1 Самуел 15

• Та аль хоолыг идэхээр сонгох вэ? Та алийг нь идэхгүй байхаар сонгох вэ? Яагаад?

Ерөнхийлөгч Рассэлл М.Нэлсоны хэлсэн дараах үгийг уншаад, Бурханы зарлигуудад дуулгавартай байх бидний хандлага хоол хүнсээ хэрхэн сонгохоос хэрхэн ялгаатай байх ёстойг олж мэд.

14:32

Бурханы бүх зарлиг нь Түүний хүүхдүүдийг адисалж, тэдэнд баяр баясгаланг авчрах болно гэдгийг мэдсэний үндсэн дээр зарлигуудыг сахих итгэлтэй байгаарай. Ямар зарлигуудыг сахих, ямар зарлигуудыг сахихгүй байхыг сонгож болно гэж хэлэх хүмүүстэй [та] тааралдах болно. Үүнийг би дуулгавартай байдалд хандахдаа зоогийн газарт хоол сонгож буй мэт хандаж байгаа хэрэг гэж боддог. Зарлигуудыг сонгож байж сахих нь явуургүй бөгөөд зөвхөн зовлон руу хөтөлнө. Бурхантай уулзахаар бэлтгэхийн тулд хүн Түүний бүх зарлигийг сахих ёстой. Зарлигуудыг дуулгавартай дагахад итгэл шаарддаг бөгөөд Түүний зарлигуудыг дагах нь итгэлийг бэхжүүлдэг. (“Ирээдүйг итгэлээр угт,” Ерөнхий чуулган, 2011 оны 4-р сар, 34)

• Хэн нэгэн яагаад Бурханы зарим зарлигийг дагахгүй байхыг сонгож болох вэ?

Дараах асуултуудыг дотроо тунгаан бодож, Бурханы зарлигуудад дуулгавартай байх өөрийн арга барилыг тунгаан бод.

• Та сахихыг хүсэж буй эсэхдээ итгэлгүй байгаа зарлиг эсвэл жишгийг сонссон үедээ ямар хариу үйлдэл үзүүлдэг вэ?

• Бурханы бүх зарлигт дуулгавартай байх нь таны хувьд хэр чухал вэ?

Өнөөдөр суралцах явцдаа Бурханы бүх зарлигийг дуулгавартай дагахын ач холбогдлыг ойлгохын тулд Сүнсний тусламжийг эрэлхийл.

Их Эзэн Самуелд израилчуудад хаантай болохыг зөвшөөр хэмээн хэлснийхээ дараа Саул гэгч залуу эрэгтэйг хаан болгон тослохыг зааварласан (1 Самуел 8–10-ыг үзнэ үү). Филистчүүд довтлохоор заналхийлэхэд Саул өөрийн хийх эрхгүй золиосыг өргөж, Их Эзэний зарлигийг зөрчсөн (1 Самуел 13:8–9-ийг үзнэ үү). Тэгээд Самуел дуулгаваргүй байдлынхаа үр дагавруудын талаар Саулд заасан (1 Самуел 13:10–14-ийг үзнэ үү). 15-р бүлэгт Саул Их Эзэний зааврыг ягштал дагахгүй байгаа үеийнхтэй адил загварыг харж болно.

1 Самуел 15:1–3, 7–9-ийг унш. Тэнд Их Эзэн Саулд болон түүний армид тодорхой зарлигуудыг өгсөн. Уншиж байхдаа Саул болон түүний арми аль аль зарлигийг дуулгавартай дагахаар сонгосон мөн аль зарлигуудыг нь дагахгүй байхаар сонгосон болохыг олж мэд.

• Ерөнхийлөгч Нэлсоны заасан үнэн Саулд болон түүний армид хэрхэн туслах байсан бэ?

Амалекчуудтай тулалдсаны дараа Самуел Саулд өөрийнх нь болон цэргүүдийнх нь дуулгаваргүй байдлын талаар ярив.

1 Самуел 15:13–24-ийг уншаад Бурханы зарлигуудад дуулгаваргүй байх сонголтыг хийсэн Саулын шийдвэрт нөлөөлсөн хандлага, шалтгуудыг олж мэд.

Өнөө үед хүмүүсийн үл тоомсорлох, тоохгүй байхаар сонгож болох зарим зарлигийн жагсаалтыг гарга.

Бүлэг бүрээс өөрсдийн жагсаалтаас нэг зарлигийг сонгохыг хүс. Хэн нэгэн өсвөр насны хүүхэд 1 Самуел 15 дээрээс тодорхойлсон зарим хандлага эсвэл өөрийгөө зөвтгөх үйлдлийг гаргаж, уг зарлигийг дагахгүй байхаар уруу татагдаж болох нөхцөл байдлын жишээг тэднээр зохиолгуул. Эсвэл та ChurchofJesusChrist.org дээрх “Үнэнч шударга байдал: Чи үүнд итгэсэн нь дээр!” (4:46) гэдгийг үзэж болно. Уг видеог цагийн код 1:27 дээр зогсоогоод, тухайн залуу эмэгтэйн нөхцөл байдлыг жишээ болгон ашиглахад суралцагчдыг урь. (Та суралцагчдыг доорх асуултуудад хариулсны дараа видеоны төгсгөл хэсгийг үзүүлж болно.)

4:47

Өөрсдийн жишээг ашиглан доорх асуултуудыг бүлгийнхэнтэйгээ ярилцахад урь.

• Энэ нөхцөл байдалд байгаа хүн Саулын ашигласан хандлагад эсвэл өөрийгөө зөвтгөх байдлыг ашиглахад хэрхэн уруу татагдаж болох вэ?

• Энэ зарлигийг дуулгавартай дагах эсвэл дагахгүй байх сонголтууд нь эцэстээ хэрхэн баяр баясгалан эсвэл зовлон шаналал руу хөтөлж болох вэ?

• Хэрэв бид ийм нөхцөл байдалд орсон бол Бурханд дуулгавартай байхыг сонгоход бидэнд сайн мэдээний холбогдох ямар сургаал туслах байсан бэ?

Арван хоёр төлөөлөгчийн чуулгын ахлагч Д.Тодд Кристоффэрсон Тэнгэрлэг Эцэг, Есүс Христ хоёр яагаад биднийг дагах ёстой гэсэн хуулиудыг өгдгийг ойлгоход бидэнд ийн тусалсан.

13:12

Эцэгийн мөн Хүүгийн хайр үнэгүй өгөгдсөн ч гэлээ, давхар найдлага, хүлээлтийг агуулдаг. … Ерөнхийлөгч Нэлсоны үгийг дахин эш татъя. “Бурханы хуулиуд биднийг гэх Түүний хязгааргүй их хайраас мөн чадавхаа бүрэн дүүрэн ашиглаасай хэмээх хүслээс бүрэн үүдэлтэй.”

Тэд та нарт хайртай учраас, та нарыг “байгаагаар чинь” үлдээхийг хүсдэггүй. Тэд та нарт хайртай учраас, та нарыг баяр баясгалантай, амжилттай байгаасай хэмээн хүсдэг. Тэд та нарт хайртай учраас та нарыг наманчлаасай гэж хүсдэг, учир нь энэ бол аз жаргалд хүрэх зам юм. Гэхдээ энэ бол та бүхний сонголт. Тэд таны сонголтыг хүндэтгэдэг. Та нар Тэднийг хайрлаж, Тэдэнд үйлчилж, зарлигуудыг нь сахихаар сонгох ёстой. Улмаар Тэд та нарыг илүү ихээр адисалж мөн хайрлах болно. (“Бурханы хайр,” Ерөнхий чуулган, 2021 оны 11-р сар, 16–18)

• Та Бурханы зарлигууд тийм ч чухал биш гэж боддог хэн нэгэнтэй энэ үгээс юуг хуваалцах вэ?

• Бурханы тодорхой зарлигийг сахих нь “баяр баясгалантай, амжилт бүтээлээр дүүрэн” байхад тань хэрхэн тусалсан бэ?

Судлах тэмдэглэл дээрээ дараах үйл ажиллагаануудын нэгийг сонгож гүйцэтгэ.

1. Танд Хожмын үеийн гэгээнтэн бөгөөд зарим зарлигийг зөрчихийг зөвтгөдөг найзууд байна гэж төсөөл. Тэд таныг ч бас ингэхийг шахаж шаардаж байсан. Бурханы зарлигуудыг дагахад тань туслах юуг энэ хичээлээс санахыг хүсэж байгаагаа бич.

2. Хоосон зайг бөглө: Би Бурханы зарлигуудад дуулгавартай байхыг хүсдэг, учир нь . Өнөөдөр мэдэрсэн буюу сурч мэдсэн зүйлээс маань санахыг хүсэж байгаа зүйл бол .