Хуучин Гэрээний семинарын багшийн гарын авлага

Контент
Нүүр хуудас
Багшийн гарын авлагын танилцуулга
Хуучин Гэрээний хичээлүүд
- Хуучин Гэрээний ангид тавтай морилно уу
- Мосе 1; Абрахам 3
- Эхлэл 1–2; Мосе 2–3; Абрахам 4–5
- Эхлэл 3–4; Мосе 4–5
- Эхлэл 5; Мосе 6
- Moсе 7
- Эхлэл 6–11; Мосе 8
- Эхлэл 12–17; Абрахам 1–2
- Эхлэл 18–23
- Эхлэл 24–33
- Эхлэл 37–41
- Эхлэл 42–50
- Гэтлэл 1–6
- Христийн амилсны баяр
- Гэтлэл 7–13
- Гэтлэл 14–18
- Гэтлэл 19–20; 24; 31–34
- Гэтлэл 35–40; Леви 1; 4; 16; 19
- Тооллого 11–14; 20–24; 27
- Дэд хууль 6–8; 15; 18; 29–30; 34
- Иошуа 1–8; 23–24
- Шүүгчид 2–4; 6–8; 13–16
- Рут; 1 Самуел 1–7
- 1 Самуел 8–10; 13; 15–16
- 1 Самуел 17–18; 24–26; 2 Самуел 5–7
- 2 Самуел 11–12; 1 Хаад 3; 6–9; 11
- 1 Хаад 12–13; 17–22
- 2 Хаад 2–7
- 2 Хаад 16–25
- 2 Шастир 14–20, 26, 30
- Езра 1, 3–7; Нехемиа 2, 4–6, 8
- Естер
- Иов 1–3; 12–14; 19; 21–24; 38–40; 42
- Дуулал 1–2; 8; 19–33; 40; 46
- Дуулал 49–51; 61–66; 69–72; 77–78; 85–86
- Дуулал 102–103; 110; 116–119; 127–128; 135–139; 146–150
- Сургаалт үгс 1–4; 15–16; 22; 31; Номлогчийн үгс 1–3; 11–12
- Исаиа 1–12
- Исаиа 13–14; 22; 24–30; 35
- Исаиа 40–49
- Исаиа 50–57
- Исаиа 58–66
- Иеремиа 1–3, 7, 16–18, 20
- Иеремиа 31–33; 36–38; Гашуудал 1, 3
- Езекиел 1–3; 33–34; 36–37; 47
- Даниел 1–7
- Хосеа; Иоел
- Амос; Обадиа; Иона
- Мика; Нахум; Хабаккук; Зефаниа
- Хаггаи 1–2; Зехариа 1–4, 7–14
- Малахи
Амьдралд бэлтгэх хичээл
- Төгс эзэмших сургаал: Асуултдаа хариулт олох
- Судар судлах ур чадвар
- Өсвөр үеийнхний бат бөх байдлын төлөө удирдамж
- Бие даах чадвартай болох
- Бие махбод, сэтгэл санааны эрүүл мэнд
- Ирээдүйн боловсрол, ажилд бэлтгэх
- Сургуульд амжилттай сурах
- Номлолд бэлтгэх
- Ариун сүмд бэлтгэх
- Сүмийн удирдагчдын зааврууд
Хавсралт

1 Самуел 8: Израилын хаантай болох хүсэл

“1 Самуел 8: Израил хаантай болохыг хүсэж байна,’” Хуучин Гэрээний семинарын багшийн гарын авлага (2026)

“1 Самуел 8: Израил хаантай болохыг хүсэж байна,’” Хуучин Гэрээний семинарын багшийн гарын авлага

1 Самуел 8–10; 13; 15–16: 71-р хичээл

1 Самуел 8

Израил хаантай болохыг хүсэж байна

Jesus Christ in white robes riding on a white donkey. He is passing through a brick arch into Jerusalem. Numerous people are following Him. Some of which are waving palm leaves and laying cloth on the ground in front of Him.

Эртний израилчууд өнөө үеийн олон хүний адил, Их Эзэнд дуулгавартай байхын оронд бусдын адил байх гэсэн уруу таталттай тэмцэж байсан. Их Эзэн амлагдсан нутагт олон жилийн турш Самуел шиг шүүгчдээр дамжуулан израилчуудыг удирдав. Самуелын амьдралын сүүл хэсэгт израилчууд Их Эзэний оронд “бусад үндэстнүүдэд байдаг шиг” (1 Самуел 8:5) хаантай болохыг хүссэн. Энэ хичээл нь суралцагчдад дэлхий ертөнцийн нөлөөний оронд Есүс Христийг дагахыг сонгохын ач холбогдлыг ойлгоход тусална.

Суралцагчийн бэлтгэл: Их Эзэний жишиг, зарлигуудыг дагах хэрэггүй гэж үе тэнгийнхнээс нь тулгадаг аливаа дарамт шахалтыг жагсаан бичихэд суралцагчдыг урь. Эдгээр дарамт шахалтад бууж өгөхийн оронд Есүс Христийг дагах нь тэдний амьдралд ямар өөрчлөлт гаргах талаар тунгаан бодоход суралцагчдыг урь.

Боломжит суралцах үйл ажиллагаа

Шийдвэр гаргалт

Шийдвэр гаргахад нь юу нөлөөлдөг талаар бодоход нь суралцагчдад туслахын тулд дараах мэдэгдлийг самбар дээр бичих талаар бодож үз. Суралцагчид уг өгүүлбэрийг гүйцээж, ангиараа эсвэл жижиг бүлгүүдэд хуваагдан, дагалдах асуултуудад хариулж болно.

Зарим өсвөр насны хүүхэд “бусад хүн бүр л үүнийг хийж байгаа” учраас хүсдэг.

Хэрэв ингэж хийсэн шалтгаан нь энэ байсан бол тухайн өсвөр насны хүүхэд ямар сорилт бэрхшээлтэй тулгарч болох байсан бэ?
Эдгээр зүйлийг хийх болсон шалтгаан нь Тэнгэрлэг Эцэг, Есүс Христ хоёртой харилцах тэдний харилцаанд хэрхэн нөлөөлж болох вэ?

Үе тэнгийнхнийх нь дарамт шахалт тэдний амьдралд хэрхэн нөлөөлж болох талаар тунгаан бодох боломжийг суралцагчдад олго. Үүнийг гүйцэтгэх нэг арга бол дараах зааврыг суралцагчдад өгч, хэмжүүрийг үзүүлэх явдал юм.

Таны амьдралдаа гаргадаг шийдвэрүүдэд юу нөлөөлдөг талаар бодож үз. Дараах хэмжүүрийг судлах тэмдэглэл дээрээ зур. Өөрийгөө уг хэмжүүр дээр хаана байрлуулахаар байна тэр газраа жижгээр зур.

Амьдралд нь тодорхой нэг шийдвэр гаргахад юу нөлөөлж болохыг ойлгоход нь суралцагчдад туслахын тулд тэд өөрсдөө эсвэл та тэдэнд тулгарч байгаа шийдвэрүүдийн жишээг үзүүлж болно. Байж болох жишээнүүдэд тэд хэрхэн хувцасладаг, зугаа цэнгэл, медиа хэрэгсэлдээ юуг сонгодог, цагаа хэрхэн өнгөрөөдөг гэх зэрэг багтаж болно. Та эдгээр жишээг нэг нэгээр нь хуваалцаж, жишээ бүрийн хэмжүүрт нэмэлт хүний дүрс зурахад суралцагчдыг урьж болно.

1 Самуел 8-ыг судалж, өөрсдийн гаргасан шийдвэрүүдийн талаар тунгаан бодох үедээ Ариун Сүнсний нөлөөг эрэлхийлэхэд суралцагчдыг урь.

“Бусад үндэстнүүдэд байдаг шиг” хаан

Амлагдсан нутагт олон жилийн турш Их Эзэн Самуел шиг шүүгчдээр дамжуулан израилчуудыг удирдсан. Самуелыг нас ахихын хэрээр Израилын ахмадууд нэгэн хүсэлттэйгээр түүн дээр ирсэн.

1 Самуел 8:4–7-г уншаад, хичээлийн эхэнд гарсан уг өгүүлбэрийг Израилын хүүхдүүд хэрхэн гүйцээн бичих байсныг олж мэд.

Израилын хүүхдүүд юу хүсдэг байсан бэ?
Хаантай болохыг хүссэн тэдний шалтгаан Самуелд яагаад таалагдахгүй гэж та бодож байна вэ?

Их Эзэн Самуелд өөрийнхөө хүмүүсийн буруу сонголтыг сонс хэмээн хэлсэн нь гайхалтай санагдаж магадгүй (7-р шүлгийг үзнэ үү). Тэнгэрлэг Эцэг сонгох эрхийг хүндэтгэдэг бөгөөд биднийг зөвийг сонгоход хүчилдэггүй. Гэсэн хэдий ч, израилчуудыг эцсийн шийдвэр гаргахаас өмнө Их Эзэн тэднийг хангалттай хайрлаж, Самуелаар дамжуулан сонголтынх нь үр дагаврын талаар сэрэмжлүүлсэн (1 Самуел 8:9-ийг үзнэ үү).

Сайн мэдээний үнэнийг судрууд хэрхэн харуулж байгааг ойлгоход нь суралцагчдад туслах нэг арга зам бол самбар дээр үнэнийг бичих явдал юм. Дараа нь суралцагчдыг судрын нэг хэсгийг судалж, уг үнэний нотолгоог олж мэдэхэд урь.

Самбарт дараах үнэнүүдийг харуулах талаар бодож үз. Суралцагчид хамтрагчтайгаа хамт дагалдах шүлгүүдийг уншаад, олж мэдсэн зүйлээ ярилцахын тулд хоёр шүлэг бүрийн дараа түр зогсож болно.

Их Эзэний хайраар дүүрэн зөвлөгөөний оронд дэлхий ертөнцийг дагахыг сонгох нь зовлон зүдүүр, харамсал гашуудал руу хөтлөх болно.

1 Самуел 8:10–18-ыг судлах явцдаа энэ үнэнийг заахад туслах үг, хэллэгүүдийг олж мэд.

Суралцагчдыг дараах асуултуудад хариулахдаа өөрсдийнхөө таньдаг хүмүүсийн нэр, тодорхой мэдээллийг хуваалцахгүй байхыг сануул. Тэдний болон бусдын амьдралаас эсвэл судруудаас болон Сүмийн түүхэн дэх болсон явдлаас жишээ авч болно.

Та дэлхий ертөнцийг дагахыг сонгох нь зовлон зүдүүр, харамсал гашуудалд хөтөлсөн ямар жишээнүүдийг олж харсан бэ?
Та Тэнгэрлэг Эцэгийг болон Есүс Христийг дагахаар сонгох нь баяр баясгалантай болгож, Тэдэнтэй илүү бат бөх харилцаатай болоход хөтөлдгийг хэрхэн олж харсан бэ?

Дэлхий ертөнцийн дарамт шахалтын оронд Их Эзэнийг сонгох нь

Дараах үйл ажиллагаа нь хэн нэгний хий эсвэл итгэ гэж тулган шахаж буй уруу таталтад бууж өгөхөөс хамгаалахын тулд Их Эзэний өгсөн зөвлөгөөг олж мэдэхэд суралцагчдад тусална. Та 1 ба 2-р алхмыг гүйцэтгэхийн тулд суралцагчдыг жижиг бүлгүүдэд хуваарилж болно. Дараа нь тэд 3-р алхмыг бие даан гүйцэтгэнэ.

Дараах заавруудыг үзүүл.

Эргэн тойрныхоо Сүмийн өсвөр насны гишүүдийн хий эсвэл итгэ гэсэн дарамт шахалтыг мэдэрч болох ямар нэг зүйлийг сонго.
Сонгосон дарамт шахалтынхаа талаар дараах асуултуудад хариулахын тулд судрууд, судраас судлах тусламж, Залуучуудын бат бөх байдлын төлөө: Сонголт хийхэд туслах хөтөч эсвэл Gospel Library аппликэйшн зэргийг ашигла.
1. Энэ талаар Их Эзэн бидэнд ямар зөвлөгөө өгсөн бэ?
2. Их Эзэн Өөрийг нь дэлхий ертөнцийн нөлөөллөөс илүүд үзэж сонгосон хүмүүст ямар ямар адислалыг амласан бэ?
Тэнгэрлэг Эцэг, Есүс Христ хоёрын талаарх итгэдэг зүйлсийнхээ талаар бодож үз. Энэ мэдлэг нь дэлхий ертөнцийн дарамт шахалтын оронд Тэднийг дагахад тань хэрхэн тусалж болох талаар хоёр өгүүлбэр бич.

Хангалттай хугацаа өнгөрсний дараа сурч мэдсэн зүйлсээсээ бусадтай хуваалцах боломжийг суралцагчдад гаргаж өг.

Ойлголтоо харуулах

Энэ хэсэг нь өнөөдөр сурсан зүйлийнхээ талаар ойлголтоо харуулах боломжийг суралцагчдад олгох зорилготой.

1 Самуел 8:19–22-ыг уншаад, хаантай болохыг хүссэн тухайд Их Эзэний өгсөн сэрэмжлүүлэгт Израил хэрхэн хандсаныг олж мэд.

Та израилчуудад эцсийн шийдвэр гаргахаас нь өмнө өнөөдөр олж мэдсэн зүйлсээсээ юуг хэлэхийг хүсэх байсан бэ?

Их Эзэн Израилын сонгох эрхэд хүндэтгэлтэй ханддаг байсан бөгөөд Саулыг Израилын хаан гэж дуудахыг Самуелд зааварласан гэдгийг ирээдүйд заагдах хичээлүүд дээрээс олж мэдэх нь суралцагчдад тустай байх болно (1 Самуел 9–10-ыг үзнэ үү).

Нэмэлт эх сурвалжууд

Бид дэлхийн дарамт шахалт, дуу хоолойг хэрхэн даван туулах вэ?

Ерөнхийлөгч Рассэлл М.Нэлсон ийн тайлбарласан.

5:49

Дэлхийн нөлөө, дарамт шахалт тоймгүй их бас сэтгэл татам байдаг ч дэндүү олон янзын нөлөө нь биднийг төөрөлдүүлж, толгойг маань эргүүлэн, гэрээний замаас биднийг холдуулж чадна. Үүнээс болж зайлшгүй тохиох цөхрөл гунигаас зайлсхийхийн тулд би өнөөдөр та бүхнээс амьдралдаа өдөр бүр Их Эзэнд зориулан цаг гаргаж, дэлхийн уруу таталтыг сөрөн зогсохыг хүсэж байна. (“Их Эзэнд зориулан цаг гарга,” Лиахона, 2021 оны 11-р сар, 120–121)

Өсвөр үеийнхний бат бөх байдлын төлөө: Сонголт хийхэд туслах хөтөч дээр ингэж заадаг.

[Тэнгэрлэг Эцэг] та нарыг дэлхийд өөрчлөлт гаргаж чадна гэдгийг мэддэг бөгөөд энэ нь олон тохиолдолд дэлхийнхнээс өөр байхыг шаарддаг. Сонголт хийхдээ Тэнгэрлэг Эцэгийн удирдамжийг эрэлхийл. Тэрээр Ариун Сүнсээр дамжуулан та нарыг сүнслэг өдөөлтөөр адислах болно. (“Өсвөр үеийнхний бат бөх байдлын төлөө: Сонголт хийхэд туслах хөтөч” [2022], 4)

Их Эзэний зөвлөгөөг үл тоомсорлох нь ямар үр дагавартай вэ?

Арван хоёр төлөөлөгчийн чуулгын ахлагч Дийтр Ф.Угдорф ийн заасан.

Мормоны Ном бидэнд Аврагчийг дагахын оронд эгэл чанартаа бууж өгөхийн үр дагаврыг байнга сануулдаг. Ийн үйлдэх үедээ бидний үйлдэл цөхрөл, боолчлол, зовлон зүдүүр, харамсал гашуудал руу зайлшгүй хөтөлдөг.

Бурхан бидэнд хэрхэн бодож, үйлдэхээ сонгох эрх чөлөөний үнэт бэлгийг өгсөн. Бид Бурханы эсвэл Түүний бошиглогчдын үгсийг эсэргүүцэж болно. Тэр ч байтугай бидний сонгосон зам маань илүү дээр гэж бодож болох юм. Энэ нь бидэнд ядаж л эхэндээ таатай санагдаж болох юм. Тэр ч байтугай хэсэг хугацаанд сайхан санагдаж болох юм. Гэхдээ бид шийдвэрийнхээ үр дагавраас хэзээ ч зугтаж чадахгүй. (“Avoiding Lighthouses and Searching for Light,” Залуучуудын бат бөх байдлын төлөө, 2022 оны 6-р сар, 5)

Яагаад Их Эзэн Самуелд хүмүүсийн үгийг сонсож, тэдэнд хааныг өг гэж хэлсэн бэ?

Ерөнхийлөгч Эзра Тафт Бэнсон (1899–1994) ийн тайлбарласан.

Заримдаа хүмүүст өөрсдийн гунигт явдлаас суралцаасай гэж тэдний ухаалаг бус хүсэлтийг Бурхан түр хугацаагаар хүлээн авдаг. Зарим хүн үүнийг “Самуелын зарчим” гэж нэрлэдэг. …

Заримдаа бид дэлхийг дуурайх гэж оролдсондоо мөн бошиглогчийн зөвлөгөөг эсэргүүцэн, дэлхийн боловсрол, улс төр, хөгжмийн болон хувцаслалтын хуурамч санаануудын араас хөөцөлддөг. Дэлхийн шинэ жишгүүд тогтож, аажим аажмаар задран унадаг бөгөөд эцэст нь, асар их зовлон зүдгүүрийн дараа даруу төлөв хүмүүс дээд хуулийг дахин заалгахад бэлэн болдог. (“Jesus Christ—Gifts and Expectations,” New Era, 1975 оны 5-р сар, 17–18)

Нэмэлт суралцах үйл ажиллагаанууд

1 Самуел 8:20: Есүс Христ бидний төлөө юу хийдэг вэ?

1 Самуел 8:20 дээр израилчууд өөрсдийнх нь төлөө шинэ хаан юм хийнэ гэж найдаж байсан шиг Их Эзэн бидний төлөө юу хийдгийг суралцагчид ойлгох нь чухал юм. Та самбар дээр гурван гарчиг бичиж болно: Есүс Христ бол бидний Шүүгч, Есүс Христ биднийг удирддаг, Есүс Христ бидний төлөөх тулаанд тулалддаг. Дараа нь суралцагчид нэг гарчиг сонгоод, үүнийгээ дэмжих судруудыг тодорхойлж эсвэл хувийн туршлагаасаа хуваалцаж болно.

Хэрэв суралцагчдад тусламж хэрэгтэй бол та дараах судруудын заримыг өгч болно.

Есүс Христ бол бидний Шүүгч: Исаиа 33:22; Сургаал ба Гэрээ 64:10–11

Есүс Христ биднийг удирддаг: Гэтлэл 13:18; Исаиа 48:17; Алма 36:28

Есүс Христ бидний төлөөх тулалдаанд тулалддаг: Иошуа 23:10; 2 Шастир 20:15; Сургаал ба Гэрээ 105:14

1 Самуел 9: Бидний бурханлаг мөн чанар

Суралцагчид Саулын өөрийнхөө талаар юу гэж боддогийг Их Эзэний түүнийг хэрхэн хардагтай харьцуулснаар Бурханы хүүхдүүдийн хувьд өөрсдийн мөн чанарын ач холбогдлыг мэдэрч чадна. Үүний тулд, Саулд өөрийг нь Израилын хаан гэж дуудахад ямар мэдрэмж төрсөн болохыг мэдэхийн тулд суралцагчид 1 Самуел 9:21-ийг уншиж болно. 1 Самуел 9:2-ыг уншаад, Их Эзэн Саулыг хэрхэн хардаг болохыг харуулсан үг, хэллэгүүдийг олж тогтооход суралцагчдыг урь.

Тэнгэрлэг Эцэг, Аврагч хоёрын өөрсдийг нь хардгаас өөрөөр өөрсдийгөө хэрхэн харж болох талаар тунгаан бодох цөөн минутыг суралцагчдад гаргаж өгөх талаар бодож үз. Ингэхийн тулд суралцагчид дараах асуултуудад хариулж бичиж болно.

Өөрийгөө мөнхийн талаас нь харах нь Бурханы хүүхэд хэмээх бурханлаг мөн чанараа олж харахад надад хэрхэн туслах вэ?

Түүнээс гадна, та “Гайхалтай үр дүнтэй” гэсэн гарчигтай видеог цагийн код 12:25-аас 14:48 хүртэл үзэж болно. Тэргүүн Зөвлөлийн ерөнхийлөгч Дийтр Ф.Угдорфын үгийг сонсох үедээ өөрсдөд нь төрсөн сэтгэгдлийг бичихэд суралцагчдыг урь.

17:56

1 Самуел 9: Самуелын үзмэрчийн ажил

Их Эзэн Саулыг Израилын хаан болгон дуудахдаа үзмэрч Самуелаа хэрхэн ашигласныг харснаар бошиглогч буюу үзмэрчийн талаар илүү ихийг мэдэх нь суралцагчдад ашиг тустай байж болно. Саулын эцэг Киш алдагдсан малаа олуулахаар Саулыг болон зарцаа илгээсэн гэдгийг тайлбарла. Зарц нь малыг олж чадаагүй тул “үзмэрч” буюу “Бурханы хүн” Самуел дээр очиж, тусламж авахыг санал болгожээ (1 Самуел 9:8–11). Та Тэргүүн зөвлөлийн болон Арван хоёр төлөөлөгчийн чуулгын гишүүдийг бошиглогч, үзмэрч, илчлэгчид гэж дэмжин баталдаг болохыг суралцагчдад сануулж болно.

Суралцагчид 1 Самуел 9:14–24-ийг уншиж, Самуел Их Эзэний үзмэрч байсны нотолгоог олж харж болно. Дараа нь суралцагчид бошиглогч, төлөөлөгчид өнөө үед хэрхэн үзмэрч болж үйлчилж байгаа талаар ярилцаж болно.

Бидний сонголтын үр дагавар

Дэлхийн дарамт шахалтыг дагахад эсвэл Их Эзэнийг дагаснаас ирдэг үр дагавруудыг ойлгоход нь суралцагчдад туслахын тулд дараах видеонуудаас нэгийг үзүүлэх талаар бодож үз. Суралцагчдыг хичээлийн “Дэлхийн дарамт шахалтын оронд Их Эзэнийг сонгох нь” хэсгийн үйл ажиллагааг дуусгасны дараа тэдгээрийг ашиглаж болно.

“Үдэшлэгээс гарч яв” (6:26). Суралцагчид эдгээр залуу хэнийг дагахаар сонгосныхоо төлөө хүртсэн үр дагаврын ялгааг тодорхойлж болно.

6:26

“Амьдралаас авсан сургамж,” цагийн код 6:15-аас 8:00 хүртэл. Арван хоёр төлөөлөгчийн чуулгын ахлагч Жозеф Б.Вөртлин (1917–2008) хийсэн сонголтынхоо болон үүнээс болж зайлсхийсэн үр дагавруудынхаа талаар хуваалцжээ.

13:1

Хэрэв ахлагч Вөртлин өөр шийдвэр гаргасан бол ямар үр дагаварт хүрэх байсан талаар суралцагчид ярилцаж болно.