffrey R. Holland o le Korama a Aposetolo e Toasefululua:

E lē’i leiloa lava le faamoemoe. Afai e lē vave oo mai pe lē atoatoa pe foliga mai ua leai lava na vavega, manatua le faataitaiga o mafatiaga o le Faaola lava ia: pe afai e lē teenaina le ipu oona, inu i ai ma malosi ai, faalagolago i aso sili atu ona fiafia o i luma atu. …

Ia tatou manatua foi e ala i soo se ma’i po o se luitau faigata, o loo i ai pea le tele o mea i le olaga e faamoemoe i ai ma lotofaafetai ai. (“Peiseai o se Ipu ua Nutililii,” Liahona, Nov. 2013, 41, 42)

Gaoioiga Faaopoopo e Aoao Ai

Faamatalaga o loo tuuina atu faatasi

Mafaufau e faasoa atu le faamatalaga lenei i le amataga o le lesona o se vaega o le talanoaga e uiga i o tatou luitau.

Na aoao mai Peresitene Thomas S. Monson (1927–2018):

Pe o i ai se Koliata i lou olaga? E i ai se tasi i lo’u foi [olaga]? Pe o tu tonu ea o ia i lou va ma lou fiafia e te manao i ai? O Lou Koliata … atonu e le sefulu futu le umi, ae atonu o le a foliga mai e tutusa lava lona faigata ona faatoilalo. …

… O le fesoasoani a le Atua Silisiliese [e le mamao]. O le ā la tatou faatinoga? … O la tatou sau’ai, la tatou Koliata, e tatau ona faatoilaloina. (“Feiloai ai i Lou Koliata,” New Era, Iuni 2008, 5)

Tavita o se ituaiga e pei o Iesu Keriso

Ina ia fesoasoani i tagata aoga ia vaai ia Tavita talavou o se ituaiga o Iesu Keriso, mafaufau e faaali atu le siata lenei ia tau lava na o mau faasino. Valaaulia tagata aoga e faitau fuaitau ma se paga ma fuafua pe faapefea ona fesootai fuaitau taitasi ia Iesu Keriso. A uma se taimi talafeagai, valaaulia tagata aoga e faasoa mai mea na latou maua i le vasega.

Tavita	Iesu Keriso
Tavita 1 Samuelu 17:12 (Na fanau Tavita i Peteleema.)	Iesu Keriso Luka 2:4–7
Tavita 1 Samuelu 16:11; 17:15 (O Tavita o se leoleo mamoe.)	Iesu Keriso Ioane 10:14
Tavita 1 Samuelu 16:13 (Na faauuina Tavita e avea ma tupu o Isaraelu.)	Iesu Keriso Luka 4:18; Ioane 1:49
Tavita 1 Samuelu 17:50–51 (Na laveaiina e Tavita ia Isaraelu e ala i le faatoilaloina o se sauai.)	Iesu Keriso 2 Nifae 9:10–12 (Ua laveai i tatou e Iesu e ala i le faatoilaloina o le agasala ma le oti.)

Faatino le tala!

Mo se isi auala e faailoa atu ai le tala, mafaufau e valaaulia ni tagata aoga naunau se toatolu e faatino matafaioi a Saulo, Tavita, ma Koliata, ma se tagata aoga lona fa e avea ma se tagata faamatala. E mafai ona e tuuina atu i tagata aoga ni pine o igoa ma mea faitino, e pei o se pale mo Saulo po o se maata mo Tavita. Ia mautinoa e le tele se taimi e ave ese ai e lenei gaoioiga mai le vaega o totoe o le lesona.

O se tala faaonaponei o Tavita ma Koliata

Ina ia fesoasoani i au tagata aoga ia iloa se faataitaiga faaonapo nei o se tasi o faalagolago i le Alii e ala i se luitau, mafaufau e faaali atu le “Working through Emotional Trauma” (3:58). O loo faaalia i lenei vitio se tamaitai talavou sa tauivi mo le tele o tausaga ma se mafatiaga faalelagona. E mafai ona e valaaulia tagata aoga e vaai pe na faapefea ona faalagolago o ia i le Alii mo se fesoasoani.

3:58