1 Самуел 16

• Бид зөвхөн харж байгаа зүйлдээ тулгуурлан бусдыг эсвэл бүр өөрийгөө шүүснээр ямар асуудал бэрхшээл урган гарч болох вэ?

• Бидний талаарх Бурханы үзэл бодол бидний бие биеэ хардаг өнцгөөс хэр ялгаатай вэ?

Дараах сануулах үгсийг тунгаан бодоод, судлах тэмдэглэлдээ гүйцээн бич:

1. Хэн нэгэн надтай анх удаа уулзахад би хамгийн их анзаарах байх гэж боддог.

2. Тэнгэрлэг Эцэг бусад олон хүний олж хардаггүй чанаруудыг надаас олж хардаг гэдэгт би итгэдэг.

3. Би хүмүүстэй анх уулзахдаа анзаарч хардаг.

4. Хэрэв би бусдыг Тэнгэрлэг Эцэгийн адилаар харж чаддаг байсан бол надад олж харахад тусалж чадах байсан.

Та нар өнөөдөр 1 Самуел 16 шүлгийг судлахын зэрэгцээ өөрийгөө болон бусдыг Бурханы хардгийн адилаар олж харахын ач холбогдлыг мэдрэхэд Ариун Сүнснээс тусламж гуйн залбир.

Их Эзэн яагаад Самуелыг Бетлехем рүү явуулсныг олж мэдэхийн тулд 1 Самуел 16:1–5-ыг уншина уу.

• Хэрэв Их Эзэн та нарт Самуелын адил шинэ хааныг тослох үүргийг өгсөн бол та нар Иессийн хөвгүүдээс ямар зан чанарыг хайх байсан бэ?

6–13-р шүлгийг уншаад, Самуел ирээдүйн хааныг олж танихаар оролдох үед Их Эзэний заасан үнэнүүдийг олж мэд.

• Өнөө цагийн хүмүүст ойлговол тустай энэ түүхээс та нар юу мэдэж авсан бэ?

  Хамтрагчид сурч мэдсэн зүйлээ хуваалцаж дуусмагц хамтрагч нэг бүрийг олж мэдсэн нэг үнэнийг шүлгийн дугаарын хамт самбарт бичихэд урь.

  Суралцагчид Бурхан бидний жинхэнэ чадавхыг гаднах төрхөөс бус, зүрх сэтгэлээс маань олж хардаг гэхчлэн өөрсдийн үгээр өөр өөр үнэнийг бичиж болно.

• Та нар Их Эзэний эрхэмлэдэг зан чанаруудын талаар судруудаас мөн Сүмийн удирдагчдаас юу сурч мэдэж авсан бэ?

• Та нарын бодлоор хэрэв бид өөрсдийгөө болон бие биеэ Их Эзэний биднийг хардагтай адилаар хардаг байсан бол бидний бусадтай харилцах харилцаа ямар байх байсан бэ?

1-р сонголт

Тэргүүн зөвлөлийн ерөнхийлөгч асан Дийтр Ф.Угдорф ийн хэлсэн.

Тэнгэрлэг Эцэг та нарын хэр их баян чинээлэг, гоо үзэсгэлэнтэй, эрүүл чийрэг, ухаалаг гэдгийг сонирхдоггүй. Тэр та нарыг ертөнцийг харах мэт хардаггүй; Тэр та нарыг үнэхээр хэн бэ гэдгийг л хардаг. Тэр та нарын зүрхийг хардаг. Бурхан та нарт хайртай учир нь та нар Түүний хүүхдүүд. (“Та нарын гэртээ харих гайхамшигт аялал,” Ерөнхий чуулган, 2013 оны 4-р сар, 147–152)

Залуу эмэгтэйчүүдийн ерөнхий ерөнхийлөгчийн зөвлөлийн нэгдүгээр зөвлөх асан Мишэлл Д.Крэйг эгч ийн тайлбарласан.

Есүс Христ хүмүүсийг гүн рүү нь хардаг. Тэрээр хувь хүмүүсийг болон тэдний хэрэгцээг мөн тэдний хэн болж чадахыг хардаг. Бусад хүн загасчид, нүгэлтэн эсвэл татвар хураагчид гэж харсан байхад Есүс шавь гэж харсан, бусад хүн чөтгөр шүглэсэн гэж харсан байхад Есүс гаднах зовлонгоос нь цааш давж харан, түүнийг хүлээн авч эдгээсэн байдаг.

Бид завгүй энэ амьдралдаа ч гэсэн Есүсийн үлгэр жишээг даган, хувь хүмүүсийг харахдаа тэдний хэрэгцээ, итгэл, тэмцлийг болон хэн болж чадахыг нь харж болно. (“Харах нүд,” Ерөнхий чуулган, 2020 оны 10-р сар, 13–15)

2-р сонголт

3-р сонголт

3:45

Эдгээр сонголтоос аль нэгийг сонгоод, ойлгож авсан зүйлээ судлах тэмдэглэлдээ бич. Өнөөдөр судруудаас эсвэл Сүмийн удирдагчдаас Бурханы талаар сурч мэдсэн зүйлээ оруулахад анхаар.

• Зарим нэг сул тал, алдаа дутагдлыг чинь мэдэж байгаа ч та нарыг сайнаар олж хардаг нэгний тухай бич. Ийн сайнаар хардаг нь та нарын өөрсдийн талаарх бодол, сэтгэгдэлд хэр нөлөөлдөг вэ? Тэдний ийм нөлөө Тэнгэрлэг Эцэг, Есүс Христ хоёр та нарыг хэрхэн хардгийг та нарт яаж сануулдаг вэ?

• Илүү сайн таньж мэдсэнээр хайрлаж, хүндлэх болсон нэгнийхээ талаар бич. Магадгүй бусдын олж хардаггүй эсвэл та нар тэдэнтэй анх уулзахдаа олж хараагүй юуг та нар одоо тэднээс харж байна вэ? Та нар тэднийг хэрхэн харж байгаатай адилаар эсвэл Тэнгэрлэг Эцэг, Есүс Христ хоёрын хардгийн адилаар тэдэнд өөрсдийгөө харахад нь хэрхэн туслах талаар Ариун Сүнсний өдөөлтийг мэдэрч байна уу?